ഗാ​ന്ധി​ജി​യു​ടെ ഒ​സ്യ​ത്തും ഇ​ന്ത്യ​യു​ടെ ഭ​ര​ണ​ഘ​ട​ന​യും

ഗാ​ന്ധി​ജി​യു​ടെ ഒ​സ്യ​ത്തും ഇ​ന്ത്യ​യു​ടെ ഭ​ര​ണ​ഘ​ട​ന​യും

ഇ​ന്ത്യ​ൻ ഭ​ര​ണ​ഘ​ട​ന​യു​ടെ വ​ര​വോ​ടെ സാ​മ്രാ​ജ്യ​ത്വ​ത്തി​ന്റെ എ​ല്ലാ അ​വ​ശി​ഷ്ട​ങ്ങ​ളും തു​ട​ച്ചു​മാ​റ്റ​പ്പെ​ടു​ക​യും പു​തി​യൊ​രു രാ​ഷ്ട്ര ക്ര​മം ഇ​ന്ത്യ​യി​ൽ ഉ​ദ​യം​കൊ​ള്ളു​ക​യും ചെ​യ്തു​വെ​ന്ന് സു​പ്രീം​കോ​ട​തി ജ​ഡ്ജി​യാ​യി​രു​ന്ന ജ​സ്റ്റി​സ് വി​വി​യ​ൻ ബോ​സ്, 1954ൽ ​ന​ട​ത്തി​യ നി​രീ​ക്ഷ​ണം ഒ​രു അ​ർ​ധ സ​ത്യ​മാ​യി​രു​ന്നു. ഭ​ര​ണ​ഘ​ട​ന​യു​ടെ പി​റ​വി, ഇ​ന്ത്യ​യി​ൽ ‘ജോ​ൺ ബു​ള്ളി​ഷ്’ സാ​മ്രാ​ജ്യ​ത്തി​ന്റെ അ​ന്ത്യ​ത്തി​നും ജ​നാ​ധി​പ​ത്യ റി​പ്പ​ബ്ലി​ക്കാ​നി​സ​ത്തി​ന്റെ ഉ​ദ​യ​ത്തി​നും കാ​ര​ണ​മാ​യി​ട്ടു​ണ്ട് എ​ന്ന​ത് ശ​രി​ത​ന്നെ. പ​ക്ഷേ, ഇ​ന്ത്യ​യു​ടെ...

ഇ​ന്ത്യ​ൻ ഭ​ര​ണ​ഘ​ട​ന​യു​ടെ വ​ര​വോ​ടെ സാ​മ്രാ​ജ്യ​ത്വ​ത്തി​ന്റെ എ​ല്ലാ അ​വ​ശി​ഷ്ട​ങ്ങ​ളും തു​ട​ച്ചു​മാ​റ്റ​പ്പെ​ടു​ക​യും പു​തി​യൊ​രു രാ​ഷ്ട്ര ക്ര​മം ഇ​ന്ത്യ​യി​ൽ ഉ​ദ​യം​കൊ​ള്ളു​ക​യും ചെ​യ്തു​വെ​ന്ന് സു​പ്രീം​കോ​ട​തി ജ​ഡ്ജി​യാ​യി​രു​ന്ന ജ​സ്റ്റി​സ് വി​വി​യ​ൻ ബോ​സ്, 1954ൽ ​ന​ട​ത്തി​യ നി​രീ​ക്ഷ​ണം ഒ​രു അ​ർ​ധ സ​ത്യ​മാ​യി​രു​ന്നു. ഭ​ര​ണ​ഘ​ട​ന​യു​ടെ പി​റ​വി, ഇ​ന്ത്യ​യി​ൽ ‘ജോ​ൺ ബു​ള്ളി​ഷ്’ സാ​മ്രാ​ജ്യ​ത്തി​ന്റെ അ​ന്ത്യ​ത്തി​നും ജ​നാ​ധി​പ​ത്യ റി​പ്പ​ബ്ലി​ക്കാ​നി​സ​ത്തി​ന്റെ ഉ​ദ​യ​ത്തി​നും കാ​ര​ണ​മാ​യി​ട്ടു​ണ്ട് എ​ന്ന​ത് ശ​രി​ത​ന്നെ. പ​ക്ഷേ, ഇ​ന്ത്യ​യു​ടെ മോ​ച​ന​ത്തി​നാ​യി അ​ഹിം​സ​യു​ടെ​യും സ്വ​രാ​ജി​ന്റെ​യും വെ​ളി​ച്ച​വു​മേ​ന്തി അ​ശ്രാ​ന്തം ന​ട​ന്നു ജീ​വ​ത്യാ​ഗം ചെ​യ്ത മ​ഹാ​ത്മാ​ഗാ​ന്ധി​യു​ടെ ദ​ർ​ശ​ന​ങ്ങ​ൾ ഉ​ൾ​ക്കൊ​ള്ളാ​ൻ ന​മു​ക്ക് എ​ത്ര​ത്തോ​ളം ക​ഴി​ഞ്ഞു​വെ​ന്ന ചോ​ദ്യം അ​പ്പോ​ഴും അ​വ​ശേ​ഷി​ക്കു​ന്നു. തൊ​ട്ടു​കൂ​ടാ​യ്മ നി​രോ​ധ​ന​വും ഗ്രാ​മ പ​ഞ്ചാ​യ​ത്ത് രൂ​പ​വ​ത്ക​ര​ണ​വും പോ​ലു​ള്ള വ​കു​പ്പു​ക​ൾ മാ​റ്റി​നി​ർ​ത്തി​യാ​ൽ ഇ​ന്ത്യ​ൻ ഭ​ര​ണ​ഘ​ട​ന​യി​ലെ ഗാ​ന്ധി​ജി​യു​ടെ സ്വാ​ധീ​നം തു​ലോം നി​സ്സാ​ര​മാ​ണ്.

