സലാമിനെ തുണച്ചത് സംഘടന പാടവം

കോ​ഴി​ക്കോ​ട്​: മു​സ്​​ലിം ലീ​ഗി​ൽ പ്ര​തീ​ക്ഷി​ച്ച​തു​ത​ന്നെ​യാ​ണ്​ സം​ഭ​വി​ച്ച​ത്. അ​ധ്യ​ക്ഷ​സ്ഥാ​ന​ത്ത്​ ഒ​രു​വ​ർ​ഷം പൂ​ർ​ത്തി​യാ​ക്കി​യ സാ​ദി​ഖ​ലി ത​ങ്ങ​ൾ തു​ട​രു​മെ​ന്ന കാ​ര്യ​ത്തി​ൽ ര​ണ്ട​ഭി​പ്രാ​യ​മു​ണ്ടാ​യി​രു​ന്നി​ല്ല. എ​ന്നാ​ൽ, പി.​എം.​എ. സ​ലാ​മി​നെ ജ​ന​റ​ൽ സെ​ക്ര​ട്ട​റി​യാ​ക്കു​ന്ന കാ​ര്യ​ത്തി​ൽ ഒ​രു​വി​ഭാ​ഗം നേ​താ​ക്ക​ൾ​ക്ക്​ ക​ടു​ത്ത വി​യോ​ജി​പ്പു​ണ്ടാ​യി​രു​ന്നു. പ​ര​സ്യ പ്ര​തി​ക​ര​ണ​ത്തി​ന്​ ആ​രും ത​യാ​റാ​യി​രു​​ന്നി​ല്ലെ​ങ്കി​ലും ഡോ. ​എം.​കെ. മു​നീ​റി​നെ രം​ഗ​ത്തി​റ​ക്കി സ​ലാം തു​ട​രു​ന്ന​ത്​ ത​ട​യാ​ൻ ഒ​രു​വി​ഭാ​ഗം ന​ട​ത്തി​യ ശ്ര​മ​ങ്ങ​ൾ സാ​ദി​ഖ​ലി ത​ങ്ങ​ളു​ടെ​യും പി.​കെ. കു​ഞ്ഞാ​ലി​ക്കു​ട്ടി​യു​ടെ​യും ച​ടു​ല​മാ​യ നീ​ക്ക​ങ്ങ​ളി​ൽ നി​ഷ്പ്ര​ഭ​മാ​യി. എം.കെ. മുനീറിന്​ നിയമസഭകക്ഷി ഉപനേതാവാണെന്ന കാരണത്താൽ ഭാരവാഹി സ്ഥാനം നൽകിയില്ല.

പ്ര​സി​ഡ​ന്‍റ്, ജ​ന​റ​ൽ സെ​ക്ര​ട്ട​റി, ട്ര​ഷ​റ​ർ സ്ഥാ​ന​ങ്ങ​ളി​ൽ മാ​റ്റ​മു​ണ്ടാ​കി​ല്ലെ​ന്ന രീ​തി​യി​ലാ​യി​രു​ന്നു തു​ട​ക്ക​ത്തി​ൽ കാ​ര്യ​ങ്ങ​ളു​ണ്ടാ​യി​രു​ന്ന​ത്. എ​ന്നാ​ൽ, കെ.​എം. സീ​തി​സാ​ഹി​ബ്​ മു​ത​ൽ കെ.​പി.​എ. മ​ജീ​ദ്​ വ​രെ​യു​ള്ള മു​തി​ർ​ന്ന നേ​താ​ക്ക​ൾ വ​ഹി​ച്ച​ ജ​ന​റ​ൽ സെ​ക്ര​ട്ട​റി സ്ഥാ​നം സ​ലാ​മി​നെ ഏ​ൽ​പി​ക്കു​ന്ന​തി​ൽ മു​തി​ർ​ന്ന ചി​ല നേ​താ​ക്ക​ൾ​ക്കു​ത​ന്നെ നീ​ര​സ​മു​ണ്ടാ​യി. ഹ​രി​ത വി​ഷ​യം ഉ​ൾ​പ്പെ​ടെ കൈ​കാ​ര്യം ചെ​യ്ത​തി​ൽ സ​ലാ​മി​ന്‍റെ ഭാ​ഗ​ത്തു​നി​ന്ന്​ അ​വ​ധാ​ന​ത ഉ​ണ്ടാ​യി​ല്ലെ​ന്ന പ്ര​ചാ​ര​ണ​വു​മു​ണ്ടാ​യി​രു​ന്നു. എം.​എ​സ്.​എ​ഫി​ലൂ​ടെ​യും യൂ​ത്ത്​ ലീ​ഗി​ലൂ​ടെ​യു​മാ​ണ്​ രാ​ഷ്​​ട്രീ​യ പ്ര​വ​ർ​ത്ത​ന​ത്തി​ന്​ തു​ട​ക്ക​മി​ട്ട​തെ​ങ്കി​ലും ഇ​ട​ക്കാ​ല​ത്ത്​ പാ​ർ​ട്ടി വി​ട്ട്​ ഐ.