ഒ​ഴി​വ് നേ​ര​ങ്ങ​ൾ

പു​ല​ർ​ച്ച വെ​ളി​ച്ചം

കു​റ​ച്ചെ​ടു​ത്ത് ഉ​രു​ട്ടി

പ​ക​ലി​ന്റെ

ഒ​രു പ്ര​തി​മ​യു​ണ്ടാ​ക്കു​ന്നു

രാ​ത്രി വൈ​കി

അ​തി​ന്റെ തെ​ളി​ച്ച​ത്തി​രു​ന്ന്

ചോ​റു കു​ഴ​ച്ചു​ണ്ണു​ന്നു.

പ​ക​ൽ മു​ഴു​വ​ൻ

ഓ​രോ നാ​രു​ക​ൾ

ചി​ക്കി​ച്ചീ​കി,

കൈ​വേ​ഗം കു​റ​ഞ്ഞ​തെ​ങ്കി​ലും

വി​രു​തു​ള്ള

ഒ​രു പ​ണി​ക്കാ​രി​യെ​പ്പോ​ലെ

തോ​ന്ന്യേ​തോ​രോ​ന്ന്

മെ​ന​ഞ്ഞു 

വെ​യ്ക്കു​ക​യാ​ണ​ല്ലോ!

തേ​നീ​ച്ച​ക​ളു​ടെ കൂ​ടി​ന്റെ

ആ​കൃ​തി, വ​ലു​പ്പ​വും

പൂ​ക്ക​ളു​ടെ നി​റ​ത്തി​ന്റെ

ഏ​റ്റ​ക്കു​റ​ച്ചി​ലു​ക​ളും

മ​ഴ​വി​ല്ലി​ന്റെ വ​ര​ത്തു പോ​ക്കു​ക​ളും

മ​ഞ്ഞി​ന്റെ​യും മ​ഴ​യു​ടെ​യും വെ​യി​ലി​ന്റെ​യും

ചേ​രു​വ​യ​ള​വു​ക​ളും

അ​വ​ളു​ടെ കൈ​പ്പി​ടി​ക്കു​ള്ളി​ൽ ഒ​തു​ങ്ങി.

നാ​ര​ക​ത്തി​ന്റെ പു​ളി​പ്പും

മ​ധു​രനാ​ര​ങ്ങ​യു​ടെ ഇ​നി​പ്പും

അ​വ​ൾ വി​ചാ​രി​ക്കു​ന്ന​തു​പോ​ലെ​യാ​ണ്.

ചു​മ്മാ നേ​ര​മ്പോ​ക്കി​ന്

വ​ല​ങ്കാ​ൽ ചു​ഴ​റ്റി

ഇ​ട​ങ്കാ​ൽ ചു​ഴ​റ്റി

അ​വ​ൾ ക​റ​ക്കി​യെ​റി​യു​ന്ന

കാ​റ്റു​ക​ളാ​ണ്

ഭൂ​ഗോ​ള​ത്തി​ന്റെ 

ന​ന്നാ​ലു പ​തി​നാ​റ് ദി​ക്കി​ലും 

കി​ട​ന്ന്

ചു​റ്റി​ത്തി​രി​യു​ന്ന​ത്.

പൂ​ച്ച​യു​റ​ക്കം പോ​ല​ത്തെ

രാ​ത്രി​യു​റ​ക്ക​മാ​ണ​വ​ൾ​ക്ക്

പ​ക​ലു​റ​ങ്ങാ​ൻ

നേ​ര​വു​മി​ല്ല​പോ​ലും

ച​വി​ട്ട​ടി​ക​ൾ​കൊ​ണ്ട്

ഇ​ക്ക​ണ്ടു കാ​ണാ​യ​തും

അ​ല്ലാ​ത്ത​തു​മാ​യ

പ്ര​പ​ഞ്ചം മൊ​ത്തം

അ​വ​ൾ​ക്ക​ള​ന്നെ​ടു​ക്കാം.

ഏ​തു ലോ​ക​ത്തൊ​രാ​ൾ

അ​വ​ളോ​ട് മി​ണ്ടി​യാ​ലും

അ​തി​നൊ​ത്ത

ക​ണ​ക്കൊ​രു പൂ

​അ​വ​രു​ടെ മു​റ്റ​ത്ത് വി​രി​യും

അ​വ​ളു​ടെ ഭാ​ഷ

അ​തി​ന്റെ മ​ണം

അ​ണി​ഞ്ഞൊ​രു​ങ്ങാ​ന​വ​ൾ​ക്കി​ഷ്ട​മാ​ണ്

അ​വ​ൾ​ക്കും

തു​ള്ളി​ച്ചാ​ടു​ന്ന കൊ​തി​ക​ളു​ണ്ട്.

