വാഷിങ്ടൺ ഡി.സി: യു.എസ് പ്രസിഡന്‍റ് ജോ ബൈഡന്‍റെ കൊച്ചുമകളുടെ വിവാഹത്തിന് വേദിയാകാനൊരുങ്ങി ഔദ്യോഗിക വസതിയായ വൈറ്റ് ഹൗസ്. വൈറ്റ് ഹൗസിന്‍റെ ചരിത്രത്തിലെ 19ാമത് വിവാഹമാണ് നടക്കാൻ പോകുന്നത്. എന്നാൽ, പ്രസിഡന്‍റിന്‍റെ പേരക്കുട്ടിയുടെ വിവാഹം വൈറ്റ് ഹൗസിൽ നടക്കുന്നത് ആദ്യമായാണ്. ഇതുവരെ നടന്ന 18 വിവാഹവും പ്രസിഡന്‍റിന്‍റെ മക്കളുടെതായിരുന്നു.
ജോ ബൈഡന്‍റെ മകൻ ഹണ്ടർ ബൈഡന്‍റെ മകൾ നൊവാമി (28)യാണ് വിവാഹിതയാവുന്നത്. നീൽ (25) ആണ് വരൻ. അഭിഭാഷകയാണ് നൊവാമി. പെനിസിൽവാനിയ ലോ സ്കൂളിൽ നിന്ന് ബിരുദം പൂർത്തിയാക്കിയയാളാണ് നീൽ. നാല് വർഷമായി ഇരുവരും ഒരുമിച്ച് കഴിയുകയായിരുന്നു.
കൊച്ചുമകളുടെ വിവാഹത്തിൽ ഏറെ സന്തോഷവതിയാണെന്ന് പ്രഥമ വനിത ജിൽ ബൈഡൻ പ്രതികരിച്ചു. വിവാഹത്തിന്‍റെ ആഘോഷപരിപാടികൾ ആസൂത്രണം ചെയ്യുകയാണെന്നും അവർ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.