ഇ​ടി​ഞ്ഞു​വീ​ഴു​ന്ന റി​പ്പ​ബ്ലി​ക്?

ഏ​തൊ​രു ഭ​ര​ണ​ഘ​ട​ന​ക്കും പ്ര​ധാ​ന​മാ​യും ര​ണ്ട് ത​ല​ങ്ങ​ളു​ണ്ട്. അ​ടി​ത്ത​റ​യാ​യ പ്ര​ത്യ​യ​ശാ​സ്ത്ര ത​ല​വും പ്ര​വൃ​ത്തി മ​ണ്ഡ​ല​ങ്ങ​ളെ നി​ർ​ണ​യി​ക്കു​ന്ന സൂ​പ്പ​ർ സ്ട്ര​ക്ച​റും. ഇ​ന്ത്യ​ൻ റി​പ്പ​ബ്ലി​ക് എ​ഴു​പ​ത്ത​ഞ്ചാം വ​ർ​ഷം താ​ണ്ട​വേ പ്ര​ത്യ​യ​ശാ​സ്ത്ര അ​ടി​ത്ത​റ അ​ത്യ​ന്തം വെ​ള്ളം ചേ​ർ​ക്ക​പ്പെ​ട്ട് ദു​ർ​ബ​ല​മാ​യി​രി​ക്കു​ന്നു, പ്ര​വ​ർ​ത്ത​ന മേ​ഖ​ല രാ​ഷ്ട്രീ​യ​വും ധാ​ർ​മി​ക​വു​മാ​യ മൂ​ല്യ​ച്യു​തി​യി​ലും അ​ഴി​മ​തി​യി​ലും അ​ക​പ്പെ​ട്ടി​രി​ക്കു​ന്നു.

