ചുവരിലെപഴയ ഫോട്ടോയിലിരുന്ന് പഴയ ഞാൻ പുതിയ എന്നെ നോക്കുന്നു. പുതിയ തലമുടിയിൽ നടന്നതിന്റെ അറിഞ്ഞതിന്റെ അറിയാത്തതിന്റെ വെളുമ്പാതകൾ ഫോട്ടോയിൽ പണ്ടത്തെ ചിരി ഇളം പല്ല് പുതിയ ചിരിയിൽ പല്ലില്ലാക്കുഴി ഫോട്ടോയെടുത്ത മിത്രം മരിച്ചു പോയ് ആ കാലം പോയ് അന്നത്തെ ഞാനും പോയ് ഇപ്പോൾ...
ചുവരിലെ
പഴയ ഫോട്ടോയിലിരുന്ന്
പഴയ ഞാൻ
പുതിയ എന്നെ
നോക്കുന്നു.
പുതിയ തലമുടിയിൽ
നടന്നതിന്റെ
അറിഞ്ഞതിന്റെ
അറിയാത്തതിന്റെ
വെളുമ്പാതകൾ
ഫോട്ടോയിൽ
പണ്ടത്തെ ചിരി
ഇളം പല്ല്
പുതിയ ചിരിയിൽ
പല്ലില്ലാക്കുഴി
ഫോട്ടോയെടുത്ത
മിത്രം മരിച്ചു പോയ്
ആ കാലം പോയ്
അന്നത്തെ
ഞാനും പോയ്
ഇപ്പോൾ വെളുത്ത ചുവരിൽ
മരിച്ചിരിക്കുന്നു
പഴയ ഞാൻ
അന്നത്തെ ഞാൻ
മരിച്ചതായുള്ള
സർട്ടിഫിക്കറ്റു കിട്ടുമോ?
കാണാനില്ലെന്നുകാട്ടി
ഒരു പരസ്യം കൊടുത്താൽ
തിരികെ വരുമോ?
വന്നാൽ
പുതിയ ഞാൻ
പഴയ എന്നോട്
എന്തു പറയും?
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.