2022-02-01 12:36 IST
വജ്രം, രത്നക്കല്ലുകൾ എന്നിവയുടെ കസ്റ്റംസ് ഡ്യൂട്ടി അഞ്ചുശതമാനം കുറച്ചു. ഇതോടെ വജ്രം,രത്നം, ആഭരണത്തിൽ ഉപയോഗിക്കുന്ന കല്ലുകൾ എന്നിവക്ക് വിലകുറയും.
ന്യൂഡൽഹി: കോവിഡ് മൂന്നാംതരംഗത്തിന്‍റെ പശ്ചാത്തലത്തിൽ കേന്ദ്രധനമന്ത്രി നിർമ്മല സീതാരാമൻ അവതരിപ്പിച്ച മോദി സർക്കാറിന്‍റെ രണ്ടാം ബജറ്റിൽ പ്രതിസന്ധി മറികടക്കാനുള്ള വൻ പ്രഖ്യാപനങ്ങൾ ഇടംപിടിച്ചില്ല. പി.എം ഗതിശക്തി പദ്ധതിയുടെ ഭാഗമായി അടിസ്ഥാന സൗകര്യവികസനമേഖലക്ക് ഊന്നൽ നൽകുന്ന ബജറ്റിൽ ഡിജിറ്റൽ സമ്പദ്വ്യവസ്ഥക്ക് വേണ്ടിയുള്ള നിർദേശങ്ങൾ ധനമന്ത്രി ഉൾപ്പെടുത്തിയിട്ടുണ്ട്. ഒരു രാജ്യം ഒരു രജിസ്ട്രേഷൻ പദ്ധതി വഴി ഭൂമി രജിസ്ട്രേഷൻ ഏകീകരിച്ചതും ഡിജിറ്റൽ കറൻസിയുടെ വരവുമാണ് ബജറ്റിലെ പ്രധാന പ്രഖ്യാപനം. കസ്റ്റംസ് ഡ്യൂട്ടി കുറച്ചത് മൊബൈൽ ഫോൺ, രത്നങ്ങൾ, ഇലക്ട്രോണിക് ഉപകരണങ്ങൾ എന്നിവയുടെ വില കുറയതിന് കാരണമാകും.
എന്നാൽ, ഇക്കുറിയും ആദായ നികുതി സ്ലാബുകളിൽ മാറ്റമില്ല. തെറ്റുതിരുത്തി നികുതി റിട്ടേൺ സമർപ്പിക്കാൻ രണ്ട് വർഷം അനുവദിച്ചതാണ് ഈ മേഖലയിലെ പ്രധാനമാറ്റം. റോഡ്, റെയിൽവേ, വിദ്യാഭ്യാസം, ടെലികോം തുടങ്ങിയ വിവിധ മേഖലകളിലെ അടിസ്ഥാന സൗകര്യ വികസനത്തിനുള്ള പദ്ധതികൾ ബജറ്റിൽ ഇടംപിടിച്ചിട്ടുണ്ട്.
അടിസ്ഥാന സൗകര്യവികസന മേഖലയിൽ കൂടുതൽ പണമിറക്കി ജനങ്ങൾക്ക് തൊഴിൽ ലഭ്യമാക്കാനുള്ള നീക്കം ഈ ബജറ്റിലും കാണാം. മൂലധനചെലവ് 35 ശതമാനം വർധിപ്പിച്ചതും കോവിഡ് പ്രതിസന്ധി മറികടക്കാനുള്ള നീക്കത്തിന്‍റെ ഭാഗമാണ്. സംസ്ഥാനങ്ങൾക്ക് ഒരു ലക്ഷം കോടി വായ്പ അനുവദിച്ചതും പ്രതിസന്ധി മറികടക്കുക എന്ന ലക്ഷ്യം മുൻനിർത്തി തന്നെയാണ്. അതേസമയം, വായ്പ പരിധി ഉയർത്താത്തത് സംസ്ഥാനങ്ങൾക്ക് തിരിച്ചടിയാവും.
5ജി, ഇ-പാസ്പോർട്ട് , പോസ്റ്റ് ഓഫീസുകളിലെ കോർ ബാങ്കിങ് സംവിധാനം എന്നിവയെല്ലാം ഇക്കുറിയും ബജറ്റിൽ ഉൾപ്പെടുന്നുണ്ട്. കോവിഡുകാലത്ത് പഠനം ഡിജിറ്റലിലേക്ക് മാറിയതോടെ ഇതിനെ സഹായിക്കാനായി കൂടുതൽ നിർദേശങ്ങൾ ബജറ്റിൽ ഉൾക്കൊള്ളിച്ചിട്ടുണ്ട്.