2002ൽ ​ഭ​ര​ണ​ഘ​ട​ന​യു​ടെ പ്ര​വ​ർ​ത്ത​നം അ​വ​ലോ​ക​നം ചെ​യ്യാ​ൻ സ്ഥാ​പി​ത​മാ​യ ജ​സ്റ്റി​സ് എം.​എ​ൻ. വെ​ങ്കി​ടാ​ച​ല​യ്യ ക​മീ​ഷ​ൻ ഇ​ന്ത്യ​ൻ റി​പ്പ​ബ്ലി​ക്കി​ന്റെ ഇ​ന്ന​ത്തെ നി​ല കൃ​ത്യ​മാ​യി അ​ട​യാ​ള​പ്പെ​ടു​ത്തു​ക​യു​ണ്ടാ​യി: “ജ​നാ​ധി​പ​ത്യ സം​വി​ധാ​ന​ങ്ങ​ളു​ടെ പ്ര​വ​ർ​ത്ത​ന​ങ്ങ​ളെ സം​ബ​ന്ധി​ച്ച് സ​ർ​വ വ്യാ​പ​ക​മാ​യ മോ​ഹ​ഭം​ഗം ജ​ന​ങ്ങ​ൾ​ക്കി​ട​യി​ൽ പ​ട​ർ​ന്നി​ട്ടു​ണ്ട്. അ​നി​വാ​ര്യ​മാ​യ വി​ധി എ​ന്നു​ക​രു​തി ജ​ന​ങ്ങ​ൾ ഈ​യൊ​രു അ​പ​ച​യ​ത്തി​ലേ​ക്ക് പൊ​രു​ത്ത​പ്പെ​ട്ടു​വ​രു​ന്നു. അ​വ​രു​ടെ ക്ഷ​മ​യും മ​നോ​വൈ​കാ​രി​ക ശേ​ഷി​യും കു​റ​ഞ്ഞു വ​രു​ന്ന​താ​യി കാ​ണാം. ഇ​ത് ആ​ത്യ​ന്തി​ക​മാ​യി ഭ​ര​ണ​കൂ​ട​ത്തോ​ടു​ള്ള വെ​റു​പ്പി​ലും ഭ​ര​ണ സം​വി​ധാ​ന​ങ്ങ​ളോ​ടു​ള്ള, പ്ര​ത്യേ​കി​ച്ച് പൊ​ലീ​സി​ലും മ​റ്റു ഉ​ദ്യോ​ഗ​സ്ഥ വി​ഭാ​ഗ​ത്തോ​ടു​മു​ള്ള അ​വി​ശ്വാ​സ്യ​ത​യി​ലും എ​ത്തി​ച്ചേ​രു​ന്നു. സ​ർ​വ​വ്യാ​പ​ക​മാ​യി പ​ട​രു​ന്ന ദോ​ഷൈ​ക​ദൃ​ക് മ​നോ​ഭാ​വ​ത്തി​ന്റെ ഫ​ല​മാ​യി ജ​ന​ങ്ങ​ൾ​ക്ക് ഒ​ന്നി​ലും പ്ര​തീ​ക്ഷ​യും വി​ശ്വാ​സ​വു​മി​ല്ലാ​താ​യി​രി​ക്കു​ന്നു.”

1922ൽ ​വെ​ല്ലൂ​ർ ജ​യി​ലി​ൽ വെ​ച്ച് സി.​രാ​ജ​ഗോ​പാ​ലാ​ചാ​രി കു​റി​ച്ച ചി​ല പ്ര​വ​ച​നാ​ത്മ​ക സ്വ​ഭാ​വ​മു​ള്ള വാ​ക്കു​ക​ൾ ദേ​ശീ​യ ക​മീ​ഷ​ൻ ഭ​ര​ണ​ഘ​ട​നാ അ​വ​ലോ​ക​ന റി​പ്പോ​ർ​ട്ടി​ൽ ഉ​ദ്ധ​രി​ക്കു​ക​യു​ണ്ടാ​യി; “ സ്വ​രാ​ജ് ഇ​ന്നോ അ​ല്ലെ​ങ്കി​ൽ ഭാ​വി​യി​ൽ വ​രാ​നി​രി​ക്കു​ന്ന ഏ​തെ​ങ്കി​ലും ഒ​രു കാ​ല​ത്തോ ന​ല്ലൊ​രു ഭ​ര​ണ സം​വി​ധാ​നം കൊ​ണ്ടു​വ​രു​ക​യോ ജ​ന​ങ്ങ​ൾ​ക്ക് സ​ന്തോ​ഷം ന​ൽ​കു​ക​യോ ചെ​യ്യി​ല്ല. സ്വാ​ത​ന്ത്ര്യം ന​മു​ക്ക് കൈ​വ​രു​ന്ന​തു​മു​ത​ൽ തെ​ര​ഞ്ഞെ​ടു​പ്പും അ​തി​ന്റെ അ​ഴി​മ​തി​ക​ളും, അ​നീ​തി​യും അ​ധി​കാ​ര ദു​ഷ്പ്ര​ഭു​ത്വ​വും, ധ​ന പ്ര​മാ​ണി​ത്ത​വും കാ​ര്യ​നി​ർ​വ​ഹ​ണ​ത്തി​ലെ കെ​ടു​കാ​ര്യ​സ്ഥ​ത​യും എ​ല്ലാം ചേ​ർ​ന്ന് ന​മ്മു​ടെ ജീ​വി​ത​ത്തെ ന​ര​ക​തു​ല്യ​മാ​ക്കി​യേ​ക്കും.”

