health sector

ആ​രോ​ഗ്യ മേ​ഖ​ല​യു​ടെ ത​ക​ര്‍ച്ച കേ​ര​ള​ത്തെ എ​വി​ടെ​യെ​ത്തി​ക്കും?

കേ​ര​ള​ത്തി​ലെ പൊ​തു​ജ​നാ​രോ​ഗ്യ മേ​ഖ​ല ത​ക​രു​ക​യാ​ണെ​ന്ന സൂ​ച​ന​ക​ള്‍ക്ക് ബ​ല​മേ​കു​ന്ന​താ​ണ് 2016-22 കാ​ല​യ​ള​വി​ലെ കം​പ്ട്രോ​ള​ര്‍ ആ​ന്‍ഡ് ഓ​ഡി​റ്റ​ര്‍ ജ​ന​റ​ലി​ന്‍റെ റി​പ്പോ​ര്‍ട്ട് [Report of the Comptroller and Auditor General of India on Public Health Infrastructure and Management of Health Services, Report No. 6 of the year 2024 (Performance Audit - Civil)].ത്രി​തീ​യ ത​ല​ത്തി​ലു​ൾ​പ്പെ​ടെ​യു​ള്ള ആ​ശു​പ​ത്രി​ക​ളി​ല്‍ ആ​വ​ശ്യ​ത്തി​ന് ഡോ​ക്ട​ര്‍മാ​രി​ല്ലാ​ത്ത - പ്ര​ത്യേ​കി​ച്ച് സ്പെ​ഷ​ലി​സ്റ്റു​ക​ളി​ല്ലാ​ത്ത അ​വ​സ്ഥ​യു​ണ്ടെ​ന്നും വേ​ണ്ട​ത്ര ന​ഴ്സു​മാ​രും ഫാ​ര്‍മ​സി​സ്റ്റു​ക​ളും ലാ​ബ് ടെ​ക്നീ​ഷ്യ​ന്മാ​രു​മി​ല്ലെ​ന്നും റി​പ്പോ​ര്‍ട്ട് നി​രീ​ക്ഷി​ക്കു​ന്നു. ഇ​തു​മൂ​ലം രോ​ഗി​ക​ള്‍ക്ക് ചി​കി​ത്സ നി​ഷേ​ധി​ക്ക​പ്പെ​ടു​ന്നു. മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ല്‍ ഡോ​ക്ട​ര്‍മാ​രു​ടെ എ​ണ്ണം പ​രി​താ​പ​ക​ര​മാ​യ അ​ള​വി​ല്‍ കു​റ​വാ​ണ്. 13 ജി​ല്ല​ക​ളി​ലും ആ​ശാ പ്ര​വ​ര്‍ത്ത​ക​രു​ടെ എ​ണ്ണ​ത്തി​ൽ മൂ​ന്നു​മു​ത​ല്‍ 33 ശ​ത​മാ​നം വ​രെ കു​റ​വു​ണ്ട്. ന്യാ​യ​വി​ല​ക്ക് സ​മ​യ​ത്ത്, സം​തൃ​പ്ത​മാ​യ മെ​ഡി​ക്ക​ല്‍ സേ​വ​ന​ങ്ങ​ള്‍ ല​ഭ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ, ആ​ര്‍ദ്രം ദൗ​ത്യ​ത്തി​ന്‍റെ ഭാ​ഗ​മാ​യി പ്ര​വ​ര്‍ത്തി​ക്കു​ന്ന കു​ടും​ബാ​രോ​ഗ്യ കേ​ന്ദ്ര​ങ്ങ​ള്‍, അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​ഭാ​വം, ആ​വ​ശ്യ​ത്തി​ന് സ്റ്റാ​ഫി​ല്ല എ​ന്നീ കാ​ര​ണ​ങ്ങ​ളാ​ല്‍ ഉ​ദ്ദേ​ശി​ക്ക​പ്പെ​ട്ട സേ​വ​ന​ങ്ങ​ള്‍പോ​ലും ല​ഭ്യ​മാ​ക്കാ​ന്‍ സാ​ധി​ക്കു​ന്നി​ല്ല. ഇ​ന്ത്യ​ന്‍ പ​ബ്ലി​ക് ഹെ​ല്‍ത്ത് സ്റ്റാ​ന്‍ഡേ​ര്‍ഡ്സ് നി​ഷ്ക​ര്‍ഷി​ക്കു​ന്ന അ​ടി​സ്ഥാ​ന സേ​വ​ന​ങ്ങ​ളോ പ​രി​ശോ​ധ​ന​ക​ളോ പോ​ലും പ​ല സ​ര്‍ക്കാ​ര്‍ ആ​ശു​പ​ത്രി​ക​ളി​ലും ല​ഭ്യ​മ​ല്ല.

