പരാതികൾക്ക് ഒരു കുടക്കീഴിൽ പരിഹാരവുമായി തദ്ദേശ അദാലത്ത്

സു​ൽ​ത്താ​ൻ ബ​ത്തേ​രി: സം​സ്ഥാ​ന സ​ർ​ക്കാ​റി​ന്റെ മൂ​ന്നാം നൂ​റു​ദി​ന പ​രി​പാ​ടി​യു​ടെ ഭാ​ഗ​മാ​യി ന​ട​ന്ന ജി​ല്ല​ത​ല ത​ദ്ദേ​ശ അ​ദാ​ല​ത്തി​ൽ നി​ര​വ​ധി പ​രാ​തി​ക​ൾ​ക്ക് പ​രി​ഹാ​രം. സം​സ്ഥാ​ന ത​ല​ത്തി​ൽ 13 ജി​ല്ല​ക​ളും മൂ​ന്ന് കോ​ർ​പ​റേ​ഷ​നും പി​ന്നി​ട്ട് ഏ​റ്റ​വു​മൊ​ടു​വി​ലാ​ണ് ത​ദ്ദേ​ശ അ​ദാ​ല​ത്തി​ന് ജി​ല്ല വേ​ദി​യാ​യ​ത്. മു​ണ്ട​ക്കൈ, ചൂ​ര​ൽ​മ​ല ഉ​രു​ൾ​പൊ​ട്ട​ൽ ദു​ര​ന്ത​ത്തെ തു​ട​ർ​ന്നാ​ണ് അ​ദാ​ല​ത്ത് പു​നഃ​ക്ര​മീ​ക​ര​ണം ന​ട​ത്തി​യ​ത്. മു​ൻ​കൂ​ട്ടി ഓ​ൺ​ലൈ​ൻ പോ​ർ​ട്ട​ൽ വ​ഴി അ​ദാ​ല​ത്തി​ൽ പ​രി​ഗ​ണി​ക്കേ​ണ്ട പ​രാ​തി​ക​ൾ സ്വീ​ക​രി​ച്ച​തി​ൽ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്നും നി​ര​വ​ധി പേ​രാ​ണ് എ​ത്തി​യ​ത്.

പ​രാ​തി​ക​ൾ പ​ഞ്ചാ​യ​ത്തു​ത​ലം, ജി​ല്ല​ത​ലം, സം​സ്ഥാ​ന​ത​ലം എ​ന്നി​ങ്ങ​നെ ത​രം തി​രി​ച്ചാ​ണ് പ​രി​ഗ​ണി​ച്ച​ത്. അ​ത​ത് പ​ഞ്ചാ​യ​ത്ത് ത​ല​ങ്ങ​ളി​ൽ മാ​ത്രം തീ​രു​മാ​ന​മെ​ടു​ക്കേ​ണ്ട പ​രാ​തി​ക​ൾ അ​ദാ​ല​ത്തി​ൽ ക്ര​മീ​ക​രി​ച്ച ഡെ​സ്കു​ക​ളി​ൽ തീ​ർ​പ്പാ​ക്കി. ഇ​വി​ടെ​നി​ന്നും ജി​ല്ല​ത​ല​ത്തി​ൽ പ​രി​ഗ​ണി​ക്കേ​ണ്ട പ​രാ​തി​ക​ൾ ജി​ല്ല​ത​ല​ത്തി​ലും പ​രി​ഹ​രി​ക്കാ​ൻ സം​വി​ധാ​നം ഒ​രു​ക്കി​യി​രു​ന്നു. ഇ​വി​ടെ​നി​ന്ന് സം​സ്ഥാ​ന​ത​ല​ത്തി​ൽ നി​ർ​ദേ​ശം ആ​വ​ശ്യ​മാ​യ പ​രാ​തി​ക​ൾ സം​സ്ഥാ​ന​ത​ല ടീം ​പ​രി​ശോ​ധി​ച്ച് തീ​ർ​പ്പാ​ക്കു​ന്ന രീ​തി​യാ​ണ് പി​ന്തു​ട​ർ​ന്ന​ത്. നി​ല​വി​ലു​ള്ള ച​ട്ട​ങ്ങ​ളി​ൽ ഭേ​ദ​ഗ​തി ആ​വ​ശ്യ​മാ​യ പ​രാ​തി​ക​ൾ ത​ദ്ദേ​ശ മ​ന്ത്രി എം.​ബി. രാ​ജേ​ഷ് നേ​രി​ട്ട് കേ​ൾ​ക്കു​ക​യും നി​ർ​ദേ​ശ​ങ്ങ​ൾ സ്വീ​ക​രി​ക്കു​ക​യും ചെ​യ്തു. സ​ർ​ക്കാ​റി​ന്റെ പു​തി​യ ഉ​ത്ത​ര​വി​റ​ങ്ങു​ന്ന​തോ​ടെ ഇ​ത്ത​ര​ത്തി​ലു​ള്ള പ​രാ​തി​ക​ൾ ഒ​ന്ന​ട​ങ്കം പ​രി​ഹ​രി​ക്കാ​ൻ ക​ഴി​യു​മെ​ന്ന് മ​ന്ത്രി പ​റ​ഞ്ഞു. ജി​ല്ല ത​ദ്ദേ​ശ അ​ദാ​ല​ത്തി​ൽ എ​ത്തി​യ പു​തി​യ പ​രാ​തി​ക​ൾ പ്രാ​ഥ​മി​ക ദ്വി​തീ​യ പ​രി​ശോ​ധ​ന​ക​ൾ പൂ​ർ​ത്തി​യാ​ക്കി ര​ണ്ട് മാ​സ​ത്തി​ന​കം തീ​ർ​പ്പ് ക​ൽ​പി​ക്കു​മെ​ന്നും മ​ന്ത്രി പ​റ​ഞ്ഞു.

