വി​ട​രാ സ്വ​പ്ന​ങ്ങ​ളു​ടെ ഓ​ർ​മ​ക്ക്...

ചൂ​ര​ൽ​മ​ല (വ​യ​നാ​ട്): നീ​ണ്ട വ​ള്ളി​യി​ൽ ‘ഫോ​റെ​വ​ർ യ​ങ്’ എ​ന്നെ​ഴു​തി​യ ഒ​രു കു​ഞ്ഞു ബാ​ഗ് വ​ലി​യ ക​രി​മ്പാ​റ​ക​ളി​ലൊ​ന്നി​നു മു​ക​ളി​ൽ കി​ട​പ്പു​ണ്ട്. വെ​ളു​ത്ത വ​ലി​യ പൂ​വി​നൊ​പ്പം കു​റേ കു​ഞ്ഞു​പൂ​ക്ക​ളു​ള്ള മ​നോ​ഹ​ര​മാ​യ ബാ​ഗ്. മ​റ്റു​ള്ള​വ​രു​ടെ ഓ​ർ​മ​ക​ളി​ൽ എ​ന്നും ചെ​റു​പ്പ​മാ​യി പാ​തി​വ​ഴി​യി​ൽ മ​റ​ഞ്ഞ ആ​രു​ടേ​തോ ആ​യി​രി​ക്കു​മ​ത്. മ​ല​വെ​ള്ള​പ്പാ​ച്ചി​ലി​ൽ മ​ഹാ​ദു​ര​ന്തം ക​ഴു​കി​യെ​ടു​ത്തി​ട്ടും അ​തി​ലെ​ഴു​തി​യ അ​ക്ഷ​ര​ങ്ങ​ളി​ൽ ആ​രോ ച​വി​ട്ടി​യ​ര​ച്ചു​പോ​യ ച​ളി പ​റ്റി​ക്കി​ട​പ്പു​ണ്ട്. ആ ​ബാ​ഗി​ന​രി​കെ വെ​ള്ള​ത്തി​ൽ കു​തി​ർ​ന്ന ര​ണ്ടു ക​ട​ലാ​സു​ക​ഷ​ണ​ങ്ങ​ൾ.. അ​തി​ൽ വ​ടി​വൊ​ത്ത അ​റ​ബി അ​ക്ഷ​ര​ങ്ങ​ളി​ൽ അ​ക്ക​മി​ട്ട് എ​ഴു​തി നി​ര​ത്തി​യ​ത് നൂ​റി​ലേ​റെ ത​വ​ണ ഒ​രേ വാ​ക്കു​ക​ൾ.. ബി​സ്മി​ല്ലാ​ഹി​ർ റ​ഹ്മാ​നി​ർ​റ​ഹീം (പ​ര​മ​കാ​രു​ണി​ക​നും ക​രു​ണാ​മ​യ​നു​മാ​യ ദൈ​വ​ത്തി​ന്റെ നാ​മ​ത്തി​ൽ). മു​ഹ​ർ​റം മാ​സ​ത്തി​ന്റെ തു​ട​ക്ക​ത്തി​ൽ സൗ​ഖ്യ​ങ്ങ​ൾ​ക്കാ​യി പ്രാ​ർ​ഥ​ന നേ​ർ​ന്നെ​ഴു​തി​യ വാ​ക്കു​ക​ളാ​വാം അ​ത്.

‘ഇ​വി​ടെ മാ​ത്രം നൂ​റു വീ​ടു​ക​ൾ’

