കോഴിക്കോട്: സമസ്ത കേരള ജംഇയ്യത്തുല്‍ ഉലമയിൽ ഒഴിവുവന്ന സ്ഥാനങ്ങളിലേക്ക് ഭാരവാഹികളെ തെരഞ്ഞെടുത്തു.
ചേലക്കാട് മുഹമ്മദ് മുസ്‍ലിയാരുടെ നിര്യാണം മൂലം ഒഴിവുവന്ന ട്രഷറര്‍ സ്ഥാനത്തേക്ക് കൊയ്യോട് പി.പി. ഉമ്മര്‍ മുസ്‍ലിയാരെയും പാണക്കാട് ഹൈദരലി ശിഹാബ് തങ്ങള്‍, പി.കെ.പി. അബ്ദുസ്സലാം മുസ്‍ലിയാര്‍ എന്നിവരുടെ നിര്യാണം മൂലം ഒഴിവുവന്ന വൈസ് പ്രസിഡന്റ് സ്ഥാനത്തേക്ക് എം.കെ. മൊയ്തീന്‍ കുട്ടി മുസ്‍ലിയാര്‍ കോട്ടുമല, എം.പി. കുഞ്ഞിമുഹമ്മദ് മുസ്‍ലിയാര്‍ നെല്ലായ എന്നിവരെയും ജോ. സെക്രട്ടറിയായിരുന്ന പി.പി. ഉമര്‍ മുസ്‍ലിയാര്‍ ട്രഷററായതിലൂടെ ഒഴിവുവന്ന സ്ഥാനത്തേക്ക് മുക്കം കെ. ഉമ്മര്‍ ഫൈസിയെയുമാണ് തെരഞ്ഞെടുത്തത്.
ഒഴിവുവന്ന ഏഴ് അംഗങ്ങൾക്ക് പകരമുള്ളവരെയും കോഴിക്കോട്ട് ചേര്‍ന്ന സമസ്ത കേന്ദ്ര മുശാവറ യോഗം ഐകകണ്ഠ്യേന തെരഞ്ഞെടുത്തു.
അസ്ഗറലി ഫൈസി പട്ടിക്കാട്, സി.കെ. അബ്ദുറഹിമാന്‍ ഫൈസി അരിപ്ര, സി.കെ. സൈദാലിക്കുട്ടി ഫൈസി ഓമച്ചുപ്പുഴ (മലപ്പുറം), എന്‍. അബ്ദുല്ല മുസ്‍ലിയാർ നടമ്മല്‍പൊയില്‍, ഒളവണ്ണ അബൂബക്കര്‍ ദാരിമി കുറ്റിക്കാട്ടൂര്‍ (കോഴിക്കോട്), പി.വി. അബ്ദുസ്സലാം ദാരിമി ആലംപാടി (കാസർകോട്), കെ.എം. ഉസ്മാന്‍ ഫൈസി തോടാര്‍ (ദക്ഷിണ കന്നഡ) എന്നിവരാണ് പുതുതായി കേന്ദ്ര മുശാവറയിലേക്ക് തെരഞ്ഞെടുക്കപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.