‘വി​ധി​യു​മാ​യു​ള്ള കൂ​ടി​ക്കാ​ഴ്ച’ പ്ര​സം​ഗ​ത്തി​ൽ നെ​ഹ്റു പ്ര​ക​ടി​പ്പി​ച്ച ശു​ഭാ​പ്തി പ്ര​തീ​ക്ഷ​ക്കു​പ​ക​രം രാ​ജാ​ജി​യു​ടെ പ്ര​വ​ച​ന​ങ്ങ​ളാ​ണ് നി​ർ​ഭാ​ഗ്യ​വ​ശാ​ൽ ഇ​ന്ത്യ​യി​ൽ യാ​ഥാ​ർ​ഥ്യ​മാ​യ​ത്. നെ​ഹ്റു സ്വ​പ്നം ക​ണ്ട സ​മൃ​ദ്ധി​യു​ടെ​യും പു​രോ​ഗ​തി​യു​ടെ​യും ജ​നാ​ധി​പ​ത്യ രാ​ജ്യം കെ​ട്ടി​പ്പ​ടു​ക്കു​ന്ന​തി​ലും സ്ത്രീ ​പു​രു​ഷ ഭേ​ദ​മ​ന്യേ ഓ​രോ വ്യ​ക്തി​ക്കും അ​ന്ത​സ്സും അ​ഭി​മാ​ന​വു​മു​ള്ള ജീ​വി​തം ഉ​റ​പ്പു​വ​രു​ത്തു​ന്ന സാ​മൂ​ഹി​ക രാ​ഷ്ട്രീ​യ സാ​മ്പ​ത്തി​ക സം​വി​ധാ​ന​ങ്ങ​ൾ സ്ഥാ​പി​ക്കു​ന്ന​തി​ലും നാം ​അ​മ്പേ പ​രാ​ജ​യ​പ്പെ​ട്ടി​രി​ക്കു​ന്നു.

ഇ​ന്ത്യ​യു​ടെ പ​ഴ​യ ചൈ​ത​ന്യം വീ​ണ്ടെ​ടു​ത്ത് സ്വാ​ത​ന്ത്ര്യ​ത്തി​ന്റെ വെ​ളി​ച്ച​ത്തെ ത​ല​ക്കു​മേ​ൽ പ്ര​തി​ഷ്ഠി​ച്ച് ചു​റ്റി​ലും പ​ര​ക്കു​ന്ന ത​മ​സ്സി​ന്റെ മ​റ​നീ​ക്കി​യ മ​ഹാ​ത്മാ​ഗാ​ന്ധി​യെ നെ​ഹ്റു ത​ന്റെ പ്ര​സം​ഗ​ത്തി​ലു​ട​നീ​ളം സ്മ​രി​ക്കു​ക​യു​ണ്ടാ​യി. വ​രും ത​ല​മു​റ ഗാ​ന്ധി​യു​ടെ സ​ന്ദേ​ശ​ങ്ങ​ൾ സ്മ​രി​ക്കു​ക​യും ആ ​മു​ദ്ര​ക​ൾ ഹൃ​ദ​യ​ത്തി​ലേ​റ്റി ന​ട​ക്കു​ക​യും ചെ​യ്യു​മെ​ന്ന് അ​ന്ന​ദ്ദേ​ഹം പ​റ​ഞ്ഞു. ഇ​ന്ന് ഇ​ന്ത്യ​ൻ റി​പ്പ​ബ്ലി​ക്കി​ന്റെ എ​ഴു​പ​ത്ത​ഞ്ചാം നാ​ഴി​ക​ക്ക​ല്ലി​ൽ എ​ത്തി നി​ൽ​ക്കു​മ്പോ​ൾ രാ​ജ്യ​ത്തെ നേ​ർ​വ​ഴി​യി​ലേ​ക്ക് ന​യി​ക്കാ​ൻ ഗാ​ന്ധി​ജി​യു​ടെ ആ ​പൈ​തൃ​ക​ത്തി​ലേ​ക്ക് തി​രി​ഞ്ഞു​നോ​ക്കേ​ണ്ട​ത് ഒ​രു അ​നി​വാ​ര്യ​ത​യാ​യി മാ​റി​യി​രി​ക്കു​ക​യാ​ണ്.

പൗ​ര​ജ​നം എ​ന്ന ര​ക്ഷ​ക​ർ

ഗാ​ന്ധി​യ​ൻ ക​ർ​മ​പ​ദ്ധ​തി​യി​ൽ സ്റ്റേ​റ്റി​ന്റെ​യും സ​മൂ​ഹ​ത്തി​ന്റെ​യും ആ​ധാ​ര​മാ​യി കാ​ണു​ന്ന​ത് ആ​ത്മീ​യ​മാ​യി ശാ​ക്തീ​ക​രി​ക്ക​പ്പെ​ട്ട ഒ​രു വ്യ​ക്തി​യെ​യാ​ണ്. ആ​ത്മീ​യ​മാ​യും ധാ​ർ​മി​ക​മാ​യും ജ്ഞാ​ന​ദീ​പ്ത​രാ​യ വ്യ​ക്തി​ക​ളു​ടെ കൂ​ട്ടാ​യ്മ​ക്കു മാ​ത്ര​മേ പ​ട​ർ​ന്നു കൊ​ണ്ടി​രി​ക്കു​ന്ന ഹിം​സ​യു​ടെ​യും അ​ഴി​മ​തി​യു​ടെ​യും അ​ർ​ബു​ദ​ത്തി​ൽ​നി​ന്ന് ഇ​ന്ത്യ​ൻ റി​പ്പ​ബ്ലി​ക്കി​നെ ര​ക്ഷി​ക്കാ​ൻ ക​ഴി​യു​ക​യു​ള്ളൂ. ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന സാ​മൂ​ഹി​ക ക്ര​മ​ത്തി​ന്റെ സു​ദൃ​ഢ​മാ​യ അ​ടി​ത്ത​റ വ്യ​ക്തി​ക​ളാ​ണ്.

