അം​ബേ​ദ്ക​ർ​ക്ക് ഉ​ത്ത​രം ന​ൽ​കാ​ൻ ന​മു​ക്ക് ബാ​ധ്യ​ത​യു​ണ്ട്

അം​ബേ​ദ്ക​റെ​ക്കു​റി​ച്ച എ​ക്കാ​ല​ത്തെ​യും വ​ലി​യ വി​മ​ർ​ശം അ​ദ്ദേ​ഹം ത​ന്റെ പോ​രാ​ട്ട​ങ്ങ​ൾ​ക്ക് സം​ഘ​ട​ന രൂ​പം ന​ൽ​കി​യി​ല്ലെ​ന്ന​താ​ണ്. പൊ​തു​കി​ണ​റി​ൽ​നി​ന്ന് വെ​ള്ള​മെ​ടു​ക്കാ​നു​ള്ള അ​വ​കാ​ശ​ത്തി​നാ​യി​വ​രെ സ​മ​രം ന​യി​ക്കേ​ണ്ടി വ​രു​ന്ന, സാ​മ്പ​ത്തി​ക പി​ൻ​ബ​ല​മി​ല്ലാ​ത്ത ഒ​രു നേ​താ​വി​ന് അ​ഖി​ലേ​ന്ത്യാ പ്ര​സ്ഥാ​നം കെ​ട്ടി​പ്പ​ടു​ക്കു​ക അ​സാ​ധ്യ​മാ​യി​രു​ന്നു

‘‘ഇ​ന്ത്യ​ൻ നി​യ​മ​നി​ർ​മാ​ണ സ​ഭ ഇ​ന്നു​വ​രെ പാ​സാ​ക്കി​യ​തോ, ഭാ​വി​യി​ൽ പാ​സാ​ക്കാ​ൻ സാ​ധ്യ​ത​യു​ള്ള​തോ ആ​യ ഒ​രു നി​യ​മ​ത്തി​നും പ്രാ​ധാ​ന്യ​ത്തി​ൽ ഇ​തി​നോ​ട് ( ഹി​ന്ദു കോ​ഡ്) ഒ​രു താ​ര​ത​മ്യ​ത്തി​നും വ​ക​യു​ണ്ടാ​യി​രി​ക്കി​ല്ല.

ഹൈ​ന്ദ​വ സ​മൂ​ഹ​ത്തി​ന്റെ ആ​ത്മാ​വാ​യ വ​ർ​ഗ​വും വ​ർ​ഗ​വും ത​മ്മി​ലെ, ലിം​ഗ​വും ലിം​ഗ​വും ത​മ്മി​ലെ അ​സ​മ​ത്വ​ത്തെ തൊ​ടാ​തെ വി​ട്ടി​ട്ട് സാ​മ്പ​ത്തി​ക​കാ​ര്യ സം​ബ​ന്ധി​യാ​യ ഏ​തു നി​യ​മ​വും പാ​സാ​ക്കു​ന്ന​ത് ന​മ്മു​ടെ ഭ​ര​ണ​ഘ​ട​ന​യെ അ​സം​ബ​ന്ധ നാ​ട​ക​മാ​ക്കു​ക​യും ചാ​ണ​ക​ക്കൂ​ന​ക്കു മു​ക​ളി​ൽ കൊ​ട്ടാ​രം പ​ണി​യു​ക​യും ചെ​യ്യ​ലാ​ണ്’’- ഭ​ര​ണ​ഘ​ട​ന നി​ർ​മാ​ണ​സ​ഭ​യി​ൽ അ​വ​ത​രി​പ്പി​ക്കു​ക​യും, പാ​സാ​ക്കാ​നാ​കാ​ത്ത​തി​നാ​ൽ നി​യ​മ മ​ന്ത്രി സ്ഥാ​ന​ത്തു​നി​ന്ന് ത​ന്റെ രാ​ജി​ക്ക് ഇ​ട​യാ​ക്കു​ക​യും ചെ​യ്ത ഹി​ന്ദു കോ​ഡ് ബി​ല്ലി​നെ​ക്കു​റി​ച്ച് ബാ​ബാ സാ​ഹേ​ബ് അം​ബേ​ദ്ക​ർ പ​റ​ഞ്ഞ വാ​ക്കു​ക​ളാ​ണ്.

അ​പ്പോ​ഴേ​ക്കും ഹി​ന്ദു​മ​ത​ത്തി​ന് പു​റ​ത്തേ​ക്കു​ള്ള അ​ദ്ദേ​ഹ​ത്തി​ന്റെ പ്ര​യാ​ണം തു​ട​ങ്ങി​യി​ട്ട് ഒ​രു പ​തി​റ്റാ​ണ്ടി​ല​ധി​ക​മാ​യി​രു​ന്നു. മ​ന​സ്സി​ൽ​നി​ന്ന് അ​തി​നെ ഉ​പേ​ക്ഷി​ച്ചി​ട്ട് അ​തി​ല​ധി​ക​വും.

ആ ​അ​വ​സ്ഥ​യി​ലും ത​ന്നെ​യും താ​ന​ട​ങ്ങു​ന്ന ജ​ന​കോ​ടി​ക​ളെ​യും പു​റ​ത്തു നി​ർ​ത്തി​യ ഹി​ന്ദു മ​ത​ത്തി​ൽ​പെ​ട്ട ജ​ന​വി​ഭാ​ഗ​ത്തി​ന് വി​വാ​ഹം, പി​ന്തു​ട​ർ​ച്ച, സ്വ​ത്ത​വ​കാ​ശം തു​ട​ങ്ങി​യ​വ​യെ​ല്ലാം കൃ​ത്യ​മാ​യ നി​യ​മ​ത്തി​ന​ക​ത്ത് കൊ​ണ്ടു​വ​രാ​ൻ അ​സാ​ധ്യ പോ​രാ​ട്ട​മാ​ണ് അം​ബേ​ദ്ക​ർ ന​ട​ത്തി​യ​ത്.