​എ​ൻ.​എ​ൽ നേ​തൃ​ത്വ​ത്തി​ൽ എ​ത്തി​യ സ​ലാം 2011ലാ​ണ്​ വീ​ണ്ടും പാ​ർ​ട്ടി​യു​ടെ ഭാ​ഗ​മാ​യ​ത്.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ സീ​റ്റ്​ ല​ഭി​ക്കു​മെ​ന്നു​ ക​രു​തി​യെ​ങ്കി​ലും അ​ന്ന്​ ജ​ന​റ​ൽ സെ​​ക്ര​ട്ട​റി​യാ​യി​രു​ന്ന കെ.​പി.​എ. മ​ജീ​ദ്​ തി​രൂ​ര​ങ്ങാ​ടി സീ​റ്റ്​ ചോ​ദി​ച്ചു വാ​ങ്ങി​യ​പ്പോ​ൾ അ​നു​​ന​യ​ത്തി​ന്‍റെ ഭാ​ഗ​മാ​യാ​ണ്​ ജ​ന​റ​ൽ സെ​ക്ര​ട്ട​റി​യു​ടെ ചു​മ​ത​ല സ​ലാ​മി​ന്​ ന​ൽ​കി​യി​രു​ന്ന​ത്. തെ​ര​ഞ്ഞെ​ടു​പ്പ്​ ക​ഴി​ഞ്ഞാ​ൽ ചു​മ​ത​ല മ​റ്റേ​തെ​ങ്കി​ലും മു​തി​ർ​ന്ന നേ​താ​വി​നെ ഏ​ൽ​പി​ക്കു​മെ​ന്ന്​ ഒ​രു​വി​ഭാ​ഗം നേ​താ​ക്ക​ൾ ക​രു​തി​യി​രു​ന്നെ​ങ്കി​ലും അം​ഗ​ത്വ കാ​മ്പ​യി​ൻ അ​ടു​ത്ത സാ​ഹ​ച​ര്യ​ത്തി​ൽ സ​ലാ​മി​നു​ത​ന്നെ അ​വ​സ​രം ന​ൽ​കു​ക​യാ​യി​രു​ന്നു. പു​തി​യ കൗ​ൺ​സി​ലി​ൽ നേ​തൃ​മാ​റ്റം പ്ര​തീ​ക്ഷി​ച്ചി​രു​ന്ന​വ​രാ​ണ്​ സ​ലാ​മി​നെ​തി​രെ ച​ര​ടു​വ​ലി​ക​ൾ ന​ട​ത്തി​യ​ത്. എ​ന്നാ​ൽ, പാ​ർ​ട്ടി​യെ ജ​ന​കീ​യ​മാ​ക്കു​ന്ന​തി​ലും ച​ലി​പ്പി​ക്കു​ന്ന​തി​ലും ജ​ന​റ​ൽ സെ​ക്ര​ട്ട​റി​യു​ടെ ചു​മ​ത​ല വ​ഹി​ച്ചി​രു​ന്ന കാ​ല​ത്ത്​ പി.​എം.​എ. സ​ലാം ന​ട​ത്തി​യ പ്ര​വ​ർ​ത്ത​ന​ങ്ങ​ൾ ചൂ​ണ്ടി​ക്കാ​ട്ടി സ​ലാ​മി​​നു​വേ​ണ്ടി മ​റു​വി​ഭാ​ഗം ക​രു​ക്ക​ൾ നീ​ക്കി. വ​ഖ​ഫ്​ പ്ര​ക്ഷോ​ഭം വ​ൻ വി​ജ​യ​മാ​ക്കി​യ​ത്​ ഉ​ൾ​പ്പെ​ടെ പാ​ർ​ട്ടി​ക്ക്​ ഉ​ണ​ർ​വു​ണ്ടാ​ക്കാ​ൻ ന​ട​ത്തി​യ ശ്ര​മ​ങ്ങ​ളും അം​ഗ​ത്വ കാ​മ്പ​യി​ൻ വി​ജ​യ​ക​ര​മാ​യി പൂ​ർ​ത്തീ​ക​രി​ച്ച​തും സ​ലാ​മി​ന്​ ഗു​ണ​മാ​യി. എ​ല്ലാ​റ്റി​ലു​മു​പ​രി, സാ​ദി​ഖ​ലി ത​ങ്ങ​ളു​ടെ​യും പി.​കെ. കു​ഞ്ഞാ​ലി​ക്കു​ട്ടി​യും വി​ശ്വ​സ്ത​ത​യാ​ർ​ജി​ച്ച്, അ​വ​രു​ടെ ഇം​ഗി​ത​ത്തി​ന​നു​സ​രി​ച്ച്​ പ്ര​വ​ർ​ത്തി​ച്ച​തും അ​നു​കൂ​ല ഘ​ട​ക​മാ​യി.

