ആ​ൽ​ബി​ന്​ സ്‌​കൂ​ളി​ല്‍ പോ​കാ​ന്‍ ‘ഹൈ​ജം​പ്’ പ​ഠി​ക്ക​ണം

ഇ​രി​ങ്ങാ​ല​ക്കു​ട: ആ​ല്‍ബി​ന് സ്‌​കൂ​ളി​ല്‍ പോ​കാ​ന്‍ മ​തി​ൽ ചാ​ട​ണം. ക്രൈ​സ്റ്റ് കോ​ള​ജ് - പൂ​തം​കു​ളം ജ​ങ്ഷ​ന്‍ റോ​ഡ് കോ​ണ്‍ക്രീ​റ്റ് ചെ​യ്യു​ന്ന​തി​ന്റെ ഭാ​ഗ​മാ​യി വീ​ടി​നു മു​ന്നി​ലെ റോ​ഡ് പൊ​ളി​ച്ച​തോ​ടെ​യാ​ണ് ഈ ​ഗ​തി വ​ന്ന​ത്. ഠാ​ണാ- കോ​ള​ജ് ജ​ങ്ഷ​ൻ റോ​ഡി​ല്‍ കോ​ട്ടൂ​രാ​ന്‍ വീ​ട്ടി​ല്‍ പ്ര​വാ​സി​യാ​യി​രു​ന്ന ചാ​ക്കോ​യും ഭാ​ര്യ റീ​ന​യും എ​ട്ടാം ക്ലാ​സ് വി​ദ്യാ​ര്‍ഥി​യാ​യ മ​ക​ന്‍ ആ​ല്‍ബി​നും അ​ട​ങ്ങു​ന്ന ഈ ​കു​ടും​ബ​ത്തി​ന് വീ​ടി​ന് പു​റ​ത്തേ​ക്കി​റ​ങ്ങ​ണ​മെ​ങ്കി​ല്‍ ഏ​ണി ക​യ​റി മ​തി​ലു ചാ​ടേ​ണ്ട അ​വ​സ്ഥ​യാ​ണ്. ഏ​ണി ക​യ​റി സ​മീ​പ​ത്തെ പ​റ​മ്പി​ലേ​ക്ക് എ​ത്തി​യാ​ലാ​ണ് മെ​യി​ന്‍ റോ​ഡി​ലേ​ക്ക് വ​ന്നു​ചേ​രു​ന്ന വ​ഴി​യി​ലെ​ത്തു​വാ​ന്‍ സാ​ധി​ക്കു​ക.

റോ​ഡ് പ​ണി ആ​രം​ഭി​ച്ച അ​ന്നു മു​ത​ല്‍ ഒ​ന്ന​ര മാ​സ​മാ​യി തു​ട​രു​ക​യാ​ണ് ഇ​വ​രു​ടെ ഈ ​ദു​രി​തം. ഈ ​കു​ടും​ബ​ത്തി​ലു​ണ്ടാ​യി​രു​ന്ന ഇ​വ​രു​ടെ അ​മ്മ 91കാ​രി​യാ​യ ത്രേ​സ്യ​യെ പു​ത്ത​ന്‍വേ​ലി​ക്ക​ര​യി​ലെ മ​ക​ളു​ടെ വീ​ട്ടി​ലേ​ക്കു മാ​റ്റി. റോ​ഡ് പ​ണി ആ​രം​ഭി​ച്ച​തോ​ടെ താ​ഴ്ത്തി മ​ണ്ണെ​ടു​ത്തു. ന​ട​വ​ഴി​ക്കാ​യി ഒ​രു സ്ലാ​ബ് ഇ​ട്ട് ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ടെ​ങ്കി​ലും അ​ധി​കൃ​ത​ര്‍ ത​യ്യാ​റാ​യി​ല്ല. ഇ​തോ​ടെ വീ​ടി​നു മു​ന്നി​ലെ റോ​ഡി​ലേ​ക്ക് ക​ട​ക്കാ​ന്‍ സാ​ധി​ക്കാ​താ​യി. വീ​ട്ടി​ലേ​ക്കു​ള്ള പൈ​പ്പു ക​ണ​ക്ഷ​ന്‍ പോ​ലും ഇ​പ്പോ​ള്‍ വിഛേ​ദി​ച്ചി​രി​ക്കു​ക​യാ​ണ്. മ​ഴ​ക്കാ​ല​മാ​യ​തി​നാ​ലും കി​ണ​ര്‍ ഉ​ള്ള​തി​നാ​ലും കു​ടി​വെ​ള്ളം മു​ട്ടി​യി​ട്ടി​ല്ല.

ര​ണ്ട് വ​ര്‍ഷം മു​മ്പ് വാ​ട്ട​ര്‍ അ​തോ​റി​റ്റി​ക്കും പൊ​തു മ​രാ​മ​ത്ത് വ​കു​പ്പി​നും കൂ​ടി ഒ​രു ല​ക്ഷം രൂ​പ ചി​ല​വ​ഴി​ച്ചാ​ണ് വീ​ട്ടി​ലേ​ക്ക് കു​ടി​വെ​ള്ള ക​ണ​ക്ഷ​ന്‍ നേ​ടി​യ​തെ​ന്ന് ചാ​ക്കോ മാ​ധ്യ​മ പ്ര​വ​ര്‍ത്ത​ക​രോ​ട് പ​റ​ഞ്ഞു. ഈ ​റോ​ഡി​ലെ മ​റ്റൊ​രു കു​ടും​ബം റോ​ഡ് പ​ണി ആ​രം​ഭി​ച്ച​പ്പോ​ള്‍ ബ​ന്ധു​വീ​ട്ടി​ലേ​ക്ക് താ​മ​സം മാ​റ്റി. എ​ട്ട് ആ​ഴ്ച​ക​ള്‍ക്കു​ള്ളി​ല്‍ റോ​ഡ് ന​വീ​ക​ര​ണ പ്ര​വ്യ​ത്തി​ക​ൾ പൂ​ർ​ത്തി​യാ​കു​മെ​ന്നാ​ണ് പ​റ​ഞ്ഞി​രു​ന്ന​തെ​ങ്കി​ലും എ​ങ്ങു​മെ​ത്തി​യി​ട്ടി​ല്ല.