ബി.​ജെ.​പി​ക്ക് കാ​റ്റു​വീ​ഴ്ച

ലോ​ക്സ​ഭാ തെ​ര​ഞ്ഞെ​ടു​പ്പി​ലൂ​ടെ ഉ​ത്ത​ർ​പ്ര​ദേ​ശി​ൽ ക​ണ്ട ഭാ​ര​തീ​യ ജ​ന​താ പാ​ർ​ട്ടി​യു​ടെ കാ​റ്റു​വീ​ഴ്ച രാ​ജ്യ​ത്തി​ന്റെ കൂ​ടു​ത​ൽ ഭാ​ഗ​ങ്ങ​ളി​ലേ​ക്ക് പ​ട​രു​ക​യാ​ണോ? ന​ൽ​കു​ന്ന ചി​കി​ത്സ ഒ​ന്നു​മേ​ൽ​ക്കാ​തെ ഇ​ത് വ്യാ​പി​ക്കു​ക​യാ​ണെ​ന്ന് വ്യ​ക്ത​മാ​ക്കു​ന്നു ഏ​ഴ് സം​സ്ഥാ​ന​ങ്ങ​ളി​ലെ 13 നി​യ​മ​സ​ഭാ മ​ണ്ഡ​ല​ങ്ങ​ളി​ലേ​ക്ക് ന​ട​ന്ന ഉ​പ​തെ​ര​ഞ്ഞെ​ടു​പ്പു​ക​ളി​ൽ ബി.​ജെ.​പി​യേ​റ്റു​വാ​ങ്ങി​യ തോ​ൽ​വി. 13ൽ ​ല​ഭി​ച്ച​താ​കെ ര​ണ്ട് സീ​റ്റു​ക​ൾ.

സ്വ​ന്തം കാ​ലി​ന​ടി​യി​ലെ മ​ണ്ണ് ഒ​ലി​ച്ചു​പോ​കു​ന്ന​ത് ത​ടു​ക്കാ​ൻ ബി.​ജെ.​പി​ക്ക് ആ​വു​ന്നി​ല്ലെ​ന്ന് വോ​ട്ടി​ങ് പ്ര​വ​ണ​ത​ക​ൾ വ്യ​ക്ത​മാ​ക്കു​ന്നു. മ​റു​ഭാ​ഗ​ത്ത് ഹി​മാ​ച​ൽ പ്ര​ദേ​ശി​ലും ഉ​ത്ത​രാ​ഖ​ണ്ഡി​ലും കോ​ൺ​ഗ്ര​സും പ​ശ്ചി​മ ബം​ഗാ​ളി​ൽ തൃ​ണ​മൂ​ൽ കോ​ൺ​ഗ്ര​സും ത​മി​ഴ്നാ​ട്ടി​ൽ ഡി.​എം.​കെ​യും പ​ഞ്ചാ​ബി​ൽ ആം ​ആ​ദ്മി പാ​ർ​ട്ടി​യും നേ​ടി​യ ജ​യം ലോ​ക്സ​ഭാ തെ​ര​ഞ്ഞെ​ടു​പ്പി​ന് ശേ​ഷ​വും ‘ഇ​ൻ​ഡ്യ’ കൂ​ടു​ത​ൽ ക​രു​ത്താ​ർ​ജി​ക്കു​ന്ന സൂ​ച​ന​യാ​ണ് ന​ൽ​കു​ന്ന​ത്.

‘രാ​മ ഭ​ഗ​വാ​ന് പി​ന്നാ​ലെ ബ​ദ്‍രീ നാ​രാ​യ​ണ​നും ബി.​ജെ.​പി​യെ കൈ​വി​ട്ടു’ എ​ന്ന​താ​യി​രു​ന്നു ഉ​പ​തെ​ര​ഞ്ഞെ​ടു​പ്പ് ഫ​ല​മ​റി​ഞ്ഞ ശ​നി​യാ​ഴ്ച സ​മൂ​ഹ​മാ​ധ്യ​മ​ങ്ങ​ളി​ലെ മു​ഖ്യ​വ​ർ​ത്ത​മാ​നം. ഹി​ന്ദു വോ​ട്ടു​ബാ​ങ്ക് ബി.​ജെ.​പി​ക്കു​ള്ള ബ്ലാ​ങ്ക് ചെ​ക്ക​ല്ലെ​ന്ന് പൊ​തു​തെ​ര​ഞ്ഞെ​ടു​പ്പി​ൽ അ​യോ​ധ്യ ന​ൽ​കി​യ സ​ന്ദേ​ശം ഉ​പ​തെ​ര​ഞ്ഞെ​ടു​പ്പി​ൽ ബ​ദ്‍രീ​നാ​ഥി​ലും ആ​വ​ർ​ത്തി​ക്ക​പ്പെ​ട്ടി​രി​ക്കു​ന്നു. ഹി​ന്ദു ഭൂ​രി​പ​ക്ഷ മ​ണ്ഡ​ല​ങ്ങ​ളി​ലും സം​സ്ഥാ​ന​ങ്ങ​ളി​ലും ഇ​നി ബി.​ജെ.​പി​ക്കേ ജ​യി​ക്കാ​നാ​വൂ എ​ന്ന ന​രേ​റ്റീ​വി​നെ പൊ​ളി​ക്കു​ന്ന​താ​ണ് ദേ​വ​ഭൂ​മി​യി​ലെ തോ​ൽ​വി.