ഒ​റ്റ​വാ​ക്കി​ൽ ഒ​തു​ക്ക​പ്പെ​ട്ട അ​തു​ല്യ പ്ര​തി​ഭ

ആ​രാ​ണ് ഡോ.​ബി.​ആ​ർ. അം​ബേ​ദ്ക​ർ എ​ന്ന് ചോ​ദി​ച്ചാ​ൽ ഒ​റ്റ​വാ​ക്കി​ൽ ഉ​ത്ത​രം​കി​ട്ടും- ഭ​ര​ണ​ഘ​ട​ന ശി​ൽ​പി. ആ ​പ​ദ​വി​ക്ക് അ​ങ്ങേ​യ​റ്റം അ​ർ​ഹ​നാ​യി​രി​ക്കു​മ്പോ​ൾ​ത​ന്നെ അ​തൊ​രു ഒ​തു​ക്ക​ലു​മാ​ണ്. അ​ക്കാ​ല​ത്ത് ബാ​ബാ സാ​ഹേ​ബി​നോ​ളം വി​ദ്യാ​ഭ്യാ​സ യോ​ഗ്യ​ത ഉ​ണ്ടാ​യി​രു​ന്ന​വ​ർ ഇ​ന്ത്യ​യി​ൽ ഇ​ല്ലാ​യി​രു​ന്നു എ​ന്നു​ത​ന്നെ പ​റ​യാം.

കൊ​ളം​ബി​യ യൂ​നി​വേ​ഴ്സി​റ്റി​യി​ൽ​നി​ന്ന് ര​ണ്ട് എം.​എ ബി​രു​ദ​ങ്ങ​ളും സാ​മ്പ​ത്തി​ക​ശാ​സ്ത്ര​ത്തി​ൽ ഡോ​ക്ട​റേ​റ്റും. ഒ​പ്പം സോ​ഷ്യോ​ള​ജി, ഫി​ലോ​സ​ഫി, ആ​ന്ത്ര​പ്പോ​ള​ജി, തു​ട​ങ്ങി​യ വി​ഷ​യ​ങ്ങ​ളും. ല​ണ്ട​ൻ സ്കൂ​ൾ ഓ​ഫ് ഇ​ക്ക​ണോ​മി​ക്സി​ലും ഗ്രേ​സ് ഇ​ന്നി​ൽ നി​യ​മ​ബി​രു​ദ​ത്തി​നാ​യും ഒ​രേ സ​മ​യം പ​ഠ​നം. ഒ​രി​ട​വേ​ള​യു​ണ്ടാ​യെ​ങ്കി​ലും ര​ണ്ടി​ട​ങ്ങ​ളി​ൽ​നി​ന്നും ബി​രു​ദം സ്വ​ന്ത​മാ​ക്കി.

ഇ​ത്ര​യും ബി​രു​ദ​ങ്ങ​ൾ ഭൂ​ഷ​ണ​വും പാ​ണ്ഡി​ത്യം കൈ​മു​ത​ലു​മാ​യു​ള്ള ഏ​തൊ​രാ​ളും ഇ​ന്ത്യ​ൻ ഭ​ര​ണ​ത്തി​ൽ അ​ത്യു​ന്ന​ത സ്ഥാ​ന​ങ്ങ​ൾ അ​ല​ങ്ക​രി​ച്ചേ​നെ. അ​ല്ലെ​ങ്കി​ൽ ദേ​ശീ​യ പ്ര​സ്ഥാ​ന​ത്തി​ന്റെ ന​ടു​നാ​യ​ക സ്ഥാ​ന​ത്ത് അ​വ​രോ​ധി​ത​നാ​യേ​നെ. എ​ന്നാ​ൽ സ്വാ​ത​ന്ത്ര്യ​സ​മ​ര നേ​താ​ക്ക​ളു​ടേ​ത് പോ​ക​ട്ടെ, സേ​നാ​നി​ക​ളു​ടെ പ​ട്ടി​ക​യി​ൽ​പോ​ലും ബാ​ബാ​സാ​ഹേ​ബി​നെ ഉ​ൾ​പ്പെ​ടു​ത്താ​ൻ പ​ല​രും വി​ഷ​മി​ക്കു​ന്ന​തു​കാ​ണാം.

അ​ല്ലെ​ങ്കി​ൽ ഗാ​ന്ധി​യു​ടെ പ്ര​തി​നാ​യ​ക​നാ​ക്കി നി​ർ​ത്തും. എ​ന്നാ​ൽ സ്വാ​ത​ന്ത്ര്യ​സ​മ​ര സ​ദ്യ​ക്ക് പു​റ​ത്തെ പ​ന്തി​യി​ൽ ഇ​ല​യി​ട്ടി​രു​ന്ന വി​രു​ന്നു​കാ​ര​നാ​യി​രു​ന്നി​ല്ല ഡോ. ​ബി.​ആ​ർ. അം​ബേ​ദ്ക​ർ. സ്മൃ​തി​ക​ളും സൂ​ത്ര​ങ്ങ​ളും അ​നു​സ​രി​ച്ചു​ള്ള ഭ​ര​ണ​ത്തി​ൽ​നി​ന്ന് വ്യ​ത്യ​സ്ത​മാ​യി ബ്രി​ട്ടീ​ഷ് കോ​ട​തി​ക​ളി​ൽ​നി​ന്ന് നീ​തി നേ​ടി​യെ​ടു​ക്കാ​നു​ള്ള സാ​ധ്യ​ത ദ​ലി​ത​ർ​ക്കു​ണ്ടാ​യി​രു​ന്നു.

