ദെ വെളുത്ത നിറങ്ങൾ

ഞാ​നെ​ന്റെ പെ​ങ്ങ​ളെ

ത​ക്കാ​ളി​ക്ക​റി പാ​കം​ചെ​യ്യു​ന്ന​ത്

പ​ഠി​പ്പി​ക്കു​ന്ന നേ​ര​ത്ത്

മ​രി​ച്ചു​പോ​യ എ​ന്റ​പ്പ​ന്റെ

പെ​മ്പ​റ​ന്നോ​ത്തി

അ​താ​യ​ത് ഞ​ങ്ങ​ളെ ത​ള്ള

ഒ​ളി​ച്ചോ​ടി​പ്പോ​യ വ​ള​ഞ്ഞ​വ​ഴി

അ​ടു​ക്ക​ള വാ​തി​ലി​ലൂ​ടെ

കാ​ണാ​മാ​യി​രു​ന്നു,

ത​ക്കാ​ളി​പോ​ലെ ചു​വ​ന്ന

നാ​ലു​ക​ണ്ണു​ക​ളു​മ​പ്പോ​ൾ

പാ​തി​വെ​ള്ളം നി​റ​ച്ച കി​ണ്ണ​ത്തി​ൽ

ശ്വാ​സം​മു​ട്ട​ലോ​ടെ പി​ട​ഞ്ഞു​കൊ​ണ്ട്

ക​ട്ട​പി​ടി​ച്ച ക​ണ്ണീ​ർ​ച്ചോ​ര​ക​ളെ

ക​ഴു​കി​ക്ക​ള​യു​ന്നു​ണ്ടാ​വും,

എ​ന്റെ​യും അ​വ​ളു​ടെ​യും

ര​ണ്ടു ചൂ​ണ്ടു​വി​ര​ലു​ക​ളും

പ​ച്ച​മു​ള​കു​ക​ളാ​യി

വെ​ള്ള​ത്തി​ൽ മ​ല​ർ​ന്നു കി​ട​ന്നു

നീ​ന്ത​ൽ പ​ഠി​ക്കു​മ്പോ​ൾ

ഒ​രു ക​റി​വേ​പ്പി​ല​ത്ത​ണ്ട്

പാ​യ​ക്ക​പ്പ​ൽ​പോ​ലെ മെ​ല്ലെ മെ​ല്ലെ...

നി​ങ്ങ​ൾ ഉ​ള്ളി മു​റി​ക്കു​മ്പോ​ൾ

ക​ര​യാ​റു​ണ്ടോ?

ഞ​ങ്ങ​ൾ ത​ക്കാ​ളി​ക്ക​റി​യി​ൽ

ഉ​ള്ളി​യി​ടാ​റി​ല്ല കേ​ട്ടോ!

പാ​കം ചെ​യ്യു​ന്ന മ​ൺ​ച​ട്ടി​യി​ൽ

പൊ​ട്ടി​ത്തെ​റി​ച്ച സ​ങ്ക​ട​ങ്ങ​ൾ​ക്കൊ​പ്പം

അ​രി​ഞ്ഞു​വെ​ച്ച ക​ണ്ണു​ക​ളും

ന​ടു​വെ​പ്പി​ള​ർ​ന്ന ചൂ​ണ്ടു​വി​ര​ലു​ക​ളും

വ​ട്ടം ക​റ​ങ്ങു​മ്പോ​ൾ

എ​ന്നെ​യു​മ​വ​ളെ​യും

ക​റി​വേ​പ്പി​ല​ക​ളാ​യും കാ​ണാം...

എ​ട്ട് വ​യ​സ്സാ​ണ​വ​ൾ​ക്ക്,

എ​ട്ടു​മ​ണി​ക്കു​റ​ങ്ങ​ണ​മ​വ​ൾ​ക്ക്,

എ​ട്ടി​നെ ര​ണ്ടാ​യി ഗു​ണി​ച്ച്

അ​തി​നോ​ട്

എ​ട്ടി​ൽ ര​ണ്ടാ​യി ഹ​രി​ച്ചാ​ൽ

കി​ട്ടു​ന്ന സം​ഖ്യ​യെ കൂ​ട്ടി​യാ​ൽ

കി​ട്ടു​ന്ന വ​യ​സ്സാ​ണെ​നി​ക്ക്,

വ​യ​സ്സെ​ത്ര = ..?

