മഴക്കാലമാണ്, ജാഗ്രത...

കോ​ഴി​ക്കോ​ട്: മ​ഴ​ക്കാ​ലം പ​ക​ർ​ച്ച​വ്യാ​ധി​ക​ളു​ടെ കാ​ലം കൂ​ടി​യാ​ണ്. മ​ഴ ശ​ക്ത​മാ​യി​ട്ടി​ല്ലെ​ങ്കി​ലും ജി​ല്ല​യി​ൽ പ​ക​ർ​ച്ച​പ്പ​നി വ​ർ​ധി​ക്കു​ന്നു​ണ്ട്. മ​ഴ​ക്കാ​ല​ത്തി​നു​മു​മ്പ് പ​ത്തും ഇ​​രു​പ​തും പ​നി​ബാ​ധി​ത​ർ എ​ത്തി​യി​രു​ന്ന ഒ.​പി​ക​ളി​ൽ ഇ​പ്പോ​ൾ നൂ​റി​നു മു​ക​ളി​ൽ പേ​രാ​ണ് ദി​നം​പ്ര​തി ചി​കി​ത്സ തേ​ടു​ന്ന​ത്. സ​മീ​പ​ദി​വ​സ​ങ്ങ​ളി​ൽ 1500ഓ​ളം പ​ക​ർ​ച്ച​പ്പ​നി കേ​സു​ക​ളാ​ണ് സ​ർ​ക്കാ​ർ ആ​ശു​പ​ത്രി​ക​ളി​ലെ ഒ.​പി​ക​ളി​ൽ റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്.

സ്വ​കാ​ര്യ ആ​ശു​പ​ത്രി​ക​ളി​ലും ഇ​ത്ര​ത്തോ​ളം കേ​സു​ക​ൾ റി​പ്പോ​ർ​ട്ട് ചെ​യ്യ​പ്പെ​ടു​ന്നു​ണ്ട്. ജി​ല്ല ആ​രോ​ഗ്യ വ​കു​പ്പി​ന്‍റെ ക​ണ​ക്കു​പ്ര​കാ​രം 1374 പേ​രാ​ണ് പ​നി​ബാ​ധി​ച്ച് ക​ഴി​ഞ്ഞ ദി​വ​സം സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത്. വെ​ള്ള​ത്തി​ലൂ​ടെ​യും കൊ​തു​കു​ക​ളി​ലൂ​ടെ​യും മാ​ലി​ന്യ​ങ്ങ​ളി​ലൂ​ടെ​യു​മാ​ണ് മ​ഴ​ക്കാ​ല​ത്ത് രോ​ഗ​ങ്ങ​ൾ പ​ട​രു​ന്ന​ത്. യ​ഥാ​സ​മ​യം ചി​കി​ത്സ ല​ഭി​ച്ചി​ല്ലെ​ങ്കി​ൽ മ​ര​ണം വ​രെ സം​ഭ​വി​ക്കാ​ൻ സാ​ധ്യ​ത​യു​ള്ള രോ​ഗ​ങ്ങ​ളും ഇ​ക്കൂ​ട്ട​ത്തി​ലു​ണ്ട്.

അ​തി​നാ​ൽ മ​ഴ​ക്കാ​ല രോ​ഗ​ങ്ങ​ളെ​ക്കു​റി​ച്ച് ജാ​ഗ്ര​ത പാ​ലി​ക്ക​ൽ അ​ത്യാ​വ​ശ്യ​മാ​ണ്. മ​ഴ ശ​ക്ത​മാ​വു​ന്ന​തോ​ടെ പ​ക​ർ​ച്ച​പ്പ​നി ബാ​ധി​ച്ച​വ​രെ​ക്കൊ​ണ്ട് ആ​ശു​പ​ത്രി​ക​ൾ നി​റ​ഞ്ഞു ക​വി​യു​ന്ന​ത് പ​തി​വാ​ണ്. കൃ​ത്യ​മാ​യ ജാ​ഗ്ര​ത പാ​ലി​ച്ചാ​ൽ ഇ​തി​നെ ഒ​രു​പ​രി​ധി​വ​രെ പ്ര​തി​രോ​ധി​ക്കാ​നാ​വും.

വീ​ടി​ന​ക​ത്തും വേ​ണം ശ്ര​ദ്ധ

വീ​ടി​നു​ള്ളി​ലെ റ​ഫ്രി​ജ​റേ​റ്റ​റി​ന്റെ ട്രേ, ​ഇ​ൻ​ഡോ​ർ ചെ​ടി​ക​ൾ എ​ന്നി​വ​യി​ലും വെ​ള്ളം കെ​ട്ടി​ക്കി​ട​ന്ന് കൊ​തു​കു​ക​ൾ പെ​രു​കി​യേ​ക്കാം. ഇ​ത്ത​രം ഉ​റ​വി​ട​ങ്ങ​ൾ ക​ണ്ടെ​ത്തി ന​ശി​പ്പി​ക്കു​ക​യോ വെ​ള്ളം കെ​ട്ടി​ക്കി​ട​ക്കാ​ത്ത വി​ധം സ​ജ്ജീ​ക​രി​ക്കു​ക​യോ ചെ​യ്യ​ണം. 