ദു​ര​ന്തം പാ​തി പി​ള​ർ​ത്തി​യ ചൂ​ര​ൽ​മ​ല ടൗ​ണി​നോ​ട് തൊ​ട്ടു​ചേ​ർ​ന്ന് വെ​ള്ളാ​ർ​മ​ല സ്കൂ​ളി​ന​രി​കെ നി​ര​ന്ന സ്ഥ​ല​ത്ത് 100 വീ​ടു​ക​ളു​ണ്ടാ​യി​രു​ന്നു​വെ​ന്ന് ചൂ​ര​ൽ​മ​ല മ​ഹ​ല്ല് പ്ര​സി​ഡ​ന്റ് മു​ഹ​മ്മ​ദ്കു​ട്ടി വേ​ള​ക്കാ​ട് ‘മാ​ധ്യ​മ’​ത്തോ​ട് പ​റ​ഞ്ഞു. അ​വ​യൊ​ക്കെ​യും ത​ക​ർ​ന്നി​രി​ക്കു​ന്നു. പാ​തി​യി​ൽ ബാ​ക്കി​യാ​യ, വി​ര​ലി​ലെ​ണ്ണാ​വു​ന്ന ചി​ല​തി​ൽ ഇ​നി ജീ​വി​തം അ​സാ​ധ്യ​വും. അ​വ​യി​ലൊ​ന്ന് മു​ഹ​മ്മ​ദ് കു​ട്ടി​യു​ടേ​ത് ത​ന്നെ​യാ​ണ്. കാ​ൽ​നൂ​റ്റാ​ണ്ടി​ലേ​റെ​യാ​യ പ്ര​വാ​സ​ത്തി​ന്റെ വി​യ​ർ​പ്പി​ൽ പ​ടു​ത്തു​യ​ർ​ത്തി​യ ഇ​രു​നി​ല വീ​ട്ടി​നു മു​ന്നി​ൽ​നി​ന്ന് ദൈ​വം ര​ക്ഷ​യു​ടെ ക​രു​ണാ​ക​ടാ​ക്ഷം നീ​ട്ടി​യ​തി​ൽ ആ​ശ്വാ​സം കൊ​ള്ളു​ക​യാ​ണ് അ​ദ്ദേ​ഹം. ഒ​പ്പം, ഹൂ​ങ്കാ​ര​വം മു​ഴ​ക്കി​യെ​ത്തി​യ മ​ഹാ​ദു​ര​ന്തം ക​ൺ​മു​ന്നി​ൽ മ​ര​ണ​താ​ണ്ഡ​വ​മാ​ടു​മ്പോ​ൾ മു​ക​ൾ​നി​ല​യി​ലേ​ക്ക് നാ​ൽ​പ​തോ​ളം അ​യ​ൽ​ക്കാ​രെ​ക്കൂ​ടി കൈ​പി​ടി​ച്ചു ക​യ​റ്റി​യ​തി​ന്റെ സ​ന്തോ​ഷ​വും.

ആ ​പി​ഞ്ചു​പൈ​ത​ൽ

മ​ന​സ്സ് വി​റ​ങ്ങ​ലി​ച്ചു​പോ​വു​ന്ന കാ​ഴ്ച​ക​ളാ​ണ് ചു​റ്റി​ലും. വ​മ്പ​ൻ പാ​റ​ക്കൂ​ട്ട​ങ്ങ​ൾ​ക്കി​ട​യി​ൽ ഉ​ണ്ടാ​വു​മെ​ന്നു​റ​പ്പു​ള്ള ഉ​റ്റ​വ​രെ​ത്തേ​ടാ​ൻ ക​ഴി​യാ​തെ നി​സ്സ​ഹാ​യ​രാ​യ ബ​ന്ധു​ജ​ന​ങ്ങ​ൾ. ഇ​നി​യെ​ന്തു ചെ​യ്യാ​ൻ എ​ന്ന അ​ന്ധാ​ളി​പ്പി​ൽ സ​ന്ന​ദ്ധ പ്ര​വ​ർ​ത്ത​ക​ർ. യ​ന്ത്ര​ക്കൈ​ക​ളി​ൽ കോ​രി​യെ​ടു​ക്കാ​ൻ പ​റ്റു​ന്ന അ​വ​ശി​ഷ്ട​ങ്ങ​ൾ​ക്കി​ട​യി​ൽ മാ​ത്രം തി​ര​ച്ചി​ലു​ക​ളൊ​തു​ക്കാ​നേ ക​ഴി​യു​ന്നു​ള്ളൂ. ആ ​യ​ന്ത്ര​ക്കൈ​ക​ളി​ൽ വെ​ള്ളാ​ർ​മ​ല സ്കൂ​ളി​ന് മു​ന്നി​ൽ നി​ന്നു​മാ​ത്രം ഇ​ന്ന​ലെ ല​ഭി​ച്ച​ത് ആ​റു പേ​രു​ടെ ജീ​വ​ന​റ്റ ശ​രീ​ര​ങ്ങ​ൾ. അ​തി​ലൊ​ന്ന് ഒ​രു പി​ഞ്ചു പൈ​ത​ലി​ന്റേ​ത്.