പ്രാദേശിക ഭാഷകളിൽ ഉൾപ്പെടെ പുതിയ ചാനലുകൾ വരുന്നത് ഡിജിറ്റൽ പഠനത്തിന്‍റെ വേഗം കൂട്ടുമെന്നാണ് പ്രതീക്ഷിക്കുന്നത്. ഇതിനൊപ്പം കാർഷികമേഖലയുടെ ആധുനികവൽക്കരണം ലക്ഷ്യമിട്ടുള്ള പ്രഖ്യാപനങ്ങളും ഇടപിടിച്ചിട്ടുണ്ട്.
വജ്രം, രത്നക്കല്ലുകൾ എന്നിവയുടെ കസ്റ്റംസ് ഡ്യൂട്ടി അഞ്ചുശതമാനം കുറച്ചു. ഇതോടെ വജ്രം,രത്നം, ആഭരണത്തിൽ ഉപയോഗിക്കുന്ന കല്ലുകൾ എന്നിവക്ക് വിലകുറയും.
പൂർണമായും ഐ.ടി അധിഷ്ടിത ജി.എസ്.ടി സംവിധാനമാണ് നിലവിൽ. ജനുവരി 2022ൽ ജി.എസ്.ടി വരുമാനം 1,40,986 ആയി ഉയർന്നു. ഇത് നികുതി ആരംഭിച്ചതിന് ശേഷമുള്ള ഏറ്റവും ഉയർന്ന നിരക്കാെണന്നും ധനമന്ത്രി പറഞ്ഞു.
പ്രതിരോധമേഖലയിൽ ഇറക്കുമതി പ്രോത്സാഹിപ്പിക്കും. മേയ്ക്ക് ഇൻ ഇന്ത്യ പദ്ധതിയെ പ്രോത്സാഹിപ്പിക്കുന്നതിനാണിത്. പ്രതി
രോധ ഗവേഷണ രംഗത്ത് സ്വകാര്യ സ്ഥാപനങ്ങളെയും ഉൾപ്പെടുത്തും.
ഡിജിറ്റൽ സ്വത്തുക്കളുടെ കൈമാറ്റത്തിൽനിന്ന് ലഭിക്കുന്ന ആദായത്തിന് 30 ശതമാനം നികുതി. ഡിജിറ്റൽ അസറ്റ് ഗിഫ്റ്റുകൾക്കും നികുതി ഏർപ്പെടുത്തും.
ഭിന്നശേഷിക്കാർക്ക് നികുതിയിളവ്. ഭിന്നശേഷിക്കാർക്കും അവരുടെ രക്ഷകർത്താക്കൾക്കും നികുതി ഇളവ് നൽകും. സ്റ്റാർട്ട് അപ്പുകൾക്ക് ആദായ നികുതി അടക്കാനുള്ള കാലാവധി നീട്ടിനൽകി
പുതിയ പുതുക്കിയ നികുതി റിട്ടേണുകൾ. ആദായനികുതി വകുപ്പ് പുതിയ മാർഗരേഖ തയാറാക്കി. നികുതി ദായകരുടെ തെറ്റുകൾ തിരുത്തി രണ്ടുവർഷത്തിനുള്ളിൽ പുതിയ റിട്ടേണുകൾ സമർപ്പിക്കാൻ അവസരം നൽകും.
രാജ്യത്ത് ഡിജിറ്റൽ കറൻസികൾ അവതരിപ്പിക്കും. 2022-23 സാമ്പത്തിക വർഷത്തിൽ കേന്ദ്രബാങ്ക് ഡിജിറ്റൽ കറൻസികൾ അവതരിപ്പിക്കും. ഇതിനായി ബ്ലോക്ക് ചെയിൻ സാങ്കേതിക വിദ്യ ഉപയോഗപ്പെടുത്തും.
2022-23ൽ കേന്ദ്രസർക്കാറിന്റെ മൂലധന ചിലവ് 10.68 കോടി രൂപ പ്രതീക്ഷിക്കുന്നു. ജി.ഡി.പിയുടെ 4.1 ശതമാനം വരുത്. കേന്ദ്രസർക്കാറിന്റെ ചെലവുകളിൽ 30 ശതമാനം വർധനയാകും ഇത്.
SEZ (പ്രത്യേക സാമ്പത്തിക മേഖലകൾ) നിയമത്തിന് പകരം പുതിയ നിയമനിർമാണം. നിലവിലുള്ള വ്യാവസായിക കേന്ദ്രങ്ങളെ ഉൾക്കൊള്ളുകയും കയറ്റുമതി വർധിപ്പിക്കുകയും ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.