വാഷിങ്ടൺ: കാപിറ്റോളിൽ ട്രംപ് അനുകൂലികൾ നടത്തിയ അക്രമം തന്നെ നിരാശപ്പെടുത്തിയെന്നും മനസ്സ് മടുപ്പിച്ചെന്നും പ്രസിഡൻ്റ് ഡൊണാൾഡ് ട്രംപിെൻറ ഭാര്യയും അമേരിക്കൻ പ്രഥമ വനിതയുമായ മെലാനിയ. അക്രമം നടന്ന് അഞ്ച് ദിവസങ്ങൾക്ക് ശേഷം തിങ്കളാഴ്ചയാണ് മെലാനിയ ഈ വിഷയത്തിൽ മൗനം വെടിഞ്ഞ് ട്രംപ് അനുകൂലികളുടെ കലാപത്തെ അപലപിച്ചത്.
" കഴിഞ്ഞയാഴ്ചത്തെ സംഭവം എന്നെ നിരാശപ്പെടുത്തി, എൻ്റെ മനസ്സ് മടുപ്പിച്ചു. നമ്മുടെ രാജ്യം സാംസ്കാരികമായി തന്നെ സുഖപ്പെടണം. അതിൽ പാളിച്ചകൾ ഒന്നും വരാൻ പാടില്ല. കാപിറ്റോളിൽ നടന്ന അക്രമ സംഭവങ്ങളെ അതിശക്തമായി അപലപിക്കുന്നു. അക്രമം ഒരു തരത്തിലും അംഗീകരിക്കപ്പെടരുത് " - വൈറ്റ് ഹൗസ് പുറത്തിറക്കിയ മെലാനിയയുടെ പ്രസ്താവനയിൽ പറയുന്നു. അക്രമത്തിൽ മരിച്ചവരുടെ കുടുംബാംഗങ്ങളുടെ ദുഃഖത്തിൽ പങ്ക് ചേരുന്നെന്നും ഈ നഷ്ടം സഹിക്കാൻ അവർക്ക് ശക്തി ലഭിക്കട്ടെയെന്നും 600 വാക്കുകളുള്ള പ്രസ്താവനയിൽ മെലാനിയ പറഞ്ഞു.
തന്നെകുറിച്ച് അപവാദങ്ങളും തെറ്റായ വിവരങ്ങളും പ്രചരിപ്പിക്കുകയാണെന്നും അവർ കുറ്റപ്പെടുത്തി. അക്രമത്തിൽ പ്രതിഷേധിച്ച് മെലാനിയ ട്രംപിെൻറ ചീഫ് സ്റ്റാഫായ സ്റ്റെഫാനി ഗ്രിഷാം നേരത്തെ രാജി വെച്ചിരുന്നു. മുൻ വൈറ്റ് ഹൗസ് കമ്മ്യൂണിക്കേഷൻ ഡയറക്ടറും പ്രസ് സെക്രട്ടറിയുമായിരുന്നു സ്റ്റെഫാനി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.