ആ​ശു​പ​ത്രി​ക​ളി​ല്‍ മ​രു​ന്ന് ക്ഷാ​മ​മു​ണ്ടെ​ന്നും 82 ശ​ത​മാ​നം മ​രു​ന്നു​ക​ളു​ടെ​യും വി​ത​ര​ണം വൈ​കു​ന്നു​ണ്ടെ​ന്നും ഓ​ഡി​റ്റ് കാ​ല​യ​ള​വി​ല്‍ മാ​ത്രം 14 വി​ത​ര​ണ​ക്കാ​രു​ടെ മ​രു​ന്നു​ക​ള്‍ ഗു​ണ​നി​ല​വാ​ര പ​രി​ശോ​ധ​ന കൂ​ടാ​തെ ആ​ശു​പ​ത്രി​ക​ളി​ല്‍ വി​ത​ര​ണം ചെ​യ്യു​ക​യു​ണ്ടാ​യെ​ന്നും ഉ​പ​ക​ര​ണ​ങ്ങ​ള്‍ വാ​ങ്ങു​ന്ന​തി​ലും അ​റ്റ​കു​റ്റ​പ്പ​ണി​ക​ളി​ലും അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ലും അ​ലം​ഭാ​വ​മു​ണ്ടെ​ന്നും റി​പ്പോ​ര്‍ട്ട് സൂ​ചി​പ്പി​ക്കു​ന്നു.

ഇ​ന്ത്യ​ൻ പ​ബ്ലി​ക് ഹെ​ല്‍ത്ത് സ്റ്റാ​ന്‍ഡേ​ര്‍ഡ്സ് നി​ഷ്ക​ര്‍ഷി​ക്കു​ന്ന​തി​നെ അ​പേ​ക്ഷി​ച്ച് കേ​ര​ള​ത്തി​ല്‍ 14 ശ​ത​മാ​നം പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളു​ടെ​യും 35 ശ​ത​മാ​നം സാ​മൂ​ഹി​കാ​രോ​ഗ്യ കേ​ന്ദ്ര​ങ്ങ​ളു​ടെ​യും കു​റ​വു​ണ്ട്. ചെ​ല​വ് വ​ര്‍ധി​ച്ചി​ട്ടു​ണ്ടെ​ങ്കി​ലും ആ​രോ​ഗ്യ മേ​ഖ​ല​യി​ലേ​ക്കു​ള്ള സ​ര്‍ക്കാ​ര്‍ വ​ക​യി​രു​ത്ത​ല്‍ കു​റ​യു​ക​യാ​ണെ​ന്നും മ​രു​ന്നു​ക​ള്‍ വാ​ങ്ങാ​ന്‍ ആ​വ​ശ്യ​ത്തി​ന് ഫ​ണ്ട് അ​നു​വ​ദി​ക്കു​ന്നി​ല്ലെ​ന്നും റി​പ്പോ​ര്‍ട്ട് പ​റ​യു​ന്നു.

