ച​ന്ദ്ര​പ്പി​റ​വി​യും കാ​പ്പാ​ട​ൻ പെ​രു​മ​യും

കാ​ല​ങ്ങ​ൾ​ക്കു മു​മ്പേ​ത​ന്നെ, മ​ല​യാ​ളി​ക​ളു​ടെ ഭൂ​രി​ഭാ​ഗം നോ​മ്പും പെ​രു​ന്നാ​ളും തു​ട​ങ്ങു​ന്ന​ത് കാ​പ്പാ​ട​ൻ കാ​ഴ്ച​യി​ൽ​നി​ന്നാ​ണ്. റ​മ​ദാ​ൻ മാ​സ​പ്പി​റ​വി കാ​ണു​ന്ന​ത് മു​ത​ൽ പെ​രു​ന്നാ​ൾ വ​രെ അ​തി​ന്റെ ത​ല​യെ​ടു​പ്പ് കാ​ല​ങ്ങ​ളാ​യി കാ​പ്പാ​ടു​കാ​ർ​ക്കു​ണ്ട്. മു​ൻ​കാ​ല​ങ്ങ​ളി​ൽ നോ​മ്പി​ന്റെ വ​ര​വ​റി​യാ​ൻ റേ​ഡി​യോ​ക​ളെ ആ​ശ്ര​യി​ച്ചി​രു​ന്ന കാ​ലം മു​ത​ൽ കേ​ൾ​ക്കാ​ൻ തു​ട​ങ്ങി​യ​താ​ണ് കാ​പ്പാ​ട​ൻ മാ​ന​ത്തെ ച​ന്ദ്ര​ക്ക​ല​യു​ടെ പോ​രി​ശ.

ച​ന്ദ്ര​പ്പി​റ​വി ക​ണ്ട​യാ​ൾ കാ​പ്പാ​ട് ജു​മു​അ​ത്ത് പ​ള്ളി വ​ലി​യ ഖാ​ദി​യെ അ​റി​യി​ക്കു​ന്ന വി​ശ്വാ​സ​യോ​ഗ്യ​മാ​യ വി​വ​ര​ങ്ങ​ൾ, അ​ദ്ദേ​ഹം പാ​ണ​ക്കാ​ട് ത​ങ്ങ​ളെ അ​റി​യി​ക്കു​ക​യും ശേ​ഷം, ത​ങ്ങ​ൾ ഔ​ദ്യോ​ഗി​ക​മാ​യി വി​ശ്വാ​സി​ക​ളി​ലേ​ക്ക് എ​ത്തി​ക്കു​ക​യു​മാ​ണ് പ​തി​വ്.

കാ​പ്പാ​ട്ടെ ചാ​ന്ദ്ര​ദ​ർ​ശ​നം പോ​ലെ പേ​രു​കേ​ട്ട​താ​ണ് മാ​സ​ക്കോ​യ എ​ന്ന കെ.​ടി. കോ​യ​യു​ടെ പേ​രും. ഇ​ന്ന് ദ​ഫ് മു​ട്ടി​ലെ​ന്ന​പോ​ലെ കാ​പ്പാ​ടി​ന്റെ കു​ത്ത​ക​യാ​ണ് മാ​സ​പ്പി​റ​വി കാ​ണ​ലും. ഇ​ത് ര​ണ്ടും ഒ​ര​ഹ​ങ്കാ​ര​മാ​യി ഇ​ന്നും ഞ​ങ്ങ​ൾ ലോ​കം മു​ഴു​വ​ൻ ത​ല​യി​ലേ​റ്റി ന​ട​ക്കാ​റു​ണ്ട്.

മു​ൻ​കാ​ല​ങ്ങ​ളി​ൽ പാ​നീ​സി​ന്റെ വെ​ട്ട​ത്തി​ൽ നാ​ട്ടി​ട​വ​ഴി​ക​ളി​ലൂ​ടെ ദ​ഫ്മു​ട്ടി​ന്റെ താ​ള​ത്തി​നൊ​പ്പം ദി​ക്‌​റ് ചൊ​ല്ലി റ​മ​ദാ​നി​ന്റെ വ​ര​വ​റി​യി​ച്ചു​ള്ള യാ​ത്ര​യു​ടെ ചി​ത്രം മ​ന​സ്സി​ലെ​വി​ടെ​യോ ഇ​പ്പോ​ഴും പ​തി​ഞ്ഞി​രി​പ്പു​ണ്ട്. ഇ​ന്ന് റേ​ഡി​യോ​യും ടി.​വി​യും ക​ഴി​ഞ്ഞ്‌ വാ​ട്സ്ആ​പ് കാ​ല​ത്തെ​ത്തി നി​ൽ​ക്കു​ന്നു.

