തെലങ്കാനയിലെ സാധ്യതകളും ഗൂഢാലോചനാ സിദ്ധാന്തങ്ങളും

തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​യി പ്ര​ധാ​ന കോ​ൺ​ഗ്ര​സ് സ്ഥാ​നാ​ർ​ഥി​ക​ളെ ഉ​ന്ന​മി​ട്ട് എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​ന്റെ റെ​യ്ഡു​ക​ൾ ന​ട​ക്കു​ന്നു​മു​ണ്ട്. ഈ​യ​ടു​ത്തു​വ​രെ ബി.​ജെ.​പി​യി​ലു​ണ്ടാ​യി​രു​ന്ന, തെ​ര​ഞ്ഞെ​ടു​പ്പ് കാ​ല​ത്ത് കോ​ൺ​ഗ്ര​സി​ലേ​ക്ക് ചേ​ർ​ന്ന ജി. ​വി​വേ​കാ​ണ് അ​ത്ത​രം സ്ഥാ​നാ​ർ​ഥി​ക​ളി​ലൊ​രാ​ൾ

ഗൂ​ഢാ​ലോ​ച​ന സി​ദ്ധാ​ന്ത​ങ്ങ​ൾ​കൊ​ണ്ട് സ​മ്പു​ഷ്ട​മാ​ണ് തെ​ല​ങ്കാ​ന നി​യ​മ​സ​ഭ തെ​ര​ഞ്ഞെ​ടു​പ്പ് രം​ഗം. അ​വ​യു​ടെ സ​വി​ശേ​ഷ​ത എ​ന്താ​ണെ​ന്നു​വെ​ച്ചാ​ൽ പ​ല​തി​ലും ഒ​ര​ൽ​പം സ​ത്യ​ത്തി​ന്റെ ക​ണി​ക​ക​ളു​മു​ണ്ടെ​ന്ന​താ​ണ്. ഉ​ദാ​ഹ​ര​ണ​ത്തി​ന്, ഈ ​വ​ർ​ഷ​ത്തി​ന്റെ പ​കു​തി​വ​രെ അ​ത്യ​ന്തം വാ​ശി​യോ​ടെ മു​ന്നോ​ട്ടു​പോ​യ ഭാ​ര​തീ​യ ജ​ന​താ പാ​ർ​ട്ടി ക​ഴി​ഞ്ഞ ര​ണ്ട് മാ​സ​ത്തി​നു​ള്ളി​ൽ പൊ​ടു​ന്ന​നെ മ​ന്ദ​ഗ​തി​യി​ലാ​കു​ക​യും നി​ല​വി​ലെ ഭ​ര​ണ​ക​ക്ഷി​യാ​യ ബി.​ആ​ർ.​എ​സ് പാ​ർ​ട്ടി​ക്ക് മൂ​ന്നാ​മ​തും അ​ധി​കാ​രം കി​ട്ടു​ന്ന​ത് ക​ണ്ട് തൃ​പ്തി​യ​ട​യാ​ൻ കാ​ത്തി​രി​ക്കു​ന്ന​തും എ​ന്തു​കൊ​ണ്ടാ​ണ് എ​ന്നൊ​രു ച​ർ​ച്ച വ്യാ​പ​ക​മാ​യു​ണ്ട്.

