ന്യൂഡൽഹി: ദേശീയ ഓഹരി വിപണി (എൻ.എസ്.ഇ) മുൻ മേധാവി ചിത്ര രാമകൃഷ്ണയുടെ ജാമ്യാപേക്ഷ ഡൽഹി പ്രത്യേക കോടതി തള്ളി. കള്ളപ്പണം വെളുപ്പിക്കലുമായി ബന്ധപ്പെട്ട് സ്റ്റോക് എക്സ്ചേഞ്ച് ജീവനക്കാരുടെ ഫോൺ ചോർത്തിയ കേസിലാണ് ജാമ്യാപേക്ഷ തള്ളിയത്. ജൂലൈയിലാണ് ഫോൺ ചോർത്തൽ കേസിൽ ചിത്രയുടെ അറസ്റ്റ് രേഖപ്പെടുത്തുന്നത്.
നേരത്തെ എൻ.എസ്.ഇയിലെ അനധികൃത ഇടപാടുകളുടെ പേരിൽ അറസ്റ്റിലായി ജയിലിൽ കഴിയുകയായിരുന്നു ചിത്ര. അതിനിടെയാണ് ഫോൺ ചോർത്തിയ കേസിൽ ഇ.ഡി അറസ്റ്റ് രേഖപ്പെടുത്തുന്നത്. കേസിൽ അന്വേഷണം നടത്താൻ ഡൽഹി കോടതി അനുമതി നൽകിയതിനു പിന്നാലെയായിരുന്നു ഇ.ഡി നടപടി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.