മെ​ഡി​ക്ക​ൽ കോ​ള​ജ് ആ​ശു​പ​ത്രി സ​ജ്ജം

മ​ഴ​ക്കാ​ല പ​ക​ർ​ച്ച​വ്യാ​ധി​ക​ളെ നേ​രി​ടാ​ൻ മെ​ഡി​ക്ക​ൽ കോ​ള​ജ് സം​വി​ധാ​ന​ങ്ങ​ൾ സ​ജ്ജ​മാ​ണെ​ന്ന് സൂ​പ്ര​ണ്ട് അ​റി​യി​ച്ചു. പ​ക​ർ​ച്ച​പ്പ​നി ബാ​ധി​ക്കു​ന്ന​വ​രെ മ​രു​ന്നു ന​ൽ​കി വീ​ടു​ക​ളി​ലേ​ക്ക് വി​ടു​ക​യാ​ണ് ചെ​യ്യു​ന്ന​ത്. ഡെ​ങ്കി​പ്പ​നി പോ​ലു​ള്ള​വ​ക്കാ​ണ് കി​ട​ത്തി​ച്ചി​കി​ത്സ ആ​വ​ശ്യ​മാ​യി​വ​രു​ക. രോ​ഗി​ക​ൾ കൂ​ടു​ക​യാ​ണ​ങ്കി​ൽ 31ാം വാ​ർ​ഡ് അ​വ​ർ​ക്കാ​യി മാ​റ്റി​വെ​ക്കും. അ​തി​ലും ഉ​ൾ​ക്കൊ​ള്ളാ​തെ വ​രു​ക​യാ​ണെ​ങ്കി​ൽ പ​ഴ​യ കാ​ഷ്വാ​ലി​റ്റി വാ​ർ​ഡ് ഉ​പ​യോ​ഗി​ക്കാ​നാ​ണ് തീ​രു​മാ​നം.

വെ​ള്ളം തി​ള​പ്പി​ച്ച് കു​ടി​ക്കു​ക

 മ​ലി​ന​ജ​ല​ത്തി​ലൂ​ടെ​യും പ​ഴ​കി​യ​തും കേ​ടാ​യ​തു​മാ​യ ഭ​ക്ഷ​ണ പ​ദാ​ർ​ഥ​ങ്ങ​ളി​ലൂ​ടെ​യും പ​ക​രു​ന്ന ജ​ല​ജ​ന്യ​രോ​ഗ​ങ്ങ​ളാ​യ വ​യ​റി​ള​ക്കം, ഷി​ഗ​ല്ല, ടൈ​ഫോ​യ്ഡ്, കോ​ള​റ എ​ന്നീ രോ​ഗ​ങ്ങ​ൾ​ക്കെ​തി​രെ പ്ര​ത്യേ​ക ജാ​ഗ്ര​ത പു​ല​ർ​ത്ത​ണം. മ​ഴ​ക്കാ​ല​ത്ത് വെ​ള്ളം തി​ള​പ്പിച്ചാ​റ്റി​ക്കു​ടി​ക്ക​ലാ​ണ് ഉ​ത്ത​മം. കു​ടി​വെ​ള്ള​ത്തി​ലൂ​ടെ പ​ക​രു​ന്ന രോ​ഗ​ങ്ങ​ളെ ഇ​ത് ചെ​റു​ക്കും. ഭ​ക്ഷ​ണം മൂ​ടി​വെ​ച്ച് ഉ​പ​യോ​ഗി​ക്കു​കയും അ​ന​ധി​കൃ​ത​മാ​യ​തും വൃ​ത്തി​ഹീ​ന​മാ​യ സാ​ഹ​ച​ര്യ​ങ്ങ​ളി​ലും ഉ​ണ്ടാ​ക്കു​ന്ന ഭ​ക്ഷ​ണ പ​ദാ​ർ​ഥ​ങ്ങ​ൾ വാ​ങ്ങി ക​ഴി​ക്കാ​തി​രി​ക്കു​കയും ചെയ്യുക.

മാ​ലി​ന്യ​ം വ​ലി​ച്ചെ​റി​യ​രു​ത്

മാ​ലി​ന്യ​ങ്ങ​ളും ഭ​ക്ഷ​ണാ​വ​ശി​ഷ്ട​ങ്ങ​ളും വ​ലി​ച്ചെ​റി​യാ​തെ ശാ​സ്ത്രീ​യ​മാ​യി സം​സ്ക​രി​ക്ക​ണം. പ്ലാ​സ്റ്റി​ക്ക​ട​ക്ക​മു​ള്ള അ​ജൈ​വ മാ​ലി​ന്യ​ങ്ങ​ൾ ത​ദ്ദേ​ശ സ്ഥാ​പ​ന​ങ്ങ​ളി​ലെ സൗ​ക​ര്യ​ങ്ങ​ൾ ഉ​പ​യോ​ഗ​പ്പെ​ടു​ത്തി ശാ​സ്ത്രീ​യ​മാ​യി സം​സ്ക​രി​ക്ക​ണ​മെ​ന്നും ആ​രോ​ഗ്യ വ​കു​പ്പ് നി​ർ​ദേ​ശി​ക്കു​ന്നു.

