കുറ്റ്യാടിയിൽ കുട്ടിക്കൂട്ടങ്ങളുടെ ‘ഗുണ്ടാവിളയാട്ടം’

കു​റ്റ്യാ​ടി: സ്​​കൂ​ളു​ക​ളി​ലും ടൗ​ണി​ലും കു​ട്ടി​ക്കൂ​ട്ട​ങ്ങ​ളു​ടെ ഗു​ണ്ടാ​വി​ള​യാ​ട്ടം പൊ​ലീ​സി​നും നാ​ട്ടു​കാ​ർ​ക്കും ത​ല​വേ​ദ​ന​യാ​വു​ന്നു. ക​ള്ളാ​ട്​ താ​ഴെ​ക​രു​ണാം​വീ​ട്ടി​ൽ ഫൈ​സ​ലി​ന്റെ മ​ക​ൻ മു​ഹ​മ്മ​ദ്​ ഷാ​മി​ലി​നെ​യാ​ണ്​ (20) ചൊ​വ്വാ​ഴ്ച രാ​ത്രി കു​റ്റ്യാ​ടി വ​യ​നാ​ട്​ റോ​ഡി​ലെ റെ​ഡി​മെ​യ്​​ഡ്​ ഷോ​പ്പി​ൽ ക​യ​റി ക്രൂ​ര​മാ​യി മ​ർ​ദി​ച്ച​ത്.

പ​രി​ക്കു​ക​ളോ​ടെ കോ​ഴി​ക്കോ​ട്​ മെ​ഡി​ക്ക​ൽ കോ​ള​ജ് ആ​ശു​പ​ത്രി​യ​ൽ ചി​കി​ത്സ തേ​ടി. കു​റ്റ്യാ​ടി പൊ​ലീ​സ്​ മൊ​ഴി​യെ​ടു​ത്തു. അ​മ്പ​തോ​ളം പേ​ർ രാ​ത്രി പ​ത്ത​ര​ക്ക്​ ക​ട​യി​ൽ എ​ത്തി ത​ന്നെ​യും ക​ട​യി​ലു​ണ്ടാ​യി​രു​ന്ന നാ​ജി​ദി​നെ​യും മ​ർ​ദി​ക്കു​ക​യാ​ണു​ണ്ടാ​യ​തെ​ന്ന്​ ഷാ​മി​ൽ പ​റ​ഞ്ഞു.

മ​ർ​ദ​ന​ത്തി​ന്​ ശേ​ഷ​വും സ്ഥ​ല​ത്ത്​ ത​മ്പ​ടി​ച്ചു നി​ന്ന​വ​രെ പൊ​ലീ​സ്​ എ​ത്തി​യാ​ണ്​ മാ​റ്റി​യ​ത്. നേ​ര​ത്തേ ദേ​വ​ർ​കോ​വി​ലി​ൽ ഇ​വ​രു​ടെ മു​ന്നി​ലൂ​ടെ ഹോ​ണ​ടി​ച്ച്​ പോ​ന്ന​തി​നാ​ണ് ആ​ക്ര​മ​ണം. അ​ന്ന് മ​ർ​ദി​ക്കു​ക​യും പി​ന്നീ​ട് പ്ര​ശ്​​നം പ​റ​ഞ്ഞു തീ​ർ​ത്ത​തു​മാ​ണ്.

മ​റ്റൊ​രു കു​ട്ടി​ക്കും മു​മ്പ്​ സം​ഘ​ത്തി​ന്റെ മ​ർ​ദ​ന​മേ​റ്റി​രു​ന്നു. ക​ഴി​ഞ്ഞ മാ​സം കു​റ്റ്യാ​ടി ഗ​വ. ഹ​യ​ർ​സെ​ക്ക​ൻ​ഡ​റി സ്​​കൂ​ളി​ലെ പ്ല​സ്​ വ​ൺ വി​ദ്യാ​ർ​ഥി​യെ പ​ല്ല്​ അ​ടി​ച്ചു തെ​റി​പ്പി​ച്ച​വ​ർ ഈ ​കൂ​ട്ട​ത്തി​ലു​ണ്ടെ​ന്നും ആ​രോ​പ​ണ​മു​ണ്ട്. ഇ​തി​നു മു​മ്പും സം​ഘ​ർ​ഷം ന​ട​ന്ന​തി​നാ​ൽ സ്​​കൂ​ൾ പ​രി​സ​ര​ത്ത്​ പൊ​ലീ​സ്​ കാ​വ​ൽ നി​ന്നി​ട്ടും മ​റ്റു വ​ഴി​യി​ലൂ​ടെ വ​ന്ന്​ കു​ട്ടി​യെ മ​ർ​ദി​ക്കു​ക​യാ​യി​രു​ന്നു.

അ​ന്ന്​ കു​റ്റ്യാ​ടി പൊ​ലീ​സ്​ റാ​ഗി​ങ്​ വി​രു​ദ്ധ നി​യ​മ​പ്ര​കാ​രം കേ​സെ​ടു​ത്ത​താ​ണ്. നൂ​റോ​ളം പേ​രു​ള്ള വാ​ട്​​സ്ആ​പ് ഗ്രൂ​പ്​ രൂ​പ​വ​ത്​​ക​രി​ച്ച്​ ആ​വ​ശ്യ സ​മ​യ​ത്ത്​ വി​ളി​ച്ചു​കൂ​ട്ടി ‘അ​റ്റാ​ക്ക്’​ ന​ട​ത്തു​ക​യാ​ണ്​ രീ​തി​യെ​ന്നും പ​റ​യ​പ്പെ​ടു​ന്നു.