കൊച്ചി: കുമ്പളം-തുറവൂര്‍ പാതയില് നവീകരണ പ്രവര്‍ത്തനങ്ങള്‍ നടക്കുന്നതിനാല്‍ വെള്ളിയാഴ്ച മുതൽ 14 വരെ ഈ പാതയില് (ആലപ്പുഴ വഴി) സര്‍വിസ് നടത്തുന്ന നാല് പാസഞ്ചര്‍ ട്രെയിനുകള്‍ റദ്ദാക്കിയതായി റെയില്‍വേ അറിയിച്ചു.
എറണാകുളം-കായംകുളം പാസഞ്ചര്‍ (56381), കായംകുളം-എറണാകുളം പാസഞ്ചര്‍ (56382), കൊല്ലം-എറണാകുളം പാസഞ്ചര്‍ (66302), എറണാകുളം-കൊല്ലം പാസഞ്ചര്‍ (66303) ട്രെയിനുകളാണ് പൂര്‍ണമായും റദ്ദാക്കിയത്. ഈ ദിവസങ്ങളില്‍ കായംകുളം-എറണാകുളം പാസഞ്ചര്‍ (56380) ചേര്‍ത്തലക്കും തുറവൂരിനും ഇടയില്‍ ഒരു മണിക്കൂര്‍ പത്ത് മിനിറ്റ് പിടിച്ചിടും.
അഞ്ച്, ഏഴ്, 12, 14 തീയതികളില്‍ ഛണ്ഡിഗഢ്-കൊച്ചുവേളി സമ്പര്‍ക്ക് ക്രാന്തി എക്‌സ്പ്രസ് (12218) കുമ്പളം സ്‌റ്റേഷനില്‍ 25 മിനിറ്റോളം പിടിച്ചിടുമെന്നും റെയില്‍വേ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.