അഭയ കേസ്​: പുതൃക്കയിലിനെ ഒഴിവാക്കിയതിനെതിരായ ഹരജിയിൽ വിശദീകരണം തേടി

െകാച്ചി: സിസ്​റ്റർ അഭയ കേസിലെ പ്രതിസ്ഥാനത്തുനിന്ന്​ ഫാ. ജോസ് പുതൃക്കയിലിനെ ഒഴിവാക്കിയത്​ ചോദ്യം ചെയ്യുന്ന ഹരജിയിൽ ഹൈകോടതി സി.ബി.​ഐയ​ുടെയടക്കം വിശദീകരണം തേടി. സാക്ഷി മൊഴികളും മറ്റു​ തെളിവുകളും ഉണ്ടായിട്ടും ജോസ്​ പൂതൃക്കയിൽ വിചാരണ നേരിടേണ്ടെന്ന സി.ബി.​െഎ കോടതി ഉത്തരവിനെതിരെ അഭയ ആക്​ഷൻ സമിതി കൺവീനറായിരുന്ന ജോമോൻ പുത്തൻപുരക്കൽ നൽകിയ ഹരജിയിലാണ്​ സിംഗി​ൾബെഞ്ച്​ ഉത്തരവ്​.

രണ്ടാം പ്രതി​യെ വിചാരണ ചെയ്യാൻ മതിയായ തെളിവ്​ കണ്ടെത്തിയിട്ടില്ലെന്ന്​ ചൂണ്ടിക്കാട്ടിയാണ്​ മാർച്ച്​ ഏഴിലെ വിധിയിൽ സി.ബി.​െഎ കോടതി ജോസ്​ പൂതൃക്കയിലിനെ പ്രതി പട്ടികയിൽനിന്ന്​ ഒഴിവാക്കിയത്​. അതേസമയം, ഒന്നും രണ്ടും പ്രതികളായ ഫാ. തോമസ്​ കോട്ടൂർ, സിസ്​റ്റർ സെഫി എന്നിവർ വിചാരണ നേരിടണമെന്നും കോടതി ഉത്തരവിട്ടു. പൂതൃക്കയിലി​നെതിരായ തെളിവുകൾ പരിഗണിക്കാതെയാണ്​ ഒഴിവാക്കിയതെന്നാണ്​ ഹരജിയിലെ ആരോപണം.

പ്രതികളുടെ അറസ്​റ്റ്​ നടന്നത്​ 2008 നവംബർ 18നാണ്​. അഭയയുടെ മൃതദേഹം കണ്ടെത്തിയ ടെൻത്​ പയസ്​ കോൺ​െവൻറിന്​ എതിർവശത്തുള്ള ജറൂസലം ചർച്ചിലെ നൈറ്റ്​ വാച്ച്മാൻ ദിവസങ്ങൾക്കുശേഷം സി.ബി.​െഎക്ക്​ നൽകിയ മൊഴി പൂതൃക്കക്ക്​ എതിരാണ്​. ​അഭയ കൊല്ലപ്പെടുന്നതിന്​ ദിവസങ്ങൾക്ക്​ മുമ്പ്​ പൂതൃക്കയിൽ എന്ന്​ കരുതുന്ന ഒരാൾ സ്​കൂട്ടറിലെത്തി കോൺവ​​െൻറി​​​െൻറ മതിൽ ചാടിക്കടക്കുന്നത്​ ക​ണ്ടതായാണ്​ മൊഴി. കുറേ ദിവസങ്ങൾക്ക്​ ശേഷം വീണ്ടും കണ്ടതായും പറഞ്ഞിട്ടുണ്ട്​. ഇത്​ വിചാരണ നേരിടാൻ മതിയായ തെളിവാണ്.

അഭയ കൊല്ലപ്പെടുന്ന ദിവസം ​േകാൺവ​​െൻറിൽ മോഷണത്തിന്​ കയറിയ അടക്ക രാജു എന്ന സാക്ഷി അന്നവിടെ രണ്ടു​ പേരെ കണ്ടുവെന്ന മൊഴി നൽകിയിട്ടുണ്ട്​. സംഭവ ദിവസം കോൺവ​​െൻറിൽ ഉണ്ടായിരുന്നതായി നാർക്കോ അനാലിസിസ്​ ടെസ്​റ്റി​ൽ ഫാ. ​േജാസ്​ പൂതൃക്ക വെളിപ്പെടുത്തിയിരുന്നതായി രേഖയുണ്ട്​. എന്നാൽ, വിധേയരാകുന്നവരുടെ സമ്മത പ്രകാരവും അഭിഭാഷ​ക​​​െൻറ സാന്നിധ്യത്തിലും വേണം ഇൗ ടെസ്​റ്റ്​ നടത്താനെന്ന സുപ്രീം കോടതി ഉത്തരവി​ലെ മാർഗനിർദേശം പാലിച്ചിട്ടില്ലെന്ന കാരണത്താൽ ഇൗ തെളിവ്​ സി.ബി.​െഎ കോടതി പരിഗണിച്ചിട്ടില്ല. എന്നാൽ, സുപ്രീം കോടതി ഉത്തരവുണ്ടായത്​ 2010ലാണെന്ന്​ ഹരജിയിൽ പറയുന്നു. 2008ൽ അറസ്​റ്റും 2009ൽ നാർക്കോ അനാലിസിസ്​ ടെസ്​റ്റും നടന്നു. 2010ലെ ഉത്തരവ്​ ഇവരുടെ കാര്യത്തിൽ ബാധകമാക്കേണ്ടതില്ലെന്നും ഹരജിയിൽ പറയുന്നു.