പ്ര​ശ്ന​പ​രി​ഹാ​ര നി​ർ​ദേ​ശ​ങ്ങ​ൾ

ഡോ​ക്ട​ര്‍മാ​രു​ടെ​യും പാ​രാ​മെ​ഡി​ക്ക​ല്‍ സ്റ്റാ​ഫി​ന്‍റെ​യും കു​റ​വ് നി​ക​ത്താ​നാ​യി സ​ര്‍ക്കാ​ര്‍ ക​ണ​ക്കെ​ടു​പ്പ് ന​ട​ത്തി ഡോ​ക്ട​ര്‍-​ജ​ന​ങ്ങ​ള്‍ അ​നു​പാ​ത​ത്തി​ലെ വി​ട​വ് നി​ക​ത്ത​ണ​മെ​ന്നും ഡോ​ക്ട​ര്‍മാ​രു​ടെ ല​ഭ്യ​ത പ​രി​താ​പ​ക​ര​മാ​യ അ​ള​വി​ല്‍ കു​റ​വു​ള്ള ജി​ല്ല​ക​ളി​ല്‍ എ​ണ്ണം വ​ര്‍ധി​പ്പി​ക്ക​ണ​മെ​ന്നും റി​പ്പോ​ർ​ട്ട് നി​ർ​ദേ​ശി​ക്കു​ന്നു. ഓ​രോ ത​ല​ത്തി​ലു​മു​ള്ള ആ​ശു​പ​ത്രി​ക​ളി​ല്‍ ല​ഭ്യ​മാ​ക്ക​ണ​മെ​ന്ന് നി​ഷ്ക​ര്‍ഷി​ക്ക​പ്പെ​ട്ടി​ട്ടു​ള്ള പ​രി​ശോ​ധ​ന​ക​ളും ഉ​പ​ക​ര​ണ​ങ്ങ​ളും സേ​വ​ന​ങ്ങ​ളും മ​രു​ന്നു​ക​ളും സ​ര്‍ക്കാ​ര്‍ ഉ​റ​പ്പാ​ക്ക​ണം, ഉ​പ​ക​ര​ണ​ങ്ങ​ളു​ടെ അ​റ്റ​കു​റ്റ​പ്പ​ണി​ക​ള്‍ക്ക് സം​വി​ധാ​ന​മു​ണ്ടാ​ക​ണം, ജ​ന​സം​ഖ്യ​ക്ക് ആ​നു​പാ​തി​ക​മാ​യി പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ളും സാ​മൂ​ഹി​കാ​രോ​ഗ്യ കേ​ന്ദ്ര​ങ്ങ​ളും ആ​രം​ഭി​ക്ക​ണം, ആ​രോ​ഗ്യ മേ​ഖ​ല​യി​ലേ​ക്കു​ള്ള ബ​ജ​റ്റ് വ​ക​യി​രു​ത്ത​ല്‍ വ​ര്‍ധി​പ്പി​ക്കാ​ന്‍ പ​ദ്ധ​തി ആ​വി​ഷ്ക​രി​ക്ക​ണം തു​ട​ങ്ങി​യ​വ അ​വ​യി​ല്‍ ചി​ല​താ​ണ്.

എ​ന്തു​കൊ​ണ്ട് ഈ ​ത​ക​ര്‍ച്ച?