പാ​റി​ക്ക​ളി​ക്കു​ന്ന കു​ഞ്ഞു​ടു​പ്പു​ക​ൾ

നോ​ട്ട​ങ്ങ​ളെ​ത്തു​ന്നി​ട​ത്തൊ​ക്കെ​യും ക​ണ്ണീ​ർ​കാ​ഴ്ച​ക​ളാ​ണ്. വീ​ടി​ന്റെ അ​ടി​ത്ത​റ​ക​ൾ വ​രെ മാ​ന്തി​ത്ത​ക​ർ​ത്തു​പോ​യ മ​ഹാ​ദു​ര​ന്തം. കു​ന്നി​ന്റെ അ​രി​കോ​ട് ചേ​ർ​ന്ന ഒ​രു വീ​ടി​ന്റെ ത​റ​യു​ടെ കു​റ​ച്ചു ഭാ​ഗ​ങ്ങ​ൾ മാ​ത്രം ബാ​ക്കി​യു​ണ്ട്. അ​പ്പോ​ഴും അ​തി​നു​മു​ക​ളി​ലാ​യി കാ​റ്റി​ൽ പാ​റി​പ്പോ​കാ​തി​രി​ക്കാ​ൻ ക്ലി​പ്പു​ക​ളു​ടെ സ​ഹാ​യ​ത്തോ​ടെ ഉ​ണ​ങ്ങാ​നി​ട്ട കു​ഞ്ഞു​ടു​പ്പു​ക​ള​ട​ക്കം അ​യ​യി​ൽ അ​തു​പോ​ലെ​യു​ണ്ട്. ച​ളി​നി​റ​ഞ്ഞ് തൂ​ർ​ന്നു പോ​യ കി​ണ​റു​ക​ൾ​ക്ക​രി​കെ പാ​റ​ക്കൂ​ട്ട​ങ്ങ​ൾ​ക്കി​ട​യി​ൽ കി​ട​ക്കു​ന്ന മോ​ട്ടോ​റു​ക​ൾ ഇ​നി ആ​ർ​ക്കും ദാ​ഹ​ജ​ലം പ​ക​രാ​നി​ട​യി​ല്ല.

ആ ​നാ​ണ​യ​ങ്ങ​ളെ​ല്ലാം പോ​യി

നാ​ണ​യ​ത്തു​ട്ടു​ക​ളി​ട്ടു​വെ​ക്കു​ന്ന പ​ച്ച നി​റ​മു​ള്ള പ്ലാ​സ്റ്റി​ക് പാ​ത്രം മു​ച്ചൂ​ടും ത​ക​ർ​ന്ന വീ​ടി​ന്റെ സ്ഥാ​ന​ത്ത് ഒ​രു തു​ണി​യോ​ട് ചേ​ർ​ന്നു​നി​ൽ​ക്കു​ന്നു​ണ്ട്. പി​ള​ർ​ന്നു​പോ​യ ആ ​പാ​ത്ര​ത്തി​ലെ സ​മ്പാ​ദ്യ​മെ​ല്ലാം ഒ​ലി​ച്ചു​പോ​യി​ട്ടു​ണ്ടാ​വ​ണം. കാ​റും ജീ​പ്പും ബൈ​ക്കു​മൊ​ക്കെ പാ​റ​ക്കൂ​ട്ട​ങ്ങ​ളും ച​ളി​യും മ​ല​വെ​ള്ള​പ്പാ​ച്ചി​ലും ചേ​ർ​ന്ന് ഇ​നി​യൊ​രു യാ​ത്ര​പോ​കാ​ൻ ക​ഴി​യാ​ത്ത വി​ധം ഞെ​രി​ച്ചു​ട​ച്ചു ക​ള​ഞ്ഞി​രി​ക്കു​ന്നു.

യ​ജ​മാ​ന​നെ തേ​ടു​ന്ന​വ​ർ

ഒ​രു സ​ന്ന​ദ്ധ സേ​വ​ക​ൻ പൊ​മ​റേ​നി​യ​ൻ നാ​യ​യെ ക​യ​റി​ൽ കു​രു​ക്കി കൊ​ണ്ടു​പോ​കു​ന്നു​ണ്ട്. ദു​ര​ന്ത​ത്തി​ൽ മ​ര​ണ​ക്ക​യ​ത്തി​ലേ​ക്ക് എ​ടു​ത്തെ​റി​യ​പ്പെ​ട്ട ആ​രോ അ​രു​മ​യോ​ടെ വ​ള​ർ​ത്തി​യ​താ​ണ​വ​നെ. അ​വ​നി​നി പു​തി​യ യ​ജ​മാ​ന​നൊ​പ്പം ജീ​വി​ക്കും. മൂ​ന്നു വ​ള​ർ​ത്തു​നാ​യ്ക്ക​ൾ ആ ​പാ​റ​ക്കൂ​ട്ട​ങ്ങ​ൾ​ക്കി​ട​യി​ലൂ​ടെ അ​പ്പോ​ഴും ആ​രെ​യോ തി​ര​ഞ്ഞ് ന​ട​ക്കു​ന്ന​തു​പോ​ലെ. അ​തി​ൽ വെ​ളു​ത്ത ഒ​രു​വ​ൻ എ​ല്ലാ​വ​രു​ടെ അ​ടു​ത്തേ​ക്കും വാ​ലാ​ട്ടി ചെ​ല്ലു​ന്നു​ണ്ട്. ഒ​രു വ​ള​ന്റി​യ​ർ ന​ൽ​കി​യ ഭ​ക്ഷ​ണം പാ​തി​ക​ഴി​ച്ച് അ​വ​ൻ വീ​ണ്ടും ത​ക​ർ​ന്നു​കി​ട​ക്കു​ന്ന കെ​ട്ടി​ടാ​വ​ശി​ഷ്ട​ങ്ങ​ൾ​ക്കി​ട​യി​ലൂ​ടെ ന​ട​പ്പു തു​ട​ർ​ന്നു.