ബി.​ജെ.​പി നെ​യ്തു​ണ്ടാ​ക്കി​യ ഭ​യ​ത്തി​ന്റെ​യും ആ​ശ​യ​ക്കു​ഴ​പ്പ​ത്തി​ന്റെ​യും വ​ല ഭേ​ദി​ക്ക​പ്പെ​ട്ടി​രി​ക്കു​ന്നു​വെ​ന്നാ​ണ് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി പ്ര​തി​ക​രി​ച്ച​ത്. ഏ​കാ​ധി​പ​ത്യ​ത്തെ സ​മൂ​ലം പി​ഴു​തെ​റി​ഞ്ഞ് നീ​തി​യു​ടെ വാ​ഴ്ച സ്ഥാ​പി​ക്ക​ണ​മെ​ന്ന് ക​ർ​ഷ​ക​രും യു​വ​ജ​ന​ങ്ങ​ളും തൊ​ഴി​ലാ​ളി​ക​ളും വ്യ​വ​സാ​യി​ക​ളു​മ​ട​ക്കം സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ളും ആ​ഗ്ര​ഹി​ക്കു​ന്നു​വെ​ന്നും ജീ​വി​തം മെ​ച്ച​പ്പെ​ടു​ത്താ​നും ഭ​ര​ണ​ഘ​ട​ന സം​ര​ക്ഷി​ക്കാ​നും പൊ​തു​ജ​നം ‘ഇ​ൻ​ഡ്യ’ മു​ന്ന​ണി​ക്കൊ​പ്പം നി​ൽ​ക്കു​ക​യാ​ണെ​ന്നും രാ​ഹു​ൽ ഫ​ല​ത്തെ വി​ല​യി​രു​ത്തു​ന്നു. ഉ​പ​തെ​ര​ഞ്ഞെ​ടു​പ്പ് ന​ട​ന്ന 13 നി​യ​മ​സ​ഭാ മ​ണ്ഡ​ല​ങ്ങ​ളി​ൽ ആ​റി​ലും കോ​ൺ​ഗ്ര​സും ബി.​ജെ.​പി​യും ത​മ്മി​ൽ നേ​ർ​ക്കു​നേ​ർ മ​ത്സ​ര​മാ​യി​രു​ന്നു. അ​തി​ൽ നാ​ലും കോ​ൺ​ഗ്ര​സ് നേ​ടി.

മ​ഹാ​രാ​ഷ്ട്ര ലെ​ജി​സ്ലേ​റ്റീ​വ് കൗ​ൺ​സി​ലി​ൽ തെ​ര​ഞ്ഞെ​ടു​പ്പി​ൽ ഇ​ൻ​ഡ്യ സ​ഖ്യ​ത്തി​ന്റെ എം.​എ​ൽ.​എ​മാ​ർ കൂ​റു​മാ​റി വോ​ട്ടു​ചെ​യ്ത​തി​ന്റെ പി​റ്റേ​ന്നാ​ണ് ഉ​പ​തെ​ര​ഞ്ഞെ​ടു​പ്പ് ഫ​ലം പു​റ​ത്തു​വ​ന്ന​ത്. സ്വ​ന്തം സ​ർ​ക്കാ​റി​നെ വീ​ഴ്ത്താ​ൻ കോ​ൺ​ഗ്ര​സ് എം.​എ​ൽ.​എ​മാ​ർ ബി.​ജെ.​പി​ക്ക് മു​ന്നി​ൽ സ്വ​യം വി​ൽ​പ​ന​ക്ക് വെ​ച്ച സം​സ്ഥാ​ന​മാ​യി​രു​ന്നു ഹി​മാ​ച​ൽ പ്ര​ദേ​ശ്. എം.​എ​ൽ.​എ​മാ​രെ ചാ​ക്കി​ട്ടു​പി​ടി​ച്ച് കോ​ൺ​ഗ്ര​സ് ഭ​ര​ണം അ​ട്ടി​മ​റി​ക്കാ​ൻ വേ​ണ്ട​തി​ല​ധി​കം പ​ണ​വും അ​ധ്വാ​ന​വും ചെ​ല​വി​ട്ടു ബി.​ജെ.​പി ഇ​വി​ടെ.