മു​തി​ർ​ന്ന ചി​ല നേ​താ​ക്ക​ളെ മു​ന്‍നി​ർ​ത്തി എം.​കെ. മു​നീ​റി​നെ ജ​ന​റ​ൽ സെ​ക്ര​ട്ട​റി​യാ​ക്ക​ണ​മെ​ന്ന പ്ര​ചാ​ര​ണം ശ​ക്ത​മാ​യ​തി​ന്‍റെ അ​ടി​സ്ഥാ​ന​ത്തി​ൽ​ക്കൂ​ടി​യാ​ണ്​ വെ​ള്ളി​യാ​ഴ്ച ജി​ല്ല ഭാ​ര​വാ​ഹി​ക​​ളു​ടെ ഇം​ഗി​ത​മ​റി​യാ​ൻ അ​വ​രെ സാ​ദി​ഖ​ലി ത​ങ്ങ​ളെ പാ​ണ​​ക്കാ​ട്ടേ​ക്ക്​ വി​ളി​പ്പി​ച്ച​ത്. സാ​ദി​ഖ​ലി ത​ങ്ങ​ളു​ടെ​കൂ​ടി താ​ൽ​പ​ര്യ​ത്തി​ന്​ മു​ൻ​ഗ​ണ​ന ന​ൽ​കും​വി​ധ​മാ​യി​രു​ന്നു ജി​ല്ല ഭാ​ര​വാ​ഹി​ക​ളു​ടെ പ്ര​തി​ക​ര​ണം. പി.​എം.​എ. സ​ലാ​മി​നെ ജ​ന​റ​ൽ സെ​ക്ര​ട്ട​റി​യാ​ക്കു​ന്ന​തി​ൽ ആ​രും വി​യോ​ജി​പ്പ്​ പ്ര​ക​ടി​പ്പി​ച്ച​തു​മി​ല്ല. എ​ങ്കി​ലും, കൗ​ൺ​സി​ൽ യോ​ഗം ന​ട​ന്ന ശ​നി​യാ​ഴ്ച​യും മു​തി​ർ​ന്ന നേ​താ​ക്ക​ളു​മാ​യി സാ​ദി​ഖ​ലി ത​ങ്ങ​ൾ കൂ​ടി​യാ​ലോ​ച​ന​ക​ൾ ന​ട​ത്തി​യാ​ണ്​ അ​ന്തി​മ തീ​രു​മാ​ന​മെ​ടു​ത്ത​ത്.

ഇ​ക്കാ​ര്യം മു​നീ​റി​നെ ത​ങ്ങ​ൾ ബോ​ധ്യ​പ്പെ​ടു​ത്തു​ക​യും അ​ദ്ദേ​ഹം ത​ങ്ങ​ളു​ടെ തീ​രു​മാ​ന​ത്തോ​ടൊ​പ്പം നി​ൽ​ക്കു​ക​യു​മാ​യി​രു​ന്നു. അ​തേ​സ​മ​യം, പ്ര​ഖ്യാ​പ​ന​മു​ണ്ടാ​യ​ശേ​ഷം മു​നീ​ർ ക്യാ​മ്പി​ൽ അ​തൃ​പ്തി പ്ര​ക​ട​മാ​യി​രു​ന്നു. ഇ​തി​ന്‍റെ അ​നു​ര​ണ​ന​ങ്ങ​ൾ തു​ട​ർ​ന്നും പാ​ർ​ട്ടി​യി​ൽ ബാ​ക്കി​യാ​കും. സാ​ദി​ഖ​ലി ത​ങ്ങ​ൾ, പി.​എം.​എ. സ​ലാം, പി.​കെ. കു​ഞ്ഞാ​ലി​ക്കു​ട്ടി ത്ര​യ​ങ്ങ​ൾ ഇ​തി​നെ എ​ങ്ങ​നെ നേ​രി​ടു​മെ​ന്ന​തി​നെ ആ​ശ്ര​യി​ച്ചാ​കും പാ​ർ​ട്ടി​യു​ടെ ആ​ഭ്യ​ന്ത​ര ഭ​ദ്ര​ത.