തെരഞ്ഞെടുപ്പ് ചിത്രം തെളിഞ്ഞു; വലിയ നിലപാട് പറയാൻ കുഞ്ഞുമണ്ഡലം തയാർ

കൊ​ച്ചി: ഇ​ന്ത്യ​യി​ലെ ഏ​റ്റ​വും കു​റ​വ് വോ​ട്ട​ർ​മാ​രു​ള്ള ലോ​ക്സ​ഭ മ​ണ്ഡ​ല​ത്തി​ൽ തെ​ര​ഞ്ഞെ​ടു​പ്പ് പോ​രാ​ട്ടം ക​ന​ക്കു​ന്നു. നാ​മ​നി​ർ​ദേ​ശ പ​ത്രി​ക പി​ൻ​വ​ലി​ക്കാ​നു​ള്ള അ​വ​സാ​ന ദി​വ​സ​വും പി​ന്നി​ട്ട ല‍ക്ഷ​ദ്വീ​പി​ൽ തെ​ര​ഞ്ഞെ​ടു​പ്പ് ചി​ത്രം തെ​ളി​ഞ്ഞു. ഭ​ര​ണ​കൂ​ട​ത്തി​ന്‍റെ ജ​ന​വി​രു​ദ്ധ ന​യ​ങ്ങ​ൾ മു​ത​ൽ കോ​ൺ​ഗ്ര​സ്, എ​ൻ.​സി.​പി-​എ​സ്, എ​ൻ.​ഡി.​എ രാ​ഷ്ട്രീ​യം​വ​രെ പ്ര​ചാ​ര​ണ വി​ഷ​യ​മാ​യ ഇ​വി​ടെ ആ​കെ 57,784 വോ​ട്ട​ർ​മാ​രാ​ണു​ള്ള​ത്. രാ​ജ്യ​ത്തെ ആ​ദ്യ​ഘ​ട്ട വി​ധി​യെ​ഴു​ത്ത് ദി​ന​മാ​യ ഏ​പ്രി​ൽ 19ന് ​ഇ​വ​രും പോ​ളി​ങ് ബൂ​ത്തി​ലെ​ത്തും. കോ​ൺ​ഗ്ര​സ് സ്ഥാ​നാ​ർ​ഥി ഹം​ദു​ല്ല സ​ഈ​ദ് -കൈ​പ്പ​ത്തി, എ​ൻ.​സി.​പി-​എ​സ് സ്ഥാ​നാ​ർ​ഥി മു​ഹ​മ്മ​ദ് ഫൈ​സ​ൽ -കാ​ഹ​ളം മു​ഴ​ക്കു​ന്ന മ​നു​ഷ്യ​ൻ, എ​ൻ.​ഡി.​എ​യെ പി​ന്തു​ണ​ക്കു​ന്ന എ​ൻ.​സി.​പി അ​ജി​ത് പ​വാ​ർ വി​ഭാ​ഗം സ്ഥാ​നാ​ർ​ഥി ടി.​പി. യൂ​സു​ഫ് -ഘ​ടി​കാ​രം, സ്വ​ത​ന്ത്ര സ്ഥാ​നാ​ർ​ഥി കോ​യ -ക​പ്പ​ൽ എ​ന്നി​ങ്ങ​നെ​യാ​ണ് സ്ഥാ​നാ​ർ​ഥി​ക​ളും ചി​ഹ്ന​ങ്ങ​ളും.

ഇ​വ​രി​ൽ സി​റ്റി​ങ് എം.​പി മു​ഹ​മ്മ​ദ് ഫൈ​സ​ലും മു​ൻ എം.​പി ഹം​ദു​ല്ല സ​ഈ​ദും ത​മ്മി​ലാ​ണ് പ്ര​ധാ​ന മ​ത്സ​രം. ക​ഴി​ഞ്ഞ ത​വ​ണ 823 വോ​ട്ടി​ന്‍റെ ഭൂ​രി​പ​ക്ഷ​ത്തി​ലാ​ണ് ഹം​ദു​ല്ല സ​ഈ​ദി​നെ​തി​രെ ഫൈ​സ​ൽ വി​ജ​യി​ച്ച​ത്. പ​ത്ത് വി​ല്ലേ​ജ് ദ്വീ​പ് പ​ഞ്ചാ​യ​ത്തു​ക​ളി​ലാ​യി 29,278 പു​രു​ഷ​ന്മാ​രും 28,506 പേ​ർ സ്ത്രീ​ക​ളു​മാ​ണ് വോ​ട്ട​ർ​മാ​ർ. 55 പോ​ളി​ങ് സ്റ്റേ​ഷ​നു​ള്ള ല​ക്ഷ​ദ്വീ​പി​ൽ ഏ​റ്റ​വും കൂ​ടു​ത​ൽ വോ​ട്ട​ർ​മാ​ർ ആ​ന്ത്രോ​ത്ത് ദ്വീ​പി​ലാ​ണ്. ഒ​മ്പ​ത് പോ​ളി​ങ് ബൂ​ത്തു​ള്ള ആ​ന്ത്രോ​ത്തി​ൽ 5313 പു​രു​ഷ​ന്മാ​രും 5355 സ്ത്രീ​ക​ളു​മാ​യി 10,668 വോ​ട്ട​ർ​മാ​രു​ണ്ട്. 136 പു​രു​ഷ​ന്മാ​രും 101 സ്ത്രീ​ക​ളു​മാ​യി 237 വോ​ട്ട​ർ​മാ​ർ മാ​ത്ര​മു​ള്ള ബി​ത്ര​യി​ലാ​ണ് ഏ​റ്റ​വും കു​റ​വ്.

