തൊണ്ടിവാഹനങ്ങള്‍ കൂമ്പാരംകൂടി നേമം പൊലീസ് സ്റ്റേഷന്‍

നേ​മം: തൊ​ണ്ടി​വാ​ഹ​ന​ങ്ങ​ളു​ടെ എ​ണ്ണം വ​ർ​ധി​ച്ച​തോ​ടെ നേ​മം പൊ​ലീ​സ് സ്റ്റേ​ഷ​ൻ പ​രി​സ​ര​ത്ത് പൊ​ലീ​സു​കാ​രു​ടെ വാ​ഹ​ന​ങ്ങ​ള്‍ പാ​ര്‍ക്ക് ചെ​യ്യാ​ന്‍ സ്ഥ​ല​മി​ല്ല. സ്റ്റേ​ഷ​നി​ല്‍ വി​വി​ധ കാ​ല​ങ്ങ​ളി​ലാ​യി പി​ടി​ച്ചി​ട്ടി​രി​ക്കു​ന്ന വാ​ഹ​ന​ങ്ങ​ളാ​ണ് സ്ഥ​ലം​കൊ​ല്ലി​യാ​യി കി​ട​ക്കു​ന്ന​ത്. ഇ​ക്കൂ​ട്ട​ത്തി​ല്‍ ഇ​രു​ച​ക്ര വാ​ഹ​ന​ങ്ങ​ളാ​ണ് കൂ​ടു​ത​ല്‍.

ഓ​ട്ടോ​റി​ക്ഷ​ക​ളും കാ​റു​ക​ളും തൊ​ണ്ടി​വാ​ഹ​ന​ങ്ങ​ളാ​യി കി​ട​ക്കു​ന്നു​ണ്ട്. സ്റ്റേ​ഷ​ന്റെ പ്ര​ധാ​ന ക​വാ​ട​ത്തി​നു സ​മീ​പ​ത്ത്​ പി​ടി​ച്ചി​ട്ടി​രി​ക്കു​ന്ന വാ​ഹ​ന​ങ്ങ​ള്‍ തു​രു​മ്പെ​ടു​ത്തും കാ​ടു​ക​യ​റി​യും കി​ട​ക്കു​ക​യാ​ണ്. ഈ ​ഭാ​ഗ​ത്ത് മു​മ്പ് ഇ​രു​ച​ക്ര​വാ​ഹ​ന​ങ്ങ​ള്‍ പാ​ര്‍ക്ക് ചെ​യ്യാ​ന്‍ സൗ​ക​ര്യ​മു​ണ്ടാ​യി​രു​ന്ന​താ​ണ്.

കു​റ​ച്ചു വ​ര്‍ഷ​ങ്ങ​ള്‍ക്കു മു​മ്പ് തൊ​ണ്ടി വാ​ഹ​ന​ങ്ങ​ള്‍ അ​ധി​ക​രി​ച്ച​പ്പോ​ള്‍ പൂ​ന്തു​റ മി​ല്‍ക്ക് കോ​ള​നി​ക്കു സ​മീ​പം കൊ​ണ്ടി​ട്ടി​രു​ന്നു. ആ​ര്‍.​സി ബു​ക്കും മ​റ്റ്​ രേ​ഖ​ക​ളു​മി​ല്ലാ​ത്ത​തി​ന് പി​ടി​ക്ക​പ്പെ​ടു​ന്ന വാ​ഹ​ന​ങ്ങ​ള്‍ അ​ധി​കം താ​മ​സ​മി​ല്ലാ​തെ വി​ട്ടു​ന​ല്‍കു​മെ​ങ്കി​ലും വ​ലി​യ കേ​സു​ക​ളി​ല്‍ പി​ടി​ക്ക​പ്പെ​ടു​ന്ന വാ​ഹ​ന​ങ്ങ​ളാ​ണ് നാ​ഥ​നി​ല്ലാ​തെ സ്റ്റേ​ഷ​ന്‍ പ​രി​സ​ര​ത്ത് കി​ട​ക്കു​ന്ന​ത്.

എ​ട്ടു​മു​ത​ല്‍ 10 വ​രെ വ​ര്‍ഷ​മാ​യി സ്റ്റേ​ഷ​ന്‍ കോ​മ്പൗ​ണ്ടി​ല്‍ കി​ട​ക്കു​ന്ന വാ​ഹ​ന​ങ്ങ​ള്‍ നി​ര​വ​ധി​യാ​ണ്. സ്റ്റേ​ഷ​ന്‍ അ​ധി​കാ​രി​ക​ള്‍ ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ര്‍ക്ക് വി​വ​ര​ങ്ങ​ള്‍ റി​പ്പോ​ര്‍ട്ട് ചെ​യ്താ​ല്‍ മാ​ത്ര​മേ തൊ​ണ്ടി​വാ​ഹ​ന​ങ്ങ​ള്‍ കു​റ​ച്ചെ​ങ്കി​ലും നീ​ക്കം ചെ​യ്യാ​ൻ ന​ട​പ​ടി ഉ​ണ്ടാ​കൂ. പൊ​തു​വെ സ്ഥ​ല​സൗ​ക​ര്യ​ത്താ​ല്‍ വീ​ര്‍പ്പു​മു​ട്ടു​ന്ന നേ​മം സ്റ്റേ​ഷ​നി​ല്‍ തൊ​ണ്ടി​വാ​ഹ​ന​ങ്ങ​ള്‍ നീ​ക്കം ചെ​യ്യു​ന്ന​തി​നു​ള്ള ന​ട​പ​ടി​ക​ള്‍ ഉ​ണ്ടാ​ക​ണ​മെ​ങ്കി​ല്‍ സ്റ്റേ​ഷ​ന്‍ അ​ധി​കാ​രി​ക​ള്‍ത​ന്നെ മ​ന​സ്സു​വെ​ക്ക​ണം.

ജ​ന​മൈ​ത്രി സ്റ്റേ​ഷ​ന്‍ കോ​മ്പൗ​ണ്ടി​ല്‍ കി​ട​ക്കു​ന്ന തൊ​ണ്ടി​വാ​ഹ​ന​ങ്ങ​ള്‍ പ​ടി​പ​ടി​യാ​യി നീ​ക്കം ചെ​യ്യാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന്​ തി​രു​വ​ന​ന്ത​പു​രം സി​റ്റി പൊ​ലീ​സ് ക​മീ​ഷ​ണ​ര്‍ തോം​സ​ണ്‍ ജോ​സ്​ പ​റ​ഞ്ഞു.

പ്ര​ത്യേ​കി​ച്ചും ഹൈ​വേ പ​രി​ധി​യി​ലു​ള്ള നേ​മം സ്റ്റേ​ഷ​നി​ല്‍ തൊ​ണ്ടി​വാ​ഹ​ന​ങ്ങ​ളു​ടെ ബാ​ഹു​ല്യ​മു​ണ്ടെ​ന്ന​ത് ശ​രി​യാ​ണ്. പൊ​തു​വെ നേ​മം സ്റ്റേ​ഷ​ന്റെ സ്ഥ​ല​ദൗ​ര്‍ല​ഭ്യം പ​രി​ഗ​ണി​ച്ച് ഇ​ക്കാ​ര്യ​ത്തി​ല്‍ അ​ടി​യ​ന്ത​ര​ന​ട​പ​ടി​ക​ള്‍ സ്വീ​ക​രി​ക്കു​മെ​ന്നും ക​മീ​ഷ​ണ​ര്‍ വ്യ​ക്ത​മാ​ക്കി.