ഡോ. വന്ദനക്ക് അന്തിമോപചാരമർപ്പിക്കുന്ന കൊല്ലം അസീസിയ മെഡിക്കൽ കോളജ് വിദ്യാർഥിനികൾ
കോട്ടയം: വിതുമ്പലടക്കാൻ പാടുപെടുന്നവർക്കിടയിലേക്കായിരുന്നു കൊല്ലം അസീസിയയിലെ സംഘം പ്രിയ കൂട്ടുകാരിയെ അവസാനമായി കാണാനെത്തിയത്. വെള്ള കോട്ടണിഞ്ഞ് നിരയായി വന്ദന ദാസിന്‍റെ വീട്ടിലേക്ക് ഇവരെത്തുമ്പോൾ ബന്ധുക്കളുടെ ഉള്ളുലഞ്ഞു. മാതാപിതാക്കളും കരച്ചിലടക്കാൻ പാടുപെട്ടു. പ്രിയ കൂട്ടുകാരിയുടെ നിശ്ചലമായ കിടപ്പ് ഇവരിലും കണ്ണീർ നിറച്ചു.
വന്ദനക്കൊപ്പം കൊല്ലം അസീസിയ മെഡിക്കൽ കോളജിൽ എം.ബി.ബി.എസിന് പഠിച്ച സുഹൃത്തുക്കളും നിലവിലെ വിദ്യാർഥികളുമായിരുന്നു വന്ദന ദാസിന് അന്ത്യാഞ്ജലി അർപ്പിക്കാനെത്തിയത്. ഇവിടുത്തെ ഡോക്ടർമാരും പ്രഫസർമാരും സംഘത്തിലുണ്ടായിരുന്നു.
ഏഴ് ബസിലായി 250ഓളം പേരായിരുന്നു ഉച്ചയോടെ വീട്ടിലെത്തിയത്. അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ വിദ്യാർഥികളും അന്ത്യാഞ്ജലി അർപ്പിച്ചു. കൊട്ടാരക്കര ആശുപത്രിയിൽ ഒപ്പമുണ്ടായിരുന്നവരും മറ്റ് സുഹൃത്തുക്കളും എത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.