ചാലക്കുടി: പരിയാരത്ത് മാംസ വ്യാപാരശാലയിലെ സംഘർഷത്തെ തുടർന്ന് ഒരാൾക്ക് വെട്ടേറ്റു. വെട്ടിയ ആൾ ചാലക്കുടി പൊലീസിൽ കീഴടങ്ങി. കുരിശിങ്കൽ ടോമിക്ക് (47) മുഖത്ത് വെട്ടേറ്റു. ഇദ്ദേഹത്തെ ചാലക്കുടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഘർഷവുമായി ബന്ധപ്പെട്ട് അവശനിലയിലായ തോമസിനെ (70) ചാലക്കുടി താലൂക്ക് ആശുപത്രിയിൽ പ്രവേശിപ്പിച്ചു. തിങ്കളാഴ്ച രാത്രി 7.30ഓടെയാണ് സംഭവം.
പരിയാരം മാർക്കറ്റിലെ മാംസ വ്യാപാരശാലകൾ നടത്തുന്ന ടോമിയും തോമസും തമ്മിൽ നേരത്തെ വഴക്കുണ്ടായിരുന്നു. തുടർന്ന് ചോദ്യം ചെയ്യാൻ ടോമി, തോമസിന്‍റെ കടയിലെത്തുകയായിരുന്നു. തുടർന്നുണ്ടായ തർക്കം സംഘർഷത്തിലെത്തുകയായിരുന്നു. അതിനിടെയാണ് ടോമിക്ക് വെട്ടേറ്റത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.