ഇ​തി​പ്പോ​ൾ വെ​റു​മൊ​രു ഗൂ​ഢാ​ലോ​ച​ന സി​ദ്ധാ​ന്ത​മ​ല്ല, കോ​ൺ​ഗ്ര​സി​ന് അ​നു​കൂ​ല​മാ​യ മു​ന്നേ​റ്റ​മു​ണ്ടാ​യേ​ക്കു​മെ​ന്ന സൂ​ച​ന​യെ​തു​ട​ർ​ന്ന് അ​തി​ന് ത​ട​യി​ടാ​ൻ ബി.​ജെ.​പി കേ​ന്ദ്ര​നേ​തൃ​ത്വം കാ​ര്യ​മാ​യ ശ്ര​മ​ങ്ങ​ൾ ന​ട​ത്തു​ന്ന​തി​ന്റെ വ്യ​ക്ത​മാ​യ സൂ​ച​ന​ക​ളു​ണ്ട്. തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​യി പ്ര​ധാ​ന കോ​ൺ​ഗ്ര​സ് സ്ഥാ​നാ​ർ​ഥി​ക​ളെ ഉ​ന്ന​മി​ട്ട് എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​ന്റെ റെ​യ്ഡു​ക​ൾ ന​ട​ക്കു​ന്നു​മു​ണ്ട്. ഈ​യ​ടു​ത്ത​കാ​ലം​വ​രെ ബി.​ജെ.​പി​യി​ലു​ണ്ടാ​യി​രു​ന്ന, തെ​ര​ഞ്ഞെ​ടു​പ്പ് കാ​ല​ത്ത് കോ​ൺ​ഗ്ര​സി​ലേ​ക്ക് ചേ​ർ​ന്ന ജി. ​വി​വേ​കാ​ണ് അ​ത്ത​രം സ്ഥാ​നാ​ർ​ഥി​ക​ളി​ലൊ​രാ​ൾ. പാ​ർ​ട്ടി വി​ടു​ന്ന​തു​വ​രെ ​​ബി.​ജെ.​പി​യു​ടെ തെ​ര​ഞ്ഞെ​ടു​പ്പ് പ്ര​ക​ട​ന പ​ത്രി​ക ക​മ്മി​റ്റി ത​ല​വ​നാ​യി​രു​ന്നു അ​ദ്ദേ​ഹം.

ഒ​രു​പ​ക്ഷേ മ​റ്റു പ​ല​രെ​യും പോ​ലെ കോ​ൺ​ഗ്ര​സി​ന് അ​നു​കൂ​ല​മാ​യ ഒ​രു മു​ന്നേ​റ്റം പ്ര​ക​ട​മാ​കു​ന്നെ​ന്ന് അ​ദ്ദേ​ഹ​വും ക​ണ​ക്കു​കൂ​ട്ടി​യി​ട്ടു​ണ്ടാ​കാം. വൈ​വി​ധ്യ​മാ​ർ​ന്ന രം​ഗ​ങ്ങ​ളി​ൽ പ്ര​വ​ർ​ത്തി​ക്കു​ന്ന ഒ​രു വ്യ​വ​സാ​യ കു​ടും​ബ​ത്തി​ൽ​നി​ന്നു​ള്ള വി​വേ​കി​ന്റെ സാ​മ്പ​ത്തി​ക പി​ൻ​ബ​ലം ​ബി.​ജെ.​പി ന​ന്നാ​യി മു​ത​ലാ​ക്കി​യി​രു​ന്ന​താ​ണ്. പ​ക്ഷേ, അ​ദ്ദേ​ഹം കോ​ൺ​ഗ്ര​സി​ൽ ചേ​ർ​ന്ന് ആ​ഴ്ച​ക​ൾ പി​ന്നി​ട്ട​തും ഇ.​ടി സ​ട​കു​ട​ഞ്ഞെ​ഴു​ന്നേ​ൽ​ക്കു​ക​യും അ​വ​രു​ടെ കു​ടും​ബ വ്യ​വ​സാ​യ​ത്തെ ഉ​ന്ന​മി​ടു​ക​യും ചെ​യ്തു.

പ്ര​ചാ​ര​ണ​ത്തി​ന്റെ അ​വ​സാ​ന നി​മി​ഷ​ത്തി​ൽ കോ​ൺ​ഗ്ര​സി​ന്റെ പ​ണ​ച്ചാ​ക്കു​ക​ളെ ഇ​ങ്ങ​നെ ഉ​ന്ന​മി​ടു​ന്ന​ത് അ​വ​രു​ടെ പ​ണ​മൊ​ഴു​ക്കി​ൽ ത​ട​സ്സം സൃ​ഷ്ടി​ക്കും, അ​ത് ബി.​ആ​ർ.​എ​സി​ന് ഗു​ണം ചെ​യ്യു​മെ​ന്നാ​ണ് മ​ന​സ്സി​ലാ​ക്കേ​ണ്ട​തെ​ന്ന് ഒ​രു പ്രാ​ദേ​ശി​ക രാ​ഷ്ട്രീ​യ നി​രീ​ക്ഷ​ക​ൻ വി​ല​യി​രു​ത്തു​ന്നു.