പൊ​തു​ജ​ന​ങ്ങ​ളു​ടെ പ​രാ​തി​ക​ൾ പ​ര​മാ​വ​ധി പ​രി​ഹ​രി​ക്കു​ക ല​ക്ഷ്യം -മ​ന്ത്രി എം.​ബി. രാ​ജേ​ഷ്

സു​ൽ​ത്താ​ൻ ബ​ത്തേ​രി: പൊ​തു​ജ​ന​ങ്ങ​ളു​ടെ സ​ങ്കീ​ർ​ണ​മാ​യ പ്ര​ശ്ന​ങ്ങ​ൾ നി​യ​മ​ത്തി​നും ച​ട്ട​ത്തി​നും വി​ധേ​യ​മാ​യി പ​ര​മാ​വ​ധി പ​രി​ഹ​രി​ക്കു​ക​യാ​ണ് ല​ക്ഷ്യ​മെ​ന്ന് ത​ദ്ദേ​ശ സ്വ​യം​ഭ​ര​ണ മ​ന്ത്രി എം.​ബി. രാ​ജേ​ഷ്. ജി​ല്ല​ത​ല ത​ദ്ദേ​ശ അ​ദാ​ല​ത്ത് ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി. ജി​ല്ല​യി​ലേ​ത് 17ാമ​ത് അ​ദാ​ല​ത്താ​ണ്. അ​ദാ​ല​ത്തി​ലൂ​ടെ ല​ഭി​ച്ച പ​രാ​തി​ക​ളു​ടെ​യും മാ​ർ​ഗ​നി​ർ​ദേ​ശ​ങ്ങ​ളു​ടെ​യും അ​ടി​സ്ഥാ​ന​ത്തി​ൽ സ​ർ​ക്കാ​ർ 42 പൊ​തു​തീ​രു​മാ​ന​ങ്ങ​ൾ എ​ടു​ത്തി​ട്ടു​ണ്ട്.

100ഓ​ളം ച​ട്ട​ഭേ​ദ​ഗ​തി​യി​ലൂ​ടെ 351 മാ​റ്റ​ങ്ങ​ൾ വ​രു​ത്തേ​ണ്ട​തു​ണ്ട്. ഇ​തി​നാ​യി ടൗ​ൺ പ്ലാ​നി​ങ് വി​ഭാ​ഗ​ത്തി​ന്റെ നേ​തൃ​ത്വ​ത്തി​ൽ ശി​ൽ​പ​ശാ​ല സം​ഘ​ടി​പ്പി​ച്ച് ആ​വ​ശ്യ​മാ​യ നി​ർ​ദേ​ശം സ​ർ​ക്കാ​റി​ന് സ​മ​ർ​പ്പി​ച്ച​താ​യി മ​ന്ത്രി പ​റ​ഞ്ഞു. മു​ൻ​കൂ​ട്ടി ര​ജി​സ്റ്റ​ർ ചെ​യ്ത പ​രാ​തി​ക​ളാ​ണ് അ​ദാ​ല​ത്തി​ൽ പ​രി​ഹ​രി​ച്ച​ത്. പോ​ർ​ട്ട​ലി​ൽ ര​ജി​സ്റ്റ​ർ ചെ​യ്ത പ​രാ​തി​ക്കാ​രെ​യും മ​ന്ത്രി നേ​രി​ൽ ക​ണ്ട് പ​രാ​തി​ക​ൾ പ​രി​ശോ​ധി​ച്ച് തീ​ർ​പ്പാ​ക്കി.

