ക​ടു​ത്ത വേ​ന​ൽ പ​രി​യാ​രം മേ​ഖ​ല​യി​ലെ റ​ംബു​ട്ടാ​ൻ, മാം​ഗോ​സ്റ്റി​ൻ കൃ​ഷി​ക്ക് തി​രി​ച്ച​ടി​യാ​യി

ചാ​ല​ക്കു​ടി: ക​ടു​ത്ത വേ​ന​ൽ പ​രി​യാ​രം മേ​ഖ​ല​യി​ലെ റ​ംബു​ട്ടാ​ൻ, മാം​ഗോ​സ്റ്റി​ൻ കൃ​ഷി​യെ പ്ര​തി​കൂ​ല​മാ​യി ബാ​ധി​ച്ചു. ജ​നു​വ​രി, ഫെ​ബ്രു​വ​രി, മാ​ർ​ച്ച്, ഏ​പ്രി​ൽ മാ​സ​ങ്ങ​ളി​ലെ ക്ര​മാ​തീ​ത​മാ​യ ചൂ​ട് ഇ​വ​യു​ടെ ഉ​ൽ​പാ​ദ​ന​ത്തെ ബാ​ധി​ച്ച​താ​യാ​ണ് ക​ർ​ഷ​ക​രു​ടെ പ​രാ​തി. ക​ഴി​ഞ്ഞ വ​ർ​ഷ​ങ്ങ​ളി​ലെ പോ​ലെ​യു​ള്ള അ​ള​വി​ൽ വി​പ​ണി​യി​ലേ​ക്ക് ഇ​ത്ത​വ​ണ റ​ംബു​ട്ടാ​നും മാം​ഗോ​സ്റ്റി​നും എ​ത്തി​യി​ട്ടി​ല്ല. മാം​ഗോ​സ്റ്റി​ൻ മാ​ർ​ക്ക​റ്റി​ലേ​ക്ക് തീ​രെ എ​ത്തി​ക്കാ​ൻ ക​ഴി​ഞ്ഞി​ട്ടി​ല്ല. റ​ംബു​ട്ടാ​ൻ വി​പ​ണി ഇ​നി​യും സ​ജീ​വ​മാ​യി​ട്ടി​ല്ല. അ​തേ​സ​മ​യം ചെ​റി​യ തോ​തി​ൽ റ​ംബൂട്ടാ​ൻ എ​ത്തി​യി​ട്ടു​ണ്ട്. മാം​ഗോ​സ്റ്റി​ന്റെ​യും റ​ംബു​ട്ടാ​ന്റെ​യും സീ​സ​ൺ ഏ​പ്രി​ൽ, മേ​യ്, ജൂ​ൺ കാ​ല​യ​ള​വി​ലാ​ണ്. ഇ​തി​ൽ മാം​ഗോ​സ്റ്റി​നാ​ണ് ആ​ദ്യം ഉ​ണ്ടാ​കാ​റ്. ജ​നു​വ​രി​യോ​ടെ മ​ര​ങ്ങ​ളി​ൽ പൂ​വി​ടാ​ൻ തു​ട​ങ്ങും. ഇ​ത്ത​വ​ണ റ​ംബു​ട്ടാ​ൻ പൂ​വി​ട്ടെ​ങ്കി​ലും ചൂ​ട് പ്ര​തി​കൂ​ല​മാ​വു​ക​യാ​യി​രു​ന്നു. ഇ​ട​ക്ക് പെ​യ്ത ചെ​റി​യ മ​ഴ​യി​ൽ അ​വ വാ​ടി​ത​ള​ർ​ന്ന് വീ​ണു. വീ​ണ്ടും മ​ര​ങ്ങ​ളി​ൽ പൂ​വി​ട്ടെ​ങ്കി​ലും പ​ഴ​ങ്ങ​ളു​ണ്ടാ​കു​ന്ന​തി​ൽ വി​ജ​യി​ച്ചി​ല്ല. അ​തു​കൊ​ണ്ട് ത​ന്നെ ഈ ​സീ​സ​ണി​ൽ മാം​ഗോ​സ്റ്റി​ൻ വി​പ​ണി​യി​ലേ​ക്ക് എ​ത്തി​ക്കാ​നാ​യി​ല്ല.

ഏ​പ്രി​ൽ മു​ത​ൽ ജൂ​ലൈ വ​രെ​യാ​ണ് റ​ംബു​ട്ടാ​ന്റെ സീ​സ​ൺ. ഏ​പ്രി​ൽ, മേ​യ് പ​കു​തി വ​രെ​യു​ള്ള ക​ടു​ത്ത ചൂ​ട് ഇ​വ​യു​ടെ​യും ഉ​ൽ​പാ​ദ​ന​ത്തെ പ്ര​തി​കൂ​ല​മാ​യി ബാ​ധി​ക്കു​ക​യാ​യി​രു​ന്നു. കൊ​ടി​യ ചൂ​ടി​ൽ ജ​ലാം​ശം വ​റ്റി​യ​തി​നാ​ൽ ഉ​ണ്ടാ​യ റ​ംബു​ട്ടാ​ൻ കാ​യ്ക​ളെ​ല്ലാം തീ​രെ ചെ​റു​താ​യി. തു​ട​ർ​ന്ന് മേ​യ് അ​വ​സാ​ന​ത്തോ​ടെ പെ​യ്ത മ​ഴ​യി​ൽ പ​കു​തി​യോ​ളം മ​ര​ങ്ങ​ളി​ൽ​നി​ന്ന് കൊ​ഴി​ഞ്ഞു വീ​ഴു​ക​യാ​യി​രു​ന്നു. മ​ഴ പെ​യ്ത​തോ​ടെ അ​വ​യു​ടെ പു​റ​ത്തു​ള്ള നാ​രു​ക​ളെ​ല്ലാം ക​റു​ത്ത നി​റ​ത്തി​ലാ​യ​ത് കാ​ഴ്ച​ക്കു​ള്ള ശോ​ഭ കെ​ടു​ത്തി. അ​തി​നാ​ൽ മൊ​ത്ത​വ്യാ​പാ​ര ഏ​ജ​ന്റു​മാ​ർ മ​തി​പ്പു​വി​ല ക​ണ​ക്കാ​ക്കാ​ത്ത​ത് ക​ർ​ഷ​ക​ർ​ക്ക് വി​ന​യാ​യി.