ഗെയിമിങ്​ ഫോണുകളിലെ രാജാവ്​ 'അസ്യൂസ്​ റോഗ്​ ഫോൺ 5' ലോഞ്ച്​ ചെയ്​തു; വില 49,999 രൂപ മുതൽ

ഗെയിമിങ്ങിന്​ പ്രാധാന്യം നൽകി തായ്​വാനീസ്​ കമ്പനി അസ്യൂസ്​ നിർമിക്കുന്ന റോഗ്​ ഫോൺ സീരീസിലെ പുതിയ അവതാരം ഇന്ന്​ ലോഞ്ച്​ ചെയ്​തു.​ റോഗ്​ ഫോൺ 3-ന്‍റെ വൻ വിജയത്തിന്​ ശേഷം റോഗ്​ ഫോൺ 5 സീരീസാണ്​​ ആഗോളതലത്തിൽ അവതരിപ്പിച്ചിരിക്കുന്നത്​​. റോഗ്​ഫോൺ 5, റോഗ്​​ഫോൺ 5 പ്രോ, ​റോഗ്​ഫോൺ 5 അൾട്ടിമേറ്റ്​ എന്നീ മോഡലുകളാണ്​ ലോഞ്ച്​ ചെയ്​തത്​. 6.78 ഇഞ്ചുള്ള ഫുൾ എച്ച്​.ഡി അമോലെഡ്​ ഡിസ്​പ്ലേയോടെ എത്തുന്ന ഫോണിന് മികച്ച ഗെയിമിങ്​ അനുഭവമേകാനായി​ 144Hz റിഫ്രഷ്​ റേറ്റും 300Hz ടച്ച്​ സാംപ്ലിങ്​ റേറ്റും കമ്പനി നൽകിയിട്ടുണ്ട്​.​ 24.3ms ടച്ച്​ ലേറ്റൻസി കൂടി ചേരുന്നതോടെ ഒരു ലക്ഷണമൊത്ത ഗെയിമിങ്​ ഡിസ്​പ്ലേയുള്ള ഫോണായി റോഗ്​ഫോണിനെ പരിഗണിക്കാൻ സാധിച്ചേക്കും.

ക്വാൽകോം സ്​നാപ്​ഡ്രാഗൺ 888 5ജി എന്ന ഫ്ലാഗ്​ഷിപ്പ്​ പ്രൊസസറാണ്​ റോഗ്​ഫോൺ 5ന്​ കരുത്തുപകരുന്നത്​. ഗ്രാഫിക്​സിനായി അഡ്രിനോ 660 ജിപിയു ആണ്​ ഈ ചിപ്​സെറ്റ്​ ഉപയോഗിക്കുന്നത്​. മികച്ച പ്രകടനവും കൂളിങ്ങും സമ്മാനിക്കുന്നതിനായി ചില പൊടിക്കൈകൾ അസ്യൂസ്​ റോഗ്​ഫോൺ 5ൽ പ്രയോഗിച്ചിട്ടുണ്ട്​. വാപ്പർ ചേമ്പറിന്‍റെ സ്ഥാനം മാറ്റിയതും ആക്​ടീവ്​ കൂളിങ്ങിനായി ഏറോ ആക്​ടീവ്​ കൂളർ 5 ഉപയോഗിക്കുന്നതും അതിന്‍റെ ഭാഗമായിട്ടാണ്​.

DIRAC ട്യൂൺ ചെയ്​ത ഇരട്ട ഫ്രണ്ട്​-ഫേസിങ്​ ഡ്യുവൽ സ്​പീക്കറുകളും ഗെയിമിങ്​ അനുഭവം ഗംഭീരമാക്കും. വയേർഡ്​ ഹെഡ്​സെറ്റ്​ ഉപയോഗിക്കുന്നവർക്കായി 3.5 എംഎം ഹെഡ്​ഫോൺ ജാക്കും അസ്യൂസ്​ ഫോണിൽ ഉൾപ്പെടുത്തിയിട്ടുണ്ട്​. സെൻഫോൺ 7 പ്രോയിൽ ഉപയോഗിച്ച അതേ 64MP ട്രിപിൾ കാമറ സെറ്റപ്പാണ്​ റോഗ്​ഫോണിൽ അസ്യൂസ്​ ഉപയോഗിച്ചിരിക്കുന്നത്​. 64MP-യുടെ സോണി IMX686 പ്രൈമറി സെൻസർ, 13MP അൾട്രാ വൈഡ്​ ലെൻസ്​, 5MP മാക്രോ കാമറ, സെൽഫിക്കായി 24MP മുൻകാമറ എന്നിവയാണ്​ പ്രത്യേകതകൾ.

6000mAh ഉള്ള ഡ്യുവൽ സെൽ ബാറ്ററിയും അത്​ ചാർജ്​ ​​ചെയ്യാനായി 65W ഹൈപ്പർ ചാർജ്​ സംവിധാനവുമുണ്ട്​. 15 മിനിറ്റ്​ കൊണ്ട്​ 0 ശതമാനം ചാർജിൽ നിന്ന്​ 50 ശതമാനത്തിലേക്ക്​ കുതിക്കും എന്നതാണ്​ ഹൈപ്പർ ചാർജിന്‍റെ പ്രത്യേകത. എന്നാൽ, ഫോണിന്‍റെ ബോക്​സിൽ 30W ഉള്ള ഹൈപ്പർ ചാർജർ ആയിരിക്കും കമ്പനി നൽകുക. പതിവുപോലെ ഫോണിന്‍റെ സൈഡിലായിരിക്കും ചാർജ്​ ചെയ്യാനുള്ള യു.എസ്​.ബി ടൈപ്പ്​-സി പോർട്ട്​.

റോഗ്​ ഫോൺ സീരീസിന്‍റെ വില വിവരങ്ങൾ അറിയാം...

റോഗ്​ഫോൺ 5

• 8GB + 128GB – Rs. 49,999
  
• 12GB + 256GB – Rs. 57,999

റോഗ്​ഫോൺ 5 പ്രോ

• 16GB + 512GB – Rs. 69,999
  

റോഗ്​ഫോൺ 5 അൾടിമേറ്റ്​ൃൃ

• 18GB + 512GB – Rs. 79,999

ഫോണിന്‍റെ കൂടെ ചില അധിക ഉപകരണങ്ങളും അസ്യൂസ്​ വിപണിയിൽ എത്തിക്കും. റോഗ്​ഫോൺ 5 ലൈറ്റിങ്​ കേസ്​ (2,999 രൂപ), റോഗ്​ കുനായ്​ 3 ഗെയിംപാഡ്​ (9,999), ഏറോആക്​ടീവ്​ കൂളർ 5 (2,999), റോഗ്​ സെട്ര II കോർ ഹെഡ്​സെറ്റ്​ (4,599) എന്നിവയാണവ.