അടുത്തിരിക്കുന്നവർ
ചിരിക്കുന്നുണ്ട്
മിണ്ടുന്നുണ്ട്
ആരും കാണാതെ
ഒളിഞ്ഞുനോക്കുന്നുണ്ട്
അടുത്തിരിക്കുന്നവർ
എപ്പോഴും,
പൊട്ടിച്ചിതറിയേക്കാവുന്ന
രണ്ടു രാഷ്ട്രങ്ങളാണ്
അതുകൊണ്ടാണ്
ഞാനിപ്പോഴും
അകന്നിരിക്കുന്നത്.
ഓരോ പ്രണയത്തിലും
ഒരു മരിച്ച വീടുണ്ട്
ആരും കാണാതെ നനയുന്നുണ്ടതെപ്പോഴും
ആ വീട്ടിലേക്ക് കയറാനൊരു വഴി
ഇറങ്ങുമ്പോൾ വഴിയേയില്ല.
ഓരോ പ്രണയവും
കണ്ണീരുകൊണ്ടെഴുതിയ മഹാകാവ്യമാണ്
അതുകൊണ്ടായിരിക്കണം
ദൂരെയാണെങ്കിലും നമ്മളിപ്പോഴും
കവിതയിൽ മഞ്ഞുകൊണ്ട് വീടു പണിയുന്നതും
മറ്റൊരാളെ കാത്തിരിക്കുന്നതും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.