എ​ഴു​ത്തു​കാ​രു​ടെ ഇ​ടം ഒ​ട്ടും ഭ​ദ്ര​മ​ല്ല

മലയാളത്തി​ന്റെ കാവ്യലോകത്ത്​ വേറിട്ടവഴികളിലൂടെ, നിലപാടുകളിൽ ഉറച്ചുനിന്ന്​ മുന്നോട്ടുപോകുന്ന കവി കുരീപ്പുഴ ശ്രീകുമാർ 70ാം വയസ്സിലേക്ക്​ നീങ്ങുകയാണ്​. കവി ത​ന്റെ കാവ്യവഴികളെക്കുറിച്ചും നിലപാടുകളെക്കുറിച്ചും എഴുത്തിനെക്കുറിച്ചും കവികൂടിയായ ബാലഗോപാലൻ കാഞ്ഞങ്ങാടിനോട്​ സംസാരിക്കുന്നു.

മ​​ല​​യാ​​ള​​ത്തി​​​ന്റെ പ്രി​​യക​​വി ​​കു​​രീ​​പ്പു​​ഴ ശ്രീ​​കു​​മാ​​റി​​​ന്റെ ഇ​​തു​​വ​​രെ​​യു​​ള്ള​​ കാ​​വ്യയാ​​ത്ര​​യ​​ത്ര​​യും ത​​​ന്റെ ഉ​​റ​​ച്ച നി​​ല​​പാ​​ടു​​ക​​ളു​​ടെയും സ്വ​​യം ബോ​​ധ്യങ്ങ​​ളു​​ടെ​​യും അ​​ട​​യാ​​ള​​പ്പെ​​ടു​​ത്ത​​ലു​​ക​​ളാ​​ണ്.​​ കീ​​ഴാ​​ള ജ​​ന​​ത​​യു​​ടെ​​യും അ​​രി​​കുവ​​ത്കരി​​ക്ക​​പ്പെ​​ട്ട നി​​സ്വ​​ജ​​ന സ​​മൂ​​ഹ​​ത്തി​​​ന്റെയും വേ​​ദ​​ന​​യും ഉ​​ൾ​​ത്തു​​ടി​​പ്പു​​ക​​ളും ഇ​​ത്ര​​മേ​​ൽ ആ​​ഴ​​ത്തി​​ൽ കു​​റി​​ച്ച മ​​ല​​യാ​​ള​​ത്തി​​ലെ അ​​പൂ​​ർ​​വം ക​​വി​​ക​​ളി​​ലൊ​​രാ​​ളാ​​ണ് കു​​രീ​​പ്പു​​ഴ ശ്രീ​​കു​​മാ​​ർ. ക​​വി​​തകൊ​​ണ്ട് മു​​റി​​വേ​​റ്റ ഒ​​രാ​​ൾ. ‘കീ​​ഴാ​​ള​​നും’ ‘ജ​​സ്സി​​’യും ‘ഇ​​ഷ്ട​​മു​​ടി​​ക്കാ​​യ​​ലും’ ‘ഫാ​​ത്തി​​മ​​ തുരു​​ത്തു’മെ​​ല്ലാം മ​​ല​​യാ​​ള ക​​വി​​തയെ അ​​ട​​യാ​​ള​​പ്പെ​​ടു​​ത്തി​​യ ക​​വി​​ത​​യു​​ടെ തെ​​ളി​​ച്ച​​ത്തോ​​റ്റ​​ങ്ങ​​ളാ​​ണ്.​​ കു​​രീ​​പ്പു​​ഴ ശ്രീ​​കു​​മാ​​റു​​മാ​​യി യു​​വ​​ക​​വി ബാ​​ല​​ഗോ​​പാ​​ല​​ൻ കാ​​ഞ്ഞ​​ങ്ങാ​​ട് ന​​ട​​ത്തി​​യ സംഭാഷണത്ത​ി​ന്റെ പ്രസക്തഭാഗങ്ങളാണ്​ ചുവടെ:

താ​ങ്ക​ളു​ടെ ബാ​ല്യ​കാ​ല​വും അ​ന്ന് നി​ലനി​ന്നി​രു​ന്ന സാ​മൂ​ഹിക അ​വ​സ്ഥ​യും താ​ങ്ക​ളു​ടെ എ​ഴു​ത്തി​നെ എങ്ങനെ രൂ​പ​പ്പെ​ടു​ത്തി? എ​ഴു​ത്തി​ല്‍ ആ​രെ​ങ്കി​ലും പ്ര​ത്യേ​കി​ച്ച് സ്വാ​ധീ​നി​ച്ചി​ട്ടു​ണ്ടോ?

ഇ​ട​പ്പ​ള്ളി രാ​ഘ​വ​ന്‍ പി​ള്ള​യെ സം​സ്‌​ക​രി​ച്ച​ത് ഞാ​ന്‍ പ​ഠി​ച്ച സ്‌​കൂളി​ന​ടു​ത്തു​ള്ള ശ്മ​ശാ​ന​ത്തി​ലാ​ണ്. ആ ​ഇ​ടം കു​ട്ട​ന്‍ നാ​യ​ര്‍ എ​ന്ന ശ്മ​ശാ​ന​പാ​ല​ക​ന്‍ ചൂ​ണ്ടി​ക്കാ​ട്ടി​ത്ത​ന്ന​പ്പോ​ള്‍ ഒ​രു മി​ന്ന​ല്‍പ്പി​ണ​ര്‍ മ​ന​സ്സി​ലൂ​ടെ ക​ട​ന്നുപോ​യി​രു​ന്നു. അ​ഷ്ട​മു​ടി​ക്കാ​യ​ലോ​രം, ക​ര​ടി​പ്പാ​ട്ട് അ​ട​ക്ക​മു​ള്ള നാ​ട്ടു​ക​വി​ത​ക​ളാ​ല്‍ സ​മൃ​ദ്ധ​മാ​ണ്. മീ​ന്‍പി​ടിത്ത​ക്കാ​രു​ടെ താ​ള​വും ക​യ​ര്‍ തൊ​ഴി​ലാ​ളി​ക​ളു​ടെ വേ​ദ​ന​ക​ളും എ​ല്ലാം ഒ​രു കാ​വ്യ​മേ​ഖ​ല ഒ​രു​ക്കി​ത്ത​ന്നി​ട്ടു​ണ്ട്. മാ​റു​മ​റ​യ്ക്കാ​ന്‍ വേ​ണ്ടി ര​ക്ത​സാ​ക്ഷി​ത്വം വ​രി​ച്ച നാ​ടാ​ണ് ഇത്​. മു​മ്പേ പോ​യ ക​വി​ക​ളെ​ല്ലാ​വ​രും ആ ​കു​ട്ടി​ക്ക് ഓ​രോ ചെ​റി​പ്പ​ഴം നീ​ട്ടി​യി​ട്ടു​ണ്ട്.

വി​ദ്യാ​ഭ്യാ​സ കാ​ല​വും താ​ങ്ക​ളെ സ്വാ​ധീ​നി​ച്ച സാ​മൂ​ഹി​ക, രാ​ഷ്ട്രീ​യ അ​നു​ഭ​വ​ങ്ങ​ളും ഓ​ർമ​യി​ല്‍ തെ​ളി​യു​ന്നു​ണ്ടോ?

ആ​റാം ക്ലാസി​ല്‍ ​െവ​ച്ചാ​ണ് ആ​ദ്യ​ക​വി​ത തോ​ന്നി​യ​ത്. അ​ത് കു​യി​ലെ​ടു​ത്തു. ചി​ല​പ്പോ​ഴൊ​ക്കെ കു​യി​ല​മ്മ അ​തി​പ്പോ​ഴും ചൊ​ല്ലി​ക്കേ​ള്‍പ്പി​ക്കാ​റു​ണ്ട്. എ​ട്ടാം ക്ലാ​സിലെ വ​ത്സ​ല​ ടീ​ച്ച​റും ഭാ​നു​സാറും വി​വി​ധ താ​ള​ങ്ങ​ളു​ടെ കി​ളി​വാ​തി​ല്‍ തു​റ​ന്നു​ത​ന്നു. ഞാ​ന്‍ തെ​ന്നി​യും തെ​റി​ച്ചും ആ ​വ​ഴി​യൊ​ക്കെ സ​ഞ്ച​രി​ച്ചു. ക​മ്യൂണി​സ്റ്റ് കു​ടും​ബം. അ​വി​ടെ ​െവ​ച്ച് പ​രി​ച​യ​പ്പെ​ട്ട ദേ​ശീ​യ​ബോ​ധ​ത്തി​ന്റെ ക​ണ്ണി​ക​ളാ​യ നേ​താ​ജി​യും ഭ​ഗ​ത് സി​ങ്ങും. പി​ന്നെ അ​രാ​ഷ്ട്രീ​യ​ത​യു​ടെ രാ​ഷ്ട്രീ​യ​ക്കൊ​ടി. ബു​ദ്ധ​ന്‍ ത​ന്ന വി​സ്മ​യം. പി​ന്നെ ഹൃ​ദ​യ​പ​ക്ഷ​കൗ​തു​കം. കീ​ഴാ​ള​പ​ക്ഷ​ത്തി​ന്റെ സ്‌​നേ​ഹ​പാ​നീ​യം. അ​ങ്ങ​നെ​യൊ​രു സ​മാ​ന്ത​ര സാം​സ്‌​കാ​രി​ക പാ​ത. അ​ടി​യ​ന്ത​രാ​വ​സ്ഥ​ക്കെ​തി​രെ പ്ര​വ​ര്‍ത്തി​ച്ച​തും ഇ​ന്ദി​ര​ ഗാ​ന്ധി​യെ അ​നു​കൂ​ലി​ക്കു​ന്ന സ്ഥാ​നാ​ര്‍ഥി​ക്കെ​തി​രെ ആ​ദ്യ​വോ​ട്ട് ചെ​യ്ത​തും ഓ​ർമ​യി​ലെ ര​ക്ത​ലി​പി​ക​ള്‍. അ​ങ്ങ​നെ​യ​ങ്ങ​നെ.