കോ​ൺ​ഗ്ര​സ് സൃ​ഷ്ടി​ക്കാ​ൻ പോ​കു​ന്ന ത​രം​ഗം ഏ​തു​വി​ധേ​ന​യു​ള്ള​താ​യി​രി​ക്കു​മെ​ന്നോ അ​ത് പാ​ർ​ട്ടി​ക്ക് പാ​തി​യി​ലേ​റെ സീ​റ്റു​ക​ൾ നേ​ടി​ക്കൊ​ടു​ക്കു​മോ എ​ന്ന​കാ​ര്യ​മൊ​ന്നും ആ​ർ​ക്കു​മ​റി​യി​ല്ല. എ​ന്നാ​ൽ, ആ ​പാ​ർ​ട്ടി​ക്ക് ല​ഭി​ച്ചു​കൊ​ണ്ടി​രി​ക്കു​ന്ന വ്യാ​പ​ക പി​ന്തു​ണ മ​റ്റു പാ​ർ​ട്ടി​ക​ളെ ബേ​ജാ​റി​ലാ​ഴ്ത്തി​യി​ട്ടു​ണ്ട്, പ്ര​ത്യേ​കി​ച്ച് ബി.​ജെ.​പി​യെ. കോ​ൺ​ഗ്ര​സ് ന​ല്ല പ്ര​ക​ട​നം കാ​ഴ്ച​വെ​ക്കു​ക​യും പ​കു​തി​യെ​ങ്കി​ലും മു​ന്നേ​റു​ക​യും ചെ​യ്താ​ൽ​പോ​ലും അ​ത് ദേ​ശീ​യ​ത​ല​ത്തി​ൽ വ​ലി​യ അ​ല​യൊ​ലി സൃ​ഷ്ടി​ക്കു​​മെ​ന്നാ​ണ് ഒ​രു മു​തി​ർ​ന്ന ബി.​ജെ.​പി നേ​താ​വ് തു​റ​ന്നു​സ​മ്മ​തി​ച്ച​ത്. കോ​ൺ​ഗ്ര​സി​ന്റെ മു​ന്നേ​റ്റം ത​ട​യു​ന്ന​തി​നാ​യി പി​ന്നോ​ട്ട​ടി​ച്ച് ബി.​ജെ.​പി സം​തൃ​പ്തി പു​ൽ​കു​ന്ന​തി​ന്റെ കാ​ര​ണം ഇ​തു​ത​ന്നെ​യാ​കും എ​ന്നു​വേ​ണം അ​നു​മാ​നി​ക്കാ​ൻ.

തെ​ല​ങ്കാ​ന​യി​ലെ ഗ്രാ​മ​പ്ര​ദേ​ശ​ങ്ങ​ളി​ൽ കോ​ൺ​ഗ്ര​സ് അ​നു​കൂ​ല വി​കാ​രം ഏ​റെ പ്ര​ക​ട​മാ​ണ്, കെ. ​ച​ന്ദ്ര​ശേ​ഖ​ർ റാ​വു​വി​ന്റെ നേ​തൃ​ത്വ​ത്തി​ലെ ബി.​ആ​ർ.​എ​സ് സ​ർ​ക്കാ​റി​ന്റെ ക്ഷേ​മ​പ​ദ്ധ​തി​ക​ളി​ൽ​നി​ന്ന് പ്ര​യോ​ജ​നം ല​ഭി​ച്ചെ​ന്ന് സ​മ്മ​തി​ക്കു​മ്പോ​ൾ​പോ​ലും ഇ​ക്കു​റി കോ​ൺ​ഗ്ര​സി​ന് ഒ​ര​വ​സ​രം ന​ൽ​ക​ണ​മെ​ന്ന് തു​റ​ന്ന് പ​റ​യു​ന്ന നി​ര​വ​ധി ആ​ളു​ക​ളെ അ​വി​ടെ കാ​ണാ​നാ​യി. ബി.​ജെ.​പി കേ​ന്ദ്ര​നേ​തൃ​ത്വം ഒ​രു​പ​ക്ഷേ ഈ ​വി​കാ​രം ആ​ദ്യ​മേ​ത​ന്നെ മ​ന​സ്സി​ലാ​ക്കി​യി​ട്ടു​ണ്ടാ​ക​ണം.