ആ​ദ്യ​ത്തെ പ​ത്തി​ൽ പ​ള്ളി​ക​ൾ കു​ട്ടി​ക​ളു​ടെ ഉ​ച്ച​ത്തി​ലു​ള്ള ആ​മീ​ൻ പ​റ​യ​ലും ത​റാ​വീ​ഹ്‌ ന​മ​സ്കാ​ര​ത്തി​ന്റെ ഇ​ട​യി​ലു​ള്ള സ്വ​ലാ​ത്തും ഒ​പ്പം ക​ല​പി​ല​യും​കൊ​ണ്ട് ശ​ബ്ദ​മു​ഖ​രി​ത​മാ​കും.

ആ​ദ്യ​മൊ​ക്കെ കൃ​ത്യ​മാ​യി വ​ന്ന​വ​ർ പി​ന്നീ​ട് പ​കു​തി​ക്ക് ക​യ​റാ​നും ഇ​ട​ക്ക് മു​ങ്ങാ​നും തു​ട​ങ്ങും. അ​തി​ൽ ഏ​റ്റ​വും ര​സ​ക​രം കൈ ​കെ​ട്ടു​മ്പോ​ൾ കൂ​ടെ​നി​ന്ന​വ​നെ സ​ലാം​വീ​ട്ടു​മ്പോ​ൾ ഒ​പ്പം കാ​ണി​ല്ല എ​ന്ന​താ​ണ്. ഈ ​സ​മ​യ​മാ​ണ് അ​വ​രു​ടെ അ​ങ്ങാ​ടി സ​ഞ്ചാ​രം. നാ​ട്ടു​കാ​ര​ണ​വ​ന്മാ​രൊ​ക്കെ പ​ള്ളി​ക​ളി​ലാ​യി​രി​ക്കു​മ്പോ​ൾ കു​ട്ടി​ക​ൾ​ക്ക് ‘ന​ല്ല സ​മ​യ’​മാ​ണി​ത്.

ചി​ല ദി​വ​സ​ങ്ങ​ളി​ൽ ആ ​ക​റ​ക്കം തു​വ്വ​പ്പാ​റ ബീ​ച്ചി​ലാ​ണ് അ​വ​സാ​നി​ക്കു​ന്ന​ത്. ഈ ​നാ​ടി​ന്റെ ഏ​റ്റ​വും വ​ലി​യ പ്ര​ത്യേ​ക​ത, ചു​രു​ങ്ങി​യ ചു​റ്റ​ള​വി​നു​ള്ളി​ൽ വ്യ​ത്യ​സ്ത ഭൂ​പ്ര​കൃ​തി​യു​ള്ള പ​ള്ളി​ക​ളെ​ക്കൊ​ണ്ട് അ​നു​ഗ്ര​ഹീ​ത​മാ​ണ് എ​ന്ന​താ​ണ്.

അ​തി​പു​രാ​ത​ന കാ​പ്പാ​ട് വ​ലി​യ ജു​മു​അ​ത്ത് പ​ള്ളി മു​ത​ൽ, മാ​ഖാം പ​ള്ളി​യും ക​ള​ത്തി​ൽ പ​ള്ളി​യും പാ​റ​പ്പ​ള്ളി​യും ക​ഴി​ഞ്ഞ് ക​ട​പ്പു​റ​ത്തെ ഏ​രൂ​ൾ പ​ള്ളി​വ​രെ​യു​ള്ള നി​ര​വ​ധി വ്യ​ത്യ​സ്ത​ങ്ങ​ളാ​യ ചു​റ്റു​പാ​ടു​ക​ളെ​ക്കൊ​ണ്ട് നി​റ​ഞ്ഞ പ്ര​ദേ​ശ​മാ​ണ്. ഇ​തി​ന്റെ ഇ​ട​ക്ക് പ​ണ്ടു​കാ​ല​ത്തെ ചീ​ന​ക്കോ​ള​നി എ​ന്ന​റി​യ​പ്പെ​ട്ട ചീ​ന​ച്ചേ​രി നേ​ർ​ച്ച​പ്പ​ള്ളി മു​ത​ൽ നി​ര​വ​ധി സ്രാ​മ്പി​യ പ​ള്ളി​ക​ൾ വ​രെ ഇ​ന്നാ​ട്ടി​ലു​ണ്ട്.