താ​ങ്ക​ള്‍ എ​ഴു​തി​ത്തു​ട​ങ്ങി​യ കാ​ല​ഘ​ട്ട​ത്തി​ല്‍നി​ന്നും ആ​ധു​നി​ക കാ​ല​ത്തെ ക​വി​ത​ക​ളെ സ​മീ​പി​ക്കു​മ്പോ​ള്‍ തോ​ന്നി​യി​ട്ടു​ള്ള പ്ര​ക​ട​മാ​യ മാ​റ്റ​ങ്ങ​ള്‍ കാ​ല​ത്തെ​യും ക​വി​ത​കളെ​യും മു​ന്‍നി​ര്‍ത്തി പ​റ​യാ​മോ?

ന​ഗ്‌​ന​സ്വ​ഭാ​വ​മു​ള്ള ക​വി​ത​ക​ള്‍ ധാ​രാ​ള​മാ​യി ഉ​ണ്ടാ​യ​ത് ഇ​ക്കാ​ല​ത്താ​ണ്. ഞാ​ന​വ​യെ ആ​വേ​ശ​ത്തോ​ടെ നി​രീ​ക്ഷി​ക്കാ​റു​ണ്ട്.

‘അ​മ്മ മ​ല​യാ​ളം’ മ​ല​യാ​ള ഭാ​ഷ​യെ അ​വ​ത​രി​പ്പി​ച്ച ക​വി​ത​യാ​ണ്. മാ​തൃ​ഭാ​ഷ നേ​രി​ടു​ന്ന വെ​ല്ലു​വി​ളി​ക​ളെ തീ​വ്ര​മാ​യി അ​വ​ത​രി​പ്പി​ക്കു​ന്ന​തി​ല്‍ വി​ജ​യി​ച്ച ക​വി​ത. എം.​ടി​യും ഒ.​എ​ന്‍.​വി​യും സു​ഗ​ത​കു​മാ​രി​​യും പോ​ലു​ള്ള ഒ​രു​പാ​ട് എ​ഴു​ത്തു​കാ​ര്‍ മ​ല​യാ​ള ഭാ​ഷ​യെ​പ്പ​റ്റി എ​ഴു​തി​യി​ട്ടും എ​ന്തു​കൊ​ണ്ടാ​വാം മ​ല​യാ​ള ഭാ​ഷ ഇ​ന്നും പ​ടി​ക്കുപു​റ​ത്തു നി​ല്‍ക്കു​ന്ന​ത്?

ക​വി​ത​കൊ​ണ്ട് ചി​കി​ത്സി​ക്കാ​വു​ന്ന ഒ​രു രോ​ഗ​മ​ല്ല​ത്. ക​വി​ക​ള്‍ അ​മ്മ​ മ​ല​യാ​ള​ സ്‌​നേ​ഹം കു​റി​ച്ചെ​ന്നേ​യു​ള്ളൂ. സ​മൂ​ഹ​ത്തി​ന്റെ മി​ഥ്യാ​ധാ​ര​ണ​ക​ള്‍ പ്ര​ധാ​ന​ കാ​ര​ണ​മാ​ണ്. അ​വ​ക്ക് രാ​ഷ്ട്രീ​യ​ക​വ​ചംകൂ​ടി കി​ട്ടു​മ്പോ​ള്‍ അ​മ്മ​ മ​ല​യാ​ളം മ​ര​ണ​ശ​യ്യ​യി​ലാ​വും. ഇ​പ്പോ​ള്‍ ആ ​അ​വ​സ്ഥ​യി​ലാ​ണ്. ‘ന​ളി​നി​’യും ‘ര​മ​ണ​നും’ വി​ദൂ​ര​ ഭാ​ഷ​ക​ളി​ല്‍ പോ​യി ക​ഞ്ഞി​യും ക​റി​യും ​െവ​ച്ച് ക​ഴി​യും.

കേ​ര​ള​ത്തി​ലെ കാ​മ്പ​സു​ക​ള്‍ ഏ​റ്റെ​ടു​ത്ത ക​വി​ത​യാ​ണ് ‘ജെ​സ്സി’. അ​ത്ത​ര​മൊ​രു ക​വി​ത എ​ഴു​തു​മ്പോ​ള്‍ ആ ​ക​വി​ത​ക്കുള്ള സാ​ധ്യ​ത​ക​ളെ​പ്പ​റ്റി മ​ന​സ്സി​ലു​ണ്ടാ​യി​രു​ന്നോ?

ഒ​രു ക​വി​ത​യു​ടെ സാ​ധ്യ​ത കു​ടി​കൊ​ള്ളു​ന്ന​ത് അ​തി​ന്റെ ര​ച​ന​യു​ടെ പൂ​ർണ​ത​യി​ലാ​ണ്. മ​ന​സ്സി​ലു​ള്ള​ത് മു​ഴു​വ​ന്‍ അ​ക്ഷ​ര​പ്പെ​ടു​ത്താ​ന്‍ ക​ഴി​യ​ണം. ‘ജെ​സ്സി’ ആ ​രീ​തി​യി​ല്‍ അ​പൂ​ർണ​ത​യു​ള്ള ക​വി​ത​യാ​ണ്. ആ ​അ​പൂ​ര്‍ണ​ത​യാ​യി​രി​ക്കാം കേ​ര​ള​ത്തി​ലെ ക​ലാ​ല​യ​ വി​ദ്യാ​ര്‍ഥി​ക​ളു​ടെ സ്വ​കാ​ര്യ​ത​യി​ലേ​ക്ക് ‘ജെ​സ്സി​’ക്ക് ക​ട​ന്നു​ചെ​ല്ലാ​ന്‍ കാ​ര​ണ​മാ​യ​ത്. അ​വ​ര​ത് സ്വ​ന്തം ജീ​വി​തംകൊ​ണ്ട് പൂ​ർണ​മാ​ക്കാ​ന്‍ ശ്ര​മി​ച്ചു. ക​വി അ​പ്ര​സ​ക്ത​നാ​വു​ക​യും ‘ജെ​സ്സി’​ക്ക് ക​വി​യെ​ക്കാ​ള്‍ സാ​ധ്യ​ത​യു​ണ്ടാ​വു​ക​യും ചെ​യ്തു.

‘ഇ​ഷ്ട​മു​ടി​ക്കാ​യ​ല്‍’, ‘അ​സ​ഹ്യ​ന്‍’, ‘ഫാ​ത്തി​മ തു​രു​ത്ത്’ തു​ട​ങ്ങി​യ ക​വി​ത​ക​ള്‍ പാ​രി​സ്ഥി​തി​ക പ്ര​ശ്‌​ന​ങ്ങ​ളെ മു​ന്‍നി​ര്‍ത്തി​യു​ള്ള ഒ​ന്നാ​ണ​ല്ലോ? ഒ​രു​പ​ക്ഷേ സ​ച്ചി​ദാ​ന​ന്ദ​ന്റെ 'വി​ല​ങ്ങ​നി​’ല്‍, ഏ​ഴി​മ​ല, ഇ​ട​ശ്ശേ​രി​യു​ടെ കു​റ്റി​പ്പു​റം പാ​ലം തു​ട​ങ്ങി​യ​വ​യോ​ട് ചേ​ര്‍ത്ത് വെ​ക്കാ​വു​ന്ന ഒ​ന്ന്. പ​രി​സ്ഥി​തി പ്ര​ശ്‌​ന​ങ്ങ​ളെ മു​ന്‍നി​ര്‍ത്തി​യു​ള്ള ഒ​രു​പാ​ട് എ​ഴു​ത്തു​ക​ള്‍ മ​ല​യാ​ള സാ​ഹി​ത്യ​ത്തി​ല്‍ വ​ന്നി​ട്ടും കൈയേറ്റ​ങ്ങ​ളും പാ​രി​സ്ഥി​തിക ദു​ര​ന്ത​ങ്ങ​ളും ഏ​റിവ​രു​ക​യാ​ണ്. എ​ന്തു​കൊ​ണ്ടാ​യി​രി​ക്കാം മ​ല​യാ​ള​ത്തി​ലെ എ​ഴു​ത്തു​ക​ള്‍ മാ​റ്റ​ങ്ങ​ള്‍ കൊ​ണ്ടു​വ​രു​ന്ന​തി​ല്‍ പ​രാ​ജ​യ​പ്പെ​ടു​ന്ന​ത്?

എ​ഴു​ത്തു​കാ​ര്‍ക്ക്, പ​രി​സ്ഥി​തി സം​ര​ക്ഷ​ണ​ത്തി​ന്റെ ആ​വ​ശ്യ​ക​ത​യെ​ക്കു​റി​ച്ച് പ​റ​യാ​നേ ക​ഴി​യൂ. അ​വ​ര്‍ പൊ​ന്നാ​ര്യ​ന്‍ കൊ​യ്യു​ക​യാ​ണ്. അ​ധി​കാ​രം കൊ​യ്തി​ട്ടി​ല്ല. എ​ങ്കി​ലും ചി​ല വി​ജ​യ​ങ്ങ​ള്‍ ച​രി​ത്ര​ത്തി​ലു​ണ്ട്. സൈ​ല​ന്റ് വാ​ലി​യും അ​തി​ര​പ്പി​ള്ളി​യും ത​ട്ടേ​ക്കാ​ടും സം​ര​ക്ഷി​ക്കാ​ന്‍ ക​ഴി​ഞ്ഞ​തും അ​ശാ​സ്ത്രീ​യ​മാ​യ മാ​ലി​ന്യ​സം​സ്‌​ക​ര​ണം പ​ല​യി​ട​ത്തും ഒ​ഴി​വാ​ക്കാ​ന്‍ ക​ഴി​ഞ്ഞ​തും ഈ ​ചെ​റു​വി​ജ​യ​ങ്ങ​ളി​ല്‍പെ​ടും.​ പാ​ത്ര​ക്ക​ട​വി​ലും അ​തി​ര​പ്പി​ള്ളി​യി​ലും നി​ര​വ​ധി കു​ന്നു​സം​ര​ക്ഷ​ണ സ​മ​ര​ങ്ങ​ളി​ലും എ​നി​ക്കും പ​ങ്കെ​ടു​ക്കാ​ന്‍ ക​ഴി​ഞ്ഞി​ട്ടു​ണ്ട്. ചി​ല​തൊ​ക്കെ വി​ജ​യി​ച്ചി​ട്ടു​മു​ണ്ട്. മ​രു​തി​മ​ല, ശി​വാം​കു​ന്ന്, ആ​യി​ര​വി​ല്ലി​പ്പാ​റ തു​ട​ങ്ങി​യ​വ ഇ​ന്നും നി​ല​നി​ല്‍ക്കു​ന്ന​തി​ല്‍ ക​വി​ത​യു​ടെ തീ​രെ ചെ​റി​യ ഒ​രു പ​ങ്കു​മു​ണ്ട്.