തൊ​ണ്ണൂ​റു​ക​ള്‍ മു​ത​ല്‍ ന​ട​പ്പി​ലാ​ക്കി​ത്തു​ട​ങ്ങി​യ നി​യോ-​ലി​ബ​റ​ല്‍ ന​യ​ങ്ങ​ളാ​ണ് ആ​രോ​ഗ്യ മേ​ഖ​ല​യു​ടെ ത​ക​ര്‍ച്ച​യു​ടെ പ്ര​ധാ​ന ഹേ​തു. ആ​രോ​ഗ്യ മേ​ഖ​ല​യെ സ്വ​കാ​ര്യ​വ​ത്ക​രി​ക്കാ​നു​ള്ള ശ്ര​മ​ങ്ങ​ളു​ടെ മ​റു​പു​റം കൂ​ടി​യാ​ണി​ത്. ഒ​മ്പ​താം പ​ഞ്ച​വ​ത്സ​ര പ​ദ്ധ​തി (1992-97) കാ​ല​ത്തു​ത​ന്നെ രാ​ജ്യ​ത്ത് ആ​രോ​ഗ്യ മേ​ഖ​ല​യു​ടെ സ്വ​കാ​ര്യ​വ​ത്ക​ര​ണ​ത്തി​നു​ള്ള ശ്ര​മം ആ​രം​ഭി​ക്കു​ന്നു​ണ്ട്. ആ​രോ​ഗ്യ മേ​ഖ​ല​യി​ല്‍ സ​ന്ന​ദ്ധ സം​ഘ​ട​ന​ക​ളു​ടെ പ​ങ്കാ​ളി​ത്ത​വും പ്രാ​ദേ​ശി​ക സാ​മൂ​ഹി​ക വി​ഭ​വ​ങ്ങ​ളു​ടെ ഉ​പ​യോ​ഗ​വും എ​ന്ന പേ​രി​ല്‍ തൊ​ഴി​ലി​ന്‍റെ ക​രാ​ര്‍വ​ത്ക​ര​ണ​വും ഔ​ട്ട്സോ​ഴ്സി​ങ്ങും ന​ട​പ്പി​ലാ​ക്കു​ന്ന​തും ആ​രോ​ഗ്യ​സേ​വ​ന​ങ്ങ​ള്‍ക്ക് യൂ​സ​ര്‍ ഫീ ​ഏ​ര്‍പ്പെ​ടു​ത്തി​ത്തു​ട​ങ്ങു​ന്ന​തും അ​ക്കാ​ല​ത്താ​ണ്. പൊ​തു​ജ​നാ​രോ​ഗ്യ മേ​ഖ​ല​യി​ല്‍ ആ​വ​ശ്യ​ത്തി​ന് ഡോ​ക്ട​ര്‍മാ​രു​ടെ​യും ന​ഴ്സു​മാ​രു​ടെ​യും ഫാ​ര്‍മ​സി​സ്റ്റു​ക​ളു​ടെ​യും പാ​രാ​മെ​ഡി​ക്ക​ല്‍ സ്റ്റാ​ഫി​ന്‍റെ​യും ല​ഭ്യ​ത ഇ​ല്ലാ​താ​ക്കി​യ​ത് ഈ ​ന​യ​മാ​ണ്. ഇ​ത്ത​ര​ത്തി​ലു​ള്ള ഘ​ട​നാ​പ​ര​മാ​യ പ​രി​ഷ്കാ​ര​ത്തി​നാ​യി ധാ​രാ​ളം പ​ണം ഐ.​എം.​എ​ഫ്-​ലോ​ക​ബാ​ങ്ക് വാ​യ്പ​യാ​യി രാ​ജ്യ​ത്തേ​ക്ക് ഒ​ഴു​ക്കി​യി​ട്ടു​ണ്ട്. സി.​എ.​ജി റി​പ്പോ​ര്‍ട്ടി​ല്‍ പ്ര​തി​പാ​ദി​ക്കു​ന്ന ആ​ര്‍ദ്രം, ദേ​ശീ​യ ന​ഗ​രാ​രോ​ഗ്യ ദൗ​ത്യം, കാ​യ​ക​ല്‍പ് പ​രി​പാ​ടി, നാ​ഷ​ന​ല്‍ ക്വാ​ളി​റ്റി അ​ഷ്വ​റ​ന്‍സ് പ്രോ​ഗ്രാം, റി​വേ​ഴ്സ്ഡ് ടി.​ബി ക​ണ്‍ട്രോ​ള്‍ പ്രോ​ഗ്രാം, ദേ​ശീ​യ മാ​ന​സി​കാ​രോ​ഗ്യ പ​രി​പാ​ടി, ജ​ന​നി സു​ര​ക്ഷാ യോ​ജ​ന തു​ട​ങ്ങി​യ പ​ല സ്കീ​മു​ക​ളും പ​ദ്ധ​തി​ക​ളും ആ​രോ​ഗ്യ മേ​ഖ​ല​യു​ടെ ഘ​ട​നാ​പ​ര​മാ​യ പ​രി​ഷ്കാ​രം ല​ക്ഷ്യ​മാ​ക്കി ലോ​ക​ബാ​ങ്കും ഏ​ഷ്യ​ന്‍ വി​ക​സ​ന ബാ​ങ്കും ന​ല്‍കു​ന്ന വാ​യ്പ​ക​ളെ ആ​ശ്ര​യി​ച്ചു​ള്ള​താ​ണ്.

വി​ദേ​ശ വാ​യ്പാ ക​ട​ക്കെ​ണി​യി​ലാ​വു​ന്ന ഒ​രു ഭ​ര​ണ​കൂ​ട​ത്തെ സം​ബ​ന്ധി​ച്ചി​ട​ത്തോ​ളം വാ​യ്പാ​തി​രി​ച്ച​ട​വ് സാ​ധ്യ​മാ​വ​ണ​മെ​ങ്കി​ല്‍ വ​ലി​യ അ​ള​വി​ല്‍ വി​ദേ​ശ നി​ക്ഷേ​പം ആ​ക​ര്‍ഷി​ക്കേ​ണ്ടി​വ​രും. ഇ​ന്ത്യ​പോ​ലു​ള്ള ഒ​രു രാ​ജ്യ​ത്തെ ജ​ന​ങ്ങ​ളെ മു​ഴു​വ​ന്‍ കൊ​ള്ള​യ​ടി​ക്കാ​ൻ അ​ന്താ​രാ​ഷ്ട്ര കോ​ർ​പ​റേ​റ്റ് ഭീ​മ​ന്മാ​ര്‍ക്കു​ള്ള ഉ​പാ​ധി​യാ​ണ് വി​ദേ​ശ വാ​യ്പ​ക​ള്‍. ആ​രോ​ഗ്യ മേ​ഖ​ല​യി​ലു​ള്‍പ്പെ​ടെ വി​ദേ​ശ നി​ക്ഷേ​പം അ​നു​വ​ദി​ക്ക​പ്പെ​ട്ടി​രി​ക്കു​ന്ന​ത് ഈ ​വാ​യ്പ​ക​ളു​ടെ പ​ശ്ചാ​ത്ത​ല​ത്തി​ലാ​ണ്.