ശു​ചീ​ക​ര​ണ​ത്തി​ന് ഇറങ്ങു​മ്പോ​ൾ 

മ​ലി​ന​ജ​ല​ത്തി​ലും ച​ളി​യി​ലും മ​തി​യാ​യ കൈ​യു​റ​ക​ളോ മ​റ്റു സു​ര​ക്ഷ സം​വി​ധാ​ന​ങ്ങ​ളോ​യി​ല്ലാ​തെ ഇ​ട​പ​ഴ​കു​ന്ന​ത് എ​ലി​പ്പ​നി പോ​ലു​ള്ള മാ​ര​ക പ​ക​ർ​ച്ച​വ്യാ​ധി​ക​ൾ പ​ക​രാ​ൻ കാ​ര​ണ​മാ​കും. ച​ളി​യി​ലോ വെ​ള്ള​ത്തി​ലോ ശു​ചീ​ക​ര​ണ പ്ര​വ​ർ​ത്ത​ന​ത്തി​നി​റ​ങ്ങു​മ്പോ​ൾ ആ​രോ​ഗ്യ​പ്ര​വ​ർ​ത്ത​ക​രു​ടെ നി​ർ​ദേ​ശ​പ്ര​കാ​രം എ​ലി​പ്പ​നി പ്ര​തി​രോ​ധ ഗു​ളി​ക​യാ​യ ഡോ​ക്സി സൈ​ക്ലി​ൻ ക​ഴി​ക്കു​ക.

മ​ഴ​ക്കാ​ല രോ​ഗ​ങ്ങ​ൾ 

വൈ​റ​ൽ പ​നി, അ​തി​സാ​രം, വ​യ​റി​ള​ക്കം, ടൈ​ഫോ​യി​ഡ്, മ​ഞ്ഞ​പ്പി​ത്തം, ചി​കു​ൻ​ഗു​നി​യ, ഡെ​ങ്കി​പ്പ​നി, മ​ല​മ്പ​നി, മ​ഞ്ഞ​പ്പ​നി, എ​ലി​പ്പ​നി, സി​ക വി​ല്ല​ൻ ഈ​ഡി​സ് കൊ​തു​കു​ക​ൾ

വ​ള​രെ​യേ​റെ ശ്ര​ദ്ധ​വേ​ണ്ട മ​ഴ​ക്കാ​ല രോ​ഗ​മാ​ണ് ഡെ​ങ്കി​പ്പ​നി. ഈ​ഡി​സ് കൊ​തു​കു​ക​ളാ​ണ് ഇ​ത് പ​ര​ത്തു​ന്ന​ത്. കെ​ട്ടി​നി​ൽ​ക്കു​ന്ന വെ​ള്ള​ത്തി​ലാ​ണ് ഈ​ഡി​സ് കൊ​തു​കു​ക​ൾ വ​ള​രു​ക. ചി​ര​ട്ട​ക​ൾ, പ്ലാ​സ്റ്റി​ക്, കു​പ്പി, ട​യ​ർ, ചെ​ടി​ച്ച​ട്ടി​ക​ൾ, തു​റ​ന്ന ടാ​ങ്കു​ക​ൾ, ടെ​റ​സു​ക​ൾ, ക​മു​കി​ൻ പാ​ള ഇ​വ​യി​ലെ​ല്ലാം കെ​ട്ടി​നി​ൽ​ക്കു​ന്ന വെ​ള്ള​ത്തി​ൽ ഈ​ഡി​സ് കൊ​തു​കു​ക​ൾ വ​ള​രും. അ​തി​നാ​ൽ വീ​ടി​ന്‍റെ​യും സ്ഥാ​പ​ന​ങ്ങ​ളു​ടെ​യും പ​രി​സ​ര​ത്ത് ഇ​ത്ത​രം സാ​ഹ​ച​ര്യ​ങ്ങ​ളി​ല്ലെ​ന്ന് ഉ​റ​പ്പു​വ​രു​ത്ത​ണം.

സ്വ​യം ചി​കി​ത്സ അ​രു​ത് 

പ​നി​യ​ട​ക്ക​മു​ള്ള രോ​ഗ​ല​ക്ഷ​ണ​ങ്ങ​ൾ ക​ണ്ടാ​ൽ ഉ​ട​നെ ഡോ​ക്ട​റെ കാ​ണി​ക്ക​ണം. സ്വ​യം ചി​കി​ത്സ ന​ട​ത്തു​ന്ന​തും ചി​കി​ത്സ തേ​ടാ​തെ നീ​ട്ടി​വെ​ക്കു​ന്ന​തും രോ​ഗം ഗു​രു​ത​ര​മാ​കു​ന്ന​തി​നും മ​ര​ണം​വ​രെ സം​ഭ​വി​ക്കു​ന്ന​തി​നും കാ​ര​ണ​മാ​യേ​ക്കും.