ഗാ​ന്ധി​യെ സം​ബ​ന്ധി​ച്ചി​ട​ത്തോ​ളം ഭ​ര​ണ​ഘ​ട​നാ​പ​ര​മാ​യ സ്വ​രാ​ജി​ന്റെ അ​വി​ഭാ​ജ്യ ഘ​ട​ക​മാ​യി​രു​ന്നു വ്യ​ക്തി സ്വ​രാ​ജും ഗ്രാ​മ സ്വ​രാ​ജും. 1928ലെ ​മോ​ട്ടി​ലാ​ൽ നെ​ഹ്റു ക​മ്മി​റ്റി റി​പ്പോ​ർ​ട്ടി​ന്റെ​യും ബ​ർ​ദോ​ളി സ​ത്യ​ഗ്ര​ഹ വി​ജ​യ​ത്തി​ന്റെ​യും അ​ടി​സ്ഥാ​ന​ത്തി​ൽ ഗാ​ന്ധി​ജി എ​ഴു​തു​ക​യു​ണ്ടാ​യി; “ബ​ർ​ദോ​ളി ജൈ​വി​ക സ്വ​രാ​ജി​ന്റെ വാ​തി​ലു​ക​ൾ ന​മ്മു​ടെ മു​ന്നി​ലേ​ക്ക് തു​റ​ന്നി​ടു​ക​യു​ണ്ടാ​യി. ല​ഖ്നോ സ​മ്മേ​ള​നം (ല​ഖ്നോ​യി​ൽ വെ​ച്ച് ന​ട​ന്ന സ​ർ​വ​ക​ക്ഷി സ​മ്മേ​ള​ന​ത്തി​ൽ വെ​ച്ചാ​ണ് നെ​ഹ്റു റി​പ്പോ​ർ​ട്ട് അം​ഗീ​ക​രി​ക്ക​പ്പെ​ട്ട​ത്) ഭ​ര​ണ​ഘ​ട​നാ​പ​ര​മാ​യ സ്വ​രാ​ജി​ലേ​ക്ക് വെ​ളി​ച്ചം വീ​ശു​ക​യും ചെ​യ്യു​ന്നു. ര​ണ്ടും അ​നി​വാ​ര്യ​മാ​യ മു​ന്നേ​റ്റ​ങ്ങ​ളാ​ണ്. ല​ഖ്നോ സ്വ​രാ​ജി​ന്റെ പൂ​ർ​ണ​ത​ക്ക് പ​രി​ണി​ത പ്ര​ജ്ഞ​രാ​യ രാ​ഷ്ട്രീ​യ നേ​താ​ക്ക​ളെ​യാ​യി​രു​ന്നു ആ​വ​ശ്യ​മാ​യ​ത്, എ​ന്നാ​ൽ സാ​ധാ​ര​ണ​ക്കാ​രാ​യ നി​ര​ക്ഷ​ര​രാ​യ ജ​ന​ങ്ങ​ളു​ടെ സേ​വ​നം ബ​ർ​ദോ​ളി സ്വ​രാ​ജി​ലേ​ക്ക് ന​യി​ച്ചു.”

