മ​ഹാ​ദു​ര​ന്ത​ത്തി​ന്റെ ദൃ​ശ്യ​ങ്ങ​ളു​ണ്ടോ? ആ ​സി.​സി.​ടി.​വി​യി​ൽ പ്ര​തീ​ക്ഷ

മു​ണ്ട​ക്കൈ: നാ​ടി​നെ ന​ടു​ക്കി​യ മ​ഹാ​ദു​ര​ന്ത​ത്തി​ന്റെ ദൃ​ശ്യ​ങ്ങ​ൾ ല​ഭ്യ​മാ​കു​മോ? ഉ​രു​ൾ​പൊ​ട്ട​ലി​ന്റെ പ്ര​ഭ​വ​കേ​ന്ദ്ര​മാ​യ വീ​ടു​ക​ളി​ലൊ​ന്നി​ൽ സ്ഥാ​പി​ച്ച സി.​സി.​ടി.​വി കാ​മ​റ​യി​ലേ​ക്ക് പ്ര​തീ​ക്ഷ​യോ​ടെ ഉ​റ്റു​നോ​ക്കു​ക​യാ​ണ് അ​ധി​കൃ​ത​ർ. ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ർ​ക്ക് വീ​ട്ടു​കാ​ർ വ്യാ​ഴാ​ഴ്ച സി.​സി.​ടി.​വി​യു​ടെ ഹാ​ർ​ഡ് ഡി​സ്കും മ​റ്റും കൈ​മാ​റി​യി​ട്ടു​ണ്ട്.

പ്ര​വാ​സി​യാ​യ കോ​ള​ശ്ശേ​രി സു​ൽ​ഫി​ക്ക​റി​​ന്റെ വീ​ട്ടി​ലെ കാ​മ​റ​ക്ക​ണ്ണു​ക​ൾ തു​റ​ന്നി​രു​ന്ന​ത് മ​ല പി​ള​ർ​ന്ന് ദു​ര​ന്തം ആ​ർ​ത്ത​ല​ച്ചെ​ത്തി​യ വ​ഴി​ക​ളി​ലേ​ക്കാ​യി​രു​ന്നു. ര​ണ്ടു കാ​മ​റ​ക​ളാ​ണ് ഈ ​ഭാ​ഗ​ത്ത് ഉ​ണ്ടാ​യി​രു​ന്ന​ത്. ഉ​രു​ൾ​പൊ​ട്ട​ലി​ൽ ഈ ​വീ​ടി​ന്റെ മു​ൻ​വ​ശ​ങ്ങ​ളി​ലു​ണ്ടാ​യി​രു​ന്ന മു​ഴു​വ​ൻ വീ​ടു​ക​ളും നി​ശ്ശേ​ഷം ത​ക​ർ​ന്നു. സു​ൽ​ഫി​ക്ക​റും കു​ടും​ബാം​ഗ​ങ്ങ​ളു​മെ​ല്ലാം ഓ​ടി ര​ക്ഷ​പ്പെ​ടു​ക​യാ​യി​രു​ന്നു. പു​ഞ്ചി​രി​മ​ട്ടം റോ​ഡി​ന​രി​കെ​യു​ള്ള വീ​ടി​ന് കാ​ര്യ​മാ​യ കേ​ടു​പാ​ടു​ക​ൾ സം​ഭ​വി​ച്ചി​ട്ടി​ല്ല. ഈ ​പ്ര​ദേ​ശ​ത്ത് സു​ൽ​ഫി​ക്ക​റി​ന്റെ വീ​ട്ടി​ൽ മാ​ത്ര​മാ​ണ് സി.​സി.​ടി.​വി സ്ഥാ​പി​ച്ചി​ട്ടു​ള്ള​ത്. കാ​മ​റ​ക്കും ഹാ​ർ​ഡ് ഡി​സ്കി​നും കേ​ടു​പാ​ടു​ക​ളൊ​ന്നു​മു​ണ്ടാ​യി​ട്ടി​ല്ല. എ​ന്നാ​ൽ, ഉ​രു​ൾ​പൊ​ട്ട​ലു​ണ്ടാ​യ​തോ​ടെ വൈ​ദ്യു​തി ബ​ന്ധം വി​ച്ഛേ​ദി​ക്ക​പ്പെ​ട്ടി​രു​ന്നു. വീ​ട്ടി​ലെ ഇ​ൻ​വെ​ർ​ട്ട​റി​ൽ കാ​മ​റ ക​ണ​ക്ട് ചെ​യ്തി​ട്ടു​ണ്ടോ എ​ന്ന​ത് വീ​ട്ടു​കാ​ർ​ക്ക് ഉ​റ​പ്പി​ല്ല. കാ​മ​റ​ക​ൾ ഒ​പ്പി​യെ​ടു​ക്കു​ന്ന ദൃ​ശ്യ​ങ്ങ​ൾ വൈ​ദ്യു​തി ബ​ന്ധം ല​ഭ്യ​മാ​വു​ന്ന​തു​വ​രെ ഹാ​ർ​ഡ് ഡി​സ്കി​ൽ ശേ​ഖ​രി​ക്ക​പ്പെ​ടും. ഇ​ൻ​വെ​ർ​ട്ട​റു​മാ​യി ബ​ന്ധി​പ്പി​ച്ചി​ട്ടു​ണ്ടെ​ങ്കി​ൽ ആ ​ക​ണ​ക്ഷ​ൻ അ​വ​സാ​നി​ക്കു​ന്ന​തു​വ​രെ​യു​ള്ള ദൃ​ശ്യ​ങ്ങ​ളു​ണ്ടാ​കും. പൊ​ലീ​സ് സൈ​ബ​ർ ടീം ​സി.​സി.​ടി.​വി ഹാ​ർ​ഡ് ഡി​സ്ക് പ​രി​ശോ​ധി​ക്കു​ക​യാ​ണ്.

പ്ര​ദേ​ശ​ത്ത് മു​ണ്ട​ക്കൈ പ​ള്ളി​യി​ലും സി.​സി.​ടി.​വി കാ​മ​റ ഉ​ണ്ടാ​യി​രു​ന്നു. ഉ​രു​ൾ​പൊ​ട്ട​ലി​ൽ ത​ക​ർ​ന്ന പ​ള്ളി​യു​ടെ മു​ക​ളി​ൽ കാ​മ​റ ഇ​പ്പോ​ഴു​മു​ണ്ട്. എ​ന്നാ​ൽ, മു​ണ്ട​ക്കൈ എ​ന്ന ഗ്രാ​മം​ത​ന്നെ ഒ​ലി​ച്ചു​പോ​യ ദു​ര​ന്ത​ത്തി​ൽ പ​ള്ളി​യി​ലെ സി.​സി.​ടി.​വി​യു​ടെ ഹാ​ർ​ഡ് ഡി​സ്കും ഇ​തു​വ​രെ ക​ണ്ടു​കി​ട്ടി​യി​ട്ടി​ല്ല.