കാർമേഘങ്ങളുടെ നിഴലിൽ ഭീതിയൊഴിയാതെ കോൾകർഷകർ

ച​ങ്ങ​രം​കു​ളം: താ​ഴെ നി​റ​ഞ്ഞു​നി​ൽ​ക്കു​ന്ന വെ​ള്ള​വും മേ​ലെ ക​റു​ത്ത ആ​കാ​ശ​വും നോ​ക്കി ഭീ​തി​യോ​ടെ നി​ൽ​ക്കു​ക​യാ​ണ് കോ​ൾ മേ​ഖ​ല​യി​ലെ ക​ർ​ഷ​ക​ർ. ക​ഴി​ഞ്ഞ ദി​വ​സ​ങ്ങ​ളി​ൽ പെ​യ്ത മ​ഴ​യി​ൽ ന​ടീ​ൽ ക​ഴി​ഞ്ഞ പാ​ട​ങ്ങ​ൾ വെ​ള്ള​ത്തി​ൽ മു​ങ്ങി​യി​രു​ന്നു. വെ​ള്ളം വ​റ്റി​ക്കാ​ൻ പാ​ടു​പെ​ടു​മ്പോ​ൾ കാ​ർ​മേ​ഘം മൂ​ടി​യ ആ​കാ​ശം ക​ർ​ഷ​ക​രെ ധ​ർ​മ​സ​ങ്ക​ട​ത്തി​ലാ​ക്കു​ന്നു. മ​റു​ഭാ​ഗ​ത്ത് ഇ​നി​യും ന​ടീ​ൽ ആ​രം​ഭി​ക്കാ​ത്ത നൂ​റു​ക​ണ​ക്കി​ന് ഏ​ക്ക​ർ കോ​ൾ​പാ​ട​ങ്ങ​ളി​ലെ ക​ർ​ഷ​ക​ർ എ​ന്ത് ചെ​യ്യ​ണ​മെ​ന്ന​റി​യാ​ത്ത അ​വ​സ്ഥ​യി​ലാ​ണ്. ന​ടീ​ൽ ക​ഴി​ഞ്ഞാ​ൽ മ​ഴ പെ​യ്യു​മോ എ​ന്ന ആ​ശ​ങ്ക​യും ഞാ​റ് മൂ​പ്പെ​ത്തി​യാ​ൽ ന​ടാ​ൻ ക​ഴി​യാ​തെ വ​രു​മോ എ​ന്ന പേ​ടി​യും ക​ർ​ഷ​ക​ർ​ക്കു​ണ്ട്.

ഇ​നി​യും മ​ഴ പെ​യ്തേ​ക്കാ​മെ​ന്ന കാ​ലാ​വ​സ്ഥ പ്ര​വ​ച​നം ന​ടീ​ലി​നാ​യി പാ​ടം ഒ​രു​ക്കി കാ​ത്തി​രി​ക്കു​ന്ന​വ​രെ ഏ​റെ കു​ഴ​ക്കു​ക​യാ​ണ്. ഇ​നി​യും മ​ഴ പെ​യ്യു​ന്ന പ​ക്ഷം നൂ​റ​ടി തോ​ട് ക​വി​ഞ്ഞൊ​ഴു​കി കൃ​ഷി​യി​ട​ങ്ങ​ളി​ൽ വെ​ള്ളം മൂ​ടും. പ​ല ഭാ​ഗ​ങ്ങ​ളി​ലും ചാ​ക്കി​ൽ മ​ണ്ണ് നി​റ​ച്ച് നൂ​റ​ടി തോ​ടി​ന് മു​ക​ളി​ലി​ട്ടാ​ണ് വെ​ള്ളം ത​ട​യു​ന്ന​ത്. കൂ​ടാ​തെ പ​മ്പി​ങ് പൂ​ർ​ത്തീ​ക​രി​ച്ച് വെ​ള്ളം കെ​ട്ടി​നി​ർ​ത്തി​യ ബ​ണ്ടു​ക​ൾ ഇ​നി​യും മ​ഴ പെ​യ്യു​ന്ന​തോ​ടെ പൊ​ട്ടു​മെ​ന്ന ഭീ​തി​യു​മു​ണ്ട്.

ന​ടീ​ൽ ക​ഴി​ഞ്ഞ പാ​ട​ങ്ങ​ളി​ൽ​നി​ന്നും ക​ർ​ഷ​ക​ർ വെ​ള്ളം പ​മ്പി​ങ് ന​ട​ത്തു​മ്പോ​ഴും മ​ഴ​മേ​ഘ​ങ്ങ​ളും മൂ​ടി​ക്കെ​ട്ടി​യ അ​ന്ത​രീ​ക്ഷ​വും കോ​ൾ ക​ർ​ഷ​ക​രു​ടെ മ​ന​സ്സി​ൽ ഭീ​തി വി​ത​ക്കു​ക​യാ​ണ്.