കാമറ റെഡി, പക്ഷേ സാ​​ങ്കേതികപ്പൊരുത്തമില്ല; പൊതിയാ​ തേങ്ങയായി പുത്തൻ കാമറകൾ

തി​രു​വ​ന​ന്ത​പു​രം: ഗ​താ​ഗ​ത​ക്കു​റ്റ​ങ്ങ​ൾ സ്വ​യം ക​​ണ്ടെ​ത്തു​ന്ന 700 അ​ത്യാ​ധു​നി​ക കാ​മ​റ​ക​ൾ മോ​ട്ടോ​ർ വാ​ഹ​ന​വ​കു​പ്പ്​ റോ​ഡു​ക​ളി​ൽ സ്ഥാ​പി​ച്ച്​ ഒ​ന്ന​ര​വ​ർ​ഷം ക​ഴി​ഞ്ഞെ​ങ്കി​ലും ഉ​പ​യോ​ഗി​ക്കാ​നാ​കു​ന്നി​ല്ല. കാ​മ​റ​ക​ൾ ക​​ൺ​ട്രോ​ൾ റൂ​മു​മാ​യി 'ക​ണ​ക്ട്'​ ചെ​യ്യാ​നാ​കാ​തെ വി​യ​ർ​ക്കു​ക​യാ​ണ്​ വ​കു​പ്പ്. നി​ർ​മി​ത ബു​ദ്ധി​യി​ൽ പ്ര​വ​ർ​ത്തി​ക്കു​ന്ന​ത​ട​ക്കം ന​വീ​ന സാ​​ങ്കേ​തി​ക​വി​ദ്യ​യാ​ണ്​ ഉ​പ​യോ​ഗി​ച്ച​തെ​ങ്കി​ലും സാ​​​​​​​​ങ്കേ​തി​ക​പ്പൊ​രു​ത്ത​മി​ല്ലാ​ത്ത​തി​നാ​ൽ പൊ​തി​യാ തേ​ങ്ങ​യാ​യി തു​ട​രു​ക​യാ​ണ്​ കാ​മ​റ​ക​ൾ.

പു​ക പ​രി​ശോ​ധ​ന സ​ർ​ട്ടി​ഫി​ക്ക​റ്റി​ല്ലാ​ത്ത​ത് മു​ത​ൽ ഹെ​ൽ​മ​റ്റും സീ​റ്റ് ബെ​ൽ​റ്റും ധ​രി​ക്കാ​ത്ത​ത​ട​ക്കം ഗ​താ​ഗ​ത കു​റ്റ​ങ്ങ​ൾ സ്വ​യം പി​ടി​കൂ​ടാ​ൻ ക​ഴി​വു​ള്ള സം​വി​ധാ​ന​മെ​ന്ന അ​വ​കാ​ശ​വാ​ദ​ത്തോ​ടെ ക​ഴി​ഞ്ഞ സ​ർ​ക്കാ​റി​​ന്‍റെ അ​വ​സാ​ന​കാ​ല​ത്താ​ണ്​ ന്യൂ​ജ​ൻ കാ​മ​റ​ക​ൾ സ്ഥാ​പി​ച്ച​ത്. അ​ന്ന്​ ഉ​ദ്​​ഘാ​ട​നം ആ​​ലോ​ചി​ച്ചി​രു​ന്നെ​ങ്കി​ലും തെ​ര​ഞ്ഞെ​ടു​പ്പ്​ വ​ന്ന​തോ​ടെ മാ​റ്റി​വെ​ച്ചു. പു​തി​യ സ​ർ​ക്കാ​ർ അ​ധി​കാ​ര​മേ​റ്റ ശേ​ഷം 'ദാ...​ഇ​​​​പ്പോ' തു​ട​ങ്ങും എ​ന്ന്​ പ​റ​ഞ്ഞു​തു​ട​ങ്ങി​ട്ട്​ മാ​സ​ങ്ങ​ൾ പി​ന്നി​ടു​ന്നു.

