തി​രൂ​ര​ങ്ങാ​ടി ആ​ർ.​ടി.​ഒ ഓ​ഫി​സി​ലെ ദു​രി​ത​ത്തി​ന് അ​റു​തി

തി​രൂ​ര​ങ്ങാ​ടി: ജി​ല്ല ആ​ർ.​ടി.​ഒ​യു​ടെ ഇ​ട​പെ​ട​ലോ​ടെ തി​രൂ​ര​ങ്ങാ​ടി ആ​ർ.​ടി.​ഒ ഓ​ഫി​സി​ലെ ദു​രി​ത​ത്തി​ന് അ​റു​തി​യാ​യി. തി​രൂ​ര​ങ്ങാ​ടി​യി​ൽ കെ​ട്ടി​ക്കി​ട​ക്കു​ന്ന വാ​ഹ​ന​ങ്ങ​ളു​ടെ ഫി​റ്റ്ന​സ് പ​രി​ശോ​ധ​ന​യും ഡ്രൈ​വി​ങ് ടെ​സ്റ്റും തീ​ർ​പ്പാ​ക്കാ​ൻ എ​ൻ​ഫോ​ഴ്സ്മെ​ന്റ് വി​ഭാ​ഗ​ത്തി​ൽ​നി​ന്ന് ര​ണ്ട് എം.​വി.​ഐ​മാ​രെ താ​ൽ​ക്കാ​ലി​ക​മാ​യി നി​യ​മി​ച്ചു.

ആ​വ​ശ്യ​ത്തി​ന് ജീ​വ​ന​ക്കാ​ർ ഇ​ല്ലാ​ത്ത​തി​നാ​ൽ ഏ​റെ നാ​ളാ​യി ഗു​ണ​ഭോ​ക്താ​ക്ക​ൾ​ക്ക് സേ​വ​ന​ങ്ങ​ൾ യ​ഥാ​സ​മ​യം തീ​ർ​പ്പാ​ക്കാ​ൻ പ്ര​യാ​സ​മാ​യി​രു​ന്നു. ര​ണ്ട് എം.​വി.​ഐ​മാ​രു​ടെ ത​സ്തി​ക​ളു​ണ്ടാ​യി​ട്ടും തി​രൂ​ര​ങ്ങാ​ടി ഓ​ഫി​സി​ൽ ഒ​രു എം.​വി.​ഐ മാ​ത്ര​മാ​ണ് ഉ​ണ്ടാ​യി​രു​ന്ന​ത്.

ജി​ല്ല​യി​ൽ ഏ​റ്റ​വും തി​ര​ക്കു​ള്ള ഓ​ഫി​സാ​യ തി​രൂ​ര​ങ്ങാ​ടി സ​ബ് ആ​ർ.​ടി.​ഒ ഓ​ഫി​സി​ൽ ആ​വ​ശ്യ​ത്തി​ന് ജീ​വ​ന​ക്കാ​ർ ഇ​ല്ലാ​ത്ത​ത് കാ​ര​ണം പ്ര​യാ​സ​മ​നു​ഭ​വി​ച്ച പൊ​തു​ജ​ന​ങ്ങ​ളും ഡ്രൈ​വ​ർ​മാ​രും ഏ​റെ ആ​ശ്വാ​സ​ത്തിലാ​ണ്. ജി​ല്ല ആ​ർ.​ടി.​ഒ ബി. ​ഷ​ഫീ​ക്കി​ന്റെ ഇ​ട​പെ​ട​ൽ. തി​രൂ​ര​ങ്ങാ​ടി സ​ബ് ആ​ർ.​ടി.​ഒ ഓ​ഫി​സി​ൽ ര​ണ്ട് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ​മാ​രാ​ണ് ഉ​ണ്ടാ​കേ​ണ്ട​ത്. എ​ന്നാ​ൽ ഓ​ഫി​സി​ൽ ഇ​പ്പോ​ഴു​ള്ള​ത് ഒ​രു എം.​വി.​ഐ മാ​ത്ര​മാ​ണ്. ഡ്രൈ​വി​ങ് ടെ​സ്റ്റി​ലെ കെ​ട്ടി​ക്കി​ട​ക്കു​ന്ന ഫ​യ​ലു​ക​ൾ തീ​ർ​പ്പാ​ക്കാ​ൻ എ​ൻ​ഫോ​ഴ്സ്മെ​ന്റ് വി​ഭാ​ഗ​ത്തി​ൽ​നി​ന്ന് താ​ൽ​ക്കാ​ലി​ക​മാ​യി ഒ​രു എം.​വി.​ഐ​യെ​യും കൂ​ടി നി​യ​മി​ച്ചി​രു​ന്നു.