വ​ല​ത്തെ മൂ​ക്കി​ൽ

ചു​വ​ന്ന ക​ല്ലി​ന്റെ സൂ​ര്യ​നും

ഇ​ട​ത്തെ മൂ​ക്കി​ൽ

വെ​ള്ളി​ക്ക​ല്ലി​ൽ തീ​ർ​ത്ത

പാ​തി മു​ഴു​ത്ത ച​ന്ദ്ര​നും

അ​വ​ൾ കൊ​രു​ത്തി​ട്ടു.

കാ​ലി​ലെ

ക​ട്ടി​ക്കൊ​ലു​സി​ൽ

എ​ണ്ണി​യാ​ൽ തീ​രാ​ത്ത മു​ത്തു​ക​ൾ

ക​ടും ത​വി​ട്ടു​ട​ലി​ലെ​പ്പൊ​ഴും

മു​ഗാ​പ്പു​ഴു​ക്ക​ളെ

കൊ​ന്നെ​ടു​ത്ത

ക​ട്ടി​യു​ള്ള പ​ട്ടു​തു​ണി മാ​ത്രം

ഞൊ​റി​ഞ്ഞു​ടു​ത്തു

അ​വ​ൾ​ക്കു വേ​ണ്ടി

കാ​ട്ടു​മ​ര​ങ്ങ​ളി​ൽ വ​ള​ർ​ന്ന്

പൊ​ള്ളി​പ്പു​ഴു​ങ്ങി​യൊ​ടു​ങ്ങി​യ

പു​ഴു​ക്ക​ളെ​ല്ലാം

പു​ണ്യാ​ത്മാ​ക്ക​ൾ

ഇ​ഷ്ട​നി​റ​ത്തി​ലെ

ന​ക്ഷ​ത്ര ജീ​വി​തം

അ​വ​ർ​ക്കെ​ന്നേ​ക്കു​മു​ള്ള പ്ര​തി​ഫ​ലം

ഇ​ങ്ങ​നെ​യോ​രോ​ന്ന്

ചെ​യ്ത് മ​ടു​ക്കു​മ്പോ​ൾ

അ​വ​ൾ​ക്ക്

ക​ഥ​ക​ൾ കേ​ൾ​ക്കാ​ൻ കൊ​തി​യാ​വും

ആ​രും മി​ണ്ടാ​നി​ല്ലാ​തെ

തി​ക്കു​മു​ട്ടി

ക​ണ്ണു നി​റ​ഞ്ഞി​രി​ക്കു​ന്ന

ആ​ളു​ക​ളെ 

തെ​ര​ഞ്ഞ് പോ​വും

കെ​ട്ടി​പ്പി​ടി​ക്കാ​ൻ

അ​വ​ർ​ക്കൊ​രു 

കാ​റ്റി​നെ കൊ​ടു​ക്കും

അ​വ​രെ​യ​ങ്ങ​നെ

മൂ​ളി​ക്കേ​ട്ടു​കൊ​ണ്ട്

അ​വ​ള​വ​രു​ടെ മു​ടി​യി​ഴ​ക​ളി​ൽ

ചെ​റു ചെ​റു ചി​ത്ര​ങ്ങ​ൾ വ​ര​ഞ്ഞി​ട്ടും

പ​റ​ന്നു പോ​വു​ന്ന കി​ളി​ക​ൾ

ത്രി​കോ​ണം പോ​ല​ത്തെ മ​ല​ക​ൾ

അ​വ​യ്ക്കി​ടെ ഒ​രു പു​ഴ

അ​തി​ൽ ചെ​റി​യൊ​രു തോ​ണി

ആ​ടി വ​ള​ഞ്ഞ തെ​ങ്ങു​ക​ൾ

അ​വ​ൾ​ക്ക​തൊ​രു ര​സം

മ​ട​ങ്ങാ​ൻ നേ​രം

ആ​രും കേ​ട്ടി​ട്ടി​ല്ലാ​ത്ത

ഒ​രു ഈ​ണ​ത്തി​ന്റെ

ക​ഷ​ണം മു​റി​ച്ച്

അ​വ​രു​ടെ ചെ​വി​യി​ലി​ടും

അ​തി​ന്റെയ​ല​ക​ളി​ൽ

അ​വ​ർ

ത​ല​യാ​ട്ടി പു​ഞ്ചി​രി​ക്കു​ന്ന​തും നോ​ക്കി

കാ​ലി​ള​ക്കി താ​ളം ച​വി​ട്ടി

അ​വ​ളൊ​രു ചൂ​ടു ചാ​യ

-ഊ​തി​യൂ​തി​ക്കു​ടി​ക്കും.