തെ​ര​ഞ്ഞെ​ടു​പ്പി​ന് ഏ​താ​നും മാ​സ​ങ്ങ​ൾ മാ​ത്രം ബാ​ക്കി​നി​ൽ​ക്കെ മി​ടു​മി​ടു​ക്ക​നാ​യ ബ​ണ്ഡി സ​ഞ്ജ​യ് കു​മാ​റി​നെ മാ​റ്റി കേ​ന്ദ്ര​നേ​തൃ​ത്വം ജി. ​കൃ​ഷ്ണ​റെ​ഡ്ഡി​യെ പാ​ർ​ട്ടി​ത​ല​പ്പ​ത്ത് പ്ര​തി​ഷ്ഠി​ച്ച​ത് എ​ന്തു കൊ​ണ്ടാ​ണെ​ന്ന കാ​ര്യ​ത്തി​ൽ അ​ണി​ക​ൾ​ക്ക് വ​ല്ലാ​ത്ത ആ​ശ​യ​ക്കു​ഴ​പ്പ​മു​ണ്ടെ​ന്ന് ക​ഴി​ഞ്ഞ വ​ർ​ഷം ബി.​ആ​ർ.​എ​സ് വി​ട്ട് ബി.​ജെ.​പി​യി​ൽ ചേ​ർ​ന്ന ഒ​രു പ്രാ​ദേ​ശി​ക നേ​താ​വ് ഈ ​ലേ​ഖ​ക​നോ​ട് പ​റ​ഞ്ഞു. ക​രിം​ന​ഗ​റി​ൽ​നി​ന്നു​ള്ള ലോ​ക്സ​ഭാം​ഗ​മാ​യ ബ​ണ്ഡി സ​ഞ്ജ​യ് കു​മാ​ർ അ​മി​ത് ഷാ​യു​ടെ അ​ടു​ത്ത ആ​ളാ​യാ​ണ് അ​റി​യ​പ്പെ​ട്ടി​രു​ന്ന​ത്. അ​തു​കൊ​ണ്ടു​ത​ന്നെ ജൂ​ലൈ​യി​ൽ അ​ദ്ദേ​ഹ​ത്തെ സ്ഥാ​ന​ത്തു​നി​ന്ന് മാ​റ്റി​യ​ത് അ​ണി​ക​ൾ​ക്കി​ട​യി​ൽ വ​ലി​യ അ​മ്പ​ര​പ്പ് സൃ​ഷ്ടി​ച്ചി​രു​ന്നു. പ്രാ​ദേ​ശി​ക ബി.​ജെ.​പി നേ​തൃ​ത്വം കെ. ​ച​ന്ദ്ര​ശേ​ഖ​ർ റാ​വു​വി​ന്റെ​യും കു​ടും​ബ​ത്തി​ന്റെ​യും അ​ഴി​മ​തി​ക​ൾ​ക്കെ​തി​രെ വ​ൻ കാ​മ്പ​യി​ൻ ന​ട​ത്താ​ൻ ആ​ഗ്ര​ഹി​ച്ചി​രു​ന്നെ​ങ്കി​ലും കേ​ന്ദ്ര നേ​തൃ​ത്വ​ത്തി​ന്റെ പ്ര​തി​ക​ര​ണം ത​ണു​പ്പ​നാ​യി​രു​ന്നു​വ​ത്രെ.