ഗാ​ന്ധി​യു​ടെ ആ​ശ​യ​ങ്ങ​ൾ കാ​ൽ​പ​നി​ക ഗ്രാ​മ​വാ​ദം (റൊ​മാ​ന്റി​ക് വി​ല്ലേ​ജി​സം) എ​ന്ന പേ​രി​ൽ പ​ല വി​മ​ർ​ശ​ന​ങ്ങ​ൾ​ക്കും വി​ധേ​യ​മാ​യി​ട്ടു​ണ്ട്. ധാ​രാ​ളം ഗ്രാ​മ​ങ്ങ​ൾ അ​ട​ങ്ങി​യ രാ​ഷ്ട്രീ​യ വ്യ​വ​സ്ഥി​തി​യാ​ണ് ഗാ​ന്ധി വി​ഭാ​വ​നം ചെ​യ്ത​ത്. ആ ​വ്യ​വ​സ്ഥി​തി​യി​ൽ ഗ്രാ​മ​ങ്ങ​ൾ മേ​ൽ​ത്ത​ട്ടി​നെ സേ​വി​ക്കു​ന്ന അ​ടി​ത്ത​ട്ടാ​യി മാ​റാ​തെ ഗ്രാ​മ​ങ്ങ​ളു​ടെ ഒ​രു സ​മു​ദ്ര​വ​ല​യ​മാ​യാ​ണ് ഗാ​ന്ധി സ​ങ്ക​ൽ​പി​ച്ച​ത്. ഇ​ന്ത്യ​യു​ടെ ഭ​ര​ണ​ഘ​ട​നാ ക്ര​മ​മാ​യി മാ​റു​ന്ന ഈ ​സ​മു​ദ്ര​വ​ല​യ​ത്തി​ന്റെ കേ​ന്ദ്ര​ബി​ന്ദു​വാ​യി ഗാ​ന്ധി ഓ​രോ വ്യ​ക്തി​യെ​യും ക​ണ്ടു. ഗാ​ന്ധി എ​ഴു​തി: “എ​ന്റെ മാ​തൃ​കാ ഗ്രാ​മ​സ​ങ്ക​ൽ​പം ബു​ദ്ധി​മാ​ന്മാ​രാ​യ വ്യ​ക്തി​ക​ളെ മു​ൻ​നി​ർ​ത്തി​ക്കൊ​ണ്ടു​ള്ള​താ​ണ്. അ​വ​ർ മൃ​ഗ​ങ്ങ​ളെ​പ്പോ​ലെ മാ​ലി​ന്യ​ത്തി​ലും അ​ന്ധ​കാ​ര​ത്തി​ലും ജീ​വി​ക്കി​ല്ല. സ്ത്രീ​യും പു​രു​ഷ​നും ലോ​ക​ത്ത് ആ​രു​മാ​യും ത​ങ്ങ​ളു​ടെ വ്യ​ക്തി​ത്വം പ്ര​തി, സം​വ​ദി​ക്കാ​ൻ ക​ഴി​യു​ന്ന സ്വ​ത​ന്ത്ര​രാ​യ വ്യ​ക്തി​ക​ളാ​യി​രി​ക്കും.”

ഗാ​ന്ധി​യെ സം​ബ​ന്ധി​ച്ചി​ട​ത്തോ​ളം ഒ​രു വ്യ​ക്തി​യു​ടെ ധാ​ർ​മി​ക​വും ആ​ത്മീ​യ​വു​മാ​യ പു​രോ​ഗ​തി​ക്കും രാ​ഷ്ട്രീ​യ പ്ര​ക​ട​ന​ത്തി​നു​മു​ള്ള മാ​ധ്യ​മ​മാ​ണ് ഗ്രാ​മം. അ​തി​നാ​ൽ, പൗ​രാ​വ​ലി​യെ ആ​ത്മീ​യ​മാ​യും ധാ​ർ​മി​ക​മാ​യും പ​രി​പോ​ഷി​പ്പി​ക്കു​ന്ന​തി​ലൂ​ടെ മാ​ത്ര​മേ ഇ​ന്ത്യ​യു​ടെ വി​മോ​ച​നം സാ​ധ്യ​മാ​കൂ എ​ന്ന് ഗാ​ന്ധി​ജി വി​ശ്വ​സി​ച്ചു.