റോ​സി​യെ​പ്പ​റ്റി എ​ഴു​തി​യ ക​വി​ത​യും ഒ​രു​പാ​ട് ചി​ന്ത​ക​ള്‍ ശേ​ഷി​പ്പി​ക്കു​ന്ന​വ​യാ​ണ്. ജാ​തി​യു​ടെ ഇ​ര​യാ​യി ര​ക്ത​സാ​ക്ഷി​യാ​യ ഒ​രു ച​ല​ച്ചി​ത്രപ്ര​വ​ര്‍ത്ത​ക. പ​ക്ഷേ, ഇ​ന്ന​ത്തെ ച​ല​ച്ചി​ത്രമേ​ഖ​ല​യി​ല്‍ ഉ​ള്ള​വ​ര്‍ പേ​രി​നൊ​പ്പം ജാ​തി കൊ​ണ്ടുന​ട​ക്കാ​ന്‍ ഇ​ഷ്ട​പ്പെ​ടു​ന്നു. ഈ ​വൈ​രു​ധ്യ​ത്തെ എ​ങ്ങ​നെ നോ​ക്കി​ക്കാ​ണു​ന്നു?

​പേരി​നോ​ടൊ​പ്പം ജാ​തി​വാ​ല്‍ ചേ​ര്‍ക്കു​ന്ന​ത് അ​പ​മാ​ന​ക​ര​മാ​ണ്. അ​ത് ന​മ്മു​ടെ ന​വോ​ത്ഥാ​ന പ​രി​ശ്ര​മ​ങ്ങ​ളെ അ​വ​ഹേ​ളി​ക്ക​ലാ​ണ്. റോ​സി​യു​ടെ പി​ന്മു​റ​ക്കാ​രാ​യി ക​ര്‍ഷ​ക​ത്തൊ​ഴി​ലാ​ളി സ​മൂ​ഹ​ത്തി​ല്‍നി​ന്നും മ​റ്റൊ​രാ​ള്‍ ഉ​ണ്ടാ​യി​ല്ലെ​ന്ന​ത് ശ്ര​ദ്ധി​ക്കേ​ണ്ട​താ​ണ്. അ​വി​ടെ ഒ​രു കൊ​ടും​ന​ടു​ക്കം ഉ​ണ്ടാ​കേ​ണ്ട​തു​ണ്ട്.

‘യ​ക്ഷി​യു​ടെ ചൂ​രി​ദാ​ര്‍’, ‘ന​ര​ക​ത്തി​ലേ​ക്കൊ​രു ടി​ക്ക​റ്റ്’ തു​ട​ങ്ങി​യ​വ താ​ങ്ക​ളു​ടെ പ്ര​സി​ദ്ധ​ങ്ങ​ളാ​യ ന​ഗ്നക​വി​ത​ക​ളാ​ണ്. സാ​ധാ​ര​ണ ഹൈ​ക്കു ക​വി​ത​ക​ളി​ല്‍നി​ന്നും ന​ഗ്നക​വി​ത​ക​ള്‍ എ​ങ്ങ​നെ വ്യ​ത്യ​സ്ത​പ്പെ​ടു​ന്നു.

ഹൈ​ക്കു ക​വി​ത​ക​ള്‍ക്ക് കൃ​ത്യ​മാ​യ നി​യ​മ​ങ്ങ​ളു​ണ്ട്. ന​ഗ്‌​ന​ക​വി​ത​ക്ക് ആ ​നി​യ​ന്ത്ര​ണ​ങ്ങ​ളില്ല. ഏ​തു​ വി​ഷ​യ​വും ന​ഗ്‌​ന​ക​വി​ത​ക്ക് ഇ​ണ​ങ്ങും. സൈ​ദ്ധാ​ന്തി​ക​ഭാ​രം തീ​രെ ഉ​ണ്ടാ​വി​ല്ല. സ​ങ്ക​ട​ങ്ങ​ളി​ല്‍നി​ന്നും പു​റ​പ്പെ​ടു​ന്ന​താ​ണ് ന​ഗ്‌​ന​ക​വി​ത. കു​ഞ്ച​ന്‍ ന​മ്പ്യാ​രോ​ളം വൈ​പു​ല്യ​മോ കു​ഞ്ഞു​ണ്ണി​യോ​ളം ഹ്ര​സ്വ​ത​യോ ഈ ​ര​ച​നാ​രീ​തി സ്വീ​ക​രി​ക്കു​ന്നി​ല്ല.​ രാ​ഷ്ട്രീ​യ​കാ​ര്യ​ങ്ങ​ള്‍മാ​ത്രം വി​ഷ​യ​മാ​ക്കു​ന്ന തെ​ലു​ഗുവിലെ ദി​ഗം​ബ​ര​ ക​വി​ത​യി​ല്‍നി​ന്നും മ​ല​യാ​ള​ത്തി​ലെ ന​ഗ്‌​ന​ക​വി​ത അ​തി​ന്റെ വി​ഷ​യ​വൈ​വി​ധ്യംകൊ​ണ്ടു​ത​ന്നെ വ്യ​ത്യാ​സ​പ്പെ​ട്ടി​രി​ക്കു​ന്നു.

മ​ഹാ​ഭാ​ര​തം –വ്യാ​സ​ന്റെ സ​സ്യ​ശാ​ല – വ്യാ​സ ഭാ​ര​ത​ത്തെ അ​ടി​സ്ഥാ​ന​പ്പെ​ടു​ത്തി; എ​ന്നാ​ല്‍ അ​തി​ല്‍നി​ന്നൊ​ക്കെ വ്യ​ത്യ​സ്ത​മാ​യി ക​ഥാ​പാ​ത്ര​ങ്ങ​ളെ സ്വ​ത​ന്ത്ര​മാ​യി രൂ​പ​പ്പെ​ടു​ത്തി​യ കൃ​തി​യാ​ണ്. ഇ​ത്ത​ര​മൊ​രു കൃ​തി എ​ഴു​താ​ന്‍ പ്രേ​രി​പ്പി​ച്ച ചോ​ദ​ന എ​ന്താ​ണ്?

‘മ​ഹാ​ഭാ​ര​തം’ കൊ​ടു​ങ്ങ​ല്ലൂ​ര്‍ കു​ഞ്ഞി​ക്കു​ട്ട​ന്‍ ത​മ്പു​രാ​ന്റെ വി​വ​ര്‍ത്ത​നം പ​ല​വ​ട്ടം വാ​യി​ച്ചു നോ​ട്ട് ത​യാ​റാ​ക്കി​യി​ട്ടു​ണ്ട്. സൂ​ക്ഷ്മ​ത​യി​ല്‍നി​ന്നും സ്ഥൂ​ല​ത​യി​ലേ​ക്ക് പോ​കു​ന്ന​തി​നു പ​ക​രം സൂ​ക്ഷ്മ​ത്തി​ലേ​ക്ക് യാ​ത്ര​ചെ​യ്യാ​ന്‍ പ്രേ​രി​പ്പി​ച്ച​ത് ഗാ​ന്ധാ​രി​യാ​ണ്.

‘‘അ​മ്മ

നൂ​റ്റൊ​ന്നു മ​ക്ക​ള്‍

പ​ത്‌​നി

ഭ​ര്‍ത്താ​വ് രാ​ജ്യാ​ധി​കാ​രി

ക​ണ്ണ​ഴി​ക്കേ​ണ്ടാ​യി​രു​ന്നെ​ന്നു തോ​ന്നു​ന്നു

ക​ണ്ണി​ല്‍ നി​റ​ച്ചും ശ​വ​ങ്ങ​ള്‍.’’

ഈ ​ബി​ന്ദു​വ​ത്ക​ര​ണ​മാ​ണ് ആ​ദ്യം സം​ഭ​വി​ച്ച​ത്. പ​തി​നെ​ട്ടു വ​ര്‍ഷ​മാ​ണ് ‘വ്യാ​സ​ന്റെ സ​സ്യ​ശാ​ല​’ക്കു വേ​ണ്ടി ദ​ഹി​ച്ച​ത്.

എ​ഴു​തി​യ​തുകൊ​ണ്ടു​മാ​ത്രം… അ​തി​ക്ര​മ​ങ്ങ​ള്‍ ഏ​ല്‍ക്കേ​ണ്ടി​വ​ന്ന ഒ​രാ​ളാ​ണ​ല്ലോ താ​ങ്ക​ള്‍? അ​വ​ന​വ​ന്റെ ഇ​ടം ഭ​ദ്ര​മാ​ക്കി​യാ​ണ് ഇ​ന്ന് പ​ല​രും എ​ഴു​തു​ന്ന​ത്. സ​മൂ​ഹ​ത്തി​ന്റെ യ​ഥാ​ർഥ പ്ര​ശ്‌​ന​ങ്ങ​ള​ല്ല ഇ​ത്ത​രം എ​ഴു​ത്തി​ലൂ​ടെ വെ​ളി​ച്ച​ത്ത് വ​രു​ന്ന​ത്. എ​ഴു​ത്തും സ​മൂ​ഹ​വും ത​മ്മി​ലു​ള്ള വ​ർധിച്ചു​വ​രു​ന്ന ഈ ​അ​ന്ത​ര​ത്തെ എ​ങ്ങ​നെ നോ​ക്കി​ക്കാ​ണു​ന്നു?

