അജിത്തിന്​ പയറാണ്​ പ്രിയം; മൂ​ന്ന​ര​യേ​ക്ക​റി​ൽ വ​ള്ളി​പ്പ​യ​ർ കൃഷിമാ​ത്രം

തൊ​ടു​പു​ഴ: ചെ​റു​പ്പ​ക്കാ​ർ കൃ​ഷി​യി​ൽ​നി​ന്ന്​ അ​ക​ലു​ന്നു എ​ന്നും അ​വ​ർ മ​ണ്ണി​ലി​റ​ങ്ങാ​ൻ മ​ടി​ക്കു​ന്നു എ​ന്നും പ​രി​ത​പി​ക്കു​ന്ന​വ​ർ​ക്ക്​ മ​റു​പ​ടി​യാ​ണ്​ കു​മാ​ര​മം​ഗ​ലം പെ​രു​മ്പി​ള്ളി​ച്ചി​റ കൊ​ച്ചു​പു​ര​ക്ക​ൽ കെ.​എ​സ്. അ​ജി​ത്ത്​ എ​ന്ന 29കാ​ര​ന്‍റെ പ​ച്ച​ക്ക​റി​ത്തോ​ട്ടം. മൂ​ന്ന​ര​യേ​ക്ക​റി​ൽ പൂ​ർ​ണ​മാ​യും വ​ള്ളി​പ്പ​യ​ർ മാ​ത്രം​ കൃ​ഷി ചെ​യ്താ​ണ്​ അ​ജി​ത്ത്​ എ​ന്ന യു​വ​ർ​ഷ​ക​ൻ മ​ണ്ണി​ൽ വി​സ്മ​യം തീ​ർ​ത്തി​രി​ക്കു​ന്ന​ത്​. പ​യ​ർ മാ​ത്ര​മാ​യി ഇ​ത്ര​യേ​റെ സ്ഥ​ല​ത്ത്​ കൃ​ഷി​ചെ​യ്തി​രി​ക്കു​ന്ന മ​റ്റൊ​രു തോ​ട്ടം ജി​ല്ല​യി​ൽ​ത​ന്നെ വേ​റെ​യി​ല്ല.

കൃ​ഷി​യോ​ട്​ എ​ന്നും താ​ൽ​പ​ര്യ​മാ​യി​രു​ന്നു അ​ജി​ത്തി​ന്. പ​ത്താം ​ക്ലാ​സി​ൽ പ​ഠി​ച്ചു​തു​ട​ങ്ങു​മ്പോ​ൾ ത​ന്നെ ചെ​റി​യ തോ​തി​ൽ കൃ​ഷി​യു​ണ്ടാ​യി​രു​ന്നു. പി​ന്നീ​ടാ​ണ്​ വാ​ണി​ജ്യാ​ടി​സ്ഥാ​ന​ത്തി​ൽ കൂ​ടു​ത​ൽ വി​പു​ലീ​ക​രി​ച്ച​ത്. ഇ​പ്പോ​ൾ വീ​ടി​നോ​ട്​ ചേ​ർ​ന്ന മൂ​ന്ന​ര​യേ​ക്ക​ർ വ​രു​ന്ന വ​ള്ളി​പ്പ​യ​ർ തോ​ട്ട​ത്തി​ന്‍റെ പ​രി​പാ​ല​ന​ത്തി​നും വി​ള​വെ​ടു​പ്പി​നും വി​പ​ണ​ന​ത്തി​നു​മാ​യി മാ​റ്റി​വെ​ച്ചി​രി​ക്കു​ക​യാ​ണ്​ അ​ജി​ത്ത്​ ത​ന്‍റെ സ​മ​യം മു​ഴു​വ​ൻ. ക​ഴി​ഞ്ഞ​വ​ർ​ഷം വാ​ഴ​കൃ​ഷി​യാ​ണ്​ പ​രീ​ക്ഷി​ച്ച​ത്.

