കൊളത്തൂർ: പ്രായപൂർത്തിയാകാത്ത വിദ്യാർഥിയെ ലൈംഗികമായി നിരന്തരം ഉപദ്രവിക്കുകയും പീഡിപ്പിക്കാൻ ശ്രമിക്കുകയും ചെയ്ത കേസിൽ മധ്യവയസ്കനെ കൊളത്തൂർ പൊലീസ് അറസ്റ്റ് ചെയ്തു. കുറുവ തോട്ടക്കര തുളുവത്ത് വീട്ടിൽ മോയിനാണ് (55) പിടിയിലായത്.
കുട്ടിയെ ശാരീരിക അസ്വസ്ഥതകൾ കാരണം സ്വകാര്യ ആശുപത്രിയിൽ പ്രവേശിച്ചപ്പോഴാണ് രക്ഷിതാക്കൾ സംഭവമറിഞ്ഞത്. ഉടൻതന്നെ കൊളത്തൂർ പൊലീസ് സ്റ്റേഷനിൽ അറിയിക്കുകയും കുട്ടിയിൽനിന്ന് വിശദമായ മൊഴിയെടുക്കുകയും ചെയ്തു.
തുടർന്നാണ് പ്രതിയെ അറസ്റ്റ് ചെയ്തത്. കൊളത്തൂർ പൊലീസ് ഇൻസ്പെക്ടർ ബിശ്വസ്, എസ്.ഐ സുരേഷ് കുമാർ, അസി. സബ് ഇൻസ്പെക്ടർ അഷ്റഫ്, എസ്.സി.പി.ഒ ഷറഫുദ്ദീൻ, സി.പി.ഒമാരായ രഞ്ജിത്ത് രാജ്, അബ്ദുൽ സത്താർ, സുജിത്ത്, ഹോംഗാർഡ് സുനിൽ പത്തായ പുരക്കൽ എന്നിവരാണ് അന്വേഷണ സംഘത്തിലുണ്ടായിരുന്നത്. പെരിന്തൽമണ്ണ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.