എ​ഴു​ത്തു​കാ​രു​ടെ ഇ​ടം ഒ​ട്ടും ഭ​ദ്ര​മ​ല്ല. പ്ര​ണ​യ​ത്തെ കു​റി​ച്ചു​മാ​ത്രം എ​ഴു​തി​യാ​ല്‍പോ​ലും ഒ​രാ​ളു​ടെ നി​ല ഭ​ദ്ര​മാ​കു​ന്നി​ല്ല. ആ ​എ​ഴു​ത്ത് മ​താ​തീ​തം ആ​ണെ​ങ്കി​ല്‍ ആ​ക്ര​മി​ക്ക​പ്പെ​ടും.​ ഒ​രു മാ​സ​ത്തി​ല​ധി​കം വീ​ടി​ന് രാ​പ്പ​ക​ല്‍ പൊ​ലീ​സ് കാ​വ​ലുണ്ടാ​യി​രു​ന്നു. ക​വി​ത ചൊ​ല്ലി​യ ഇ​ട​ങ്ങ​ളി​ലെ​ല്ലാം പൊ​ലീ​സും ഹൃ​ദ​യ​പ​ക്ഷ​ യു​വ​ത്വ​വും സം​ര​ക്ഷ​ണ​ ക​വ​ചം ഒ​രു​ക്കി​യി​രു​ന്നു. ചി​ല കൂ​റ്റ​ന്‍ക​വി​ക​ള്‍ പോ​ലും ചാ​ന​ല്‍ ച​ര്‍ച്ച​ക​ളി​ല്‍ എ​ന്നെ ത​ള്ളി​പ്പ​റ​ഞ്ഞി​രു​ന്നു. ഹി​ന്ദു​മ​ത തീ​വ്ര​വാ​ദി​ക​ള്‍ എ​ന്റെ കോ​ലം ക​ത്തി​ക്കു​ക​യും കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തു​ക​യുംചെ​യ്തു. കു​മ്മ​നം രാ​ജ​ശേ​ഖ​ര​ന്റെ നേ​തൃ​ത്വ​ത്തി​ല്‍ പൊ​ലീ​സി​ല്‍ പ​രാ​തി​ കൊ​ടു​ത്തു.

ഞ​ങ്ങ​ളു​ടെ ക​വ​ല​യി​ല്‍ എ​ന്നെ പാ​കിസ്താനി​ലേ​ക്ക് നാ​ടു​ക​ട​ത്ത​ണം എ​ന്ന് പോ​സ്റ്റ​ര്‍ എ​ഴു​തി ഒ​ട്ടി​ച്ചു. സൈ​ബ​റി​ട​ത്തി​ല്‍ തെ​റി​യു​ടെ പൂ​ര​പ്ര​ബ​ന്ധം ആ​യി​രു​ന്നു. ഞാ​ന​തൊ​ന്നും ഡി​ലീ​റ്റ് ചെ​യ്തി​ട്ടി​ല്ല. ആ​ര്‍ഷ​ഭാ​ര​ത സം​സ്‌​കാ​ര​ത്തി​ന്റെ ചു​രു​ക്കെ​ഴു​ത്ത് ആ​ഭാ​സം എ​ന്നാ​ണെ​ന്ന് ആ ​ക​മ​ന്റു​ക​ള്‍ വി​ളി​ച്ചു പ​റ​യു​ന്നു​ണ്ട്. വ​രും ത​ല​മു​റ​ക്ക് കാ​ണാ​ന്‍ അ​ത​ങ്ങ​നെ​ത​ന്നെ കി​ട​ക്ക​ട്ടെ (പി​ന്നീ​ട് ന​ട​ന്ന ഞ​ങ്ങ​ളു​ടെ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ല്‍ ആ ​ആ​ക്ര​മ​ണ​കാ​രി​ക​ള്‍ ദ​യ​നീ​യ​മാ​യി പ​രാ​ജ​യ​പ്പെ​ട്ടു). അ​പ്പോ​ഴും ആ​ക്ര​മ​ണ​ത്തി​ന് കാ​ര​ണ​മാ​യി ഞാ​നു​യ​ര്‍ത്തി​യ വ​ട​യ​മ്പാ​ടി​യി​ലെ സ​മ​ര​വും ആ​ര്‍ട്ടി​സ്റ്റ് അ​ശാ​ന്ത​ന്റെ മൃ​ത​ദേ​ഹ​ത്തി​ന് നേ​രി​ട്ട അ​പ​മാ​ന​വും ആ​ളി​ത്ത​ന്നെ നി​ല​കൊ​ണ്ടു. ന​രേ​ന്ദ്ര ധാബോ​ല്‍ക്കര്‍ മു​ത​ല്‍ ഗൗ​രി ല​ങ്കേ​ഷ് വ​രെ​യു​ള്ള​വ​രെ ഓ​ര്‍ത്തു​കൊ​ണ്ട് അ​ടു​ത്ത ഇ​ര​യാ​വാ​ന്‍ ഞാ​ന്‍ ത​യാ​റാ​ണെ​ന്ന് മാ​ത്ര​മേ ഇ​പ്പോഴും പ​റ​യാ​നു​ള്ളൂ.

എ​ന്നും പ്ര​തി​പ​ക്ഷ ശ​ബ്ദ​മാ​ണ​ല്ലോ സാ​ഹി​ത്യ​ത്തി​നു വേ​ണ്ട​ത്. വൈ​ലോ​പ്പി​ള്ളി​യൊ​ക്കെ ഇ​ത് വ്യ​ക്ത​മാ​യി പ​റ​ഞ്ഞുവെ​ച്ചി​ട്ടു​ണ്ട്. അ​ധി​കാ​ര​ത്തെ തി​രു​ത്തു​ന്ന ധ​ർമ​മാ​ണ​ല്ലോ സാ​ഹി​ത്യ ധ​ർമം. പ​ക്ഷേ, ആ​ധു​നി​ക കാ​ല​ത്ത് സാ​ഹി​ത്യം അ​തി​ന്റെ ധാ​ർമിക​മാ​യ ഉ​ത്ത​ര​വാ​ദി​ത്തം നി​ർവ​ഹി​ക്കു​ന്ന​തി​ല്‍ പ​രാ​ജ​യ​പ്പെ​ടു​ന്ന​താ​യി തോ​ന്നി​യി​ട്ടു​ണ്ടോ?

പൊ​രു​തു​ന്ന ക​വി​ക​ളു​ടെ ഒ​രു പ്ര​വാ​ഹം​ത​ന്നെ ലോ​ക​കാ​വ്യ രം​ഗ​ത്തു​ണ്ട്. ശ്രീ​ല​ങ്ക​ന്‍ ത​മി​ഴ് ക​വി​ക​ള്‍, ഫല​സ്തീ​ന്‍ -സി​റി​യ​ന്‍ ക​വി​ക​ള്‍, ലാ​റ്റി​ന്‍ അ​മേ​രി​ക്ക​ന്‍ ക​വി​ക​ള്‍, ആ​ഫ്രി​ക്ക​ന്‍ ക​വി​ക​ള്‍... ഇ​ങ്ങ​നെ​യൊ​രു വ​ലി​യ ദൃ​ശ്യം നി​ല​വി​ലു​ണ്ട്. കേ​ര​ള​ത്തി​ലെ യു​വ​ക​വി​ത​യും വി​യോ​ജി​പ്പു​ക​ളു​ടെ വ​ഴി​യി​ലാ​ണ്.​ സ​തീ​ശ​ന്‍ മോ​റാ​യി​യു​ടെ​യും സ്റ്റാ​ലി​ന​യു​ടെ​യും മ​റ്റും ക​വി​ത​ക​ള്‍ നോ​ക്കൂ. അ​തി​ശ​ക്ത​മാ​യ വി​യോ​ജി​പ്പു​ക​ളാ​ണ് അ​തി​ലു​ള്ള​ത്. നൂ​റു ന​ഗ്‌​ന​ക​വി​ത​ക​ളു​ടെ ഒ​രു പു​സ്ത​കം ത​ന്നെ മ​ല​യാ​ള​ത്തി​ല്‍ പ്ര​സി​ദ്ധീ​കൃ​ത​മാ​യി​ട്ടു​ണ്ട്. വ്യ​വ​സ്ഥി​തി​യു​ടെ ദു​ശ്ശീ​ല​ങ്ങ​ളെ അ​ന്ധ​മാ​യി അ​നു​കൂ​ലി​ക്കു​ന്ന ഒ​രു ക​വി​ത​പോ​ലും അ​തി​ലി​ല്ല.

