മഞ്ചേശ്വരം: മഞ്ചേശ്വരത്ത് ട്രെയിൻ എൻജിനിടിച്ച് സഹോദരിമാരും പിഞ്ചുകുഞ്ഞും മരിച്ചു. മഞ്ചേശ്വരം പൊസോട്ട് കെ.പി. അബൂബക്കർ ഹാജി- ബീഫാത്തിമ ദമ്പതികളുടെ മകളും കുഞ്ചത്തൂർ സ്വദേശി അബ്ദുല്ലയുടെ ഭാര്യയുമായ ആയിഷ (35), സഹോദരിയും പൊസോട്ട് സ്വദേശി മൊയ്തീെൻറ ഭാര്യയുമായ ആമിന (45), ആയിഷയുടെ രണ്ടുവയസ്സ് പ്രായമായ മകൻ ഷാമിൽ എന്നിവരാണ് മരിച്ചത്.
ബുധനാഴ്ച ഉച്ചക്ക് 12 മണിയോടെ മഞ്ചേശ്വരം െറയിൽവേ സ്റ്റേഷന് സമീപത്താണ് സംഭവം. ദേശീയപാതയിൽ ബസിറങ്ങി കാസര്‍കോട്ടു നിന്ന് മംഗളൂരു ഭാഗത്തേക്കുള്ള ട്രെയിന്‍ കടന്നുപോയ ഉടനെ പാളം മുറിച്ചുകടക്കുമ്പോള്‍ മംഗളൂരു ഭാഗത്തുനിന്ന് മറ്റേ ട്രാക്കിലൂടെ വന്ന എൻജിന്‍ തട്ടിയാണ് അപകടം. ഇടിയുടെ ആഘാതത്തിൽ സംഭവസ്ഥലത്തുവെച്ചുതന്നെ മൂവരും മരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.