ലോ​ക് സേ​വ​ക് സം​ഘ്

ഗാ​ന്ധി​ജി​യു​ടെ അ​ഹിം​സ-​സ്വ​രാ​ജ് ആ​ദ​ർ​ശ​ങ്ങ​ളു​ടെ പ്ര​ചാ​ര​ണ​ത്തി​നും പ്ര​ബോ​ധ​ന​ത്തി​നു​മാ​യി ജീ​വി​ത​ത്തി​ന്റെ അ​വ​സാ​ന നാ​ളു​ക​ളി​ലൊ​ന്നി​ൽ-1948 ജ​നു​വ​രി 27ന് ​അ​ദ്ദേ​ഹം ന​ട​ത്തി​യ അ​ന്ത്യാ​ഭി​ലാ​ഷ പ്ര​ഖ്യാ​പ​ന​ത്തി​ൽ വി​ഭാ​വ​നം ചെ​യ്ത, ലോ​ക് സേ​വ​ക് സം​ഘം യാ​ഥാ​ർ​ഥ്യ​മാ​ക്കേ​ണ്ട​തു​ണ്ട്. ഇ​ന്ത്യ​ൻ നാ​ഷ​ന​ൽ കോ​ൺ​ഗ്ര​സി​നെ ത​ന്നെ ജ​ന​ങ്ങ​ളെ സേ​വി​ക്കാ​നും അ​ഹിം​സാ സ​മൂ​ഹം കെ​ട്ടി​പ്പ​ടു​ക്കാ​നു​മു​ള്ള ലോ​ക് സേ​വ​ക് സം​ഘ​മാ​യി മാ​റ്റ​ണ​മെ​ന്ന് ഗാ​ന്ധി​ജി ത​ന്റെ അ​വ​സാ​ന​ത്തെ ഒ​സ്യ​ത്തി​ൽ രേ​ഖ​പ്പെ​ടു​ത്തി​യി​രു​ന്നു.

ഗാ​ന്ധി​യു​ടെ ഭാ​വ​ന​യി​ൽ ഓ​രോ ലോ​ക് സേ​വ​കും ത​ന്റെ മേ​ൽ​നോ​ട്ട പ​രി​ധി​യി​ലെ ഓ​രോ ഗ്രാ​മീ​ണ​നു​മാ​യി വ്യ​ക്തി​പ​ര​മാ​യ ബ​ന്ധം പു​ല​ർ​ത്ത​ണം. ത​ന്റെ വ്യ​ക്തി-​കു​ടും​ബ ജീ​വി​ത​ത്തി​ൽ ഒ​രു​നി​ല​ക്കും തൊ​ട്ടു കൂ​ടാ​യ്മ ക​ട​ന്നു​വ​രാ​തി​രി​ക്കാ​ൻ ശ്ര​ദ്ധി​ക്കു​ക​യും പ​ര​സ്പ​ര സാ​മു​ദാ​യി​ക ഐ​ക്യ​ത്തി​ൽ വി​ശ്വ​സി​ക്കു​ക​യും വേ​ണം. അ​മേ​രി​ക്ക​ൻ എ​ഴു​ത്തു​കാ​ര​ൻ വി​ൻ​സ​ന്റ് ഷീ​നു​മാ​യി, കൊ​ല്ല​പ്പെ​ടു​ന്ന​തി​നു നാ​ലു ദി​വ​സം മു​മ്പ് ന​ട​ന്ന ഒ​രു സം​ഭാ​ഷ​ണ​ത്തി​ൽ ഗാ​ന്ധി പ​റ​യു​ക​യു​ണ്ടാ​യി- ത​ന്റെ ക്രി​യാ​ത്മ​ക പ്ര​വ​ർ​ത്ത​ക​ർ എ​പ്പോ​ഴും വോ​ട്ട​ർ​മാ​രെ വി​ദ്യാ​സ​മ്പ​ന്ന​രാ​ക്കി​യും ഉ​ദ്ബു​ദ്ധ​രാ​ക്കി​യും പാ​ർ​ല​മെ​ന്റി​നെ നി​ര​ന്ത​ര​മാ​യ നി​യ​ന്ത്ര​ണ​ങ്ങ​ളി​ൽ കൊ​ണ്ടു വ​രു​ന്ന​വ​രാ​യി​രി​ക്കു​മെ​ന്ന്. Gandhi’s Political Philosophy: A Critical Examination (1989) എ​ന്ന ത​ന്റെ പു​സ്ത​ക​ത്തി​ൽ ഭി​ക്കു പ​രേ​ഖ് സൂ​ചി​പ്പി​ക്കു​ന്ന​തു​പോ​ലെ, ഗാ​ന്ധി​ജി അ​ഭി​ല​ഷി​ച്ച​ത് പ​ര​സ്പ​ര പൂ​ര​ക​വും നി​യ​ന്ത്രി​ത​വു​മാ​യ ഭ​ര​ണ​കൂ​ട​വും ലോ​ക് സേ​വ​ക് സം​ഘും അ​ട​ങ്ങി​യ ഒ​രു രാ​ഷ്ട്ര​വ്യ​വ​സ്ഥി​തി​യാ​ണ്.

