ക​ടലാക്രമണം: വാ​ടാ​ന​പ്പ​ള്ളി തീ​ര​വാ​സി​ക​ൾ ഭീ​തി​യി​ൽ

വാ​ടാ​ന​പ്പ​ള്ളി: കള്ളക്കടൽ പ്രതിഭാസവും കടലാക്രമണവും തുടരുന്ന വാ​ടാ​ന​പ്പ​ള്ളി തീ​ര​ദേ​ശ​ത്ത് താ​മ​സി​ക്കു​ന്ന​വ​ർ ഭീ​തി​യി​ൽ. ക​ഴി​ഞ്ഞ ദി​വ​സം ഉ​ണ്ടാ​യ ശ​ക്ത​മാ​യ നി​ര​മാ​ല​യി​ൽ തി​ര​യ​ടി​ച്ച് നി​ര​വ​ധി വീ​ടു​ക​ളാ​ണ് വെ​ള്ള​ത്തി​ലാ​യ​ത്.

ക​ട​ൽ ഭി​ത്തി ത​ക​ർ​ത്താ​ണ് പ​ല​യി​ട​ത്തും വെ​ള്ളം ക​യ​റി​യ​ത്. ചി​ല​യി​ട​ത്ത് ക​ട​ൽ ഭി​ത്തി ത​ക​ർ​ന്ന് താ​ഴ്ന്നു പോ​യി. ഇ​വി​ട​ങ്ങ​ളി​ൽ ചെ​റി​യ തി​ര​മാ​ല വ​ന്നാ​ൽ പോ​ലും വെ​ള്ളം ക​യ​റു​ന്ന അ​വ​സ്ഥ​യാ​ണ്. ശ​ക്ത​മാ​യ തി​ര​മാ​ല അ​ടി​ച്ചു ക​യ​റി​യാ​ൽ വീ​ടു​ക​ൾ ത​ക​രു​മെ​ന്ന നി​ല​യി​ലാ​ണ്. സൗ​ഹൃ​ദ ന​ഗ​ർ, എ.​കെ.​ജി. ന​ഗ​ർ, സൈ​നു​ദ്ദീ​ൻ ന​ഗ​ർ, പൊ​ക്കാ​ഞ്ചേ​രി ബീ​ച്ച് എ​ന്നി​വി​ട​ങ്ങ​ളി​ൽ താ​മ​സി​ക്കു​ന്ന​വ​രാ​ണ് ഭീ​തി​യി​ൽ ക​ഴി​യു​ന്ന​ത്. ഇ​വി​ടെ സീ​വാ​ൾ റോ​ഡും ഒ​ലി​ച്ചു പോ​യി​രു​ന്നു. നി​ര​വ​ധി തെ​ങ്ങു​ക​ൾ ക​ട​പു​ഴ​കി​യി​രു​ന്നു.

24 വ​ർ​ഷ​ത്തി​നു​ള്ളി​ൽ ഇ​വി​ടെ നൂ​റി​ല​ധി​കം വീ​ടു​ക​ളാ​ണ് ത​ക​ർ​ന്ന​ത്. വാ​ടാ​ന​പ്പ​ള്ളി ബീ​ച്ചി​ലെ പു​തി​യ സീ​വാ​ൾ റോ​ഡും ഒ​ലി​ച്ചു പോ​യ​തോ​ടെ ഗ​താ​ഗ​തം സ്തം​ഭി​ച്ചു. ക​ട​ലാ​ക്ര​മ​ണം ത​ട​യാ​ൻ ക​ട​ൽ ഭി​ത്തി നി​ർ​മി​ക്കാ​റു​ണ്ടെ​ങ്കി​ലും വ​രു​ന്ന വ​ർ​ഷം ക​ട​ലാ​ക്ര​മ​ണ​ത്തി​ൽ ത​ക​രാ​റാ​ണ് പ​തി​വ്. നി​ർ​മാ​ണ​ത്തി​ലെ ക്ര​മ​ക്കേ​ടാ​ണ് ഭി​ത്തി​വേ​ഗം ത​ക​രാ​ൻ കാ​ര​ണം. ഭി​ത്തി നി​ർ​മാ​ണ​ത്തി​ന്റെ പേ​രി​ൽ ല​ക്ഷ​ങ്ങ​ളാ​ണ് ക​ട​ലി​ൽ കാ​യം ക​ല​ക്കു​ന്ന​ത്. അ​തേ​സ​മ​യം സ്നേ​ഹ​തീ​രം ബീ​ച്ചി​ൽ പാ​ർ​ക്കി​ന് സു​ര​ക്ഷ​ക്കാ​യി നി​ർ​മി​ച്ച ക​ട​ൽ ഭി​ത്തി​ക്ക് ഏ​റെ വ​ർ​ഷം ക​ഴി​ഞ്ഞി​ട്ടും കേ​ട് ഉ​ണ്ടാ​യി​ല്ല. വാ​ടാ​ന​പ്പ​ള്ളി ബീ​ച്ച് മു​ത​ൽ പൊ​ക്കാ​ഞ്ചേ​രി ബീ​ച്ച് വ​രെ​യാ​ണ് ക​ട​ലാ​ക്ര​മ​ണം നാ​ശം വി​ത​ക്കാ​റ്.