എ​ന്നാ​ൽ ഇ​ദ്ദേ​ഹ​ത്തി​ന് ഡ്രൈ​വി​ങ് ടെ​സ്റ്റ് ന​ട​ത്താ​ന​ല്ലാ​തെ ഓ​ഫി​സി​ലെ​ത്തു​ന്ന ലൈ​സ​ൻ​സ് സം​ബ​ന്ധ​മാ​യ പ​രാ​തി​ക​ൾ ഉ​ൾ​പ്പെ​ടെ തീ​ർ​പ്പാ​ക്കു​ന്ന​തി​നോ വാ​ഹ​ന​ങ്ങ​ളു​ടെ ഫി​റ്റ്ന​സ് പ​രി​ശോ​ധ​ന ന​ട​ത്തു​ന്ന​തി​നോ അ​ധി​കാ​രം ഉ​ണ്ടാ​യി​രു​ന്നി​ല്ല. നി​ല​വി​ൽ ഉ​ണ്ടാ​യി​രു​ന്ന എം.​വി.​ഐ അ​ത്യാ​വ​ശ്യ​ങ്ങ​ൾ​ക്ക് പോ​ലും ലീ​വ് എ​ടു​ത്താ​ൽ തി​രൂ​ര​ങ്ങാ​ടി​യി​ൽ ഫി​റ്റ്ന​സ് പ​രി​ശോ​ധ​ന മു​ട​ങ്ങു​ന്ന അ​വ​സ്ഥ​യാ​യി​രു​ന്നു.

ക​ഴി​ഞ്ഞ വെ​ള്ളി​യാ​ഴ്ച​യും തി​ങ്ക​ളാ​ഴ്ച​യും ഇ​തു​പോ​ലെ ഫി​റ്റ്ന​സ് പ​രി​ശോ​ധ​ന ന​ട​ത്താ​ൻ സാ​ധി​ച്ചി​രു​ന്നി​ല്ല. ഇ​ത് ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​ണ് ജി​ല്ല ആ​ർ.​ടി.​ഒ ബി. ​ഷ​ഫീ​ഖ് ക​ഴി​ഞ്ഞ ദി​വ​സം രാ​വി​ലെ തി​രൂ​ര​ങ്ങാ​ടി ആ​ർ.​ടി ഓ​ഫി​സി​ൽ മി​ന്ന​ൽ പ​രി​ശോ​ധ​ന ന​ട​ത്തി​യ​ത്. തി​രൂ​ര​ങ്ങാ​ടി​യി​ൽ കെ​ട്ടി​ക്കി​ട​ക്കു​ന്ന വാ​ഹ​ന​ങ്ങ​ളു​ടെ ഫി​റ്റ്ന​സ് പ​രി​ശോ​ധ​ന​യും ഡ്രൈ​വി​ങ് ടെ​സ്റ്റും തീ​ർ​പ്പാ​ക്കാ​നാ​ണ് എ​ൻ​ഫോ​ഴ്സ്മെ​ന്റ് വി​ഭാ​ഗ​ത്തി​ൽ​നി​ന്ന് എം.​വി.​ഐ​മാ​രാ​യ കെ.​എം. അ​സൈ​നാ​ർ, അ​യ്യ​പ്പ​ദാ​സ് എ​ന്നി​വ​രെ താ​ൽ​ക്കാ​ലി​ക​മാ​യി നി​യ​മി​ച്ച​ത്. ഓ​ഫി​സി​ൽ കെ​ട്ടി​ക്കി​ട​ക്കു​ന്ന ഫ​യ​ലു​ക​ൾ തീ​ർ​പ്പാ​ക്കാ​ൻ എം.​വി.​ഐ ബി​ജു​വി​ന് ചു​മ​ത​ല​യും ന​ൽ​കി.