ജി​ല്ല പ​ഞ്ചാ​യ​ത്തും 10 വി​ല്ലേ​ജ് ദ്വീ​പ് പ​ഞ്ചാ​യ​ത്തു​ക​ളി​ലെ ഏ​ഴെ​ണ്ണ​വും കോ​ൺ​ഗ്ര​സാ​ണ്​ ഭ​രി​ച്ചി​രു​ന്ന​ത്. ഈ ​വോ​ട്ടു​ക​ൾ പാ​ർ​ല​മെ​ന്‍റ്​ തെ​ര​ഞ്ഞെ​ടു​പ്പി​ലും സ​മാ​ഹ​രി​ക്കു​ന്ന​തി​ലൂ​ടെ ത​ങ്ങ​ളു​ടെ വി​ജ​യം ഉ​റ​പ്പാ​ണെ​ന്ന് കോ​ൺ​ഗ്ര​സ് നേ​താ​ക്ക​ൾ പ​റ​യു​ന്നു. ദേ​ശീ​യ​ത​ല​ത്തി​ലും ദ്വീ​പി​ലും കോ​ൺ​ഗ്ര​സി​ന്‍റെ തി​രി​ച്ചു​വ​ര​വ് ജ​ന​ങ്ങ​ൾ ആ​ഗ്ര​ഹി​ക്കു​ന്നു​വെ​ന്നും അ​വ​ർ കൂ​ട്ടി​ച്ചേ​ർ​ത്തു. ല​ക്ഷ​ദ്വീ​പ് ഭ​ര​ണ​കൂ​ട​ത്തി​ന്‍റെ ജ​ന​വി​രു​ദ്ധ ന​യ​ങ്ങ​ൾ​ക്കെ​തി​രെ നി​ല​കൊ​ണ്ട സി​റ്റി​ങ് എം.​പി​ക്കൊ​പ്പം ഇ​ത്ത​വ​ണ​യും ജ​ന​ങ്ങ​ൾ അ​ണി​നി​ര​ക്കു​മെ​ന്ന് എ​ൻ.​സി.​പി-​എ​സ് നേ​താ​ക്ക​ൾ ആ​ത്മ​വി​ശ്വാ​സം പ്ര​ക​ടി​പ്പി​ച്ചു. മു​ഹ​മ്മ​ദ് ഫൈ​സ​ലി​ന്‍റെ ജ​ന​സ്വീ​കാ​ര്യ​ത വോ​ട്ടാ​യി​മാ​റു​മെ​ന്നും അ​വ​ർ പ​റ​ഞ്ഞു.

2019ൽ ​ജെ.​ഡി.​യു 1342, സി.​പി.​എം 420, സി.​പി.​ഐ 143 എ​ന്നി​ങ്ങ​നെ വോ​ട്ട് നേ​ടി​യി​രു​ന്നു. ഇ​ത്ത​വ​ണ ഈ ​പാ​ർ​ട്ടി​ക​ളൊ​ന്നും മ​ത്സ​ര രം​ഗ​ത്തി​ല്ല. ഈ ​വോ​ട്ടു​ക​ൾ എ​വി​ടെ​യെ​ത്തു​മെ​ന്ന​തും നി​ർ​ണാ​യ​ക​മാ​കും. ബി.​ജെ.​പി​ക്ക് ആ​കെ 125 വോ​ട്ടും നോ​ട്ട​യി​ൽ 100 വോ​ട്ടു​മാ​ണ് ല​ഭി​ച്ച​ത്.