പയ്യോളിക്കാർ പറയുന്നു, ഇങ്ങനെയെങ്കിൽ പഴയ റോഡുതന്നെ മതിയായിരുന്നു

പ​യ്യോ​ളി: കാ​ൽ​ന​ട​യാ​ത്ര പോ​ലും അ​സാ​ധ്യ​മാ​യ രീ​തി​യി​ൽ ഇ​ങ്ങ​നെ പൊ​ളി​ച്ചി​ടു​ന്ന​തി​നേ​ക്കാ​ൾ ഭേ​ദം ശോ​ച്യാ​വ​സ്ഥ​യി​ലാ​യി​രു​ന്ന പ​ഴ​യ റോ​ഡു​ത​ന്നെ മ​തി​യാ​യി​രു​ന്നു​വെ​ന്നാ​ണ് പ​യ്യോ​ളി ആ​വി​ക്ക​ൽ-​കൊ​ളാ​വി​പ്പാ​ലം റോ​ഡ് നി​വാ​സി​ക​ൾ പ​റ​യു​ന്ന​ത്. റോ​ഡ് റീ ​ടാ​ർ ചെ​യ്ത് ന​വീ​ക​രി​ക്കു​ന്ന​തി​നാ​യി നി​ല​വി​ലെ റോ​ഡ് പൊ​ളി​ച്ച ശേ​ഷം പ്ര​വൃ​ത്തി പൂ​ർ​ണ​മാ​യും നി​ല​ച്ചി​രി​ക്കു​ക​യാ​ണ്. തീ​ര​ദേ​ശ​ത്തെ ഏ​റ്റ​വും പ്ര​ധാ​ന റോ​ഡു​ക​ളി​ലൊ​ന്നാ​ണ് ഇ​പ്പോ​ൾ വാ​ഹ​ന​ങ്ങ​ൾ​ക്ക് സ​ഞ്ച​രി​ക്കാ​ൻ പ​റ്റാ​ത്ത രീ​തി​യി​ൽ മു​മ്പു​ണ്ടാ​യി​രു​ന്ന ടാ​റി​ങ് പൊ​ളി​ച്ചു​വെ​ച്ച നി​ല​യി​ലാ​യി​ട്ടു​ള്ള​ത്. പ​യ്യോ​ളി ബീ​ച്ച് റോ​ഡ്- ആ​വി​ക്ക​ൽ ജ​ങ്ഷ​നി​ൽ നി​ന്നും കൊ​ളാ​വി​പ്പാ​ല​ത്തേ​ക്ക് പോ​കു​ന്ന ഏ​ക​ദേ​ശം നാ​ല് കി​ലോ​മീ​റ്റ​ർ റോ​ഡാ​ണ് പൊ​ളി​ച്ചി​ട്ടി​രി​ക്കു​ന്ന​ത്.

ബ​സു​ക​ൾ കു​റ​വാ​യ റൂ​ട്ടി​ൽ ഓ​ട്ടോ​റി​ക്ഷ​ക​ൾ മാ​ത്ര​മാ​ണ് പൊ​തു​വാ​ഹ​ന​മാ​യി ജ​ന​ങ്ങ​ളു​ടെ ആ​ശ്ര​യം. എ​ന്നാ​ൽ, ഓ​ട്ടോ​ക​ൾ​ക്കു​പോ​ലും സ​ഞ്ച​രി​ക്കാ​ൻ പ​റ്റാ​ത്ത അ​വ​സ്ഥ​യാ​ണ് നി​ല​വി​ലു​ള്ള​ത്. റോ​ഡി​ന്റെ ഈ ​അ​വ​സ്ഥ കാ​ര​ണം ഇ​രു​ച​ക്ര വാ​ഹ​ന​ങ്ങ​ൾ അ​പ​ക​ട​ത്തി​ൽ പെ​ടു​ന്ന​തും പ​തി​വാ​ണ്.

ന​ഗ​ര​സ​ഭ​യി​ലെ പ​തി​ന​ഞ്ചോ​ളം വാ​ർ​ഡു​ക​ളി​ലെ ജ​ന​ങ്ങ​ൾ പ്ര​ധാ​ന​മാ​യും ആ​ശ്ര​യി​ക്കു​ന്ന റോ​ഡാ​ണ് ഭൂ​രി​ഭാ​ഗം സ്ഥ​ല​ങ്ങ​ളി​ലും നി​ർ​മാ​ണം തു​ട​ങ്ങാ​തെ റോ​ഡ് പൊ​ട്ടി​ച്ചി​ട്ടി​രി​ക്കു​ന്ന​ത്. ചി​ല ഭാ​ഗ​ത്ത് ടാ​റി​ങ് പൊ​ളി​ക്കാ​തെ​യും ബാ​ക്കി​വെ​ച്ചി​ട്ടു​ണ്ട്. ഭ​ഗ​വാ​ൻ​മു​ക്ക്, ഗാ​ന്ധി​ന​ഗ​ർ, സേ​വ​ന​ന​ഗ​ർ, ന​ർ​ത്ത​ന, ശ്രീ​കൃ​ഷ്ണ ക്ഷേ​ത്ര പ​രി​സ​രം തു​ട​ങ്ങി​യ സ്ഥ​ല​ങ്ങ​ളി​ലൂ​ടെ ക​ട​ന്നു​പോ​കു​ന്ന റോ​ഡ് താ​രാ​പു​രം ജ​ങ്ഷ​ൻ വ​രെ ഇ​തേ അ​വ​സ്ഥ​യി​ലാ​ണു​ള്ള​ത്.

എം.​എ​ൽ.​എ ഫ​ണ്ടി​ൽ നി​ന്നും ര​ണ്ടു കോ​ടി​യോ​ളം രൂ​പ അ​നു​വ​ദി​ച്ചാ​ണ് ക​രാ​റു​കാ​രാ​യ ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സൊ​സൈ​റ്റി നി​ർ​മാ​ണ​പ്ര​വ​ർ​ത്ത​നം ഏ​റ്റെ​ടു​ത്തി​ട്ടു​ള്ള​ത്. എ​ന്നാ​ൽ, റോ​ഡ​രി​കി​ൽ പ​ല​യി​ട​ങ്ങ​ളി​ലാ​യി മെ​റ്റ​ൽ​കൂ​ന​ക​ൾ ഇ​റ​ക്കി​യ​ത​ല്ലാ​തെ പ്ര​വൃ​ത്തി​ക​ൾ ഒ​ന്നും ന​ട​ന്നി​ട്ടി​ല്ല. ശ്രീ​കൃ​ഷ്ണ ക്ഷേ​ത്രോ​ത്സ​വ​വു​മാ​യി ബ​ന്ധ​പ്പെ​ട്ട് റോ​ഡി​ന്റെ ശോ​ച്യാ​വ​സ്ഥ​ക്കെ​തി​രെ ക്ഷേ​ത്ര ക​മ്മി​റ്റി പ്ര​തി​ഷേ​ധ​വു​മാ​യി രം​ഗ​ത്തു​വ​ന്നി​രു​ന്നു. മു​നി​സി​പ്പ​ൽ എ​സ്.​ടി.​യു ഓ​ട്ടോ തൊ​ഴി​ലാ​ളി യൂ​നി​യ​ൻ റോ​ഡ് പൊ​ട്ടി​പ്പൊ​ളി​ച്ച​തി​നെ​തി​രെ പ്ര​തി​ഷേ​ധി​ച്ചു. യു.​കെ.​പി. റ​ഷീ​ദ്, ടി.​കെ. ല​ത്തീ​ഫ്, സി​റാ​ജ് കോ​ട്ട​ക്ക​ൽ, കെ.​വി. സ​ജീ​ർ, ടി. ​റാ​ഫി എ​ന്നി​വ​ർ സം​സാ​രി​ച്ചു.