ബ്രി​ട്ടീ​ഷ് ഭ​ര​ണ​ത്തി​ൻ കീ​ഴി​ൽ ചി​ല്ല​റ പൗ​രാ​വ​കാ​ശ​ങ്ങ​ളെ​ങ്കി​ലും ദ​ലി​ത​ർ​ക്ക് അ​നു​വ​ദി​ച്ചു​കി​ട്ടു​ന്ന അ​വ​സ്ഥ നി​ല​വി​ലു​ണ്ടാ​യി​രു​ന്ന​തി​നാ​ലാ​ണ് കോ​ൺ​ഗ്ര​സ് വ​ൻ രീ​തി​യി​ൽ എ​തി​രി​ട്ട സൈ​മ​ൺ ക​മീ​ഷ​നു​മാ​യി സ​ഹ​ക​രി​ക്കാ​ൻ അം​ബേ​ദ്ക​ർ ത​യാ​റാ​യ​ത്. അ​ന്ന​ത്തെ ഇ​ന്ത്യ​യി​ൽ അ​യി​ത്ത​ജാ​തി​ക​ൾ​ക്ക് അ​തേ നി​വൃ​ത്തി​യു​ണ്ടാ​യി​രു​ന്നു​ള്ളൂ. ‘യു​ദ്ധ​ത്തി​ൽ വെ​ള്ള​ക്കാ​ർ ജ​യി​ക്കാ​ൻ നാ​മെ​ല്ലാം പ്രാ​ർ​ഥി​ക്ക​ണം.

ന​മു​ക്ക് സ​ന്യാ​സം ത​ന്ന​ത് അ​വ​രാ​ണ്’ എ​ന്ന് നാ​രാ​യ​ണ ഗു​രു​വി​നെ​ക്കൊ​ണ്ട് പ​റ​യി​ച്ച അ​തേ സാ​ഹ​ച​ര്യം. അതിന്റെ സ്വാഭാവികതയാണ് ജ​ന​ത​യു​ടെ അ​വ​കാ​ശ സ്ഥാ​പ​ന​ത്തി​നാ​യി, ബ്രി​ട്ടീ​ഷ് സ​ർ​ക്കാ​ർ ഒ​രു​ക്കി​യ വ​ട്ട​മേ​ശ​സ​മ്മേ​ള​ന​മ​ട​ക്കം വേ​ദി​ക​ൾ അം​ബേ​ദ്ക​ർ ഉ​പ​യോ​ഗി​ച്ചത്.

പ്ര​ത്യേ​ക മ​ണ്ഡ​ല​ങ്ങ​ളും സം​വ​ര​ണ​വും നേ​ടി​യെ​ടു​ക്കാ​ൻ ദേ​ശീ​യ പ്ര​സ്ഥാ​ന​ക്കാ​രോ​ട് യാ​ചി​ക്കു​ന്ന​തി​ന് പ​ക​രം ബാ​ബാ സാ​ഹേ​ബ് ബ്രി​ട്ടീ​ഷ് സ​ർ​ക്കാ​റി​ന്റെ സ​ഹാ​യം തേ​ടി​യതും.

ദേ​ശീ​യ പ്ര​സ്ഥാ​ന​ത്തി​ലെ ഗ​തി​കേ​ടു​കാ​ർ

ദേ​ശീ​യ പ്ര​സ്ഥാ​നം എ​ല്ലാ ഊ​ർ​ജ​വും സം​ഭ​രി​ച്ച് മു​ന്നോ​ട്ട് കു​തി​ക്കു​ന്ന കാ​ല​ത്താ​ണ് അം​ബേ​ദ്ക​ർ വി​ദേ​ശ ബി​രു​ദ​ങ്ങ​ളു​മാ​യി തി​രി​ച്ചെ​ത്തു​ന്ന​ത്. ഗാ​ന്ധി നേ​തൃ​ത്വം ന​ൽ​കു​ന്ന ആ ​പ്ര​സ്ഥാ​ന​ത്തി​ന് സ​നാ​ത​ന സ്വ​ഭാ​വ​മാ​ണു​ണ്ടാ​യി​രു​ന്ന​ത്. ജാ​തി​ധ​ർ​മ​വാ​ദി​ക​ളാ​യ ദേ​ശീ​യ സ​നാ​ത​നി​ക​ളി​ൽ​നി​ന്ന് നേ​രി​ടേ​ണ്ടി​വ​ന്ന പ​രു​ക്ക​ൻ ജീ​വി​താ​നു​ഭ​വ​ങ്ങ​ൾ ദ​ലി​ത​രെ അ​തി​ൽ​നി​ന്ന​ക​റ്റി.

പ​​ക്ഷേ, പൊ​രു​ത്ത​പ്പെ​ടാ​നാ​കാ​ത്ത വി​ശ്വാ​സ​ങ്ങ​ൾ​ക്കും ശ​ക്തി​ക​ൾ​ക്കും ഒ​ന്നി​ച്ചു നീ​ങ്ങേ​ണ്ട ഗ​തി​കേ​ടു​കാ​രാ​യി​രു​ന്നു അ​വ​ർ. അം​ബേ​ദ്ക​ർ​ക്കും ആ ​വ​ഴി നീ​ങ്ങേ​ണ്ടി​വ​ന്നു. കോ​ൺ​ഗ്ര​സു​മാ​യി സ​ഹ​ക​രി​ക്കാ​തെ ഒ​റ്റ​പ്പെ​ട്ട് നി​ൽ​ക്ക​ൽ അ​സാ​ധ്യ​മാ​യി​രു​ന്നു അ​ന്ന്.