പ്ര​ത്യ​ക്ഷ സ​മ​ര​ങ്ങ​ളി​ല്‍പോ​ലും ക​വി​ക​ള്‍ പ​ങ്കെ​ടു​ക്കു​ന്നു​ണ്ട്. ഞാ​ന്‍ പ​ങ്കെ​ടു​ത്ത സ​മ​ര​ങ്ങ​ള്‍മാ​ത്രം പ​റ​ഞ്ഞാ​ല്‍ അ​ടി​യ​ന്ത​രാ​വ​സ്ഥ​ക്കെ​തി​രെ ന​ട​ത്തി​യ സ​മ​രം, മു​ത്ത​ങ്ങ നി​ല്‍പുസ​മ​രം, ചെ​ങ്ങ​റ, മേ​പ്പാ​ടി, അ​രി​പ്പ ഭൂ​സ​മ​ര​ങ്ങ​ള്‍, വാ​ള​യാ​ര്‍ കു​ട്ടി​ക​ള്‍ക്ക് നീ​തി​ ല​ഭി​ക്കാ​നാ​യു​ള്ള സ​മ​രം, അ​ട്ട​പ്പാ​ടി​യി​ലെ മ​ധു​വി​ന്റെ കൊ​ല​പാ​ത​ക​ത്തി​ല്‍ പ്ര​തി​ഷേ​ധി​ച്ചു ന​ട​ത്തി​യ സ​മ​രം, അ​ശാ​സ്ത്രീ​യ​മാ​യ ക​രി​മ​ണ​ല്‍ ഖ​ന​ന​ത്തി​നെ​തി​രെ ന​ട​ത്തി​യ സ​മ​രം, അ​ന്ധ​വി​ശ്വാ​സ നി​ർമാർ​ജ​ന ബി​ല്ലി​നു​വേ​ണ്ടി ന​ട​ത്തി​യ സ​മ​രം, സ്ത്രീ​ക​ളു​ടെ ക്ഷേ​ത്ര​പ്ര​വേ​ശ​ന​ത്തി​നുവേ​ണ്ടി ന​ട​ത്തി​യ സ​മ​രം, വി​ഴി​ഞ്ഞ​ത്തെ മ​ത്സ്യ​ത്തൊ​ഴി​ലാ​ളി​ക​ളു​ടെ പു​ന​ര​ധി​വാ​സ​ത്തി​നുവേ​ണ്ടി ന​ട​ത്തി​യ സ​മ​രം, എ​ന്‍ഡോ​സ​ള്‍ഫാ​ന്‍ ദു​രി​ത​ബാ​ധി​ത​ര്‍ക്കുവേ​ണ്ടി ന​ട​ത്തി​യ സ​മ​രം, ദേ​ശീ​യ​പാ​ത വി​ക​സ​ന​ത്തി​ലെ ജ​ന​ജീ​വി​ത വി​രു​ദ്ധ​ത പ​രി​ഹ​രി​ക്കാ​നു​ള്ള സ​മ​ര​ങ്ങ​ള്‍, ദേ​ശീ​യ വി​ദ്യാ​ഭ്യാ​സ ന​യ​ത്തി​ലെ അ​യു​ക്തി​ക​ൾക്കെ​തി​രെ​യു​ള്ള സ​മ​രം, മാ​തൃ​ഭാ​ഷ​ക്കുവേ​ണ്ടി​യു​ള്ള സ​മ​രം, മ​ത​മി​ല്ലാ​ത്ത ജീ​വ​നെ​ന്ന പാ​ഠം സം​ര​ക്ഷി​ക്കാ​നു​ള്ള സ​മ​രം, ട്രാ​ന്‍സ്‌​പോ​ര്‍ട്ട് തൊ​ഴി​ലാ​ളി​ക​ള്‍ക്ക് പെ​ന്‍ഷ​ന്‍ കി​ട്ടാ​നു​ള്ള സ​മ​രം, കേ​ന്ദ്ര സാ​ഹി​ത്യ അ​ക്കാ​ദ​മി​ക്കെ​തി​രെ അ​വ​ഗ​ണി​ക്ക​പ്പെ​ട്ട ക​വി​ക​ളോ​ടൊ​പ്പം നി​ന്നു ന​ട​ത്തി​യ സ​മ​രം, മാ​വൂ​ര്‍ ഗ്വാ​ളി​യോ​ര്‍ റ​യോ​ണ്‍സി​നെ​തി​രെ ഗ്രോ ​വാ​സു ന​ട​ത്തി​യ സ​മ​രം, സ്ത്രീ​ധ​ന സ​മ്പ്ര​ദാ​യ​ത്തി​നും സ്ത്രീ​പീ​ഡ​ന​ത്തി​നും എ​തി​രെ​യു​ള്ള സ​മ​ര​ങ്ങ​ള്‍, കേ​ര​ള​ത്തോ​ടു​ള്ള കേ​ന്ദ്ര അ​വ​ഗ​ണ​ന​ക്കെ​തി​രെ ന​ട​ത്തി​യ സ​മ​രം... അ​ങ്ങ​നെ എ​ത്ര​യോ സ​മ​ര​ങ്ങ​ളി​ല്‍ ഞാ​ന്‍ പ​ങ്കെ​ടു​ത്തി​ട്ടു​ണ്ട്. എ​ഴു​തു​ന്ന​തു മാ​ത്ര​മ​ല്ല ക​വി​ത. എ​ഴു​താ​ത്ത ജീ​വി​ത​വും ക​വി​ത​യാ​ണ്.

ഇ​ട​തു​പ​ക്ഷ ആ​ശ​യ​ങ്ങ​ളോ​ട് പൊ​തു​വെ അ​നു​ഭാ​വ​മു​ള്ള ആ​ളാ​ണ​ല്ലോ താ​ങ്ക​ള്‍? എ​ന്നാ​ല്‍, ഇ​ട​തു​പ​ക്ഷ സാ​ഹി​ത്യ​വും ഇ​ട​തു​പ​ക്ഷ രാ​ഷ്ട്രീ​യ​വും ത​മ്മി​ല്‍ എ​ങ്ങ​നെ വ്യ​ത്യാ​സ​പ്പെ​ട്ടി​രി​ക്കു​ന്നു എ​ന്ന് വ്യ​ക്ത​മാ​ക്കാ​മോ?

അ​ധി​കാ​ര​ത്തി​ലെ​ത്തി​യ ഇ​ട​തു​പ​ക്ഷ രാ​ഷ്ട്രീ​യ​ത്തി​ന് പ​ല സ​ന്ധി​ക​ളും ചെ​യ്യേ​ണ്ടിവ​ന്നി​ട്ടു​ണ്ട്. എ​ഴു​ത്തി​ല്‍ സ​ന്ധി​ക​ളി​ല്ല.​ വി​രു​ദ്ധ ആ​ശ​യ​ങ്ങ​ളു​മാ​യി കൂ​ട്ടി​ക്കൊ​ടു​പ്പ് ന​ട​ത്തു​ന്ന പി​മ്പു വാ​ക്കു​ക​ളാ​യ പ​ക്ഷേ, എ​ങ്കി​ലും, എ​ന്നാ​ലും ഇ​വ ക​വി​ത​യി​ല്‍ സു​ല​ഭ​മ​ല്ല.

ന​വോ​ത്ഥാ​നം ഉ​യ​ര്‍ത്തി​ക്കൊ​ണ്ടു​വ​ന്ന വ​ലി​യ മൂ​ല്യ​ങ്ങ​ളെ​യൊ​ക്കെ ച​വി​ട്ടിമെ​തി​ച്ച് കേ​ര​ള​ത്തി​ലും ഇ​ന്ത്യ​യി​ലും ജാ​തി​മ​ത​വം​ശീ​യ ശ​ക്തി​ക​ള്‍ അ​നു​ദി​നം ശ​ക്തി​പ്രാ​പി​ക്കു​ക​യാ​ണ​ല്ലോ? ഇ​ത്ത​ര​മൊ​രു സ​ന്ദ​ര്‍ഭ​ത്തി​ല്‍ ജാ​തി-മ​ത ര​ഹി​ത​നാ​യി നി​ല​നി​ല്‍ക്കു​ക, നി​ലകൊ​ള്ളു​ക എ​ന്ന​ത് പ്ര​യാ​സ​മു​ള്ള ഒ​ന്നാ​ണ്. അ​ത്ത​ര​മൊ​രു അ​വ​സ്ഥ​യി​ല്‍ താ​ങ്ക​ള്‍ നേ​രി​ടു​ന്ന അ​നു​ഭ​വം പ​റ​യാ​മോ?

അ​ത്ത​രം ബു​ദ്ധി​മു​ട്ടു​ക​ളെ​യൊ​ന്നും ഞാ​ന്‍ പ​രി​ഗ​ണി​ച്ചി​ട്ടി​ല്ല. പൊ​തു​യോ​ഗ​ങ്ങ​ളി​ല്‍ ഈ​ശ്വ​ര​ പ്രാ​ര്‍ഥ​ന​ക്ക് ഇ​പ്പോ​ഴും ഞാ​ന്‍ എ​ഴു​ന്നേ​ല്‍ക്കാ​റി​ല്ല. ച​ന്ദ​ന​ക്കു​റി ധ​രി​ച്ചും ഈ​ശ്വ​ര​നെ ധ്യാ​നി​ച്ചും ചെ​രി​പ്പി​ടാ​തെ​യും ഇ​ന്നേ​വ​രെ ഉ​ദ്ഘാ​ട​ന​വി​ള​ക്ക് ഞാ​ന്‍ ക​ത്തി​ച്ചി​ട്ടി​ല്ല. അ​ത്ത​രം പൊ​തു​യോ​ഗ​ങ്ങ​ളി​ല്‍ പ്രാ​ര്‍ഥി​ക്ക​രു​തെ​ന്ന് ആ​രോ​ടും പ​റ​ഞ്ഞി​ട്ടു​മി​ല്ല. അ​തൊ​ക്കെ അ​വ​രു​ടെ സ്വാ​ത​ന്ത്ര്യം.​ എ​ന്റെ സ്വാ​ത​ന്ത്ര്യം പ​ണ​യ​പ്പെ​ടു​ത്താ​ന്‍ ത​യാ​റു​മ​ല്ല.

സ​മൂ​ഹ​ത്തി​ന്റെ സ​മ​സ്ത മേ​ഖ​ല​ക​ളി​ലും ഇ​ന്ന് സ്ത്രീ മു​ന്നേ​റ്റം കാ​ണാ​നാ​വും ഒ​രു​പാ​ട് സ്ത്രീ​ക​ള്‍ കാ​വ്യരം​ഗ​ത്തേ​ക്കും ക​ട​ന്നു​വ​ന്നി​ട്ടു​ണ്ട്. ഒ​രുകാ​ല​ത്ത് പു​രു​ഷ എ​ഴു​ത്താ​ള​രെ മാ​ത്രം സ്വീ​ക​രി​ച്ച മ​ല​യാ​ള സാ​ഹി​ത്യം ഈ ​ക​ട​ന്നു​വ​ര​വി​നെ എ​ങ്ങ​നെ​യാ​ണ് നോ​ക്കി​ക്ക​ണ്ട​ത് എ​ന്നു പ​റ​യാ​മോ?

എ​ഴു​ത്ത​ച്ഛ​ന്‍ മാ​ത്ര​മു​ള്ള ഭാ​ഷ​യാ​ണ് അ​മ്മ​മ​ല​യാ​ളം. എ​ഴു​ത്ത​മ്മ​യി​ല്ല. എ​ന്നാ​ലി​ന്ന് സ്ഥി​തി​മാ​റി. സ്ത്രീ​ക​ളു​ടെ മ​ഹാ​പ്ര​വാ​ഹം മ​ല​യാ​ള ക​വി​ത​യി​ല്‍ ഉ​ണ്ടാ​യി. അ​തി​ന​വ​രെ സ​ഹാ​യി​ച്ച​ത് വി​ദ്യ​യു​ടെ ഇ​ന്ത്യ​ന്‍ ദേ​വ​ത​യാ​യ സ​ര​സ്വ​തി​യ​ല്ല. സ​യ​ന്‍സാ​ണ്. മൊ​ബൈ​ല്‍ ഫോ​ണും ഇ​ന്റ​ര്‍ നെ​റ്റു​മൊ​ക്കെ ആ​ധു​നി​ക സ​യ​ന്‍സി​ന്റെ സം​ഭാ​വ​ന​യാ​ണ്. വീ​ട്ടി​ലി​രു​ന്ന് എ​ഴു​താ​ന്‍ ക​ഴി​യാ​ത്ത ക​വി​ത​ക​ള്‍ ബ​സി​ലി​രു​ന്ന് മൊ​ബൈ​ലി​ലെ ലി​പി​യി​ട​ത്തി​ല്‍ ചൂ​ണ്ടു​വി​ര​ല്‍കൊ​ണ്ട് മം​ഗ്ലീ​ഷി​ല്‍ എ​ഴു​തി​യാ​ണ് ഈ ​മു​ന്നേ​റ്റം സാ​ധി​ച്ച​ത്.​ ഭാ​വി​യി​ല്‍ മ​ല​യാ​ള​ ക​വി​ത​യു​ടെ പ​താ​ക വ​ഹി​ക്കു​ന്ന​തു സ്ത്രീ​ക​ളായി​രി​ക്കും.