മ​റ്റൊ​രു ഘ​ട​കം​കൂ​ടി ന​മ്മ​ള്‍ പ​രി​ഗ​ണി​ക്കേ​ണ്ട​തു​ണ്ട്. ഇ​ന്ത്യ​യി​ലെ മ​റ്റു സം​സ്ഥാ​ന​ങ്ങ​ളെ അ​പേ​ക്ഷി​ച്ച് മി​ക​ച്ച ആ​രോ​ഗ്യ സം​വി​ധാ​ന​ങ്ങ​ളു​ള്ള സം​സ്ഥാ​ന​മാ​ണ് കേ​ര​ളം. ബ്രി​ട്ടീ​ഷ് മ​ല​ബാ​റി​ല്‍ 1879 മു​ത​ല്‍ സ​ര്‍ക്കാ​ര്‍ ഉ​ദ്യോ​ഗ​സ്ഥ​ര്‍ക്കും ത​ട​വു​കാ​ര്‍ക്കും വി​ദ്യാ​ര്‍ഥി​ക​ള്‍ക്കും പ്ര​തി​രോ​ധ കു​ത്തി​വെ​പ്പു​ക​ള്‍ നി​ര്‍ബ​ന്ധ​മാ​ക്കു​ന്നു​ണ്ട്. തി​രു​വ​ന​ന്ത​പു​ര​ത്തും കൊ​ച്ചി​യി​ലും സ്ഥാ​പി​ച്ച ജ​ന​റ​ല്‍ ആ​ശു​പ​ത്രി​ക​ള്‍ക്ക് 150 വ​ര്‍ഷ​ത്തി​ല​ധി​കം പ​ഴ​ക്ക​മു​ണ്ട്. സ്വാ​ത​ന്ത്ര്യാ​ന​ന്ത​ര ഇ​ന്ത്യ​യി​ല്‍ 1961 മു​ത​ല്‍ 1986 വ​രെ​യു​ള്ള കാ​ല​ത്ത് കേ​ര​ള​ത്തി​ലെ പൊ​തു​ജ​നാ​രോ​ഗ്യ മേ​ഖ​ല വ​ലി​യ അ​ള​വി​ല്‍ വി​ക​സി​ക്കു​ക​യു​ണ്ടാ​യി. 1970 മു​ത​ല്‍ 1990 വ​രെ​യു​ള്ള കാ​ലം കേ​ര​ള​ത്തെ സം​ബ​ന്ധി​ച്ചി​ട​ത്തോ​ളം സാ​മ്പ​ത്തി​ക പ്ര​തി​സ​ന്ധി​യു​ടെ കാ​ല​മാ​യി​രു​ന്നി​ട്ടു​കൂ​ടി ആ​രോ​ഗ്യ മേ​ഖ​ല​യെ ശ​ക്തി​പ്പെ​ടു​ത്താ​ന്‍ അ​ന്ന​ത്തെ സ​ര്‍ക്കാ​റു​ക​ള്‍ ക​ഠി​ന​മാ​യി പ​രി​ശ്ര​മി​ച്ചി​രു​ന്നു. എ​ന്നാ​ല്‍, 1983ലെ ​ന​യം ആ​രോ​ഗ്യ ബ​ജ​റ്റി​ല്‍ സ്വാ​ധീ​നം​ചെ​ലു​ത്താ​നും ബ​ജ​റ്റ് വി​ഹി​തം ചു​രു​ങ്ങാ​നും തു​ട​ങ്ങി​യ​തോ​ടെ ആ​രോ​ഗ്യ മേ​ഖ​ല​യു​ടെ ത​ക​ര്‍ച്ച ആ​രം​ഭി​ച്ചു. വ​ള​രെ വി​പു​ല​മാ​യി​രു​ന്നു കേ​ര​ള​ത്തി​ലെ സം​വി​ധാ​ന​ങ്ങ​ള്‍ എ​ന്ന​തി​നാ​ല്‍ ഇ​നി​യും ആ ​ത​ക​ര്‍ച്ച പൂ​ര്‍ണ​മാ​യി​ട്ടി​ല്ല.

