മാ​വ​ണ്ടി​യൂ​ർ പി​ണ്ട​ത്തോ​ട് ഓ​വു​പാ​ലം അ​പ​ക​ടാ​വ​സ്ഥ​യി​ൽ

എ​ട​യൂ​ർ: മാ​വ​ണ്ടി​യൂ​ർ പി​ണ്ട​ത്തോ​ട് ഓ​വു​പാ​ലം അ​പ​ക​ടാ​വ​സ്ഥ​യി​ലാ​യ​ത് ഭീ​ഷ​ണി​യാ​യി. പൊ​തു​മ​രാ​മ​ത്ത് വ​കു​പ്പി​ന്റെ കീ​ഴി​ലു​ള്ള എ​ട​യൂ​ർ വാ​യ​ന​ശാ​ല -മാ​വ​ണ്ടി​യൂ​ർ റോ​ഡി​ലാ​ണ് ഈ ​ഓ​വു​പാ​ലം. എ​ട​യൂ​ർ ഗ്രാ​മ​പ​ഞ്ചാ​യ​ത്ത് 14ാം വാ​ർ​ഡി​ൽ മാ​വ​ണ്ടി​യൂ​ർ അ​ങ്ങാ​ടി​യി​ലെ പി​ണ്ട​ത്തോ​ട് ഓ​വു​പാ​ല​ത്തി​ന്റെ അ​ടി​വ​ശ​ത്തെ കോ​ൺ​ക്രീ​റ്റ് ഇ​ള​കി തു​രു​മ്പു​പി​ടി​ച്ച ക​മ്പി​ക​ൾ പു​റ​ത്ത് കാ​ണാം. 50 വ​ർ​ഷ​ത്തി​ല​ധി​കം പ​ഴ​ക്ക​മു​ണ്ട് പാ​ല​ത്തി​ന്. മാ​വ​ണ്ടി​യൂ​ർ ഹ​യ​ർ സെ​ക്ക​ൻ​ഡ​റി സ്കൂ​ൾ, കെ.​വി.​യു.​പി.​എ​സ് വ​ട​ക്കും​പു​റം, എ​ട​യൂ​ർ നോ​ർ​ത്ത് എ.​എം.​എ​ൽ.​പി, എ​ട​യൂ​ർ എ​സ്.​വി.​എ​ൽ.​പി തു​ട​ങ്ങി നി​ര​വ​ധി വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ ബ​സു​ക​ൾ ഈ ​പാ​ലം വ​ഴി ക​ട​ന്നു​പോ​വു​ന്നു​ണ്ട്.

ക്ര​ഷ​റു​ക​ളി​ൽ നി​ന്നും ക്വാ​റി​ക​ളി​ൽ നി​ന്നു​മു​ള്ള ടോ​റ​സ് ഉ​ൾ​പ്പെ​ടെ ഒ​ട്ട​ന​വ​ധി വ​ലി​യ ലോ​റി​ക​ളും ഈ ​വ​ഴി പോ​വാ​റു​ണ്ട്. പാ​ല​ത്തി​ന് സ​മീ​പ​ത്താ​യി വ​ലി​യൊ​രു ചീ​നി മ​ര​വു​മു​ണ്ട്. ഇ​തി​ന്റെ വേ​രു​ക​ൾ ഇ​റ​ങ്ങി​യ​തും പാ​ല​ത്തി​ന്റെ ത​ക​ർ​ച്ച​ക്കി​ട​യാ​ക്കു​ന്നു. ചീ​നി മ​രം മു​റി​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ർ വ​നം വ​കു​പ്പ് അ​ധി​കൃ​ത​ർ​ക്ക് ക​ഴി​ഞ്ഞ വ​ർ​ഷം പ​രാ​തി ന​ൽ​കി​യി​രു​ന്നു. പൊ​തു​മ​രാ​മ​ത്ത് എ​ൻ​ജി​നീ​യ​ർ​മാ​ർ പാ​ല​ത്തി​ന്റെ സു​ര​ക്ഷ പ​രി​ശോ​ധി​ച്ച് നാ​ട്ടു​കാ​രു​ടെ ആ​ശ​ങ്ക പ​രി​ഹ​രി​ക്ക​ണ​മെ​ന്നാ​വ​ശ്യം ശ​ക്ത​മാ​ണ്.