ക​വി​ത​ക്ക് വൃ​ത്ത​വും താ​ള​വു​മൊ​ക്കെ വേ​ണോ എ​ന്ന​ത് ഇ​ക്കാ​ല​ത്ത് ഏ​റെ ച​ര്‍ച്ചചെ​യ്യ​പ്പെ​ടു​ന്ന വി​ഷ​യ​മാ​ണ്. മി​ക​ച്ച വാ​യ​ന​യു​ള്ള ഒ​രാ​ള്‍ക്ക് ഒ​രു ഗ​ദ്യ​ക​വി​ത രൂ​പ​പ്പെ​ടു​ത്താ​ന്‍ വ​ലി​യ പ്ര​യാ​സം അ​നു​ഭ​വ​പ്പെ​ടു​മെ​ന്ന് തോ​ന്നു​ന്നി​ല്ല. അ​ങ്ങ​നെ വ​രു​മ്പോ​ള്‍ പ്ര​തി​ഭ​യി​ല്ലാ​ത്ത ഏ​തൊ​രാ​ള്‍ക്കും ക​വി​യാ​കാം. വൃ​ത്ത​വും അ​ല​ങ്കാ​ര​വും അ​റി​ഞ്ഞ് അ​തി​നെ നി​രാ​ക​രി​ക്കു​മ്പോ​ഴാ​ണ​ല്ലോ അ​ത് സാ​ഹി​ത്യ​ത്തി​ലെ ഒ​രു വി​പ്ല​വ പ്ര​വ​ര്‍ത്ത​ന​മാ​കു​ക. താ​ങ്ക​ള്‍ക്ക് എ​ന്ത് തോ​ന്നു​ന്നു?

അ​റി​യു​ന്ന​തും നി​ര​സി​ക്കു​ന്ന​തും ന​ല്ല​താ​ണ്. ഛന്ദ​സ്സ് ഇ​ല്ലാ​തെ​യു​ള്ള എ​ഴു​ത്ത് അ​ത്ര എ​ളു​പ്പ​മ​ല്ല. ന​ഗ്‌​ന​ക​വി​ത​പോ​ലും അ​നാ​യാ​സ​മാ​യി എ​ഴു​താ​ന്‍ ക​ഴി​യി​ല്ല. അ​ങ്ങ​നെ എ​ഴു​താ​ന്‍ ക​ഴി​ഞ്ഞ​ത് പ​ഴ​യ​കാ​ല​ത്ത് ശ്ലോ​ക​ങ്ങ​ളാണ്. താ​ള​മു​ക്ത​മാ​യ ക​വി​ത​യ​ല്ല.

സാം​സ്‌​കാ​രി​ക രം​ഗ​ത്ത് അ​ക്കാ​ദ​മി​ക​ള്‍ക്ക് വ​ലി​യ ക​ര്‍ത്ത​വ്യം നി​ര്‍വ​ഹി​ക്കാ​നു​ണ്ട്. സാ​ഹി​ത്യ​ത്തി​ന് അ​തി​ന്റെ ഗു​ണം ല​ഭി​ക്ക​ണ​മെ​ങ്കി​ല്‍ അ​ക്കാ​ദ​മി​ക​ളു​ടെ സ​ഞ്ചാ​രവ​ഴി സ​ത്യ​സ​ന്ധ​വും സു​താ​ര്യ​വും ജ​നാ​ധി​പ​ത്യ​പ​ര​വു​മാ​യി​രി​ക്ക​ണം. പ​ല കോ​ണു​ക​ളി​ല്‍നി​ന്നും അ​ക്കാ​ദ​മി​ക​ള്‍ക്കെ​തി​രെ വി​മ​ര്‍ശ​ന​ങ്ങ​ള്‍ ഉ​യ​രു​മ്പോ​ള്‍ താ​ങ്ക​ള്‍ എ​ങ്ങ​നെ​യാ​ണ് ഈ ​പ്ര​ശ്‌​ന​ത്തെ നോ​ക്കി​ക്കാ​ണു​ന്ന​ത്?

ക​വി​ത​യ​ട​ക്ക​മു​ള്ള സാ​ഹി​ത്യ​ത്തി​ന്റെ വ​ള​ര്‍ച്ച​യി​ല്‍ സാ​ഹി​ത്യ അ​ക്കാ​ദ​മി​ക്ക് പ​ങ്ക് ഒ​ന്നു​മി​ല്ല. അ​ക്കാ​ദ​മി​യൊ​ന്നും ഇ​ല്ലാ​ത്ത കാ​ല​ത്താ​ണ് ച​ങ്ങ​മ്പു​ഴ​ക്ക​വി​ത കേ​ര​ള​ത്തി​ല്‍ കൊ​ടു​ങ്കാ​റ്റു വി​ത​ച്ച​ത്. അ​ക്കാ​ദ​മി ക്യാ​മ്പു​ക​ളി​ല്‍നി​ന്നു ചി​ല പ്ര​ണ​യ​വി​വാ​ഹ​ങ്ങ​ള്‍ ഉ​ണ്ടാ​യി​ട്ടു​ണ്ട് എ​ന്ന ന​ല്ല​കാ​ര്യം മ​റ​ക്കു​ന്നി​ല്ല. ക്യാ​മ്പി​ല്‍ ​െവ​ച്ച് ഇ​ഷ്ട​ക​വി​ക​ളെ ക​ണ്ട​തും മ​റ​ക്കു​ന്നി​ല്ല. ക്യാ​മ്പ് ഇ​ല്ലാ​യി​രു​ന്നെ​ങ്കി​ലും ഞാ​ന്‍ അ​വ​രെ കാ​ണു​മാ​യി​രു​ന്നു. ശം​ഖ​ഘോ​ഷ്, അ​രു​ണ്‍ ക​മ​ല്‍, അ​മൃ​താ​പ്രീ​തം, ഗ​ദ്ദ​ര്‍, വ​ര​വ​ര​റാ​വു, സു​ബോ​ധ് സ​ര്‍ക്കാ​ര്‍, ശി​വ​റെ​ഡ്ഡി, വൈ​ലോ​പ്പി​ള്ളി തു​ട​ങ്ങി​യ​വ​രെ അ​വ​രു​ടെ ജീ​വി​ത​സ്ഥ​ല​ത്തു പോ​യി ഞാ​ന്‍ ക​ണ്ടി​ട്ടു​ണ്ട്. ടാ​ഗോ​റി​ന്റെ​യും ദ​സ്ത​യേ​വ്സ്കി​യു​ടെ​യും വീ​ട്ടി​ല്‍ പോ​യി​ട്ടു​ണ്ട്. ഇ​തൊ​ന്നും അ​ക്കാ​ദ​മി സ​ഹാ​യി​ച്ചി​ട്ട​ല്ല.

‘കീ​ഴാ​ള​ന്‍’ (‘മാ​ധ്യ​മ’​ത്തി​ല്‍ പ്ര​സി​ദ്ധീ​ക​രി​ച്ച​ത്) ജ​ന​ങ്ങ​ളി​ലെ​ത്തി​യ​ത് ആ ​പു​സ്ത​ക​ത്തി​ന് സാ​ഹി​ത്യ അ​ക്കാ​ദ​മി അ​വാ​ര്‍ഡ് കി​ട്ടി​യ​തു​കൊ​ണ്ട​ല്ല. ‘പെ​ണ​ങ്ങു​ണ്ണി’ (‘മാ​ധ്യ​മ​’ത്തി​ല്‍ പ്ര​സി​ദ്ധീ​ക​രി​ച്ച​ത്) സ്വീ​ക​രി​ക്ക​പ്പെ​ട്ട​ത് അ​തി​നു കി​ട്ടി​യ പ​ത്മ​നാ​ഭ​സ്വാ​മി സ​മ്മാ​നം നി​ര​സി​ച്ച​തു​കൊ​ണ്ടു​മ​ല്ല. അ​വാ​ര്‍ഡു​ക​ള്‍ ഒ​രു കൃ​തി​ക്കും ത​ണ​ലോ വെ​യി​ലോ ആ​കു​ന്നി​ല്ല.

കേ​ര​ള​ത്തി​ലെ ന​ക്‌​സ​ല്‍ പ്ര​സ്ഥാ​ന​ങ്ങ​ളു​ടെ പ്ര​വ​ര്‍ത്ത​ന​ങ്ങ​ള്‍ ഒ​രു കാ​ല​ത്തെ മ​ല​യാ​ള സാ​ഹി​ത്യ​ത്തെ​യും രൂ​പ​പ്പെ​ടു​ത്തു​ന്ന​തി​ല്‍ വ​ലി​യ തോ​തി​ലു​ള്ള പ​ങ്ക് നി​ർവ​ഹി​ച്ചി​ട്ടു​ണ്ട​ല്ലോ? അ​ത്ത​രം പ്ര​വ​ര്‍ത്ത​ന​ങ്ങ​ളെ പ​റ്റി താ​ങ്ക​ള്‍ക്ക് പ​റ​യാ​നു​ള്ള​ത് എ​ന്താ​ണ്?