മൂ​വാ​യി​ര​ത്തി​അ​ഞ്ഞൂ​റോ​ളം വാ​ഴ കൃ​ഷി ചെ​യ്തി​രു​ന്നു. കാ​യ​ വി​ല കു​റ​ഞ്ഞ​തോ​ടെ​യാ​ണ്​ ഇ​ത്ത​വ​ണ പ​യ​ർ കൃ​ഷി​യി​ലേ​ക്ക്​ തി​രി​ഞ്ഞ​ത്. മൈ​സൂ​രി​ൽ​നി​ന്ന്​ മി​ക​ച്ച ഉ​ൽ​പ്പാ​ദ​ന​ശേ​ഷി​യു​ള്ള തൈ​ക​ൾ എ​ത്തി​ച്ചാ​യി​രു​ന്നു കൃ​ഷി. ഒ​രേ​ക്ക​റി​ൽ നി​ന്ന്​ മൂ​ന്നൂ​റ്​ കി​ലോ വ​രെ പ​യ​ർ ല​ഭി​ക്കു​മെ​ന്ന്​ അ​ജി​ത്ത്​ പ​റ​യു​ന്നു. വ​ർ​ഷ​ത്തി​ൽ മൂ​ന്ന്​ ത​വ​ണ വ​രെ വി​ള​വെ​ടു​ക്കാം. നി​യ​ന്ത്രി​ത രീ​തി​യി​ൽ രാ​സ​വ​ള​വും ജൈ​വ വ​ള​വും ഉ​പ​യോ​ഗി​ച്ചാ​ണ്​ കൃ​ഷി. പ​യ​ർ പാ​ക​മാ​കു​ന്ന ഘ​ട്ട​ത്തി​ൽ രാ​സ​വ​ള​ങ്ങ​ൾ ഉ​പ​യോ​ഗി​ക്കാ​റി​ല്ല. തി​രി​ന​ന​യും കൃ​ത്യ​താ കൃ​ഷി​യും പോ​ലെ കൂ​ടു​ത​ൽ ശാ​സ്ത്രീ​യ​മാ​യ രീ​തി​ക​ൾ അ​വ​ലം​ബി​ച്ച്​ ഉ​ൽ​പ്പാ​ദ​നം വ​ർ​ധി​പ്പി​ക്കാ​നു​ള്ള മാ​ർ​ഗ​ങ്ങ​ളും ആ​ലോ​ചി​ക്കു​ന്നു​ണ്ട്.

വി​പ​ണി​യു​ടെ​യും വി​ല​യു​ടെ​യും സാ​ധ്യ​ത​ക​ൾ മു​ൻ​കൂ​ട്ടി വി​ല​യി​രു​ത്തി​യാ​ണ്​ ഓ​രോ വ​ർ​ഷ​വും അ​ജി​ത്ത്​ കൃ​ഷി​യി​ലേ​ക്കി​റ​ങ്ങു​ന്ന​ത്. ദൈ​നം​ദി​നം ഉ​പ​യോ​ഗി​ക്കു​ന്ന പ​ച്ച​ക്ക​റി​ക​ളി​ൽ പ​യ​റി​ന്​ ആ​വ​ശ്യ​ക്കാ​ർ ഏ​റെ​യാ​ണെ​ന്ന്​ മ​ന​സ്സി​ലാ​ക്കി​യാ​ണ്​ ഇ​തി​ലേ​ക്ക്​ ശ്ര​ദ്ധ കേ​ന്ദ്രീ​ക​രി​ച്ച​ത്. നി​ല​വി​ൽ തൊ​ടു​പു​ഴ ന​ഗ​ര​ത്തി​ലും പ്രാ​ന്ത​പ്ര​ദേ​ശ​ങ്ങ​ളി​ലു​മു​ള്ള പ​ച്ച​ക്ക​റി വി​ൽ​പ്പ​ന കേ​ന്ദ്ര​ങ്ങ​ളി​ൽ അ​ജി​ത്ത്​ ഉ​ൽ​പ്പാ​ദി​പ്പി​ക്കു​ന്ന വ​ള്ളി​പ്പ​യ​ർ എ​ത്തു​ന്നു​ണ്ട്. അ​ടു​ത്ത ഘ​ട്ട​ത്തി​ൽ വി​പ​ണ​നം എ​റ​ണാ​കു​ളം ജി​ല്ല​യി​ലേ​ക്ക്​ കൂ​ടി വ്യാ​പി​പ്പി​ക്കു​ക​യാ​ണ്​ ല​ക്ഷ്യം.

പ​യ​ർ കൃ​ഷി​ക്ക്​ പു​റ​മെ പ്ര​തി​ദി​നം നൂ​റ്​ ലി​റ്റ​റി​ല​ധി​കം പാ​ൽ ഉ​ൽ​പ്പാ​ദി​പ്പി​ക്കു​ന്ന ഡ​യ​റി ഫാ​മു​മു​ണ്ട്​. കൃ​ഷി​യോ​ടൊ​പ്പം സ​ർ​ക്കാ​ർ ജോ​ലി​ക്കു​ള്ള ശ്ര​മ​ങ്ങ​ളും അ​ജി​ത്ത്​ ന​ട​ത്തി​വ​രു​ന്നു. ജോ​ലി​യും കൃ​ഷി​യും ഒ​രു​മി​ച്ച്​ കൊ​ണ്ടു​പോ​കാ​നാ​ണ്​ താ​ൽ​പ​ര്യം. കൃ​ഷി​യി​ൽ പി​ന്തു​ണ​യും പ്രോ​ത്സാ​ഹ​ന​വു​മാ​യി ഭാ​ര്യ അ​നൂ​ജ​യും ഒ​പ്പ​മു​ണ്ട്.