ഇരണിയൽ റെയിൽവേ സ്റ്റേഷനിൽ ട്രാക്കിൽ കട്ടകൾ; അട്ടിമറി ശ്രമം

നാ​ഗ​ർ​കോ​വി​ൽ: ക​ന്യാ​കു​മാ​രി-​തി​രു​വ​ന​ന്ത​പു​രം റെ​യി​ൽ പാ​ത​യി​ൽ ഇ​ര​ണി​യ​ൽ റെ​യി​ൽ​വേ സ്റ്റേ​ഷ​ൻ ഭാ​ഗ​ത്ത്​ ട്രാ​ക്കി​ൽ കോ​ൺ​ക്രീ​റ്റ് ക​ട്ട​ക​ൾ നി​ര​ത്തി​വെ​ച്ച് അ​ട്ടി​മ​റി​ക്ക് ശ്ര​മം.ലോ​ക്കോ പൈ​ല​റ്റി​ന്‍റെ സ​മ​യോ​ചിത ഇ​ട​പെ​ട​ൽ കാ​ര​ണം വ​ൻ അ​പ​ക​ടം ഒ​ഴി​വാ​യി. വ്യാ​ഴാ​ഴ്ച പു​ല​ർ​ച്ച നാ​ഗ​ർ​കോ​വി​ലി​ൽ​നി​ന്ന് പു​റ​പ്പെ​ട്ട് 4.55ന് ​ഇ​ര​ണി​യ​ലി​ൽ എ​ത്തി​യ പ​ര​ശു​റാം എ​ക്സ്​​പ്ര​സ്​ യാ​ത്ര​ക്കാ​രെ ക​യ​റ്റി​യ​ശേ​ഷം അ​ഞ്ചോ​ടെ സ്റ്റേ​ഷ​ൻ വി​ട്ട​പ്പോ​ഴാ​ണ് പ്ലാ​റ്റ് ഫോം ​തീ​രു​ന്ന സ്ഥ​ല​ത്ത് ട്രാ​ക്കി​ൽ നാ​ല് കോ​ൺ​ക്രീ​റ്റ് ക​ട്ട​ക​ൾ നി​ര​ത്തി വെ​ച്ചി​രി​ക്കു​ന്ന​ത് ലോ​ക്കോ പൈ​ല​റ്റ് ശ്ര​ദ്ധി​ച്ച​ത്.

ഉ​ട​ൻ ട്രെ​യി​ൻ നി​ർ​ത്തി വി​വ​രം കോ​ട്ടാ​ർ റെ​യി​ൽ​വേ പൊ​ലീ​സി​നെ അ​റി​യി​ച്ചു. ക​ട്ട​ക​ൾ നീ​ക്കം​ചെ​യ്ത​ശേ​ഷം ട്രെ​യി​ൻ യാ​ത്ര​തു​ട​ർ​ന്നു. പു​ല​ർ​ച്ച 1.45ന് ​തി​രു​നെ​ൽ​വേ​ലി​യി​ൽ​നി​ന്നു​ള്ള ബി​ലാ​സ്പൂ​ർ എ​ക്സ്​​പ്ര​സ്​ ഇ​ര​ണി​യ​ൽ വ​ഴി ക​ട​ന്നു​പോ​യി​രു​ന്നു. അ​തി​നു​ശേ​ഷ​മാ​യി​ക്കാം സാ​മൂ​ഹി​ക​വി​രു​ദ്ധ​ർ ക​ട്ട​ക​ൾ വെ​ച്ച​തെ​ന്നാ​ണ് പൊ​ലീ​സി​ന്‍റെ പ്രാ​ഥ​മി​ക നി​ഗ​മ​നം. സ​മീ​പ​ത്തെ സി.​സി ടി.​വി കാ​മ​റ കേ​ന്ദ്രീ​ക​രി​ച്ച്​ അ​ന്വേ​ഷ​ണം തു​ട​ങ്ങി.