സാ​ഹി​ത്യ​ത്തി​നു മാ​ത്ര​മ​ല്ല സി​നി​മ, ചി​ത്ര​ക​ല, ശി​ൽപ​ക​ല, പാ​ട്ട്, വാ​യ​ന... തു​ട​ങ്ങി​യ​വ​യെ​യും ന​ക്‌​സ​ലൈ​റ്റ് ആ​ശ​യ​ങ്ങ​ള്‍ സ്വാ​ധീ​നി​ച്ചി​ട്ടു​ണ്ട്. ഒ​രു കാ​ൽപ​നി​ക​ സ​വി​ശേ​ഷ​ത​യാ​യി​പ്പോ​ലും ആ ​ആ​ശ​യം പ്ര​വ​ര്‍ത്തി​ച്ചി​ട്ടു​ണ്ട്. എ​നി​ക്ക് ‘ആ​വ​ര്‍ത്ത​നം’, ‘തോ​ക്കി​ന്റെ വ​ഴി’, ‘ചെ​ര്‍ഗീ​സ്’ എ​ന്നീ ക​വി​ത​ക​ളും ‘ന​ക്‌​സ​ലൈ​റ്റ്’, ‘മാ​വോ​യി​സ്റ്റ്’ എ​ന്നീ ന​ഗ്‌​ന​ക​വി​ത​ക​ളും എ​ഴു​താ​ന്‍ അ​വ​രു​ടെ പ്ര​വ​ര്‍ത്ത​നം സ​ഹാ​യി​ച്ചി​ട്ടു​ണ്ട്. അ​വ​രു​മാ​യി നേ​രി​ട്ടൊ​രു ബ​ന്ധ​വും എ​നി​ക്കി​ല്ലാ​യി​രു​ന്നു.

രാ​ഷ്ട്രീ​യ​പ​ര​മാ​യി ചി​ന്തി​ച്ചാ​ല്‍ 1992ലെ ​ബാ​ബ​രി മ​സ്ജി​ദി​ന്റെ ത​ക​ര്‍ച്ച ഇ​ന്ത്യ​ന്‍ ജ​നാ​ധി​പ​ത്യ​ത്തി​ന്റെ മ​തേ​ത​ര മു​ഖ​ത്തി​നേ​റ്റ പ്ര​ഹ​രംത​ന്നെ​യാ​ണ്. അ​ത്ത​ര​മൊ​രു സ​ന്ദ​ര്‍ഭ​ത്തി​ലൂ​ടെ ക​ട​ന്നുപോ​യി​ട്ടും ഈ ​രാ​ഷ്ട്രം ത​ക​ര്‍ന്നു​പോ​കാ​തെ നി​ല​നി​ര്‍ത്തു​ന്ന​തി​ല്‍ എ​ഴു​ത്തു​കാ​രും സാ​ഹി​ത്യകൃ​തി​ക​ളും വ​ഹി​ച്ച പ​ങ്ക് നി​സ്തു​ല​മാ​ണ്. അ​ടി​യ​ന്തരാ​വ​സ്ഥ​ക്കാ​ല​ത്ത് ഉ​യ​ര്‍ന്നുവ​ന്ന പ്ര​തി​രോ​ധ​ത്തി​ന്റെ സാ​ഹി​ത്യംപോ​ലെ എ​ത്തി​യി​ല്ലെ​ങ്കി​ലും പു​തി​യ ഇ​ന്ത്യ​ന്‍/​ മ​ല​യാ​ള സാ​ഹി​ത്യ​ത്തി​ല്‍ താ​ങ്ക​ള്‍ക്ക് പ്ര​തീ​ക്ഷ​യു​ണ്ടോ?

ബാ​ബ​രി പ​ള്ളി ഒ​രു ച​രി​ത്രസ്മാ​ര​ക​മാ​യി​ട്ടെ​ങ്കി​ലും സം​ര​ക്ഷി​ക്ക​ണം എ​ന്നാ​ണ് ഇ​പ്പോ​ഴും ആ​രാ​ധ​ന​യി​ല്‍ താ​ൽപ​ര്യ​മി​ല്ലാ​ത്ത എ​ന്റെ അ​ഭി​പ്രാ​യം.​ അ​ന്ന് കേ​ര​ള​ത്തി​ല്‍ വ​ലി​യ പ്ര​തി​ഷേ​ധ​ങ്ങ​ള്‍ ഇ​ട​തു​പ​ക്ഷ പ്ര​സ്ഥാ​ന​ങ്ങ​ള്‍ സം​ഘ​ടി​പ്പി​ച്ചു. പ​ല​യി​ട​ത്തും ഞാ​ന്‍ അ​തു​സം​ബ​ന്ധി​ച്ചു കി​ട്ടി​യ ഒ​രു വിഡി​യോ പ്ര​ദ​ര്‍ശി​പ്പി​ക്കു​ക​യും ‘ദു​ശ്ശീലം’ എ​ന്ന ന​ഗ്‌​ന​ക​വി​ത പി​റ​ക്കു​ക​യുംചെ​യ്തു. ബ​ാബ​രിപ്പ​ള്ളി പൊ​ളി​ച്ചി​ട​ത്തു​നി​ന്നാ​ണ് ഹി​ന്ദു തീ​വ്ര​വാ​ദി​ക​ളു​ടെ ആ​ധി​പ​ത്യം ആ​രം​ഭി​ക്കു​ന്ന​ത്. അ​വി​ടെ ക്ഷേ​ത്രം സ്ഥാ​പി​ക്കാ​ന്‍ സെ​ക്കു​ല​ര്‍ രാ​ജ്യ​ത്തി​ന്റെ പ്ര​ധാ​ന​മ​ന്ത്രി ത​ന്നെ മു​ന്‍ കൈയെ​ടു​ത്തു. അ​തേ​സ​മ​യം, അ​ബൂദ​ബി​യി​ലെ ഹി​ന്ദു​ക്ഷേ​ത്രം പ്ര​ധാ​ന​മ​ന്ത്രി ത​ന്നെ ഉ​ദ്ഘാ​ട​നംചെ​യ്തു. അ​ബൂദബി​യി​ലെ ഭ​ര​ണാ​ധി​കാ​രി​ കാ​ണി​ച്ച മ​ത​സ​ഹി​ഷ്ണു​ത ഇ​ന്ത്യ​ന്‍ ഭ​ര​ണാ​ധി​കാ​രി​ക്കി​ല്ല. അ​വ​ര്‍ ഒ​രു പ​ക​യും ​െവ​ച്ച് പു​ല​ര്‍ത്തി​യി​ല്ല.

അ​തേ​സ​മ​യം, ഇ​ന്ത്യ​യി​ലാ​ക​ട്ടെ അ​ക്ബ​റെ​ന്നും സീ​ത​യെ​ന്നും വ​ള​ര്‍ത്തു​പേ​രു​ള്ള മൃ​ഗ​ങ്ങ​ളെ പോ​ലും സം​ഘ​് പ​രി​വാ​ര്‍ വെ​റു​തെ വി​ടു​ന്നി​ല്ല. അ​ത്ര​ക്ക് ഇ​ടു​ങ്ങി​യ​തും പ​രി​ഹാ​സ്യ​വു​മാ​ണ് ഇ​ന്ത്യ​ന്‍ മ​ത​ബോ​ധം. മു​ങ്ങി​മ​രി​ക്കാ​ന്‍ തു​ട​ങ്ങി​യ കേ​ര​ള​ത്തി​ന് യു.എ.ഇ ​സ​ര്‍ക്കാ​ര്‍ വാ​ഗ്ദാ​നം ചെ​യ്ത സ​ഹാ​യ​ത്തെ​പ്പോ​ലും ത​ട​ഞ്ഞ​വ​രാ​ണ് ഇ​ന്ത്യ​ന്‍ ഭ​ര​ണ​കൂ​ടം എ​ന്ന​ത് അ​വ​ര്‍ കാ​ര്യ​മാ​ക്കി​യ​തേ​യി​ല്ല.​ ബാ​ബ​രി​പ്പ​ള്ളി പൊ​ളി​ച്ച​തി​ല്‍ അ​ന്ന​ത്തെ ഭ​ര​ണ​ക​ക്ഷി​യാ​യി​രു​ന്ന കോ​ണ്‍ഗ്ര​സിനും പ​ങ്കു​ണ്ട്. ഉ​ദ്ദേ​ശ്യകാ​ര്യ​സി​ദ്ധി​ക്ക് ഉ​പ​കാ​ര​ സ്മ​ര​ണ എ​ന്ന രീ​തി​യി​ല്‍ അ​ന്ന​ത്തെ കോ​ണ്‍ഗ്ര​സ് പ്ര​ധാ​ന​മ​ന്ത്രി പി.വി. നര​സിം​ഹ​റാ​വു​വി​ന് മ​ര​ണാ​ന​ന്ത​രം ഭാ​ര​ത​ര​ത്‌​ന പ്ര​ഖ്യാ​പി​ച്ച​തി​ലൂ​ടെ ബി.ജെ.പി ​ന​ന്ദി പ്ര​ക​ടി​പ്പി​ക്കു​ക​യുംചെ​യ്തു. അ​ബൂദബി ഭ​ര​ണാ​ധി​കാ​രി​യു​ടെ ഉ​ദാ​ര​ത ആ​ദ​ര​വ് അ​ര്‍ഹി​ക്കു​ന്ന​താ​ണ്. യു​വ​ക​വി​ത ഇ​ത്ത​രം കാ​ര്യ​ങ്ങ​ളി​ല്‍ ബോ​ധ​പ്ര​കാ​ശം ഉ​ള്‍ക്കൊ​ണ്ട​താ​ണ്.

ലോ​ക​ഗ​തി​യെ ത​ന്നെ സ്വാ​ധീ​നി​ക്കു​ന്ന ത​ര​ത്തി​ലു​ള്ള ഉ​ജ്ജ്വ​ല​ കൃ​തി​ക​ള്‍ പാ​ശ്ചാ​ത്യ ഭാ​ഷ​ക​ളി​ല്‍ ഉ​ണ്ടാ​കു​മ്പോ​ള്‍ അ​ത്ത​ര​മൊ​ന്ന് ഇ​ന്ത്യ​ന്‍ ഭാ​ഷ​ക​ളി​ല്‍ ഉ​ണ്ടാ​യിവ​രു​ന്നു​ണ്ടോ എ​ന്ന​ത് സം​ശ​യ​മാ​ണ്. എ​ന്തു​കൊ​ണ്ടാ​കാം ലോ​കസാ​ഹി​ത്യ​ത്തി​ല്‍ ഉ​ണ്ടാ​കു​ന്ന​തുപോ​ലു​ള്ള കൃ​തി​ക​ള്‍ ഇ​ന്ത്യ​ന്‍ സാ​ഹ​ച​ര്യ​ത്തി​ല്‍ രൂ​പ​പ്പെ​ടാ​തെ പോ​കു​ന്ന​ത്?