വീ​ണ്ടും പ​ള്ളി നി​റ​യ​ണ​മെ​ങ്കി​ൽ 27ാം രാ​വാ​ക​ണം. അ​ന്ന് രാ​ത്രി ത​റാ​വീ​ഹി​നും ഖി​യാ​മു​ല്ലൈ​ലി​നും ശേ​ഷം പ്ര​ത്യേ​ക പ്രാ​ർ​ഥ​ന​ക്കും ഭ​ക്ഷ​ണ​ത്തി​നും പ​ള്ളി​ക​ൾ നി​റ​യും. കൂ​ട്ട​ത്തി​ൽ, ഖ​ബ​ർ സി​യാ​റ​ത്തി​നു​ള്ള ആ​ളു​ക​ളെ​ക്കൊ​ണ്ട് പ​ള്ളി​പ്പ​റ​മ്പും. മു​ൻ​കൂ​ട്ടി നി​ശ്ച​യി​ച്ച ദി​വ​സ​ങ്ങ​ളി​ൽ ഓ​രോ വീ​ട്ടി​ൽ​നി​ന്നും കൊ​ണ്ടു​വ​രു​ന്ന പ​ല​ത​രം വി​ഭ​വ​ങ്ങ​ളോ​ട് കൂ​ടി​യ പ​ള്ളി​യി​ലെ നോ​മ്പ് തു​റ​ക്കാ​ണ് കൂ​ടു​ത​ൽ പ്രി​യം. ശേ​ഷം വീ​ട്ടി​ലെ ഭ​ക്ഷ​ണ​വും കൂ​ടെ​യാ​വു​മ്പോ​ൾ കു​ശാ​ലാ​യി.

പ​തി​വു​പോ​ലെ ചെ​റി​യു​ള്ളി​യി​ട്ട് താ​ളി​ച്ച ത​രി​ക്ക​ഞ്ഞി​യും ഏ​ല​ക്ക​യി​ട്ട് വ​റ്റി​ച്ച കു​വ്വ കാ​ച്ചി​യ​തും നോ​മ്പി​ന്റെ പ്ര​ധാ​ന പാ​നീ​യ​ങ്ങ​ളാ​ണെ​ങ്കി​ലും ഏ​റ്റ​വും പ്രി​യ​പ്പെ​ട്ട​ത് ഉ​പ്പി​ലി​ട്ട​തും ഫു​ൾ ജാ​ർ സോ​ഡ​യു​മൊ​ക്കെ​യാ​ണ്. പ​ക്ഷേ, ഇ​ന്നു​കാ​ണു​ന്ന​തൊ​ന്നു​മാ​യി​രു​ന്നി​ല്ല അ​ത്.

നേ​ര​ത്തെ ഫ്രീ​സ​റി​ൽ​വെ​ച്ച് ഐ​സ് ആ​ക്കി​യ സോ​ഡ​യി​ൽ ചെ​റു​നാ​ര​ങ്ങ​യോ ഉ​പ്പി​ലി​ട്ട​തി​ന്റെ നീ​രോ ഒ​ഴി​ച്ചാ​യി​രി​ക്കും പ​ത​പ്പി​ക്കു​ക. സോ​ഡ മു​ൻ​കൂ​ട്ടി വാ​ങ്ങി വെ​ച്ചി​ല്ലെ​ങ്കി​ൽ ഫ്രീ​സ​ർ തൊ​ട്ട​ടു​ത്ത വീ​ടു​ക​ളി​ലെ ത​ണു​പ്പി​ക്കാ​ൻ വെ​ച്ച വെ​ള്ള​ത്തി​ന്റെ പാ​ത്ര​ങ്ങ​ൾ​കൊ​ണ്ട് നി​റ​യും.

പ​ക​ൽ​സ​മ​യ​ത്ത് വു​ളു​വി​ന്റെ ഇ​ട​ക്ക് കാ​ണാ​തെ കു​ടി​ക്കു​ന്ന തേ​നി​നേ​ക്കാ​ൾ മ​ധു​ര​മു​ള്ള വെ​ള്ള​വും ക​ട​ക​ളി​ൽ​നി​ന്ന് അ​റി​യാ​ത്ത ഭാ​വേ​ന ക​ഴി​ക്കു​ന്ന അ​രി​യു​ടെ​യും പ​ഞ്ച​സാ​ര​യു​ടെ​യും രു​ചി​യും മ​ധു​ര​വും മ​റ്റൊ​ന്നി​നു​മി​ല്ല. മു​ൻ​കാ​ല​ങ്ങ​ളി​ൽ വാ​സ്കോ​ഡ​ഗാ​മ​ക്കും ചീ​ന​ക്കാ​ർ​ക്കും പ​റ​ങ്കി​ക​ൾ​ക്കും ആ​തി​ഥ്യ​മേ​കി​യ നാ​ടി​ന്റെ പേ​രി​ൽ വ്ര​ത​ശു​ദ്ധി​യു​ടെ കാ​ല​വും അ​ട​യാ​ള​പ്പെ​ടു​ത്തു​ന്നു.