ഗാ​ന്ധി​ക്കും നെ​ഹ്റു​വി​നും ദേ​ശീ​യ പ്ര​സ്ഥാ​ന​ത്തി​ന്റെ നേ​തൃ​സ്ഥാ​ന​ത്തേ​ക്കു​യ​രാ​ൻ അ​ത്യ​ധ്വാ​നം ചെ​യ്യേ​ണ്ടി വ​ന്നി​ല്ല. അ​ത് സ്വാ​ഭാ​വി​ക​മാ​യ​ങ്ങ് സം​ഭ​വി​ച്ചു. അം​ബേ​ദ്ക​ർ​ക്ക് പ​ക്ഷേ, ആ ​ആ​നു​കൂ​ല്യം ല​ഭ്യ​മാ​യി​ല്ല. മാ​ത്ര​മ​ല്ല, മി​ക്ക സ​ന്ദ​ർ​ഭ​ങ്ങ​ളി​ലും ദേ​ശീ​യ​വാ​ദി​ക​ളു​ടെ കു​തി​കാ​ൽ​വെ​ട്ടി​ന് ഇ​ര​യാ​വു​ക​യും ചെ​യ്തു. പു​ണെ ഉ​ട​മ്പ​ടി മു​ത​ൽ ഹി​ന്ദു കോ​ഡ് ബി​ൽ വ​രെ എ​ത്ര​യോ ഉ​ദാ​ഹ​ര​ണ​ങ്ങ​ൾ.

എ​ന്നാ​ൽ കി​ട്ടി​യ അ​വ​സ​ര​ങ്ങ​ളി​ലെ​ല്ലാം അ​ദ്ദേ​ഹം ദ​ലി​ത് സ​മൂ​ഹ​ത്തി​ന്റെ ആ​വ​ശ്യ​ങ്ങ​ൾ അ​തി​ശ​ക്ത​മാ​യി ഉ​യ​ർ​ത്തി. പ​ട്ടി​ക​ജാ​തി​ക്കാ​ർ​ക്കും ഇ​ത​ര മ​ത വി​ഭാ​ഗ​ങ്ങ​ൾ​ക്കും പ്ര​ത്യേ​ക നി​യോ​ജ​ക മ​ണ്ഡ​ല​ങ്ങ​ളും സം​വ​ര​ണ​വും വേ​ണ​മെ​ന്ന ആ​വ​ശ്യം 1919ൽ ​ത​ന്നെ അം​ബേ​ദ്ക​ർ ഉ​ന്ന​യി​ച്ചു. സൈ​മ​ൺ ക​മീ​ഷ​ന്റെ ഭാ​ഗ​മാ​യ അ​ദ്ദേ​ഹം 1925ൽ​ത​ന്നെ ഭാ​വി ഇ​ന്ത്യ​ൻ ഭ​ര​ണ​ഘ​ട​ന​ക്കു വേ​ണ്ടി​യു​ള്ള നി​ർ​ദേ​ശ​ങ്ങ​ൾ സ​മ​ർ​പ്പി​ച്ചു.

പ​ക്ഷേ, ദേ​ശീ​യ പ്ര​സ്ഥാ​ന​ത്തി​ന്റെ ഉ​ച്ച​നേ​ര​ത്തും ല​ണ്ട​നി​ൽ​നി​ന്ന് തി​രി​ച്ചു​വ​ന്ന അം​ബേ​ദ്ക​ർ കു​ടും​ബം പു​ല​ർ​ത്താ​നാ​യി ട്യൂ​ഷ​ൻ മാ​സ്റ്റ​റാ​യും ക​ണ​ക്കെ​ഴു​ത്തു​കാ​ര​നാ​യു​മൊ​ക്കെ ജോ​ലി ചെ​യ്യേ​ണ്ട അ​വ​സ്ഥ​യി​ലാ​യി​രു​ന്നു. ഒ​രു സാ​മ്പ​ത്തി​കോ​പ​ദേ​ശ സ്ഥാ​പ​നം തു​ട​ങ്ങി​യെ​ങ്കി​ലും ന​ട​ത്തി​പ്പു​കാ​ര​ൻ തൊ​ട്ടു​കൂ​ടാ​ത്ത​വ​നാ​ണെ​ന്ന് അ​റി​ഞ്ഞ​തോ​ടെ ഇ​ട​പാ​ടു​കാ​ർ കൈ​യൊ​ഴി​ഞ്ഞു. അ​ധ്യാ​പ​ക​നാ​യ​പ്പോ​ൾ ഒ​രേ കൂ​ജ​യി​ൽ​നി​ന്ന് വെ​ള്ളം കു​ടി​ക്കാ​ൻ സ​ഹാ​ധ്യാ​പ​ക​ർ വി​സ​മ്മ​തി​ച്ചു.

