ആശംസ കാർഡുകളും കുഞ്ഞുടുപ്പുകളും

പോ​ത്തു​ക​ല്ല്: ചാ​ലി​യാ​റി​ന് ഇ​രു​ഭാ​ഗ​ത്തും തി​ര​ച്ചി​ൽ ന​ട​ത്തി​യ​വ​ർ​ക്ക് കാ​ണാ​നാ​യ​ത് ഹൃ​ദ​യം നു​റു​ങ്ങു​ന്ന കാ​ഴ്ച​ക​ൾ. ‘ഹാ​പ്പി ബ​ർ​ത്ത് ഡേ’ ​എ​ന്നെ​ഴു​തി​യ ആ​ശം​സ കാ​ർ​ഡ്, ജ​സ്റ്റ് എ​ൻ​ഗേ​ജ് എ​ന്ന് രേ​ഖ​പ്പെ​ടു​ത്തി​യ ഗി​ഫ്റ്റ് റാപ്പർ, കു​ഞ്ഞു​ങ്ങ​ളെ പൊ​തി​യു​ന്ന ട​ർ​ക്കി​ക​ൾ, നി​റം മ​ങ്ങാ​ത്ത വ​സ്ത്ര​ങ്ങ​ൾ, കു​ഞ്ഞു​ചെ​രി​പ്പു​ക​ളും ഷൂ​വു​ക​ളും, പ​ക്ഷി​ക്കൂ​ടു​ക​ൾ, ഗ്യാ​സ് സി​ലി​ണ്ട​റു​ക​ൾ, കു​ടും​ബ ഫോ​ട്ടോ... എ​ല്ലാം ചാ​ലി​യാ​റി​ന് ഇ​രു​ക​ര​ക​ളി​ലും ചി​ന്നി​ച്ചി​ത​റി കി​ട​ക്കു​ക​യാ​ണ്. ജൂ​ൺ 29ന് ​രാ​ത്രി വ​രെ അ​ത​ത് വീ​ടു​ക​ളി​ൽ ഭ​ദ്ര​മാ​യി​രു​ന്ന ഇ​വ​യെ​ല്ലാം നേ​രം വെ​ളു​ത്ത​പ്പോ​ഴേ​ക്കും കി​ലോ​മീ​റ്റ​ർ ഓ​ളം ഒ​ഴു​കി​പ്പ​ര​ന്ന് ചാ​ലി​യാ​റി​ന്റെ തീ​ര​ത്ത​ടി​ഞ്ഞു. ഈ ​കാ​ഴ്ച​ക​ൾ ര​ക്ഷാ​പ്ര​വ​ർ​ത്ത​ക​രു​ടെ ക​ണ്ണു​ക​ളെ ഈ​റ​ന​ണി​യി​ച്ചു. കി​ഴ​ക്ക​ൻ ച​ക്ര​വാ​ള​ത്തി​ൽ നീ​ല​ഗി​രി കു​ന്നു​ക​ൾ​ക്ക് മു​ക​ളി​ൽ സൂ​ര്യ​ൻ ഉ​ണ​ർ​ന്ന​പ്പോ​ഴേ​ക്കു​മെ​ത്തി​യ നൂ​റു​ക​ണ​ക്കി​ന് ര​ക്ഷാ​പ്ര​വ​ർ​ത്ത​ക​ർ​ക്ക് മ​റ​ക്കാ​നാ​വാ​ത്ത കാ​ഴ്ച​ക​ൾ കൂ​ടി​യാ​യി ഇ​ത്.