മീ​ന​ങ്ങാ​ടി വ​നി​ത ജിം​നേ​ഷ്യം തു​റ​ന്നി​ല്ല; ഉ​പ​ക​ര​ണ​ങ്ങ​ൾ ലൈ​ബ്ര​റി​യി​ൽ

സു​ൽ​ത്താ​ൻ ബ​ത്തേ​രി: മീ​ന​ങ്ങാ​ടി​യി​ൽ സ്ത്രീ​ക​ളു​ടെ ആ​രോ​ഗ്യ സം​ര​ക്ഷ​ണ​ത്തി​നാ​യി തു​ട​ങ്ങാ​ൻ ഉ​ദ്ദേ​ശി​ച്ച ജിം​നേ​ഷ്യ​ത്തി​ലേ​ക്കു​ള്ള ഉ​പ​ക​ര​ണ​ങ്ങ​ൾ ലൈ​ബ്ര​റി​യി​ൽ വെ​റു​തെ കി​ട​ക്കു​ന്നു. ഫ​ണ്ടി​ന്റെ അ​ഭാ​വ​വും കൂ​ടു​ത​ൽ ഉ​പ​ക​ര​ണ​ങ്ങ​ളെ​ത്താ​ത്ത​തു​മാ​ണ് ജിം​നേ​ഷ്യം തു​ട​ങ്ങാ​ൻ ത​ട​സ്സമാ​യി​രി​ക്കു​ന്ന​തെ​ന്ന് അ​ധി​കൃ​ത​ർ പ​റ​ഞ്ഞു.

മീ​ന​ങ്ങാ​ടി പ​ഞ്ചാ​യ​ത്ത് ലൈ​ബ്ര​റി​യി​ലാ​ണ് വ​നി​ത ജിം​നേ​ഷ്യ​ത്തി​ലേ​ക്ക് ആ​വ​ശ്യ​മാ​യ ഉ​പ​ക​ര​ണ​ങ്ങ​ൾ സൂ​ക്ഷി​ച്ചി​ട്ടു​ള്ള​ത്. ഏ​ക​ദേ​ശം നാ​ലു മാ​സ​ത്തി​ലേ​റെ​യാ​യി ഉ​പ​ക​ര​ണ​ങ്ങ​ൾ ഇ​വി​ടെ കൊ​ണ്ടു​വ​ന്നി​ട്ട്.

പ്ലാ​സ്റ്റി​ക് കൂ​ട്ടി​ൽ പൊ​തി​ഞ്ഞ് ലൈ​ബ്ര​റി ഹാ​ളി​ന്റെ വി​വി​ധ ഭാ​ഗ​ങ്ങ​ളി​ലാ​യി ഇ​ത് അ​ല​സ​മാ​യി ഇ​ട്ടി​രി​ക്കു​ക​യാ​ണ്. ലൈ​ബ്ര​റി ഹാ​ളി​നോ​ട് ചേ​ർ​ന്നു​ള്ള ഹാ​ളി​ലാ​ണ് ജിം​നേ​ഷ്യം തു​ട​ങ്ങാ​ൻ ഉ​ദ്ദേ​ശി​ക്കു​ന്ന​ത്. ആ ​ഭാ​ഗ​ത്ത് കു​ടും​ബ​ശ്രീ- ഹ​രി​ത സേ​ന​യു​മാ​യി ബ​ന്ധ​പ്പെ​ട്ട ഓ​ഫി​സ് പ്ര​വ​ർ​ത്തി​ക്കു​ന്നു​ണ്ട്. ര​ണ്ടു മാ​സ​ത്തി​ലേ​റെ​യാ​യി പു​തി​യ ലൈ​ബ്ര​റി കെ​ട്ടി​ടം പ​ണി തൊ​ട്ട​ടു​ത്തു​ള്ള പ​ഞ്ചാ​യ​ത്ത് സ്റ്റേ​ജി​ന്റെ മു​ക​ളി​ൽ പു​രോ​ഗ​മി​ക്കു​ക​യാ​ണ്. ഇ​വി​ടേ​ക്ക് ലൈ​ബ്ര​റി മാ​റ്റു​ന്ന മു​റ​ക്ക് ലൈ​ബ്ര​റി ഹാ​ളി​ൽ ജിം​നേ​ഷ്യ​ത്തി​നു​ള്ള സൗ​ക​ര്യ​മു​ണ്ടാ​വും. കൂ​ടു​ത​ൽ ഉ​പ​ക​ര​ണ​ങ്ങ​ളും അ​തോ​ടെ എ​ത്തു​മെ​ന്നു​മാ​ണ് പ​ഞ്ചാ​യ​ത്ത് അ​ധി​കൃ​ത​ർ പ​റ​യു​ന്ന​ത്.

ക​ഴി​ഞ്ഞ സാ​മ്പ​ത്തി​ക വ​ർ​ഷ​ത്തി​ലാ​ണ് ജിം​നേ​ഷ്യ​ത്തി​നാ​യി തു​ക വ​ക​യി​രു​ത്തി​യ​തെ​ന്ന് മീ​ന​ങ്ങാ​ടി പ​ഞ്ചാ​യ​ത്ത് അം​ഗ​വും കോ​ൺ​ഗ്ര​സ് നേ​താ​വു​മാ​യ ബേ​ബി വ​ർ​ഗീ​സ് പ​റ​ഞ്ഞു. എ​ന്നാ​ൽ, ട്ര​ഷ​റി​യി​ൽ ത​ട​സ​ങ്ങ​ളു​ണ്ടാ​യ​തോ​ടെ പ​ദ്ധ​തി സ്പി​ൽ ഓ​വ​റാ​യി. ഈ ​സാ​മ്പ​ത്തി​ക വ​ർ​ഷ അ​വ​സാ​ന​ത്തോ​ടെ എ​ല്ലാം പ​രി​ഹ​രി​ക്കും. ജിം​നേ​ഷ്യ​ത്തി​ലേ​ക്ക് ആ​വ​ശ്യ​മാ​യ കൂ​ടു​ത​ൽ ഉ​പ​ക​ര​ണ​ങ്ങ​ൾ എ​ത്തി​ക്കാ​നു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി.