തിരുവനന്തപുരം: ജനശതാബ്ദിയടക്കം എട്ട് ട്രെയിനിൽ കോച്ചുകളുടെ എണ്ണം വർധിപ്പിച്ച് റെയിൽവേ. തിരുവനന്തപുരം-കണ്ണൂർ ജനശതാബ്ദി (12082), കണ്ണൂർ-തിരുവനന്തപുരം ജനശതാബ്ദി (12081) എന്നിവയിൽ രണ്ട് വീതം സെക്കൻഡ് ക്ലാസ് ചെയർകാർ കോച്ചുകളാണ് വർധിപ്പിച്ചത്. ഇതോടെ, 15 സെക്കൻഡ് ക്ലാസ് ചെയർകാറുകളും മൂന്ന് എ.സി ചെയർകാറുകളുമായി. തിരുവനന്തപുരം-കോഴിക്കോട് ജനശതാബ്ദി (12076), കോഴിക്കോട്-തിരുവനന്തപുരം ജനശതാബ്ദി (12075) എന്നിവയിൽ ഓരോ സെക്കൻഡ് ക്ലാസ് ചെയർകാറുകളാണ് കൂട്ടിയത്. ഇതോടെ, 17 സെക്കൻഡ് ക്ലാസ് ചെയർകാറുകളും മൂന്ന് എ.സി ചെയർകാറുകളുമായി.
കാരയ്ക്കൽ-എറണാകുളം പ്രതിദിന എക്സ്പ്രസ് (16187), എറണാകുളം-കാരയ്ക്കൽ എക്സ്പ്രസ് (16188) എന്നിവയിൽ ഓരോ സെക്കൻഡ് ക്ലാസ് സ്ലീപ്പർ കോച്ചുകളും വർധിപ്പിച്ചു. ആറ് ട്രെയിനുകളിലും വർധിപ്പിച്ച കോച്ചുകൾ ഇതിനകം നിലവിൽവന്നു. ചെന്നൈ എഗ്മോർ-ഗുരുവായൂർ (16127), ഗുരുവായൂർ-ചെന്നൈ എഗ്മോർ (16128) എക്സ്പ്രസുകളിൽ രണ്ട് സെക്കൻഡ് ക്ലാസ് സ്ലീപ്പർ കോച്ചുകൾ വീതം വർധിപ്പിച്ചു. ഗുരുവായൂരിലേക്കുള്ള സർവിസുകളിൽ മാർച്ച് 10 മുതലും ചെന്നൈയിലേക്കുള്ള സർവിസുകളിൽ 11 മുതലും കോച്ച് വർധന പ്രാബല്യത്തിലാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.