ആ​രോ​ഗ്യ മേ​ഖ​ല​യു​ടെ ത​ക​ര്‍ച്ച കേ​ര​ള​ത്തെ എ​വി​ടെ​യെ​ത്തി​ക്കും?

എം.​കെ. ഷ​ഹ​സാ​ദ്

ക്ഷേ​മ​രാ​ഷ്ട്ര സ​ങ്ക​ൽ​പ​ത്തി​ന്‍റെ സ്ഥാ​ന​ത്ത് ക​മ്പോ​ള താ​ൽ​പ​ര്യ​ങ്ങ​ള്‍ പ്ര​തി​ഷ്ഠി​ക്ക​പ്പെ​ട്ട​തോ​ടെ സ്വ​കാ​ര്യ ആ​രോ​ഗ്യ മേ​ഖ​ല​യു​ടെ വ്യാ​പ​ന​ത്തി​ന് സ​ര്‍ക്കാ​ര്‍ സം​വി​ധാ​ന​ങ്ങ​ളു​ടെ ത​ക​ര്‍ച്ച ഒ​രു അ​നി​വാ​ര്യ​ത​യാ​യി​ത്തീ​ര്‍ന്നു. ആ​രോ​ഗ്യ മേ​ഖ​ല​യു​ടെ സ്വ​കാ​ര്യ​വ​ത്ക​ര​ണ​ത്തെ സ​ഹാ​യി​ക്കു​ന്ന ന​യ​സ​മീ​പ​നം മാ​റ്റി​യാ​ലേ സി.​എ.​ജി മു​ന്നോ​ട്ടു​വെ​ച്ചി​ട്ടു​ള്ള നി​ര്‍ദേ​ശ​ങ്ങ​ള്‍ പ​രി​ഗ​ണി​ക്കാ​ന്‍ പോ​ലും ഭ​ര​ണാ​ധി​കാ​രി​ക​ള്‍ക്ക് സാ​ധി​ക്കു​ക​യു​ള്ളൂ. പൊ​തു​ജ​നാ​രോ​ഗ്യ മേ​ഖ​ല​യെ ശ​ക്തി​പ്പെ​ടു​ത്തു​മെ​ന്ന തീ​രു​മാ​ന​ത്തി​നൊ​പ്പം സ​ര്‍ക്കാ​ര്‍ സം​വി​ധാ​ന​ങ്ങ​ള്‍ക്ക് ആ​വ​ശ്യ​മാ​യ സാ​മ്പ​ത്തി​ക പി​ന്തു​ണ ഉ​റ​പ്പാ​ക്കു​ന്ന ന​ട​പ​ടി​ക​ളും ഭ​ര​ണാ​ധി​കാ​രി​ക​ള്‍ സ്വീ​ക​രി​ക്കേ​ണ്ട​തു​ണ്ട്. അ​തി​ല്‍ ഏ​റ്റ​വും പ്ര​ധാ​ന​പ്പെ​ട്ട​ത് വി​ദേ​ശ ക​ട​വും സ്വ​കാ​ര്യ മൂ​ല​ധ​ന​വും ആ​ശ്ര​യി​ച്ചു​ള്ള സാ​മ്പ​ത്തി​ക ന​യ​ങ്ങ​ള്‍ ഉ​പേ​ക്ഷി​ക്ക​ലാ​ണ്. പ​ക​രം, ക്ഷേ​മ​പ്ര​വ​ര്‍ത്ത​ന​ങ്ങ​ള്‍ക്കാ​യി ക​ട​പ​ത്ര​ങ്ങ​ളു​ടെ ഈ​ടി​ല്‍ റി​സ​ർ​വ് ബാ​ങ്കി​ല്‍നി​ന്ന് പ​ണം ക​ടം വാ​ങ്ങാ​ന്‍ മു​മ്പ് യൂ​നി​യ​ന്‍ സ​ര്‍ക്കാ​റി​നും സം​സ്ഥാ​ന സ​ര്‍ക്കാ​റു​ക​ള്‍ക്കും ഉ​ണ്ടാ​യി​രു​ന്ന അ​വ​കാ​ശം