ഒ​രു വി​ല​യി​രു​ത്ത​ലി​ന്റെ കാ​ലം ആ​യി​ട്ടി​ല്ല. നൊ​േ​ബ​ല്‍ സ​മ്മാ​നം കി​ട്ടി​യ പ​ല സാ​ഹി​ത്യ കൃ​തി​ക​ളും കാ​ലം ച​വ​റ്റു​കൂ​ട്ട​യി​ല്‍ എ​റി​ഞ്ഞുക​ഴി​ഞ്ഞു. ഇ​ന്ന് കൊ​ണ്ടാ​ട​പ്പെ​ടു​ന്ന പ​ല വി​ദൂ​ര​ ഭാ​ഷാ​കൃ​തി​ക​ളും കാ​ല​ത്തി​ന്റെ കു​ത്തൊ​ഴു​ക്കി​ല്‍ ഇ​ല്ലാ​താ​യേ​ക്കാം.​ കു​ഞ്ച​ന്‍ ന​മ്പ്യാ​രെ​യും ച​ങ്ങ​മ്പു​ഴ​യെ​യും ആ​ശാ​നെ​യും മാ​ധ​വി​ക്കു​ട്ടി​യെ​യും ബ​ഷീ​റി​നെ​യും ഒ​ക്കെ ലോ​കം കൂ​ടു​ത​ല്‍ ശ്ര​ദ്ധി​ക്കു​ന്ന കാ​ലം വ​രും.

ജ്ഞാ​ന​പീ​ഠ പു​ര​സ്‌​കൃ​ത​മാ​യ പ​ല ഇ​ന്ത്യ​ന്‍ ക​വി​ത​ക​ളെ​ക്കാ​ളും സ്വീ​കാ​ര്യ​ത സ​ത്യ​ന്‍ കോ​മ​ല്ലൂ​രി​ന്റെ ‘‘താ​ര​ക​പ്പെ​ണ്ണാ​ളേ...’’ എ​ന്ന പാ​ട്ടു​ക​വി​ത​ക്കു​ണ്ട്. സ​ര്‍വ​ക​ലാ​ശാ​ല​ക​ള്‍ അ​ട​ക്ക​മു​ള്ള അ​ക്കാ​ദ​മി​ക ത​ല​ത്തി​ലാ​ണ് വി​വ​ര്‍ത്ത​ന സാ​ധ്യ​ത ഇ​പ്പോ​ള്‍ ഉ​ള്ള​ത്. അ​ങ്ങ​നെ​യു​ള്ള സ​ന്ദ​ര്‍ഭം കി​ട്ടു​മ്പോ​ള്‍ മ​ല​യാ​ള​ത്തി​ലെ ശ്ര​ദ്ധേ​യ​ ക​വി​ത​ക​ള്‍ പ​രി​ഭാ​ഷ​പ്പെ​ടു​ത്തു​വാ​നു​ള്ള വി​ശാ​ല​മ​ന​സ്സ് അ​ക്കാ​ദ​മി​ക​ത​ല​ത്തി​ല്‍ പ്ര​വ​ര്‍ത്തി​ക്കു​ന്ന​വ​ര്‍ക്ക് ഉ​ണ്ടാ​ക​ണം. ഇ​പ്പോ​ള്‍ കാ​ര്യ​ങ്ങ​ള്‍ കു​റെ​ക്കൂടി ജ​ന​കീ​യ​മാ​യി​ട്ടു​ണ്ട്.

വി​ദ്യാ​ര്‍ഥി​യാ​യ ര​തീ​ഷ് കൃ​ഷ്ണ​യു​ടെ ക​വി​ത​ക​ള്‍ ബം​ഗാ​ളി അ​ട​ക്ക​മു​ള്ള ഭാ​ഷ​ക​ളി​ലേ​ക്ക് മൊ​ഴി​മാ​റ്റ​പ്പെ​ട്ടു​ക​ഴി​ഞ്ഞു. അ​നീ​സ ഇ​ഖ്ബാ​ലി​ന്റെ​യും മ​റ്റും ക​വി​ത​ക​ൾ ത​മി​ഴി​ല്‍ വ​ന്നു​ക​ഴി​ഞ്ഞു. പ്രാ​ന്ത​പ്ര​ദേ​ശ​ത്തു ക​ഴി​യു​ന്ന എ​ന്റെ ക​വി​ത​പോ​ലും അ​ക്കാ​ദ​മി​ക കാ​രു​ണ്യ​മി​ല്ലാ​തെ ത​മി​ഴി​ലും ഇം​ഗ്ലീ​ഷി​ലു​മൊ​ക്കെ പു​സ്ത​ക​മാ​യി വ​ന്നി​ട്ടു​ണ്ട്. കേ​ര​ളം പ​ശ്ചി​മ​ഘ​ട്ട​ങ്ങ​ളെ​യും ക​ട​ലി​നെ​യും ക​ട​ന്നു വ​ള​രു​ക​ ത​ന്നെ​ചെ​യ്യും.

വ​രു​ന്ന ഒ​രു അ​മ്പ​ത് വ​ര്‍ഷ​ത്തെ ലോ​ക​ഗ​തി​യെ​യും ഇ​ന്ത്യ​യെ​യും സ​ങ്കൽപിക്കാ​ന്‍ ആ​കു​ന്നു​ണ്ടോ?

യു​ദ്ധ​ങ്ങ​ളു​ണ്ടാ​കും. ഇ​ന്ത്യ​യി​ല്‍ വ​ര്‍ഗീ​യ ക​ലാ​പ​ങ്ങ​ള്‍ ഉ​ണ്ടാ​കും.​ സ​മാ​ധാ​ന പ്ര​വ​ര്‍ത്ത​ന​ങ്ങ​ളും ശ​ാസ്ത്രാ​വ​ബോ​ധ​വും യു​ക്തി​ചി​ന്ത​യും ലോ​ക​ര​ക്ഷ​ക്കാ​യി സ​ജീ​വ​മാ​കും.

മ​ല​യാ​ള ക​വി​ത​യി​ല്‍ ദീ​ര്‍ഘ​മാ​യൊ​രു കാ​വ്യസ​പ​ര്യ​യാ​ണ​ല്ലോ താ​ങ്ക​ളു​ടേ​ത്? മ​ലയാ​ള കാ​വ്യ​ഭൂ​മി​ക​യി​ല്‍ സു​ദീ​ര്‍ഘ​മാ​യ എ​ഴു​ത്തു​കാ​ലം പി​ന്നി​ടു​മ്പോ​ള്‍ എ​ന്തുതോ​ന്നു​ന്നു?

പ​ത്തൊ​മ്പ​താം വ​യ​സ്സി​ല്‍ പി​റ​ന്ന ‘വീ​ണ​വി​ല്‍പ്പ​ന​ക്കാ​ര​ന്‍’ മു​ത​ല്‍ അ​ടു​ത്ത​കാ​ല​ത്തു പി​റ​ന്ന ‘ഫാ​ത്തി​മാതു​രു​ത്ത്’ വ​രെ​യാ​ണ​ല്ലോ കൈ​മു​ത​ല്‍. ഇ​ട​പ്പ​ള്ളി​യു​ടെ ‘ഭ​ര​ണ​ഘ​ട​ന’ പ​റ​യു​ന്ന​ത് ‘‘എ​നി​ക്കു​മു​ണ്ടേ​തോ ചി​ല​തെ​ല്ലാം ഊ​ഴി​പ്പ​ര​പ്പി​നോ​ടൊ​ന്നു പ​റ​ഞ്ഞു പോ​കു​വാ​ന്‍’’ എ​ന്നാ​ണ​ല്ലോ. ചി​ല​തെ​ല്ലാം പ​റ​ഞ്ഞു. അ​ധി​ക​വും പ​റ​ഞ്ഞി​ല്ല. തൃ​പ്തി​യേ​ക്കാ​ള്‍ കൂ​ടു​ത​ല്‍ അ​തൃ​പ്തി​യു​ടെ ഉ​റു​മ്പു​ക​ളാ​ണ് മ​ന​സ്സി​ല്‍ ഇ​ഴ​യു​ന്ന​ത്.

പ​തി​മൂ​ന്നു വ​ര്‍ഷ​മാ​യി ഫേ​സ്ബു​ക്കി​ല്‍ ഞാ​ന്‍ ഇ​ന്ന് വാ​യി​ച്ച ക​വി​ത​യെ​ന്ന പം​ക്തി ചെ​യ്യു​ന്നു​ണ്ട്. പു​തി​യ ര​ച​ന​ക​ളെ പി​ന്തു​ട​ര്‍ന്നു നി​രീ​ക്ഷി​ക്കാ​ന്‍ ക​ഴി​യു​ന്ന​തി​ല്‍ ആ​ഹ്ലാ​ദി​ക്കു​ന്നു. ഞാ​യ​റാ​ഴ്ച​ക​ളി​ല്‍ മ​ണ്‍മ​റ​ഞ്ഞ ക​വി​ക​ളെ അ​നു​സ്മ​രി​ക്കു​ന്നു. തി​ങ്ക​ളാ​ഴ്ച​ക​ളി​ല്‍ ഇ​ന്ത്യ​ന്‍ ഭാ​ഷ​ക​ളി​ലും അ​യ​ല്‍ഭാ​ഷ​ക​ളി​ലു​മു​ള്ള ക​വി​ത​ക​ള്‍ വാ​യി​ക്കു​ന്നു. രാ​വി​ലെ അ​ഞ്ചു​മ​ണി​ക്കാ​ണ് ക​വി​ത​ക​ള്‍ പോ​സ്റ്റ് ചെ​യ്യു​ന്ന​ത്. നൂ​റുക​ണ​ക്കി​നു വാ​യ​ന​ക്കാ​ര്‍ എ​ന്നും വ​ന്നു വാ​യി​ക്കു​ന്നു​ണ്ട്. ഈ ​ശ്ര​മം തു​ട​രാ​ന്‍ ക​ഴി​യു​ന്ന​തി​ല്‍ അ​ഭി​മാ​നി​ക്കു​ന്നു.