ഏ​താ​നും മാ​സ​ങ്ങ​ൾ മു​മ്പ് രാ​ജ്യ​സ​ഭാ തെ​ര​ഞ്ഞെ​ടു​പ്പി​ൽ മു​തി​ർ​ന്ന നേ​താ​വും സു​പ്രീം​കോ​ട​തി അ​ഭി​ഭാ​ഷ​ക​നു​മാ​യ അ​ഭി​ഷേ​ക് മ​നു സി​ങ്‍വി​യെ തോ​ൽ​പി​ക്കാ​ൻ ആ​റ് കോ​ൺ​ഗ്ര​സ് എം.​എ​ൽ.​എ​മാ​ർ കൂ​റു​മാ​റി ബി.​ജെ.​പി​ക്ക് വോ​ട്ടു ചെ​യ്ത​തും ഇ​വി​ടെ​യാ​ണ്. ചാ​ക്കി​ട്ടു​പി​ടി​ച്ച​വ​രെ കൊ​ണ്ട് രാ​ജ്യ​സ​ഭാ സീ​റ്റ് പി​ടി​ച്ചെ​ടു​ക്കാ​നാ​യെ​ങ്കി​ലും കോ​ൺ​ഗ്ര​സ് ഭ​ര​ണം മ​റി​ച്ചി​ടാ​ൻ ബി.​ജെ.​പി​ക്കാ​യി​ല്ല. സ്വ​ന്തം നേ​താ​ക്ക​ളു​ടെ വി​ശ്വാ​സ വ​ഞ്ച​ന​യി​ലൂ​ടെ നി​യ​മ​സ​ഭ​യി​ലെ ക​ക്ഷി​നി​ല 40ൽ​നി​ന്ന് 34ലെ​ത്തി​യ കോ​ൺ​ഗ്ര​സ് ഉ​പ​തെ​ര​ഞ്ഞെ​ടു​പ്പ് ക​ഴി​ഞ്ഞ​തോ​ടെ 68 അം​ഗ നി​യ​മ​സ​ഭ​യി​ൽ 40 സീ​റ്റു​മാ​യി വീ​ണ്ടും നി​ല ഭ​ദ്ര​മാ​ക്കി.

ഹി​മാ​ച​ൽ പ്ര​ദേ​ശി​ലെ ദെ​ഹ്റ മ​ണ്ഡ​ല​ത്തി​ൽ കോ​ൺ​ഗ്ര​സ് മു​ഖ്യ​മ​ന്ത്രി സു​ഖ്‍വീ​ന്ദ​ർ സി​ങ് സു​ഖു​വി​ന്റെ ഭാ​ര്യ ക​മ​ലേ​ശ് ഠാ​ക്കൂ​ർ ബി.​ജെ.​പി​യു​ടെ ഹോ​ഷി​യാ​ർ സി​ങ്ങി​നെ 9399 വോ​ട്ടു​ക​ൾ​ക്കാ​ണ് പ​രാ​ജ​യ​പ്പെ​ടു​ത്തി​യ​ത്. ന​ല​ഗ​ഡി​ൽ കോ​ൺ​ഗ്ര​സി​ലെ ഹ​ർ​ദീ​പ് സി​ങ് ബാ​വ ബി.​ജെ.​പി സ്ഥാ​നാ​ർ​ഥി കെ.​എ​ൽ. ഠാ​കൂ​റി​നെ തോ​ൽ​പി​ച്ച​ത് 25,618 വോ​ട്ടു​ക​ൾ​ക്കാ​ണ്. അ​തേ​സ​മ​യം ഹാ​മി​ർ​പൂ​രി​ൽ ബി.​ജെ.​പി​യു​ടെ ആ​ശി​ഷ് ശ​ർ​മ കോ​ൺ​ഗ്ര​സി​ന്റെ പു​ഷ്പീ​ന്ദ​ർ വ​ർ​മ​ക്കു​മേ​ൽ ജ​യം നേ​ടി​യ​ത് കേ​വ​ലം 1500 വോ​ട്ടി​ന്റെ ഭൂ​രി​പ​ക്ഷ​ത്തി​നാ​ണ്. ആ​പ്‍ വി​ട്ട് ബി.​ജെ.​പി​യി​ലേ​ക്ക് പോ​യ സി​റ്റി​ങ് എം.​എ​ൽ.​എ ശീ​ത​ൾ അ​ങ്കു​രാ​ൾ 37,325 വോ​ട്ടു​ക​ൾ​ക്കാ​ണ് പ​ഞ്ചാ​ബി​ലെ ജ​ല​ന്ധ​ർ വെ​സ്റ്റി​ൽ ആം ​ആ​ദ്മി പാ​ർ​ട്ടി​യു​ടെ മൊ​ഹീ​ന്ദ​ർ ഭ​ഗ​തി​നോ​ട് തോ​റ്റ​ത്.