പു​നഃ​സ്ഥാ​പി​ക്ക​ണം. അ​തോ​ടു​കൂ​ടി ചെ​റി​യ പ​ലി​ശ​ക്ക് യൂ​നി​യ​ന്‍ സ​ര്‍ക്കാ​റി​നും സം​സ്ഥാ​ന സ​ര്‍ക്കാ​റു​ക​ള്‍ക്കും വാ​യ്പ ല​ഭ്യ​മാ​കു​ന്ന സാ​ഹ​ച​ര്യ​മു​ണ്ടാ​കും. ആ​ശു​പ​ത്രി​ക​ള്‍ ന​ട​ത്താ​ന്‍ മാ​ത്ര​മ​ല്ല, അ​വ​ശ്യ മ​രു​ന്നും ഉ​പ​ക​ര​ണ​ങ്ങ​ളും ഉ​ൽ​പാ​ദി​പ്പി​ക്കാ​നും അ​തി​നു​വേ​ണ്ട ഗ​വേ​ഷ​ണ പ്ര​വ​ര്‍ത്ത​ന​ങ്ങ​ള്‍ ന​ട​ത്താ​നും സ​ര്‍ക്കാ​റു​ക​ള്‍ പ്രാ​പ്ത​രാ​കും. നി​ല​വി​ല്‍ സാ​മ്പ​ത്തി​ക പ്ര​തി​സ​ന്ധി കാ​ര​ണം പാ​തി​വ​ഴി​യി​ലു​പേ​ക്ഷി​ക്ക​പ്പെ​ട്ട പ​ദ്ധ​തി​ക​ള്‍ പൂ​ര്‍ത്തീ​ക​രി​ക്കാ​നും ആ​രോ​ഗ്യ ഇ​ന്‍ഷു​റ​ന്‍സ് പ​ദ്ധ​തി ഉ​പേ​ക്ഷി​ക്കാ​നും സി.​എ.​ജി നി​ര്‍ദേ​ശി​ക്കു​ന്ന നി​യ​ന്ത്ര​ണ സം​വി​ധാ​ന​ങ്ങ​ള്‍ ആ​വി​ഷ്ക​രി​ക്കാ​നും, സ്കീ​മു​ക​ളു​ടെ​യും പ്രോ​ജ​ക്ടു​ക​ളു​ടെ​യും ബാ​ഹു​ല്യം കാ​ര​ണ​മു​ണ്ടാ​കു​ന്ന സ​ങ്കീ​ര്‍ണ​ത​ക​ളി​ല്‍നി​ന്ന് ഭ​ര​ണ​നി​ര്‍വ​ഹ​ണ സം​വി​ധാ​ന​ത്തെ ര​ക്ഷി​ച്ചെ​ടു​ക്കാ​നും ഈ ​ചെ​റി​യ മാ​റ്റ​ത്തി​ലൂ​ടെ മാ​ത്രം സാ​ധി​ക്കും. ഓ​രോ സം​സ്ഥാ​ന​ത്തും ആ​വ​ശ്യ​മാ​യ ആ​രോ​ഗ്യ പ​രി​പാ​ല​ന സം​വി​ധാ​ന​ങ്ങ​ളും അ​നു​ബ​ന്ധ ഉ​ൽ​പാ​ദ​ന​വും ആ​രം​ഭി​ക്കു​ന്ന​തോ​ടെ സം​സ്ഥാ​ന​ത്തെ അ​ഭ്യ​സ്ത​വി​ദ്യ​ര്‍ അ​നു​ഭ​വി​ക്കു​ന്ന തൊ​ഴി​ല്‍ പ്ര​ശ്ന​ത്തി​ന് ഒ​രു പ​രി​ധി​വ​രെ ശ​മ​ന​മു​ണ്ടാ​കും. അ​തു മ​റ്റ് ഉ​ൽ​പാ​ദ​ന - സേ​വ​ന മേ​ഖ​ല​ക​ള്‍ക്ക് ഉ​ണ​ര്‍വേ​കു​ക​യും ചെ​യ്യും.

