‘നാട്ടുകവിത’യുടെ പ്രകാശനം ഏറ്റെടുത്ത്​ നാട്ടുകാർ; സിദ്ധി കുളപ്പുറത്തിന്​ ആഗ്രഹ സാഫല്യം

ചെ​റു​തു​രു​ത്തി: ചെ​റു​പ്പം മു​ത​ലു​ള്ള വ​ലി​യൊ​രു ആ​ഗ്ര​ഹം 56 വ​യ​സ്സി​ൽ നി​റ​വേ​റ്റി​യ സ​ന്തോ​ഷ​ത്തി​ലാ​ണ് സി​ദ്ധി കു​ള​പ്പു​റ​ത്ത്.

ദേ​ശ​മം​ഗ​ലം ഗ്രാ​മ​ത്തി​ലെ സാ​ധാ​ര​ണ​ക്കാ​രാ​യ നാ​ട്ടു​കാ​രു​ടെ വി​വ​ര​ങ്ങ​ൾ ശേ​ഖ​രി​ച്ച് പ​ള്ളം സ്വ​ദേ​ശി​യാ​യ സി​ദ്ധി കു​ള​പ്പു​റ​ത്ത് ക​വി​താ രൂ​പ​ത്തി​ൽ പു​സ്ത​ക​മാ​ക്കി​യ​പ്പേ​ൾ അ​ത് വേ​റി​ട്ട അ​നു​ഭ​വ​മാ​യി.

പ​ള്ളം മേ​ഖ​ല വി​ക​സ​ന സ​മി​തി​യു​ടെ നേ​തൃ​ത്വ​ത്തി​ൽ ക​വി​യും ഗാ​ന​ര​ച​യി​താ​വു​മാ​യ റ​ഫീ​ക്ക് അ​ഹ​മ്മ​ദ് പ്ര​കാ​ശ​നം നി​ർ​വ​ഹി​ച്ചു. ആ​ദ്യ​മാ​യാ​ണ് ഒ​രു ഗ്രാ​മ​ത്തി​ലെ ആ​ളു​ക​ൾ ഏ​റ്റെ​ടു​ത്ത് ന​ട​ത്തു​ന്ന പു​സ്ത​ക പ്ര​കാ​ശ​ന​ത്തി​ൽ പ​​ങ്കെ​ടു​ക്കു​ന്ന​തെ​ന്ന്​ അ​ദ്ദേ​ഹം പ​റ​ഞ്ഞു. പ്ര​വാ​സ ജീ​വി​തം ന​യി​ച്ച​പ്പോ​ഴും ക​വി​താ​ര​ച​ന കൈ​വി​ടാ​തി​രു​ന്ന സി​ദ്ധി സാ​ഹ​ച​ര്യം ഒ​ത്തു​വ​രാ​ത്ത​തി​നാ​ൽ അ​തെ​ല്ലാം പു​സ്ത​ക​ത്താ​ളി​നു​ള്ളി​ൽ ഒ​തു​ക്കി വെ​ച്ചി​രി​ക്കു​ക​യാ​യി​രു​ന്നു.

ഇ​ക്കാ​ര്യം പ​ഴ​യ അ​ധ്യാ​പ​ക​നാ​യ മു​ഹ​മ്മ​ദ് കു​ട്ടി​യോ​ട് പ​റ​ഞ്ഞ​പ്പോ​ഴാ​ണ് പ്ര​കാ​ശ​ന​ത്തി​ലേ​ക്ക്​ വ​ഴി​തു​റ​ന്ന​ത്. തു​ട​ർ​ന്ന് പ​ള്ളം മേ​ഖ​ല വി​ക​സ​ന സ​മി​തി ഉ​ണ്ടാ​ക്കു​ക​യും സെ​ക്ര​ട്ട​റി​യാ​യി ഷാ​ജി പ​ള്ള​ത്ത്, ഉ​മ്മ​ർ കു​ണ്ടും​പ​റ​മ്പി​ൽ എ​ന്നി​വ​രു​ടെ നേ​തൃ​ത്വ​ത്തി​ൽ 96 പേ​ജു​ള്ള സ​മാ​ഹാ​രം ഇ​റ​ക്കു​ക​യും ചെ​യ്തു.

ദേ​ശ​മം​ഗ​ലം രാ​മ​കൃ​ഷ്ണ​ൻ അ​ട​ക്കം നി​ര​വ​ധി ക​വി​ക​ൾ അ​ഭി​ന​ന്ദ​നം അ​റി​യി​ച്ച സ​ന്തോ​ഷ​ത്തി​ലാ​ണ് നാ​ട്ടു​കാ​രു​ടെ ക​വി.