ആ​ർ​ക്കു​മി​ല്ലാ​ത്ത ബി​രു​ദ​ങ്ങ​ൾ കൈ​യി​ലു​ണ്ടാ​യി​ട്ടും തീ​ണ്ട​ൽ ജാ​തി​ക്കാ​ര​ൻ എ​ന്ന ഒ​റ്റ​ക്കാ​ര​ണ​ത്താ​ൽ എ​ല്ലാ​യി​ട​ത്തു​നി​ന്നും മാ​റ്റി​നി​ർ​ത്ത​പ്പെ​ടു​ക. അ​ങ്ങ​നെ​യൊ​ര​വ​സ്ഥ​യി​ൽ പ്ര​സ്ഥാ​ന​പ്പൊ​തു​വ​ഴി​യി​ൽ മാ​ത്രം സ​ഞ്ച​രി​ക്കു​ക എ​ന്ന​ത് അ​ദ്ദേ​ഹ​ത്തി​ന്റെ ബാ​ധ്യ​ത​യേ അ​ല്ലാ​യി​രു​ന്നു.

ബു​ദ്ധി​ജീ​വി​ക​ളി​ലെ ഒ​ന്നാം പേ​രു​കാ​ര​ൻ

ആ​ധു​നി​ക ഇ​ന്ത്യ​യി​ൽ ബു​ദ്ധി​ജീ​വി എ​ന്നോ സൈ​ദ്ധാ​ന്തി​ക​നെ​ന്നോ ആ​രെ​യെ​ങ്കി​ലു​മൊ​ക്കെ വി​ളി​ക്കു​ന്നു​ണ്ടെ​ങ്കി​ൽ അ​തി​ൽ ഒ​ന്നാം പേ​രു​കാ​ര​നാ​കാ​ൻ അ​ർ​ഹ​ത അം​ബേ​ദ്ക​ർ​ക്ക് മാ​ത്ര​മാ​ണ്. ജ​ന​മ​ധ്യ​ത്തി​ൽ​നി​ന്ന് പോ​രാ​ട്ട​ങ്ങ​ൾ ന​യി​ക്കു​മ്പോ​ഴും അ​ദ്ദേ​ഹ​ത്തി​ന്റെ മ​ന​സ്സ് ബൗ​ദ്ധി​ക സ​മ​ര​ങ്ങ​ളി​ലും ഏ​ർ​പ്പെ​ട്ടു​കൊ​ണ്ടേ​യി​രു​ന്നു. ‘ആ​രാ​യി​രു​ന്നു ശൂ​ദ്ര​ർ’ എ​ന്ന പ​ഠ​ന​ത്തി​നു പി​ന്നി​ലെ അ​ധ്വാ​നം അ​മ്പ​ര​പ്പി​ക്കു​ന്ന​താ​ണ്.

എ​ത്ര​യോ ഹി​ന്ദു പ്ര​മാ​ണ ഗ്ര​ന്ഥ​ങ്ങ​ളാ​ണ് അ​തി​ൽ പ​രാ​മ​ർ​ശി​ത​മാ​യി​രി​ക്കു​ന്ന​ത്. ത​ന്റെ വാ​ദ​ങ്ങ​ൾ സ്ഥാ​പി​ക്കാ​ൻ ആ​ന്ത്ര​പ്പോ​ള​ജി അ​ട​ക്കം എ​ത്ര മേ​ഖ​ല​ക​ളെ​യാ​ണ് ആ​ശ്ര​യി​ച്ചി​രി​ക്കു​ന്ന​ത്. ഇ​താ​ണ് ദ​ലി​ത​ന്റെ ഗ​തി​കേ​ട്. ത​ങ്ങ​ളു​ടെ ദു​ര​വ​സ്ഥ​ക്ക് കാ​ര​ണ​മാ​യ ഗ്ര​ന്ഥ​ങ്ങ​ളെ പു​ഴു​ക്കു​ത്തു​ക​ള​ട​ക്കം വ്യാ​ഖ്യാ​നി​ക്കേ​ണ്ട അ​വ​സ്ഥ.

ഇ​ന്ത്യ ച​രി​ത്ര​ത്തി​ൽ ആ​ഴ​ത്തി​ലു​ള്ള പ​ഠ​ന​ങ്ങ​ൾ, ഹി​ന്ദു പ്ര​മാ​ണ​ഗ്ര​ന്ഥ​ങ്ങ​ളെ​ക്കു​റി​ച്ച ഖ​ണ്ഡ​ന വി​മ​ർ​ശ​ന​ങ്ങ​ൾ, ഇ​ന്ത്യ​ൻ ഭ​ര​ണ​ഘ​ട​ന​യെ​ക്കു​റി​ച്ച അ​തീ​വ ഗൗ​ര​വ ച​ർ​ച്ച​ക​ൾ, ദേ​ശീ​യ പ്ര​സ്ഥാ​ന സം​ബ​ന്ധി​യാ​യ മൂ​ർ​ച്ച​യേ​റി​യ അ​ഭി​പ്രാ​യ​ങ്ങ​ൾ, പാ​കി​സ്താ​ൻ രൂ​പ​വ​ത്ക​ര​ണ​ത്തെ​ക്കു​റി​ച്ച നി​ല​പാ​ടു​ക​ൾ ഒ​ക്കെ അം​ബേ​ദ്ക​ർ കൈ​കാ​ര്യം ചെ​യ്ത അ​നേ​കം ത​ല​ക്കെ​ട്ടു​ക​ളി​ൽ പ്ര​ധാ​ന​പ്പെ​ട്ട ചി​ല​തു മാ​ത്ര​മാ​ണ്.

