മംഗളൂരു: ദക്ഷിണ കന്നട ജില്ലയിലെ സോണങ്കേരിയിൽ കർണാടക ആർ.ടി.സി ബസ് ഇടിച്ച് സ്കൂട്ടർ യാത്രികൻ മരിച്ചു. നെല്ലൂർ കെംരാജു ഗ്രാമ പഞ്ചായത്ത് അംഗം രാമചന്ദ്ര പ്രഭുവാണ്(68) തിങ്കളാഴ്ച അപകടത്തിൽ മരിച്ചത്.
നെല്ലോറെ കെംരാജു ഗ്രാമവാസിയായ പ്രഭു മകന്റെ വിവാഹം ക്ഷണിക്കാൻ സുള്ള്യയിലേക്ക് വരുമ്പോഴാണ് അപകടം സംഭവിച്ചത്. എതിരെ വന്ന ബസ് ഇടിച്ച് സംഭവസ്ഥലത്ത് തന്നെ മരിച്ചു. വീട്ടിൽ നിന്ന് പുറപ്പെടുമ്പോൾ ഭാര്യ ഉമാവതി സ്കൂട്ടറിൽ ഒപ്പമുണ്ടായിരുന്നു. ദുഗ്ളഡുക്കയിൽ എത്തിയപ്പോൾ പൊടുന്നനെ മഴ പെയ്തു. ഇതേത്തുടർന്ന് ഉമാവതിയെ സുള്ള്യയിലേക്കുള്ള ബസിൽ കയറ്റിവിട്ട് സ്കൂട്ടറിൽ യാത്ര തുടർന്ന പ്രഭു സുട്ടുകോട്ട വളവിൽ എത്തിയപ്പോൾ അപകടത്തിൽപെടുകയായിരുന്നു.
തലക്കേറ്റ മാരക പരിക്കാണ് മരണ കാരണമെന്ന് പൊലീസ് പറഞ്ഞു. പൊതുസമ്മതനായ സാമൂഹിക പ്രവർത്തകനായ രാമചന്ദ്ര പ്രഭു നെല്ലൂരു കെംപാജെ പ്രാഥമിക കാർഷിക സഹകരണ സംഘം
ബിൽകലക്ടറായിരുന്നു. പിന്നീടാണ് ജനപ്രതിനിധിയായി തെരഞ്ഞെടുക്കപ്പെട്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.