അ​ദാ​ല​ത്ത് വേ​ദി​യി​ൽ പ​രാ​തി ന​ൽ​കി​യ​വ​രി​ൽ നി​ന്നും വി​വി​ധ കൗ​ണ്ട​റു​ക​ൾ മു​ഖേ​ന അ​പേ​ക്ഷ സ്വീ​ക​രി​ച്ചു. ഈ ​പ​രാ​തി​ക​ളി​ൽ ര​ണ്ടാ​ഴ്ച​ക്ക​കം തീ​ർ​പ്പ് ഉ​റ​പ്പാ​ക്കും. ദു​ര​ന്ത​പ്ര​ദേ​ശ​ത്തെ അ​തി​ജീ​വ​ന - പു​ന​ര​ധി​വാ​സ പ്ര​വ​ർ​ത്ത​ന​ങ്ങ​ൾ​ക്കാ​യി സ​ർ​ക്കാ​ർ പ​ഴു​ത​ട​ച്ച ന​ട​പ​ടി​ക​ളു​മാ​യി മു​ന്നോ​ട്ട് പോ​വു​ക​യാ​ണെ​ന്നും മ​ന്ത്രി വ്യ​ക്ത​മാ​ക്കി. ചൂ​ര​ൽ​മ​ല-​മു​ണ്ട​ക്കൈ ഉ​രു​ൾ​പൊ​ട്ട​ൽ ദു​ര​ന്ത​ത്തെ അ​തി​ജീ​വി​ക്കാ​ൻ ഒ​റ്റ​ക്കെ​ട്ടാ​യി അ​ണി​നി​ര​ന്ന വ​കു​പ്പ് ജീ​വ​ന​ക്കാ​ർ​ക്കും ജ​ന​പ്ര​തി​നി​ധി​ക​ൾ​ക്കും മ​ന്ത്രി അ​ഭി​ന​ന്ദ​ന​മ​റി​യി​ച്ചു. ഐ.​സി ബാ​ല​കൃ​ഷ്ണ​ൻ എം.​എ​ൽ.​എ അ​ധ്യ​ക്ഷ​ത വ​ഹി​ച്ചു.

ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് സം​ഷാ​ദ് മ​ര​ക്കാ​ർ, സു​ൽ​ത്താ​ൻ ബ​ത്തേ​രി ന​ഗ​ര​സ​ഭ ചെ​യ​ർ​മാ​ൻ ടി.​കെ. ര​മേ​ശ്, ത​ദ്ദേ​ശ സ്വ​യം​ഭ​ര​ണ വ​കു​പ്പ് സ്പെ​ഷ​ൽ സെ​ക്ര​ട്ട​റി ടി.​വി. അ​നു​പ​മ, ത​ദ്ദേ​ശ വ​കു​പ്പ് പ്രി​ൻ​സി​പ്പ​ൽ ഡ​യ​റ​ക്ട​ർ സീ​റാം സാം​ബ​ശി​വ റാ​വു, എ.​ഡി.​എം. കെ. ​ദേ​വ​കി, ത​ദ്ദേ​ശ വ​കു​പ്പ് ചീ​ഫ് ടൗ​ൺ പ്ലാ​ന​ർ ഷി​ജി ഇ. ​ച​ന്ദ്ര​ൻ, ചീ​ഫ് എ​ൻ​ജി​നീ​യ​ർ കെ.​ജി. സ​ന്ദീ​പ്, ഗ്രാ​മ​പ​ഞ്ചാ​യ​ത്ത് അ​സോ​സി​യേ​ഷ​ൻ പ്ര​സി​ഡ​ന്റ് എ​ച്ച്.​ബി. പ്ര​ദീ​പ​ൻ മാ​സ്റ്റ​ർ, മാ​ന​ന്ത​വാ​ടി ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് ജ​സ്റ്റി​ൻ ബേ​ബി, എ​ൽ.​എ​സ്.​ജി.​ഡി ജോ. ​ഡ​യ​റ​ക്ട​ർ ബെ​ന്നി ജോ​സ​ഫ് എ​ന്നി​വ​ർ പ​ങ്കെ​ടു​ത്തു.