ഡ​ൽ​ഹി എ​ക്സൈ​സ് കേ​സി​ൽ കെ.​സി.​ആ​റി​ന്റെ മ​ക​ൾ ക​വി​ത​യെ ഇ.​ഡി അ​റ​സ്റ്റു ചെ​യ്യ​ണ​മെ​ന്ന് പ്രാ​ദേ​ശി​ക ബി.​​ജെ.​പി നേ​തൃ​ത്വം ആ​ഗ്ര​ഹി​ച്ചി​രു​ന്നു, അ​തും ന​ട​ന്നി​ല്ല. ഇ​തെ​ല്ലാം കൂ​ടി​യാ​കു​മ്പോ​ൾ ബി.​ജെ.​പി അ​ണി​ക​ളു​ടെ ആ​ശ​യ​ക്കു​ഴ​പ്പം വ​ർ​ധി​ക്കു​ന്നു​വെ​ന്നാ​ണ് ഈ ​നേ​താ​വ് പ​റ​യു​ന്ന​ത്. ഈ ​സി​ദ്ധാ​ന്തം അ​ടി​സ്ഥാ​ന​ര​ഹി​ത​മാ​ണെ​ന്ന് കെ.​സി.​ആ​റി​ന്റെ മ​ക​നും പാ​ർ​ട്ടി വ​ർ​ക്കി​ങ് പ്ര​സി​ഡ​ന്റു​മാ​യ കെ.​ടി. രാ​മ​റാ​വു (കെ.​ടി.​ആ​ർ) ത​റ​പ്പി​ച്ച് പ​റ​യു​ന്നു. ‘ക​വി​ത​യെ ഇ.​ഡി അ​റ​സ്റ്റ് ചെ​യ്യാ​ത്ത​ത് ബി.​ജെ.​പി-​ബി.​ആ​ർ.​എ​സ് ധാ​ര​ണ​യു​ടെ തെ​ളി​വാ​യി കാ​ണു​ന്നു​വെ​ങ്കി​ൽ, നാ​ഷ​ന​ൽ ഹെ​റാ​ൾ​ഡ് കേ​സി​ൽ സോ​ണി​യ ഗാ​ന്ധി​യെ​യോ രാ​ഹു​ലി​നെ​യോ അ​റ​സ്റ്റു​ചെ​യ്യാ​തി​രി​ക്കു​ന്ന​ത് കോ​ൺ​ഗ്ര​സും ബി.​ജെ.​പി​യും ത​മ്മി​ലെ ധാ​ര​ണ​യു​ടെ ഭാ​ഗ​മാ​ണെ​ന്ന് കാ​ണേ​ണ്ടി​വ​രു’​മെ​ന്നാ​ണ് അ​ദ്ദേ​ഹ​ത്തെ സ​ന്ദ​ർ​ശി​ച്ച മാ​ധ്യ​മ​പ്ര​വ​ർ​ത്ത​ക​രോ​ട് റാ​വു പ​റ​ഞ്ഞ​ത്.

ക​ർ​ഷ​ക​ർ​ക്കും സ്ത്രീ​ക​ൾ​ക്കും പാ​വ​പ്പെ​ട്ട​വ​ർ​ക്ക് പൊ​തു​വി​ലും വ​ള​രെ​യേ​റെ ക്ഷേ​മ പ്ര​വ​ർ​ത്ത​ന​ങ്ങ​ൾ ന​ട​പ്പാ​ക്കി​യ​തി​ന്റെ പി​ൻ​ബ​ല​ത്തി​ൽ പാ​ർ​ട്ടി മൂ​ന്നാം​ത​വ​ണ​യും വി​ജ​യി​ക്കു​മെ​ന്ന് കെ.​ടി.​ആ​ർ ഉ​റ​ച്ചു​വി​ശ്വ​സി​ക്കു​ന്നു. ചെ​റു​തോ​തി​ലെ ഭ​ര​ണ​വി​രു​ദ്ധ വി​കാ​രം ഉ​ണ്ടാ​കു​ന്ന​ത് തി​ക​ച്ചും സ്വാ​ഭാ​വി​ക​മാ​ണെ​ന്ന് പ​റ​ഞ്ഞ അ​ദ്ദേ​ഹം കോ​​ൺ​ഗ്ര​സ് നേ​രി​യ​തോ​തി​ൽ നി​ല മെ​ച്ച​പ്പെ​ടു​ത്തു​ന്നു​വെ​ന്നും സ​മ്മ​തി​ക്കു​ന്നു. ‘പ​ക്ഷേ ബി.​ആ​ർ.​എ​സി​നെ മ​റി​ക​ട​ക്കാ​നാ​കാ​ത്ത അ​ന്ത​ര​മാ​ണി​ത്’. ഒ​രു കാ​ര്യം കെ.​ടി.​ആ​ർ ഉ​റ​ച്ചു​പ​റ​യു​ന്നു. ‘ഞ​ങ്ങ​ൾ ബി.​ജെ.​പി​യെ ഒ​ന്നു​മ​ല്ലാ​താ​ക്കി, അ​വ​രു​ടെ സ്വ​ത്വ​രാ​ഷ്ട്രീ​യം ഉ​ത്ത​രേ​ന്ത്യ​യി​ലെ പ​ശു ബെ​ൽ​റ്റി​ൽ മാ​ത്ര​മേ വി​ല​പ്പോ​കൂ എ​ന്ന് തെ​ളി​യി​ച്ചു’.