എ​ല്ലാം ത​യാ​റാ​യി​ട്ടും കാ​മ​റ​ക​ൾ ക​ൺ​ട്രോ​ൾ റൂ​മി​ലെ സെ​ർ​വ​റു​മാ​യി ക​ണ​ക്ട്​ ചെ​യ്യാ​ൻ ക​ഴി​യാ​ത്ത​ത്​ ​എ​ന്തു​കൊ​​ണ്ടെ​ന്ന​തി​ന്​ കൃ​ത്യ​മാ​യ മ​റു​പ​ടി​യി​ല്ല. ക​ണ​ക്​​ട്​ ചെ​യ്യു​ന്ന കാ​മ​റ​ക​ൾ സ്ഥാ​നം മാ​റ്റി​യാ​ൽ വീ​ണ്ടും ബ​ന്ധി​പ്പി​ക്കാ​ൻ ക​ഴി​യാ​ത്ത സ്ഥി​തി​യു​മു​ണ്ട്. കാ​മ​റ​ക​ൾ പി​ടി​കൂ​ടു​ന്ന കു​റ്റ​ങ്ങ​ൾ നേ​രെ ഓ​ൺ​​ലൈ​നാ​യി ത​ന്നെ പി​ഴ​യ​ട​ക്കാ​നു​ള്ള ചെ​ലാ​ൻ ത​യാ​റാ​കും​​ വി​ധ​ത്തി​ലാ​യി​രു​ന്നു ആ​ലോ​ചി​ച്ചി​രു​ന്ന​ത്. ഇ​തി​നും​ സാ​ധി​ക്കു​ന്നി​​ല്ല. നി​ല​വി​ൽ പൊ​ലീ​സ്​ ക​ൺ​ട്രോ​ൾ റൂ​മു​ക​ളു​ടെ മാ​തൃ​ക​യി​ൽ കാ​മ​റ​ക​ൾ ക​ണ്ടെ​ത്തു​ന്ന നി​യ​മ​ലം​ഘ​ന​ങ്ങ​ൾ ഉ​ദ്യോ​ഗ​സ്​​ഥ​ർ മാ​ന്വ​ലാ​യി ക​മ്പ്യൂ​ട്ട​റി​ലേ​ക്ക്​ ന​ൽ​കി​യാ​ലേ ചെ​ലാ​ൻ ത​യാ​റാ​കൂ. ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​മി​ല്ലാ​തെ ത​ന്നെ ഗ​താ​ഗ​ത ലം​ഘ​ന​ങ്ങ​ളെ​ല്ലാം പി​ടി​കൂ​ടി ക​ൺ​ട്രോ​ൾ റൂ​മി​ൽ എ​ത്തി​ക്കു​​മെ​ന്ന​താ​യി​രു​ന്നു പു​തി​യ ട്രാ​ഫി​ക് എ​ൻ​ഫോ​ഴ്​​സ്​​മെൻറ് സം​വി​ധാ​ന​ത്തി​ന്‍റെ പ്ര​ത്യേ​ക​താ​യി​ മോ​ട്ടോ​ർ വാ​ഹ​ന​വ​കു​പ്പ്​ അ​വ​കാ​ശ​പ്പെ​ട്ടി​രു​ന്ന​ത്. വ​ലി​യ ​മു​ന്നൊ​രു​ക്ക​ങ്ങ​ളാ​ണ്​ ഇ​തി​നാ​യി മോ​ട്ടോ​ർ വാ​ഹ​ന വ​കു​പ്പ്​ സ്വീ​ക​രി​ച്ച​ത്.​ മെ​ഷീ​ൺ ലേ​ണി​ങ് സാേ​ങ്ക​തി​ക വി​ദ്യ ഉ​പ​യോ​ഗി​ച്ച്​ കു​റ്റ​ങ്ങ​ൾ ഏ​തെ​ല്ലാ​മെ​ന്ന​തും അ​വ​യു​ടെ സ്വ​ഭാ​വ​വും ഓ​ൺ​ലൈ​ൻ സം​വി​ധാ​ന​ത്തെ പ​ഠി​പ്പി​ച്ചി​രു​ന്നു. നി​യ​മ​ലം​ഘ​ന​ങ്ങ​ൾ കൃ​ത്യ​മാ​യി ക​ണ്ടെ​ത്തു​ന്ന​തി​ന് പ്രാ​യോ​ഗി​ക പ​രീ​ക്ഷ​ണ​ങ്ങ​ൾ പ​ല​വ​ട്ടം ന​ട​ത്തി. ഹെ​ൽ​മ​റ്റി​ല്ലാ​ത്ത​വ​രെ ക​ണ്ടെ​ത്തു​ന്ന​തി​ൽ പി​ഴ​വ് പ​റ്റാ​തി​രി​ക്കാ​ൻ ത​ല​യി​ൽ ക​ർ​ച്ചീ​ഫ് കെ​ട്ടി​യ​വ​രെ​യും തൊ​പ്പി ധ​രി​ച്ച​വ​രെ​യും ത​ല​യി​ൽ മു​ടി​യി​ല്ലാ​ത്ത​വ​രെ​യും ക​ഷ​ണ്ടി​യു​ള്ള​വ​രെ​യു​മെ​ല്ലാം സം​വി​ധാ​ന​ത്തി​ലെ നി​രീ​ക്ഷ​ണ കാ​മ​റ​യി​ലൂ​ടെ ക​ട​ത്തി​വി​ട്ടു. പ​ക്ഷേ, ഇ​തെ​ല്ലാം വി​ജ​യ​ക​ര​മാ​യി​രു​ന്നെ​ങ്കി​ലും പ്രാ​യോ​ഗി​ക ത​ല​ത്തി​ലെ​ത്തി​യ​പ്പോ​ൾ ക​ണ​ക്ട്​ ചെ​യ്യാ​നാ​വു​ന്നി​​ല്ലെ​ന്ന​താ​ണ്​ വെ​ല്ലു​വി​ളി.