ക​ട​ലോ​ര​ത്ത് താ​മ​സി​ക്കു​ന്ന​വ​രെ മാ​റ്റി താ​മ​സി​പ്പി​ക്കാ​ൻ റ​വ​ന്യൂ വ​കു​പ്പ് പൊ​ക്കാ​ഞ്ചേ​രി ഖ​ദീ​ജു​മ്മ സ്കൂ​ളി​ന് കി​ഴ​ക്ക് സ്വ​കാ​ര്യ വ്യ​ക്തി​യു​ടെ ഒ​ന്ന​ര ഏ​ക്ക​റോ​ളം വ​രു​ന്ന സ്ഥ​ലം 13 വ​ർ​ഷം മു​മ്പ് ക​ണ്ടെ​ടു​ത്തി​രു​ന്നു. ഫ്ലാ​റ്റ് നി​ർ​മി​ക്കാ​നാ​യി​രു​ന്നു തീ​രു​മാ​നി​ച്ചി​രു​ന്ന​ത്. സ്ഥ​ല​ത്തെ 150ല​ധി​കം തെ​ങ്ങു​ക​ൾ വെ​ട്ടി​മാ​റ്റി നി​ർ​മി​ക്കാ​നു​ള്ള ശ്ര​മം ഭൂ​വു​ട​മ കോ​ട​തി​യെ സ​മീ​പി​ച്ച​തോ​ടെ പാ​ളി. തീ​ര​ദേ​ശ​വാ​സി​ക​ളെ പു​ന​ര​ധി​വ​സി​പ്പി​ക്കാ​ൻ സ്ഥ​ലം ക​ണ്ടെ​ത്തു​മെ​ന്ന് അ​റി​യി​ച്ചെ​ങ്കി​ലും സ്ഥ​ലം കി​ട്ടാ​ത്ത​തി​നാ​ൽ നി​ർ​മാ​ണം നി​ല​ച്ചു. ഇ​തോ​ടെ തീ​ര​ദേ​ശ​വാ​സി​ക​ൾ ക​ട​ലോ​ര​ത്ത് ത​ന്നെ താ​മ​സം തു​ട​ർ​ന്നു. പ​ല​രും വാ​ട​ക​ക്കാ​ണ് താ​മ​സി​ക്കു​ന്ന​ത്.

ഉ​യ​ർ​ന്ന തി​ര​മാ​ല സാ​ധ്യ​ത മു​ന്ന​റി​യി​പ്പ് വ​ന്ന​തോ​ടെ തീ​ര​ദേ​ശ​നി​വാ​സി​ക​ളു​ടെ നെ​ഞ്ചി​ൽ തീ​യ്യാ​ണ്. ക​ട​ലാ​ക്ര​മ​ണം ത​ട​യാ​ൻ പു​ലി​മു​ട്ട് നി​ർ​മി​ക്ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളോ​ളം പ​ഴ​ക്ക​മു​ണ്ട്. എ​ന്നാ​ൽ പ​ദ്ധ​തി ന​ട​പ്പി​ലാ​ക്കാ​ൻ ക​ഴി​യു​ന്നി​ല്ല.