പ​ശ്ചാ​ത്ത​ല സൗ​ക​ര്യ​വി​ക​സ​ന​ത്തി​ന് പ​ണം മു​ട​ക്കു​ന്ന​തും ക്ഷേ​മ​പ​ദ്ധ​തി​ക​ൾ​ക്കാ​യി ചെ​ല​വാ​ക്കു​ന്ന​തും ത​ട​സ്സ​പ്പെ​ടു​ത്താ​ൻ ശ​ത്രു രാ​ജ്യ​ങ്ങ​ളോ​ടെ​ന്ന​പോ​ലെ കേ​ന്ദ്ര​സ​ർ​ക്കാ​ർ തെ​ല​ങ്കാ​ന​ക്കു​മേ​ൽ സാ​മ്പ​ത്തി​ക ഉ​പ​രോ​ധം ഏ​ർ​പ്പെ​ടു​ത്തു​ക​യാ​യി​രു​ന്നു​വെ​ന്ന് അ​ദ്ദേ​ഹം പ​റ​യു​ന്നു. സം​സ്ഥാ​ന തെ​ര​ഞ്ഞെ​ടു​പ്പി​ൽ ഒ​രു പ്ര​തീ​ക്ഷ​യു​മി​ല്ലാ​ത്ത കേ​ന്ദ്ര ബി.​ജെ.​പി നേ​താ​ക്ക​ൾ 2024ലെ ​ലോ​ക്‌​സ​ഭ തെ​ര​ഞ്ഞെ​ടു​പ്പി​നു വേ​ണ്ടി​യാ​ണ് തെ​ല​ങ്കാ​ന​യി​ൽ പ്ര​ചാ​ര​ണം ന​ട​ത്തു​ന്ന​തെ​ന്നാ​ണ് അ​ദ്ദേ​ഹം പ​റ​യു​ന്ന​ത്.

കെ.​ടി.​ആ​റി​ന്റെ ഈ ​വാ​ദം ദ​ക്ഷി​ണേ​ന്ത്യ​യി​ലെ മോ​ദി-​ഷാ ത​ന്ത്ര​ത്തി​ൽ​വ​ന്ന സാ​ധ്യ​മാ​യ മാ​റ്റ​ത്തെ സൂ​ചി​പ്പി​ക്കു​ന്നു. ലോ​ക്‌​സ​ഭ തെ​ര​ഞ്ഞെ​ടു​പ്പി​നെ മു​ന്നി​ൽ​ക്ക​ണ്ട് പ്രാ​ദേ​ശി​ക പാ​ർ​ട്ടി​ക​ളു​മാ​യി ചി​ല ധാ​ര​ണ​ക​ൾ ഉ​ണ്ടാ​ക്കു​ക എ​ന്ന​താ​കും അ​ടു​ത്ത ആ​റു​മാ​സ​ത്തേ​ക്ക് ബി.​ജെ.​പി​യു​ടെ ത​ന്ത്രം. തീ​ർ​ച്ച​യാ​യും, ഇ.​ഡി​യു​ടെ ‘നി​ർ​മാ​ണാ​ത്മ​ക​മാ​യ ദു​രു​പ​യോ​ഗം’ ദ​ക്ഷി​ണേ​ന്ത്യ​യി​ലെ പ്രാ​ദേ​ശി​ക പാ​ർ​ട്ടി​ക​ളു​മാ​യി അ​ത്ത​രം ധാ​ര​ണ ഉ​ണ്ടാ​ക്കു​ന്ന​തി​ന്റെ ഭാ​ഗ​മാ​ണ്. തെ​ല​ങ്കാ​ന​യി​ലെ കോ​ൺ​ഗ്ര​സ് സാ​ധ്യ​ത​ക​ളെ ഞെ​രു​ക്കാ​നും ബി.​ആ​ർ.​എ​സി​ന് നേ​ട്ട​മു​ണ്ടാ​ക്കി​ക്കൊ​ടു​ക്കാ​നും അ​വ​സാ​ന നി​മി​ഷ​ത്തി​ലും ബി.​ജെ.​പി ശ്ര​മി​ക്കു​ന്ന​ത് എ​ന്തു​കൊ​ണ്ടാ​ണെ​ന്നും ഇ​തി​ൽ നി​ന്ന് മ​ന​സ്സി​ലാ​ക്കാ​നാ​യേ​ക്കും.