സി.​എ.​ജി നി​ര്‍ദേ​ശി​ച്ചി​രി​ക്കു​ന്നു എ​ന്ന ഒ​റ്റ​ക്കാ​ര​ണ​ത്താ​ല്‍ ത​ങ്ങ​ള്‍ പി​ന്തു​ട​രു​ന്ന ന​യം മാ​റ്റാ​ൻ യൂ​നി​യ​ന്‍ സ​ര്‍ക്കാ​റോ സം​സ്ഥാ​ന സ​ര്‍ക്കാ​റോ മു​തി​രി​ല്ല. അ​തി​നാ​യി, പ്ര​ക്ഷോ​ഭ​ത്തി​നു​ള്ള ആ​യു​ധ​മാ​ക്കി സി.​എ.​ജി റി​പ്പോ​ര്‍ട്ടി​നെ പ്ര​യോ​ജ​ന​പ്പെ​ടു​ത്ത​ണം. രാ​ജ്യ​മെ​മ്പാ​ടും ശ​ക്ത​മാ​യ പൊ​തു​ജ​നാ​രോ​ഗ്യ സം​വി​ധാ​നം സൃ​ഷ്ടി​ക്ക​പ്പെ​ടു​ക​യെ​ന്ന ല​ക്ഷ്യ​ത്തോ​ടെ പ്രാ​ദേ​ശി​ക ത​ല​ത്തി​ല്‍ സ​ര്‍ക്കാ​ര്‍ ആ​ശു​പ​ത്രി​ക​ള്‍ സ്ഥാ​പി​ക്ക​ണം, നി​ല​നി​ര്‍ത്ത​ണം, ശ​ക്തി​പ്പെ​ടു​ത്ത​ണം എ​ന്നീ മു​ദ്രാ​വാ​ക്യ​ങ്ങ​ള്‍ ജ​ന​ങ്ങ​ള്‍ ഉ​യ​ര്‍ത്ത​ണം.

ആ​രോ​ഗ്യ സേ​വ​ന​ങ്ങ​ള്‍ വ്യ​ക്തി​യു​ടെ സാ​മ്പ​ത്തി​ക​ശേ​ഷി അ​നു​സ​രി​ച്ച് വി​ത​ര​ണം ചെ​യ്യ​പ്പെ​ടു​ന്ന അ​വ​സ്ഥ പ​ണം ചെ​ല​വ​ഴി​ക്കാ​നു​ള്ള​വ​രെ സം​ബ​ന്ധി​ച്ചി​ട​ത്തോ​ളം ആ​ശ്വാ​സ​ദാ​യ​ക​മാ​ണ്. പ​ക്ഷേ, പ​ണം ചെ​ല​വ​ഴി​ക്കാ​ന്‍ ശേ​ഷി​യു​ള്ള വ്യ​ക്തി​ക​ളു​ടെ ആ​രോ​ഗ്യ കാ​ര്യ​ങ്ങ​ളെ മാ​ത്ര​മേ സ്വ​കാ​ര്യ മേ​ഖ​ല അ​ഭി​സം​ബോ​ധ​ന ചെ​യ്യു​ള്ളൂ. സാ​മൂ​ഹി​കാ​രോ​ഗ്യ​വും പ്ര​തി​രോ​ധ പ്ര​വ​ര്‍ത്ത​ന​ങ്ങ​ളും പ​ണ​മി​ല്ലാ​ത്ത​വ​രു​ടെ ചി​കി​ത്സ​യും അ​വ​രു​ടെ പ​രി​ഗ​ണ​നാ വി​ഷ​യ​മ​ല്ല. ആ ​ഭാ​ഗം അ​വ​ഗ​ണി​ക്ക​പ്പെ​ടു​ക​യും പ​ക​ര്‍ച്ച​വ്യാ​ധി​ക​ളെ പ്ര​തി​രോ​ധി​ക്കു​ന്ന​ത് ഉ​ള്‍പ്പെ​ടെ​യു​ള്ള പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ഉ​പേ​ക്ഷി​ക്ക​പ്പെ​ടു​ക​യും​ചെ​യ്യും.

ഒ​പ്പം പ​ണ​മി​ല്ലാ​ത്ത​വ​ന്‍ ചി​കി​ത്സ​ക്കാ​യി ഇ​ര​ന്നു ന​ട​ക്കേ​ണ്ട ഗ​തി​യു​ണ്ടാ​കും. അ​ത് നി​ല​വി​ല്‍ത​ന്നെ ക​ണ്ടു​തു​ട​ങ്ങി​യി​ട്ടു​മു​ണ്ട്. അ​പ​ക​ട​ക​ര​മാ​യ ഈ ​പോ​ക്കി​നെ​യാ​ണ് സി.​എ.​ജി തു​റ​ന്നു​കാ​ട്ടി​യി​രി​ക്കു​ന്ന​ത്. 

Tags:    
News Summary - collapse of the health sector take Kerala?

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.