പ​തി​മൂ​ന്നാം നൂ​റ്റാ​ണ്ടി​ൽ ക​ത്തോ​ലി​ക്ക സ​ഭ​ക്ക​ക​ത്ത് ഛിദ്ര​ത​യും അ​ഴി​മ​തി​യും ഉ​ട​ലെ​ടു​ത്ത​പ്പോ​ൾ അ​ന്ന​ത്തെ മാ​ർ​പാ​പ്പ​യാ​യ ഇ​ന്ന​സെ​ന്റ് മൂ​ന്നാ​മ​ൻ ഒ​രു സ്വ​പ്നം ക​ണ്ടു. സ​ഭ​യു​ടെ ആ​സ്ഥാ​ന​മാ​യ ലാ​റ്റ​റ​ൻ ബ​സി​ലി​ക്ക ത​ക​ർ​ന്നു​വീ​ഴു​ന്ന​തും അ​തി​നെ ത​ക​ർ​ച്ച​യി​ൽ​നി​ന്ന് ത​ട​യാ​ൻ ന​ഗ്ന​പാ​ദ​നും ജീ​ർ​ണ​വ​സ്ത്ര​ധാ​രി​യു​മാ​യ ഒ​രു വി​നീ​ത സ​ന്യാ​സി ശ്ര​മി​ക്കു​ന്ന​തു​മാ​യി​രു​ന്നു സ്വ​പ്നം. പി​ന്നീ​ട് സ്വ​പ്ന​ത്തി​ൽ താ​ൻ ദ​ർ​ശി​ച്ച സ​ന്യാ​സി, വി​ശു​ദ്ധ​നാ​യ അ​സ്സീ​സി​യി​ലെ ഫ്രാ​ൻ​സി​സ് പു​ണ്യ​വാ​ള​നാ​ണെ​ന്ന് മാ​ർ​പാ​പ്പ മ​ന​സ്സി​ലാ​ക്കു​ന്നു. ഗ്രീ​ക്ക് എ​ഴു​ത്തു​കാ​ര​നാ​യ നി​ക്കോ​സ് ക​സ​ന്ത്സാ​കി​സ് ത​ന്റെ God’s Pauper: Francis of Assisi എ​ന്ന ര​ച​ന​യി​ൽ ഈ ​സം​ഭ​വ​ത്തെ​പ്പ​റ്റി ഇ​ങ്ങ​നെ​യൊ​രു വാ​ങ്മ​യ ചി​ത്രം വ​ര​ച്ചി​ടു​ന്നു​ണ്ട്: “നി​ന​ക്ക് അ​താ​കാ​ൻ പ​റ്റു​മോ?” മാ​ർ​പാ​പ്പ, ഫ്രാ​ൻ​സി​സി​നോ​ട് അ​മ്പ​രി​പ്പി​ക്കു​ന്ന ശ​ബ്ദ​ത്തോ​ടെ ചോ​ദി​ച്ചു, “ജീ​ർ​ണ​വ​സ്ത്ര​ധാ​രി​യാ​യ ആ ​സ​ന്യാ​സി​യു​ടെ മു​ഖം അ​ങ്ങ​യു​ടെ മു​ഖം പോ​ലെ​യാ​യി​രു​ന്നു. അ​ങ്ങാ​ണ് സ​ഭ​യെ ര​ക്ഷി​ക്കാ​ൻ വ​രു​ന്ന​ത് എ​ന്ന​ല്ലേ ഇ​തി​ന്റെ ഉ​ദ്ദേ​ശ്യം?”

ത​ക​രാ​നി​രി​ക്കു​ന്ന ഇ​ന്ത്യ​ൻ റി​പ്പ​ബ്ലി​ക് എ​ന്ന ബ​സി​ലി​ക്ക​യെ ഈ ​അ​വ​സ്ഥ​യി​ൽ നി​ന്ന് ര​ക്ഷി​ക്കാ​ൻ വ​രു​ന്ന അ​വ​ധൂ​ത​ൻ, അ​ഹിം​സ​യു​ടെ​യും സ്വ​രാ​ജി​ന്റെ​യും ദീ​പ​ശി​ഖ​യേ​ന്തി​യ മ​ഹാ​ത്മാ​ഗാ​ന്ധി എ​ന്ന ചി​ര​ഞ്ജീ​വി​യാ​ണെ​ന്ന കാ​ര്യ​ത്തി​ൽ പ​ക്ഷേ ഇ​ന്ത്യ​യി​ലെ സാ​ധാ​ര​ണ പൗ​ര​ർ​ക്കു​പോ​ലും സം​ശ​യ​മേ​തു​മി​ല്ല.

(കേ​ര​ള സ​ർ​ക്കാ​റി​ന്റെ നി​യ​മ വ​കു​പ്പി​ൽ ഡെ​പ്യൂ​ട്ടി സെ​ക്ര​ട്ട​റി​യാ​ണ് ലേഖകൻ)

Tags:    
News Summary - Gandhiji's Will and Constitution of India

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.