ലോ​ക്സ​ഭാ തെ​ര​ഞ്ഞെ​ടു​പ്പോ​ടെ കോ​ൺ​ഗ്ര​സ് ത​ക​ർ​ന്ന​ടി​ഞ്ഞു​വെ​ന്ന് ക​രു​തി​യ മ​ധ്യ​പ്ര​ദേ​ശി​ൽ​പോ​ലും 3027 വോ​ട്ടി​ന്റെ ഭൂ​രി​പ​ക്ഷ​മേ ബി.​ജെ.​പി​ക്ക് നേ​ടാ​നാ​യു​ള്ളൂ. സ്വ​ന്തം നി​ല​ക്ക് സ്വാ​ധീ​ന​മി​ല്ലാ​ത്ത മേ​ഖ​ല​ക​ളി​ൽ ബി.​ജെ.​പി ഒ​പ്പം കൂ​ട്ടി​യ സ​ഖ്യ​ക​ക്ഷി സ്ഥാ​നാ​ർ​ഥി​ക​ളും​ തോ​റ്റ​മ്പി. ത​മി​ഴ്നാ​ട്ടി​ൽ വ​ന്നി​യ​ർ സ​മു​ദാ​യ​ത്തി​ന്റെ രാ​ഷ്ട്രീ​യ ശ​ക്തി​യാ​യ പ​ട്ടാ​ളി മ​ക്ക​ൾ ക​ച്ചി (പി.​എം.​കെ)​യു​ടെ ഉ​പാ​ധ്യ​ക്ഷ​ൻ സി. ​അ​മ്പു​മ​ണി​യാ​യി​രു​ന്നു ആ ​സ​മു​ദാ​യ​ത്തി​ന്റെ വോ​ട്ടു​ക​ൾ നി​ർ​ണാ​യ​ക​മാ​യ വി​ക്കി​ര​വാ​ണ്ടി മ​ണ്ഡ​ല​ത്തി​ൽ എ​ൻ.​ഡി.​എ സ്ഥാ​നാ​ർ​ഥി. ഡി.​എം.​കെ എം.​എ​ൽ.​എ​യു​ടെ മ​ര​ണ​ത്തെ​തു​ട​ർ​ന്ന് വേ​ണ്ടി​വ​ന്ന ഉ​പ​തെ​ര​ഞ്ഞെ​ടു​പ്പി​ൽ അ​ണ്ണാ ഡി.​എം.​കെ മ​ത്സ​രി​ക്കാ​തെ വി​ട്ടു​നി​ന്ന​ത് എ​ൻ.​ഡി.​എ സ്ഥാ​നാ​ർ​ഥി​യെ ജ​യി​പ്പി​ക്കാ​നാ​ണെ​ന്ന ആ​ക്ഷേ​പ​വു​മു​ണ്ടാ​യി​രു​ന്നു. എ​ന്നാ​ൽ, അ​ണ്ണാ ഡി.​എം.​കെ​യു​ടെ വോ​ട്ടു​ക​ളും പി​ടി​ച്ച് ഡി.​എം.​കെ​യു​ടെ അ​ണ്ണി​യൂ​ർ ശി​വ കൊ​ടി​യ ഭൂ​രി​പ​ക്ഷ​ത്തി​ലാ​ണ് ജ​യി​ച്ചു​ക​യ​റി​യ​ത്.