പു​തി​യൊ​രു വീ​ട്ടി​ൽ താ​മ​സ​മാ​കു​മ്പോ​ൾ അ​ദ്ദേ​ഹ​ത്തെ അ​നു​ഗ​മി​ച്ച​ത് അ​ര​ല​ക്ഷം പു​സ്ത​ക​ങ്ങ​ളാ​ണ്. വി​ദേ​ശ​പ​ഠ​ന കാ​ല​ത്തെ പു​സ്ത​ക​ങ്ങ​ള​ത്ര​യും ക​ട​ലി​ൽ മു​ങ്ങി​പ്പോ​യ​തി​നു​ശേ​ഷ​മു​ള്ള​താ​​ണവയെന്നും ഓ​ർ​ക്ക​ണം. പ​ഠ​ന​ങ്ങ​ളും ധൈ​ഷ​ണി​ക വ്യാ​പാ​ര​ങ്ങ​ളും എ​ഴു​ത്തും അ​ദ്ദേ​ഹ​ത്തി​ന് ഒ​ഴി​വാ​ക്കാ​ൻ പ​റ്റു​മാ​യി​രു​ന്നി​ല്ല.

സം​ഘ​ട​ന സ്ഥാ​പി​ക്കു​ന്ന​തി​നു​ള്ള അ​ദ്ദേ​ഹ​ത്തി​ന്റെ സ​മ​യം അ​പ​ഹ​രി​ച്ച​തും അ​താ​ണ്. എ​ന്നാ​ൽ, ആ ​അം​ബേ​ദ്ക​ർ സാ​ഹി​ത്യ​ത്തി​ന്റെ അ​ടി​ത്ത​റ​യു​ടെ ബ​ല​ത്തി​ലാ​ണ് ഇ​ന്ന​ത്തെ ദ​ലി​ത് മു​ന്നേ​റ്റ​ങ്ങ​ൾ ഉ​യ​ർ​ന്നു​വ​രു​ന്ന​ത്.

ആ ​ജീ​വി​താ​ന്ത്യ​ത്തി​ന് ശേ​ഷം അ​തൊ​ക്കെ​യും മ​റ​ച്ചു​വെ​ക്ക​പ്പെ​ടു​ക​യെ​ന്ന സ്വാ​ഭാ​വി​ക നീ​തി​കേ​ടി​ന് അ​ദ്ദേ​ഹ​വും ഇ​ര​യാ​യി. അം​ബേ​ദ്ക​ർ തു​ട​ർ​ന്നും ച​ർ​ച്ച ചെ​യ്യ​പ്പെ​ടു​ന്ന​തി​ൽ നെ​ഹ്റു​വും കോ​ൺ​ഗ്ര​സും ഒ​രു താ​ൽ​പ​ര്യ​വു​മെ​ടു​ത്തി​ല്ല. നി​ർ​ണാ​യ​ക ബൗ​ദ്ധി​ക സ്ഥാ​ന​ങ്ങ​ൾ സ്വ​ന്ത​മാ​ക്കി​യ ഇ​ട​ത് ബു​ദ്ധി​ജീ​വി​ക​ൾ​ക്കും അം​ബേ​ദ്ക​ർ തൊ​ട്ടു​കൂ​ടാ​ത്ത​വ​നാ​യി​രു​ന്ന​ല്ലോ.

പാ​ഠ​പു​സ്ത​ക​സ​മി​തി​ക​ളി​ലെ സ്ഥാ​നി​ക​ൾ അം​ബേ​ദ്ക​റു​ടെ ര​ച​ന​ക​ൾ വി​ദ്യാ​ർ​ഥി​ക​ളി​ലേ​ക്ക് എ​ത്താ​തി​രി​ക്കാ​ൻ പ്ര​ത്യേ​ക ശ്ര​ദ്ധ​വെ​ക്കു​ക​യും ചെ​യ്തു. 1980ക​ളു​ടെ അ​വ​സാ​ന​ത്തോ​ടെ ദ​ലി​ത് പി​ന്നാ​ക്ക രാ​ഷ്ട്രീ​യ​വും മു​ന്നേ​റ്റ​ങ്ങ​ളും സ​ജീ​വ​മാ​കു​ന്ന​തു​വ​രെ ആ ​നി​ല തു​ട​രു​ക​യും ചെ​യ്തു.

ഇ​ന്നും ജാ​തി ഉ​ന്മൂ​ല​ന​വും മ​റ്റ് പു​സ്ത​ക​ങ്ങ​ളും വാ​യി​ക്കാ​തെ​ത​ന്നെ ഒ​രു വി​ദ്യാ​ർ​ഥി​ക്ക് സാ​മൂ​ഹി​ക ശാ​സ്ത്ര വി​ഷ​യ​ങ്ങ​ളി​ൽ ഉ​ന്ന​ത ബി​രു​ദ​ങ്ങ​ൾ സ്വ​ന്ത​മാ​കു​ന്ന അ​വ​സ്ഥ തു​ട​രു​ന്നു. അ​ന്ന​ത്തെ ജീ​വി​താ​വ​സ്ഥ​ക​ൾ ഇ​ന്ന് നി​ല​വി​ലി​ല്ലാ​ത്ത​തു​കൊ​ണ്ട് അ​വ​ക്ക് പ്ര​സ​ക്തി​യി​ല്ലെ​ന്ന ‘നി​ഷ്ക​ള​ങ്ക’ വാ​ദ​മാ​ണ് പ​റ​യു​ന്ന​ത്.