കോ​ൺ​ഗ്ര​സി​നു​ള്ള പി​ന്തു​ണ​യി​ൽ പ്ര​ക​ട​മാ​യ വ​ർ​ധ​ന​യു​ണ്ടെ​ങ്കി​ലും കു​തി​ച്ചു​ചാ​ട്ടം ഉ​ണ്ടാ​യി​ട്ടും ബി.​ആ​ർ.​എ​സു​മാ​യി നി​ല​വി​ലു​ള്ള വ​ൻ വി​ട​വ് അ​വ​ർ​ക്ക് എ​ങ്ങ​നെ നി​ക​ത്താ​നാ​കു​മെ​ന്ന് വ്യ​ക്ത​മ​ല്ല. 2018ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ആ​ർ.​എ​സി​ന് (അ​ന്ന​ത്തെ ടി.​ആ​ർ.​എ​സ്) 47 ശ​ത​മാ​നം വോ​ട്ടു​വി​ഹി​തം കി​ട്ടി​യ​പ്പോ​ൾ കോ​ൺ​ഗ്ര​സി​ന് 29 ശ​ത​മാ​നം മാ​ത്ര​മാ​യി​രു​ന്നു. ബി.​ആ​ർ.​എ​സി​ന് 88 സീ​റ്റു​ക​ളും കോ​ൺ​ഗ്ര​സി​ന് 19 സീ​റ്റു​മാ​ണ് അ​ന്ന് ല​ഭി​ച്ച​ത്. 60 സീ​റ്റു​ക​ൾ സ്വ​ന്ത​മാ​ക്കാ​ൻ ത​ക്ക കോ​ൺ​ഗ്ര​സ് ത​രം​ഗം നി​ല​വി​ലു​ണ്ടോ എ​ന്ന​താ​ണ് സു​പ്ര​ധാ​ന ചോ​ദ്യം.

ആ​ക്ടി​വി​സ്റ്റും പ​ഴ​യ തെ​ര​ഞ്ഞെ​ടു​പ്പ് ഫ​ല വി​ദ​ഗ്ധ​നു​മാ​യ യോ​ഗേ​ന്ദ്ര യാ​ദ​വി​ന്റെ അ​ഭി​പ്രാ​യ​ത്തി​ൽ ഒ​രു ത​രം​ഗ​മ​ല്ല, കോ​ൺ​ഗ്ര​സി​ന് അ​നു​കൂ​ല​മാ​യ ഒ​രു കൊ​ടു​ങ്കാ​റ്റി​നു​ത​ന്നെ സാ​ധ്യ​ത​യു​ണ്ട്. മ​റ്റെ​ല്ലാ ക​ണ​ക്കു​കൂ​ട്ട​ലു​ക​ളെ​യും ത​ള്ളി​ക്കൊ​ണ്ട് ക​ർ​ണാ​ട​ക​യി​ൽ കോ​ൺ​ഗ്ര​സ് വ​ലി​യ മു​ന്നേ​റ്റം സൃ​ഷ്ടി​ക്കു​മെ​ന്ന് യാ​ദ​വ് ന​ട​ത്തി​യ പ്ര​വ​ച​നം ശ​രി​യെ​ന്ന് തെ​ളി​യി​ക്ക​പ്പെ​ട്ടി​രു​ന്നു. തെ​ല​ങ്കാ​ന​യി​ലും അ​ദ്ദേ​ഹ​ത്തി​ന്റെ പ്ര​വ​ച​നം ശ​രി​യാ​ണെ​ന്ന് തെ​ളി​യി​ക്ക​പ്പെ​ട്ടാ​ൽ കേ​ന്ദ്ര ബി.​ജെ.​പി​യു​ടെ പ​ല ക​ണ​ക്കു​കൂ​ട്ട​ലു​ക​ളും ത​കി​ടം​മ​റി​ഞ്ഞേ​ക്കാം.

(ഫി​നാ​ൻ​ഷ്യ​ൽ എ​ക്സ്പ്ര​സ് മാ​നേ​ജി​ങ് എ​ഡി​റ്റ​റാ​യി​രു​ന്ന ലേ​ഖ​ക​ൻ thewire.in ഫൗണ്ടിങ് എ​ഡി​റ്റ​റാ​ണ്)