കുവൈത്ത് സിറ്റി: മേഖലയിലെ പ്രമുഖ റീട്ടെയിലറായ ലുലു ഹൈപ്പർമാർക്കറ്റ് കുവൈത്തിലെ വിജയകരമായ പ്രവർത്തനങ്ങളുടെ വാർഷികം ആഘോഷിക്കുന്നു. വാർഷികാഘോഷഭാഗമായി ഈ മാസം 31 വരെ രാജ്യത്തെ എല്ലാ ഔട്ട്‌ലെറ്റുകളിലും ബോണാൻസ ഓഫറുകൾ പ്രഖ്യാപിച്ചു. 10 ഭാഗ്യശാലികൾക്ക് ഒരു വർഷത്തെ സൗജന്യ ഷോപ്പിങ് അവസരമാണ് ആഘോഷത്തിൽ പ്രധാനം. ഇവർക്ക് വർഷം മുഴുവനും ഷോപ്പിങ് നടത്താവുന്ന 1,500 ദീനാർ മൂല്യമുള്ള സൗജന്യ സമ്മാന വൗച്ചറുകൾ ലഭിക്കും.
100 ഉപഭോക്താക്കൾക്ക് 100 ദീനാർ വീതമുള്ള ഗിഫ്റ്റ് വൗച്ചറുകൾ നേടാനുള്ള അവസരം ഉൾപ്പെടെ, മറ്റ് അതിശയകരമായ ബോണാൻസ ഓഫറുകളും വൻ കിഴിവുകളും പ്രമോഷൻ കാലയളവിൽ പ്രഖ്യാപിച്ചിട്ടുണ്ട്. ഡിസംബർ 31 വരെയുള്ള ഓരോ അഞ്ച് ദീനാർ പർച്ചേസിനും നറുക്കെടുപ്പിൽ പങ്കെടുക്കാനുള്ള കൂപ്പൺ ലഭിക്കും. മൊത്തം 25,000 ദീനാർ മൂല്യമുള്ള സമ്മാനങ്ങൾ നേടാനുള്ള അവസരമാണ് ഉപഭോക്താക്കളെ കാത്തിരിക്കുന്നത്.
ഷോപ്പർമാർക്ക് എല്ലാ വിഭാഗങ്ങളിലും ഫ്ലാറ്റ് 50 ശതമാനം കിഴിവും ദിവസവും 21 സൂപ്പർ ഡീലുകൾ നേടാനുള്ള അവസരവും ഉണ്ട്. വസ്ത്രങ്ങൾ, പാദരക്ഷകൾ, സ്ത്രീകളുടെ ബാഗുകൾ എന്നീ വിഭാഗത്തിൽ 20 ദീനാർ വിലയുള്ള സാധനങ്ങൾ വാങ്ങുന്നവർക്ക് 20 ദീനാർ വിലയുള്ള ഇനങ്ങൾ സൗജന്യമായി ലഭിക്കും. വാർഷിക ആഘോഷ കാലയളവിൽ പ്രത്യേകം സംഘടിപ്പിക്കുന്ന ഉത്സവങ്ങളിൽ പ്രിയപ്പെട്ട ഉൽപന്നങ്ങൾ മികച്ച വിലയിൽ തിരഞ്ഞെടുക്കാനുള്ള സൗകര്യവും ഒരുക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.