കേന്ദ്ര ബജറ്റ്​ ലക്ഷ്യമിടുന്നത്​ ഇന്ത്യൻ മധ്യവർഗത്തെ

 

ന്യൂഡൽഹി: ഫെബ്രുവരി ഒന്നിന്​ കേന്ദ്ര ധ​നമന്ത്രി അരുൺ ജെയ്റ്റലി അവതരിപ്പിക്കുന്ന ബജറ്റ്​ മുഖ്യമായും ലക്ഷ്യം വെക്കുന്നത്​ ഇന്ത്യൻ മധ്യവർഗത്തെയെന്ന്​ സൂചന. നികുതിയിലുൾപ്പടെ​ ഇളവുകൾ  ബജറ്റിൽ പ്രതീക്ഷിക്കാം. നോട്ട്​ പിൻവലിക്കലി​െൻറ പശ്​ചാത്തലത്തിൽ ബാങ്കുകളിൽ എത്തിയ നിക്ഷേപത്തെയും ഉപയോഗപ്പെടുത്താനുള്ള തീരുമാനങ്ങളും ബജറ്റിലുണ്ടാവും.

ആദായ നികുതി പരിധി ഉയർത്തും
നിലവിൽ ആദായ നികുതി നൽകാനുള്ള കുറഞ്ഞ വരുമാനം 2.5 ലക്ഷം രൂപയാണ്​. ഇത്​ ഉയർത്താനാണ്​ സാധ്യത. ഇത്​ ഗുണകരമാവുക മധ്യവർഗത്തിനാണ്​.

നികുതി സ്ലാബുകളിൽ മാറ്റം വരുത്തും

2.5 ലക്ഷം രൂപ മുതൽ 5 ലക്ഷം രൂപവരെ വരുമാനമുള്ളവർ 10 ശതമാനമാണ് നിലവിൽ ആദായ​ നികുതിയായി നൽകേണ്ടത്​. 5 മുതൽ 10 ലക്ഷം രൂപ​വരെ വരുമാനമുള്ളവർ 20 ശതമാനവും 10 ലക്ഷത്തിന്​ മുകളിൽ 30 ശതമാനവും നികുതി നൽകണം. ഇത്​ മാറ്റി ആദ്യത്തെ രണ്ട്​ സ്ലാബും എകീകരിച്ച്​ കുറഞ്ഞ നികുതി ഇൗ സ്ലാബിന്​ ചുമത്തും.

സർക്കാർ ജീവനക്കാർക്കുള്ള ഇളവുകൾ വർധിപ്പിക്കും

മാസശമ്പളം വാങ്ങുന്ന സർക്കാർ ജീവനക്കാർക്കുള്ള നികുതി നൽകുന്നതിനായുള്ള ഇളവുകൾ വർധിപ്പിക്കും. മക്കളുടെ പഠനം, ചികിൽസ, വീടുവാടക എന്നിവയിലെല്ലാം സർക്കാർ ജീവനക്കാർക്ക്​ നികുതി ഇളവ്​ ലഭിക്കും. ഇതി​ലും ഗുണകരമായ മാറ്റങ്ങൾ ഉണ്ടാവുമെന്നാണ്​ സൂചന

മുതിർന്ന പൗരൻമാർക്ക്​ ആദായ നികുതി പരിധി ഉയർത്തും

നിലവിൽ മുതിർന്ന പൗരൻമാർക്ക്​  3,00000 ലക്ഷം വരെയുള്ള വരുമാനത്തിന്​ നികുതി നൽകേണ്ടയിരുന്നില്ല. 80 വയസിന്​ മുകളിലുള്ളവർക്ക്​ 5,00000 ലക്ഷം വരെയുള്ള തുകക്കും നികുതി ഇളവ്​ ലഭിക്കും. ഇൗ പരിധി യഥാക്രമം 4​ ലക്ഷവും 6.5 ലക്ഷവുമായി ഉയർത്തും.

ഇൻഫ്രാസ്​ട്രക്​ചർ ബോണ്ടുകളിൽ നിന്നുള്ള കിഴിവ്​ ഉയർത്തും

ഇൻഫ്രാസ്​ട്രക്​ചർ ബോണ്ടുകളിൽ നിക്ഷേപിച്ചവർക്ക്​ ആദായ നികുതിയിൽ 20000 രൂപവരെ ഇളവ്​ ലഭിക്കും. ഇത്​ ഉയർത്താനാണ്​ സാധ്യത. രാജ്യത്തി​െൻറ വികസനത്തിന്​ അടിസ്​ഥാന സൗകര്യ മേഖലയുടെ വികസനം അത്യാവശ്യമാണെന്ന ലോകബാങ്ക്​ റിപ്പോർട്ട്​ കൂടി ഇതിനൊപ്പം പരിഗണിക്കു​േമ്പാൾ ഇൗ തീരുമാനത്തിന്​ സാധ്യത​യേറെയാണ്​.

ഭവന വായ്പ​കളിലുള്ള ഇളവ്​

ഭവന വായ്​പകളിൽ നിലവിൽ കേന്ദ്ര സർക്കാർ ആദായ നികുതിയിൽ ഇളവ്​ നൽകുന്നുണ്ട്​. ഇൗ ഇളവ്​ വർധിപ്പിക്കും. ഭവന വായ്​പ പലിശയിലെ ഇളവും ആദായ നികുതി ഇളവും കൂടിയാകു​േമ്പാൾ കൂടുതലാളുകൾക്ക്​ ​ ഭവനവായ്​പകൾ എടുക്കാൻ പ്രചോദനമാകും. നോട്ടു പിൻവലിക്കലി​െൻറ പശ്​ചാത്തലത്തിൽ വൻ തോതിൽ ബാങ്കിലെത്തിയ നിക്ഷേപങ്ങൾ ഉപയോഗപ്പെടുത്തുന്നതിനും ഇൗ തീരുമാനം സഹായകമാവും.