നി​ങ്ങ​ൾ ക​ണ​ക്കു

കൂ​ട്ടി​ക്ക​ഴി​യു​മ്പോ​ഴേ​ക്കും

മ​സാ​ല​പ്പൊ​ടി​ക​ളി​ട്ട് ഞാ​ൻ

ത​ക്കാ​ളി​ക്ക​റി വ​ര​ട്ടി​വ​ര​ട്ടി വ​റ്റി​ച്ചു​വെ​ക്കാം,

സ്വ​ൽ​പം പ​ച്ച​വെ​ളി​ച്ചെ​ണ്ണ​യും ഒ​ഴി​ക്കാം,

ഉ​പ്പ് ചേ​ർ​ക്കേ​ണ്ട​തി​ല്ല കേ​ട്ടോ

പാ​ക​ത്തി​നാ​വി​ല്ല.

ഉ​ത്ത​രം= ഇ​രു​പ​ത്

അ​വ​ൾ​ക്കി​രു​പ​ത് വ​യ​സ്സാ​കു​മ്പോ​ൾ

ഏ​റ്റ​വും തി​ള​ക്ക​മു​ള്ള ന​ക്ഷ​ത്ര​ങ്ങ​ളു​ള്ള

ആ​കാ​ശം നി​ന​ക്കാ​യി

ഉ​യ​ർ​ന്നു​കൊ​ണ്ടി​രി​ക്കു​മെ​ന്ന്

ഞാ​ന​വ​ളോ​ട് ക​ഥ​പ​റ​യു​മ്പോ​ൾ

ഞ​ങ്ങ​ളു​ടെ ത​ള്ള ഒ​ളി​ച്ചോ​ടി​പ്പോ​യ

വ​ള​ഞ്ഞ​വ​ഴി​യി​ലൂ​ടെ

അ​ടു​ക്ക​ള​യി​ലി​രി​ക്കു​ന്ന പൂ​ച്ച

മീ​ൻ​മ​ണം പി​ടി​ച്ചു​പോ​കു​ന്നു

പ​മ്മി പ​മ്മി... പി​ന്നെ മ്യാ​വൂ മ്യാ​വൂ...

ഇ​നി ഞ​ങ്ങ​ൾ ത​ക്കാ​ളി​ക്ക​റി കൂ​ട്ടി

ചോ​റ് ക​ഴി​ക്ക​ട്ടെ,

ക​ണ്ണു​ക​ൾ ക​ഴു​കി​യ

കി​ണ്ണ​ത്തി​ലെ വെ​ള്ളം

ത​ള്ള​പോ​യ /പൂ​ച്ച​പോ​യ

വ​ഴി​യി​ൽ ഒ​ഴി​ക്ക​ട്ടെ...

ഒ​രു ക​ട​ൽ​പ്പ​ക്ഷി​യാ​യി

അ​വ​ൾ പ​റ​ക്കു​മ്പോ​ൾ

ഞാ​നൊ​രു കാ​ട്ടു​പ​ക്ഷി​യാ​യി

അ​വ​ൾ​ക്കു മു​ന്നി​ൽ പ​റ​ക്ക​ട്ടെ,

സ​ദ്യ​യ്ക്കു​ള്ള ഇ​ല​യി​ട​ട്ടെ..!

കൈ ​ക​ഴു​കാം,

കൈ​യൊ​ഴി​യാ​ത്ത കൈ​ക​ളെ ക​ഴു​കി​ക്ക​ള​യാ​തെ

ലോ​ല​മാ​യ ത​ലോ​ട​ലു​ക​ളോ​ടെ

ചേ​ർ​ത്തു​പി​ടി​ച്ചു ക​ഴു​കു​ന്ന

കൈ​ക​ൾ​ക്കാ​ണ​ത്രെ എ​ന്നും തി​ള​ക്കം!

ദെ... ​നോ​ക്കൂ...

ന​മ്മ​ളൊ​രു കാ​ടു​മൂ​ടി​യ ദ്വീ​പാ​കു​മ്പോ​ഴും

തെ​ളി​ഞ്ഞ വെ​ള്ള​മെ​ത്ര​യാ​ണ് ചു​റ്റി​ലും,

അ​തി​ലെ​ത്ര​യെ​ത്ര മ​ഴ​ക​ളാ​ണ്..!