ചെന്നൈ: പ്രൈം വോളിബാള്‍ ലീഗ് മത്സരത്തിൽ മുംബൈ മിറ്റിയോഴ്‌സിനെതിരെ ഹൈദരാബാദ്‌ ബ്ലാക്‌ഹോക്‌സിന്‌ ആവേശ ജയം. ചെന്നൈ ജവഹര്‍ലാല്‍ നെഹ്‌റു ഇന്‍ഡോര്‍ സ്‌റ്റേഡിയത്തില്‍ നടന്ന കളിയിൽ അഞ്ച്‌ സെറ്റ്‌ നീണ്ട ത്രില്ലറിലായിരുന്നു ഹൈദരാബാദിന്റെ വിജയം. ആദ്യ രണ്ട്‌ സെറ്റ്‌ നഷ്ടമായ ശേഷമായിരുന്നു തിരിച്ചുവരവ്‌. ഇഞ്ചോടിഞ്ച് അഞ്ചാം സെറ്റിൽ 20-18നായിരുന്നു ജയം. സ്‌കോർ: 7-15, 12-15, 15-10, 15-11, 20-18). ഹൈദരാബാദിന്റെ അഷ്‌മത്തുല്ലയാണ്‌ കളിയിലെ താരം.
സീസണിൽ ഹൈദരാബാദിന്റെ ആദ്യ ജയമാണിത്. ആദ്യ കളിയിൽ ഇവർ ചെന്നൈ ബ്ലിറ്റ്‌സിനോട്‌ തോറ്റിരുന്നു. മുംബൈ സീസണിലെ ആദ്യ തോൽവിയും ഏറ്റുവാങ്ങി. ഇന്ന് വൈകീട്ട് 6.30ന് നടക്കുന്ന മത്സരത്തില്‍ ചെന്നൈ ബ്ലിറ്റ്‌സ് കൊച്ചി ബ്ലൂ സ്‌പൈക്കേഴ്‌സിനെ നേരിടും. ആദ്യ കളിയിൽ കാലിക്കറ്റ്‌ ഹീറോസിനോട്‌ കൊച്ചി തോറ്റിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.