പൂച്ചാക്കൽ(ആലപ്പുഴ): തിരുനല്ലൂർ സ്കൂൾ കവലയിൽ ടോറസ് ലോറിയും ബൈക്കുമായി കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികൻ തൽക്ഷണം മരിച്ചു. ലോറി ഡ്രൈവർ ഓടി രക്ഷപ്പെട്ടു. പള്ളിപ്പുറം പഞ്ചായത്ത് 10–ാം വാർഡ് ഉണ്ണിയേഴത്ത് നികർത്തിൽ മോഹനന്‍റെ മകൻ അനന്ദുവാണ് (20) മരിച്ചത്. ബുധനാഴ്ച ഉച്ചയ്ക്കായിരുന്നു സംഭവം.
ചേർത്തലയ്ക്കു പോവുകയായിരുന്നു അനന്ദു. എതിരെ വന്നതാണ് ടോറസ് ലോറി. റോഡിൽ തെറിച്ചുവീണ അനന്ദുവിന്‍റെ ദേഹത്തുകൂടെ ലോറിയുടെ പിൻചക്രങ്ങൾ കയറിയിറങ്ങി. ലോറി അൽപം ദൂരെ മാറ്റി നിർത്തിയ ശേഷം ഡ്രൈവർ രക്ഷപ്പെട്ടു. നാട്ടുകാരുടെ സഹായത്തോടെ അഗ്നിശമനസേനയും പൊലീസുമെത്തിയാണ് മൃതദേഹം നീക്കം ചെയ്തത്.
ലോറി പൊലീസ് കസ്റ്റഡിയിലെടുത്തു. കേസെടുത്ത് അന്വേഷണവും തുടങ്ങി. ലോറിയുടെ അമിതവേഗമാണ് അപകട കാരണമെന്ന് ആരോപിച്ചു നാട്ടുകാർ റോഡ് ഉപരോധിക്കുകയും ചെയ്തു. പോസ്റ്റ്മോർട്ടത്തിനു ശേഷം അനന്ദുവിന്‍റെ സംസ്കാരം നടത്തി. മാതാവ് കുസുമം. സഹോദരങ്ങൾ ചിന്നു, ഗീതു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.