പ​ക്ഷേ, സ്കൂ​ൾ​ത​ലം മു​ത​ൽ അം​ബേ​ദ്ക​ർ സാ​ഹി​ത്യം വി​ദ്യാ​ർ​ഥി​ക​ൾ പ​ഠി​ക്കു​ന്നു​ണ്ട് എ​ന്ന​ത് ഉ​റ​പ്പാ​ക്കേ​ണ്ട​ത് ന​മ്മു​ടെ ബാ​ധ്യ​ത​യും ക​ട​മ​യു​മാ​ണ്. പ്ര​ത്യ​ക്ഷ അ​യി​ത്തം പ​ല മേ​ഖ​ല​ക​ളി​ൽ നി​ന്നും അ​പ്ര​ത്യ​ക്ഷ​മാ​യി​ട്ടു​ണ്ടാ​കാം. പ​ക്ഷേ അ​തി​ന്റെ അ​രൂ​പ അ​വ​താ​ര​ങ്ങ​ളു​ടെ അ​തി​ക്ര​മ​ത്തി​ന് ബാ​ബാ സാ​ഹേ​ബ​ട​ക്കം ഇ​ര​ക​ളാ​യി തു​ട​രു​ക​യും ചെ​യ്യു​ന്നു.

അം​ബേ​ദ്ക​റെ​ക്കു​റി​ച്ച എ​ക്കാ​ല​ത്തെ​യും വ​ലി​യ വി​മ​ർ​ശം അ​ദ്ദേ​ഹം ത​ന്റെ പോ​രാ​ട്ട​ങ്ങ​ൾ​ക്ക് സം​ഘ​ട​ന രൂ​പം ന​ൽ​കി​യി​ല്ലെ​ന്ന​താ​ണ്. ബൗ​ദ്ധി​ക​മാ​യ പ്ര​വ​ർ​ത്ത​ന​ങ്ങ​ളി​ൽ മു​ഴു​കു​മ്പോ​ഴും ദ​ലി​ത് അ​വ​കാ​ശ​ങ്ങ​ൾ​ക്കാ​യി തെ​രു​വി​ലെ പോ​രാ​ട്ട​ങ്ങ​ളും ബാ​ബാ സാ​ഹേ​ബ് ന​യി​ച്ചു​കൊ​ണ്ടേ​യി​രു​ന്നു. ജ​ന​ങ്ങ​ൾ​ക്ക് പൊ​തു​കി​ണ​റി​ൽ​നി​ന്ന് വെ​ള്ള​മെ​ടു​ക്കാ​ൻ, സ്കൂ​ൾ പ്ര​വേ​ശ​ന​ത്തി​ന്, ക്ഷേ​ത്ര​പ്ര​വേ​ശ​ന​ത്തി​ന് ഒ​ക്കെ നി​ര​വ​ധി സ​മ​ര​ങ്ങ​ൾ.

പൊ​തു​കി​ണ​റി​ൽ​നി​ന്ന് വെ​ള്ള​മെ​ടു​ക്കാ​നു​ള്ള അ​വ​കാ​ശ​ത്തി​നാ​യി​വ​രെ സ​മ​രം ന​യി​ക്കേ​ണ്ടി വ​രു​ന്ന, സാ​മ്പ​ത്തി​ക പി​ൻ​ബ​ല​മി​ല്ലാ​ത്ത ഒ​രു നേ​താ​വി​ന് അ​ഖി​ലേ​ന്ത്യാ പ്ര​സ്ഥാ​നം കെ​ട്ടി​പ്പ​ടു​ക്കു​ക അ​സാ​ധ്യ​മാ​യി​രു​ന്നു. സ്വാ​ത​ന്ത്ര്യ സ​മ​ര​ത്തി​ന്റെ നി​ർ​ണാ​യ​ക സ​ന്ധി​ക​ളി​ൽ ത​നി​ക്കും ജ​ന​ത​ക്കും പ്രാ​തി​നി​ധ്യം ഉ​റ​പ്പാ​ക്കേ​ണ്ട ബാ​ധ്യ​ത ബാ​ബാ സാ​ഹേ​ബി​നു​ണ്ടാ​യി​രു​ന്നു.

കോ​ൺ​ഗ്ര​സി​നെ ആ​ശ്ര​യി​ക്കാ​ൻ മ​ടി​ക്കു​മ്പോ​ഴും ഭ​ര​ണ​ഘ​ട​ന നി​ർ​മാ​ണ​സ​ഭ​യി​ൽ യോ​ജി​ച്ചു പോ​കാ​ൻ ത​യാ​റാ​ണെ​ന്ന് ഗാ​ന്ധി​യോ​ട് അ​റി​യി​ക്കേ​ണ്ടി​വ​രു​ന്ന​ത് അ​തി​നാ​ലാ​ണ്.

സ്വ​ത​ന്ത്ര ഇ​ന്ത്യ​യി​ൽ ത​നി​ക്കും ദ​ലി​ത് വി​ഭാ​ഗ​ങ്ങ​ൾ​ക്കും നേ​രി​ട്ട വ​ഞ്ച​നാ​പ​ര​മാ​യ ഭ​ര​ണ​കൂ​ട സ​മീ​പ​ന​ത്തെ​ക്കു​റി​ച്ച്, പാ​ർ​ല​മെ​ന്റി​ൽ ച​ർ​ച്ച ചെ​യ്യാ​ൻ സ്പീ​ക്ക​ർ അ​നു​വ​ദി​ക്കാ​തി​രു​ന്ന രാ​ജി പ്ര​ഖ്യാ​പ​ന പ്ര​സം​ഗ​ത്തി​ൽ അം​ബേ​ദ്ക​ർ പ​റ​യു​ന്നു​ണ്ട്. സ്വാ​ത​ന്ത്ര്യ​ത്തി​നു​ശേ​ഷ​വും 429 ജാ​തി​ക​ളി​ൽ​പെ​ട്ട കോ​ടി​ക്ക​ണ​ക്ക് ദ​ലി​ത​ർ ഹി​ന്ദു​മ​ത​ത്തി​ലെ അ​സ്പൃ​ശ്യ​രാ​യി​ത്ത​ന്നെ തു​ട​രു​ന്ന അ​വ​സ്ഥ.