ഭ​ര​ണ​വി​രു​ദ്ധ വി​കാ​രം പാ​ര​മ്യ​ത്തി​ൽ നി​ൽ​ക്കെ ആ​രെ സ്ഥാ​നാ​ർ​ഥി​യാ​ക്കി​യാ​ലും ജ​നം വോ​ട്ടു​ചെ​യ്തോ​ളു​മെ​ന്ന് ക​രു​ത​രു​തെ​ന്ന പാ​ഠം ഈ ​ഉ​പ​തെ​ര​ഞ്ഞ​ടു​പ്പ് ഇ​ൻ​ഡ്യ മു​ന്ന​ണി​ക്കും ന​ൽ​കു​ന്നു​ണ്ട്. ബി​ഹാ​റി​ൽ എ​ൻ.​ഡി.​എ സ​ർ​ക്കാ​റി​ന്റെ അ​ഴി​മ​തി​യു​ടെ പാ​ല​ങ്ങ​ൾ ഒ​ന്നി​ന് പി​റ​കെ​യൊ​ന്നാ​യി ത​ക​ർ​ന്നു​വീ​ണു​കൊ​ണ്ടി​രി​ക്കേ ന​ട​ന്ന ഉ​പ​തെ​ര​ഞ്ഞെ​ടു​പ്പി​ലും രൂ​പൗ​ലി മ​ണ്ഡ​ല​ത്തി​ൽ ആ​ർ.​ജെ.​ഡി സ്ഥാ​നാ​ർ​ഥി ബീ​മ ഭാ​ര​തി​യെ ജ​യി​പ്പി​ക്കാ​ൻ ഇ​ൻ​ഡ്യ​ക്കാ​യി​ല്ല. പൂ​ർ​ണി​യ ലോ​ക്സ​ഭാ മ​ണ്ഡ​ല​ത്തി​ൽ ഇ​രു​മു​ന്ന​ണി​ക​ളെ​യും തോ​ൽ​പി​ച്ച് പ​പ്പു യാ​ദ​വ് നേ​ടി​യ ജ​യ​ത്തെ ഓ​ർ​മി​പ്പി​ക്കു​ന്ന​താ​ണ് എ​ണ്ണാ​യി​ര​ത്തി​ല​ധി​കം വോ​ട്ടു​ക​ളു​ടെ ഭൂ​രി​പ​ക്ഷ​ത്തി​ൽ സ്വ​ത​ന്ത്ര സ്ഥാ​നാ​ർ​ഥി ശ​ങ്ക​ർ സി​ങ് നേ​ടി​യ വി​ജ​യം.

അ​തേ​സ​മ​യം ജ​നം ബി.​ജെ.​പി​ക്ക് ഒ​രു ബ​ദ​ൽ തേ​ടു​ന്നു​ണ്ട്. സ്വ​ന്തം നേ​താ​ക്ക​ൾ​ക്ക് വേ​ണ്ടെ​ങ്കി​ൽ​പോ​ലും ശ​ക്ത​മാ​യ ഒ​രു പ്ര​തി​പ​ക്ഷ​ത്തെ അ​വ​ർ ഇ​പ്പോ​ഴും ആ​ഗ്ര​ഹി​ക്കു​ന്നു​ണ്ട്. നീ​റ്റ് മു​ത​ൽ അ​ഗ്നി​വീ​ർ​വ​രെ ക​ത്തി​നി​ൽ​ക്കു​ന്ന സ​മ​യ​ത്ത് 1975ൽ ​അ​ടി​യ​ന്ത​രാ​വ​സ്ഥ പ്ര​ഖ്യാ​പി​ച്ച ജൂ​ൺ 25നെ ‘​സം​വി​ധാ​ൻ ഹ​ത്യാ ദി​വ​സ്’ ആ​യി പ്ര​ഖ്യാ​പി​ച്ച​ത് കൊ​ണ്ട് മു​ന്നി​ലു​ള്ള യാ​ഥാ​ർ​ഥ്യ​ങ്ങ​ൾ​ക്കു​നേ​രെ ജ​നം ക​ണ്ണ​ട​ക്കി​ല്ല. മാ​ധ്യ​മ പ്ര​വ​ർ​ത്ത​ക​ൻ ര​ജ്ദീ​പ് സ​ർ​ദേ​ശാ​യി അ​ഭി​പ്രാ​യ​പ്പെ​ട്ട​തു​പോ​ലെ 70 ശ​ത​മാ​നം ജ​ന​ങ്ങ​ളും 70ക​ൾ​ക്ക് ശേ​ഷം ജ​നി​ച്ച ഒ​രു രാ​ജ്യ​ത്ത് ഇ​ന്ന​ത്തെ വി​ഷ​യ​ങ്ങ​ൾ സം​സാ​രി​ക്കു​ന്ന നേ​താ​ക്ക​ളെ​യാ​ണ് ഇ​ന്ന​ത്തെ ഇ​ന്ത്യ ആ​ഗ്ര​ഹി​ക്കു​ന്ന​തെ​ന്നാ​ണ് ഉ​പ​തെ​ര​ഞ്ഞെ​ടു​പ്പ് ഫ​ല​ങ്ങ​ൾ തെ​ളി​യി​ക്കു​ന്ന​ത്