അ​വ​ർ​ക്ക് നി​യ​മ​പ​ര​മാ​യ ഒ​രു ച​ട്ട​ക്കൂ​ട്ടി​ൽ ആ ​മ​ത​ത്തി​ൽ തു​ല്യ​ത നേ​ടി​ക്കൊ​ടു​ക്കാ​നു​ള്ള ശ്ര​മം കൂ​ടി​യാ​യി​രു​ന്നു ഹി​ന്ദു കോ​ഡ് ബി​ൽ. എ​ന്നാ​ൽ നെ​ഹ്റു​വും കോ​ൺ​ഗ്ര​സും നി​ർ​ണാ​യ​ക ഘ​ട്ട​ത്തി​ൽ പി​ൻ​വ​ലി​ഞ്ഞ​തി​നാ​ൽ ആ ​ശ്ര​മം പ​രാ​ജ​യ​പ്പെ​ട്ടു. ത​ങ്ങ​ൾ​ക്ക് ഭ​ര​ണ​ഘ​ട​ന ഉ​റ​പ്പു ന​ൽ​കു​ന്ന സം​വ​ര​ണം ല​ഭി​ച്ചി​ട്ടി​ല്ലെ​ന്ന് ഭ​ര​ണ​ഘ​ട​ന ശി​ൽ​പി​ത​ന്നെ വി​ളി​ച്ചു പ​റ​യു​ന്ന അ​വ​സ്ഥ അ​ന്നു​ത​ന്നെ​യു​ണ്ടാ​യി.

സ​വ​ർ​ണ​ഹി​ന്ദു​ക്ക​ളു​ടെ അ​തി​ക്ര​മ​വും ദ​ലി​ത​രു​ടെ പ​രാ​തി​ക​ൾ പൊ​ലീ​സ് സ്വീ​ക​രി​ക്കാ​ത്ത അ​വ​സ്ഥ​യും സ്വ​ത​ന്ത്ര ജ​നാ​ധി​പ​ത്യ ഇ​ന്ത്യ​യി​ലും തു​ട​ർ​ന്ന​തും അ​തി​നോ​ടു​ള്ള ഭ​ര​ണ​കൂ​ട​ത്തി​ന്റെ ഉ​ദാ​സീ​ന സ​മീ​പ​ന​വും അ​ദ്ദേ​ഹ​ത്തെ ക്ഷു​ഭി​ത​നാ​ക്കി. മ​ന്ത്രി​സ്ഥാ​ന​വും ഭ​ര​ണ​കൂ​ട സൗ​ഹൃ​ദ​വും ഉ​പേ​ക്ഷി​ക്കു​ക​യെ​ന്ന സ​മ​ര​പ്ര​ഖ്യാ​പ​ന​മ​ല്ലാ​തെ മ​റ്റ് വ​ഴി​ക​ൾ ഉ​ണ്ടാ​യി​രു​ന്നി​ല്ല.

ആ ​സ​മ​ര​വ​ഴി​ക​ളി​ലൂ​ടെ ന​ട​ക്കേ​ണ്ട അ​വ​സ്ഥ​യി​ൽ ഇ​ന്ത്യ​യി​ലെ ദ​ലി​ത് സ​മൂ​ഹ​ങ്ങ​ൾ തു​ട​രു​മ്പോ​ൾ ബാ​ബാ സാ​ഹേ​ബ് അ ​ല്ലാ​തെ മ​റ്റൊ​രു നേ​തൃ​ബിം​ബ​വും മു​ന്നി​ലി​ല്ല.

സാ​മാ​ന്യ പൗ​ര​സ്വാ​ത​ന്ത്ര്യ​വും സ​മ​ത്വ​വും ഉ​റ​പ്പു​ന​ൽ​കു​ന്ന ഒ​രു ഭ​ര​ണ​ഘ​ട​ന ന​മു​ക്ക് ഉ​റ​പ്പാ​ക്കി​യ​ത് അം​ബേ​ദ്ക​റാ​ണ്. വ​ലി​യ വി​മ​ർ​ശ​ന​ങ്ങ​ൾ ഉ​യ​ർ​ത്തു​മ്പോ​ഴും അ​ത് ഉ​റ​പ്പു ന​ൽ​കു​ന്ന അ​വ​കാ​ശ​ങ്ങ​ൾ നേ​ടി​യെ​ടു​ക്കാ​നും മ​താ​ധി​ഷ്ഠി​ത രാ​ജ്യ​സൃ​ഷ്ടി​യെ ത​ടു​ക്കാ​നു​മു​ള്ള പോ​രാ​ട്ട​ങ്ങ​ൾ വ​ലി​യ രീ​തി​യി​ൽ വേ​ണ്ടി​വ​ന്നി​രി​ക്കു​ന്ന ഇ​ക്കാ​ല​ത്ത് ആ ​ഭ​ര​ണ​ഘ​ട​ന സം​ര​ക്ഷി​ക്ക​പ്പെ​ടേ​ണ്ട​തു​ണ്ട്. തീ​ർ​ച്ച​യാ​യും അം​ബേ​ദ്ക​ർ​ക്ക് ഉ​ത്ത​രം ന​ൽ​കേ​ണ്ട ബാ​ധ്യ​ത ന​മു​ക്കു​ണ്ട്.